Оқсиллар ва пептидларнинг учламчи ва тўртламчи тузилиши - Физика - Рефераты

Оқсиллар ва пептидларнинг учламчи ва тўртламчи тузилиши

Загружено в:

20.09.2019

Скачано:

0

Размер:

87 KB

Оқсиллар ва пептидларнинг учламчи ва тўртламчи тузилиши Режа 1. Оқсиллар ва пептидларнинг учламчи тузилиши. 2. Оқсиллар ва пептидларнинг тўртламчи тузилиши. 3. Фибрилляр ва глобуляр оқсиллар.

Оқсилларнинг учламчи структураси. Иккиламчи структуранинг у ёки бу элементи мавжуд бўлган полипептид занжири фазода маълум бир кўринишга эга бўлиши мумкин. Бунда аминокислота қолдиқларининг полипептид занжирларини букилган жойларидаги ён радикаллари ўзаро таъсирлашиб ихчам структура ҳосил қилади. Оқсиллар ва пептидларнинг бундай тузилишига учламчи структура дейилади. Кўпчилик оқсилларнинг учламчи структураси билан фазовий структураси эквивалент бўлади. Учламчи структуранинг барқарорлашувида водород боғлар катта аҳамиятга эга. Водород боғлар ҳаракатчан водород атоми ва гетероатом орасида, ҳамда аксарият холда водород атоми ва кислород атоми ўртасида ҳосил бўлади. Оқсилларнинг фазовий тузилишида пептид асосининг CO ва NH гуруҳлари ўртасидаги водород боғлар катта аҳамиятга эга. Қутбсиз муҳитда CO--NH водород боғининг энергияси 16,7 кЖни ташкил қилади. Муҳитнинг қутблилиги ортиши билан бу энергия камаяди. Бундан ташқари ён занжирдаги функционал гуруҳлар ҳисобига ҳам водород боғлар ҳосил бўлиши мумкин. Оқсиллар ва пептидларнинг учламчи тузилиши турли атомлар орасидаги валент бўлмаган ўзаро таъсир билан ҳам белгиланади. Буларга ван-дер-ваальс, электростатик ёки ион, ион-диполь, диполь-диполь, гидрофоб, водород боғлар ва ўзаро торсион таъсирлар киради. Гидрофоб ўзаро таъсирни табиати бироз мураккаброқ. Сувли эритмаларда қутбсиз ўринбосарлар сув молекулалари томонидан

сиқиб чиқарилади. Натижада бундай ўринбосарлар минимум энергияга эга бўлган кластерлар кўринишида йигилади. Ван-дер-ваальс ўзаро таъсир атомларнинг дисперсион тортишиш кучлари ва уларнинг электрон қобиқларини ўзаро итарилиш кучларидан келиб чиқади. Ҳар бир таъсирлашув 0,42 кЖҒмоль энергияга эга. Шудай бўлишига қарамасдан ван-дер- ваальс ўзаро таъсирлашувнинг сони кўп бўлганлиги учун оқсил ва пептиднинг фазовий структурасини ташкил қилишда муҳим ўрин тутади. Ион ёки электростатик ўзаро таъсир аминокислота қолдиқларидаги ионоген функционал гуруҳлар ҳисобига вужудга келади. Бундай гуруҳларга аввало қўшимча карбоксил ва аминогуруҳлар киради. Ион боғларнинг энергияси 42 кЖ-молга етади. Ион боғлар молекула ичида ёки молекулалараро бўлиши мумкин. Лекин ион боғларнинг миқдори оқсилда нисбатан кам бўлади. Ион боғлар бир-бирига тортилувчи гуруҳлар, масалан туз ҳосил қилувчи гуруҳлар орасида ҳосил бўлади. Ион-диполь ва диполь-диполь электростатик ўзаро таъсирлашув ҳам айни табиатга эга. Ўзаро торсион таъсир бирламчи боғнинг айланиши билан боғлиқ. Бирор гуруҳнинг бирламчи боғ атрофида бурилиши ушбу боғнинг электрон структурасини ўзгартириши ва қарши таъсир келтириб чиқариши мумкин. Торсион кучлар нисбатан кучсиздир, лекин оқсиллар ва пептидларнинг тузилишини тахлил қилганда уларни ҳисобга олиш зарур.

Учламчи структурани белгиловчи омиллардар яна бири дисульфид боғлар ҳисобланади. Бундай боғлар битта полипептид занжири ичида ёки бошқа-бошқа занжир орасида ҳосил бўлади. Дисульфид боғлар вазопрессин, окситоцин, инсулин, лизоцим, кератин каби кўплаб пептидлар ва оқсилларда учрайди. Оқсилларни учламчи структурасини аниқлашнинг энг асосий методи рентгеноструктура анализи (РСА) ҳисобланади. Бунинг учун оқсилнинг монокристаллини олиш зарур. Монокристалл олиш жуда мураккаб иш бўлганлиги учун анализ бошқа усуллар билан ўтказилиши мумкин. РСА ёрдамида оқсилларнинг структурасини юқори аниқликда ўрганиш мумкин. Хозирга келиб 200 дан ортиқ оқсилнинг структураси мана шу усул билан аниқланган. Оқсиллар реал шароитда бошқа конформацияда бўлса уларнинг структурасини кристалл ҳолатда ўрганишнинг қандай аҳамияти бор? Оқсиллар кристалл ҳолатда ҳам 60 % гача сув тутади. Аксарият ҳолатларда оқсил молекуласи крситалланган шаклда энг афзал конформацияда бўлиши аниқланган. Чунки кристалл панжарадаги молекулараро таъсир кристалл структурасига унчалик таъсир кўрсатмайди. Бундан ташқари кўплаб кристалл ҳолатдаги оқсилларнинг биологик хоссасини сақлаб қолиши тажриба йўли билан аниқланган. Органик моддаларнинг тузилишини ўрганишда қўлланиладиган яна қандай физик усулларни биласиз ? Мисоллар келтиринг. Мембрана оқсиллари гидрофоб табиатга эга бўлганлиги учун уларни индивидуал ҳолатда ажратиб олиш ва кристаллга тушириш

жуда қийин. Мембрана оқсилларини фазовий структурасини ўрганиш учун икки ўлчамли кристалларни электрон микроскоп ёрдамида анализ қилиш методи таклиф қилинган (Р.Хендерсон). икки ўлчамли кристалл-бу оқсил молекулалари қўшилган липид мембрананинг юпқа пардаси (плёнка) бўлиб, унинг таркибидаги молекулалар тартибланган характерга эга. Бундай пардалар махсус усуллар билан ҳосил қилинади. Оқсилнинг уч ўлчамли тасвирини олиш учун намуна электрон оқими йўналишига нисбатан ҳар хил бурчакларда анализ қилинади. Полипептид занжирининг маълум конформацияга эга бўлмаган ҳар қандай шакли тартибсиз структура дейилади. Оқсил денатурациясида мураккаб жараён юз беради: унинг ўзига хос структураси бузилади ва конформцион нуқтаи назардан тўла бетартиблик (хаос) вужудга келади. Денатурация оқсил молекуласининг табиий конформациясини ўзгариши бўлиб, ташқи муҳитни ўзгариши натижасида келиб чиқади ва оқсилнинг физик- кимёвий хоссаларини ўзгаришига, ҳамда биологик фаоллигининг тўла йўқолишига сабаб бўлади. Баъзи оқсиллар 50-60 о Сда, термостабил оқсиллар эса 100 о Сда денатурацияга учрайди. Оқсилнинг 50 %и денатурацияга учрайдиган температура ўтиш температураси дейилади. Оқсиллар рНнинг ўзгариши натижасида ҳам денатурацияга учрайди. Айрим оқсиллар кислотали муҳитда барқарор бўлса (пепсин), айримлари ишқорий муҳитда барқарор бўлади (ишқорий протеиназа). Кўпинча оқсилларни денатурациялаш учун 8М мочевина ёки 6М гуанидин гидрохлориддан фойдаланилади.

Баъзи оқсилларни сирт фаол моддалар-детергентлар ёрдамида денатурациялаш мумкин. Анион детергентлар кўпроқ натрий додецил сульфат ишлатилади. Катион детергентлардан асосан алкиламмоний бромидлар ёки хлоридлар ишлатилади. Анион детергентлар оқсилларни P i дан паст рНда, катион детергентлар эса рН>7да денатурациялайди. Шунингдек, оқсилларни денатурациялаш учун ноион детергентлар ҳам ишлатилади.  - меркаптоэтанол ёки дитиотреитол каби дисульфид боғини қайтарувчи реагентлар денатурацияни осонлаштиради. HS-CH 2 -CH 2 -OH HS-CH 2 –CH(OH)-CH(OH) -CH 2 -SH (HOOCCH 2 ) 2 N-CH 2 -CH 2 -N(CH 2 OOH) 2 Баъзан денатурацияга хелатловчи реагентлар , масалан , этилендиаминтетрасирка кислотаси ( агар оқсилда металл иони мавжуд бўлса ) ҳам сабаб бўлади . Аксинча , кофакторлар , субстратларни қўшилиши оқсилларнинг денатурацияга барқарорлигини оширади . Мембрана оқсилларига липидлар қўшилса оқсилларнинг денатурацияга барқарорлиги ортади . Мембрана ҳужайрада қандай вазифаларни бажаради ва у қандай моддалардан ташкил топган ? Денатурацияга тескари жараён ренатурация дейилади. Биринчи марта ренатурация рибонуклеаза ферментида кузатилган (К.Анфинсен, 1961). Агар рибонуклеаза  -меркаптоэтанол ёрдамида 8М мочевина эритмасида қайтарилса, сўнг назорат қилинадиган шароитда

оксидланса молекула ўзиниг дастлабки конформациясини ва ферментатив фаоллигини тўла тиклайди. Демак, оқсилнинг ўз- ўзини «қайта тиклаши» унинг бирламчи структурасига боғлиқ. Оқсилларнинг тўртламчи структураси. Бир неча алоҳида полипептид занжирлари уч ўлчамли комплекслар, ёки агрегатлар деб аталувчи янада мураккаб тузилмаларга бирикиши мумкин. Бунда ҳар бир полипептид ўзининг бирламчи, иккиламчи ва учламчи структурасини сақлаб қолган ҳолда яхлит бирикманинг таркибий қисмига айланади. Оқсилларнинг бундай тузилишига тўртламчи структура дейилади. Оқсил мана шундай кўринишдагина биологик фаолликка эга бўлади. Тўртламчи структура водород боғлар ва гидрофоб таъсирлар ҳисобига мустаҳкамланади. Тўртламчи структура ибораси 1958 йилда Ж.Бернал томонидан фанга киритилган. 1965 йилда К.Моно мураккаб оқсилнинг энг кичик суббирлиги учун протомер терминини таклиф қилган. Масалан, 6та бир хил суббирликдан (  6 ) иборат оқсилнинг протомери  -мономер ҳисобланади. Икки хил суббирликдан иборат бўлса протомер  бўлади. Оқсилнинг тўртламчи структурасини аниқлашнинг биринчи босқичида унинг суббирликлар тартиби аниқланади. Бунинг учун оқсил алоҳида суббирликларга диссоцияланади. Баъзан муҳитнинг ўзгариши, оқсилни кимёвий модификацияси, эритувчиларнинг қўшилиши ҳам диссоциацияга сабаб бўлади. Оқсилнинг суббирликлар таркибини оқсилнинг умумий молекуляр массаси

билан суббирликларнинг молекуляр массалари билан таққослаб ҳам аниқлаш мумкин. Оқсилларнинг тўртламчи структурасини шаклланиши термодинамиканинг қонуниятларига тўла бўйсунади. Оқсилнинг диссоциясига ижобий таъсир қилувчи кучлар шундай компенсацияланган бўлиши керакки, ассоцияланишга мойил қисмларда жойлашган фаол гуруҳлар тўплами ташқарига йўналиб қолмаслиги зарур. Тўртламчи структурадаги суббирликларнинг комплементар қисмлари ўзаро ван-дер-ваальс кучлари, водород ва ион боғлар орқали таъсирлашади. Учта ва ундан ортиқ суббирликлардан тўртламчи структурани шаклланиши кичик ўлчамли оралиқ агрегатлар ҳосил бўлиши билан боради. Оқсилларнинг тўртламчи структураси бир қатор физик- кимёвий усуллар ёрдамида ўрганилади. Бу усуллар ичида энг самаралиси рентгеноструктура анализи усули ҳисобланади. Дастлабки аниқланган тўртламчи структура гемоглобиннинг фазовий структураси бўлиб, 1937 йилдан бошлаб 25 йил давомида ўрганилган (Кендрю). Гемоглобин  2  2 суббирлик таркибига эга. Асосан  ва  суббирликлар орасида туташув (контакт) ҳосил бўлади.  -  ва  -  туташув ҳосил бўлиш эҳтимоли нисбатан камроқ.  -суббирликлар 141 тадан,  -суббирликлар эса 146 тадан аминокислота қолдиғи тутади. Туташувларнинг асосий қисми гидрофоб боғлар ҳиссасига, қолган қисми водород ва ион боғлар ҳиссасига тўғри келади.

Тўртламчи структурани ўрганишда электрон микроскопия усулидан ҳам кенг фойдаланилади. Бу усул айниқса кўп суббирликлардан ташкил топган оқсилларни фазовий тузилишини ўрганиш учун қулай ҳисобланади. Электрон микроскопия усулининг асосий чекланиши-бу оқсилларнинг электронлар оқимига нисбатан «шаффоф»лиги ва тажриба шароитида беқарорлигидир. Лекин махсус шароитларда оқсилларнинг структурасини 1 нм аниқликда анализ қилиш мумкин. Масалан шу усул билан E . с oli даги глутаминсинтетаза ферментини тўртламчи структураси аниқланган. Бу оқсил молекуляр массаси 50000 дан бўлган 12 та (  12 ) бир хил суббирликдан бўлиб, Glu , NH 4 Қ , ATP дан глутамин синтез қилинишин таъминлайди. Унинг фазовий тузилиши устма-уст жойлашган иккита олтибурчак шаклига эга. Рентгеноструктура анализи ва электрон микроскопия усулларини биргаликда қўллаш натижасида янада мураккаброқ фермент-аспартаттранскарбамоилазанинг ( E . coli ) рмент пиримидин нуклеотидларининг биосинтезида иштирок этади. Унинг таркибига 6та катализловчи (С) ва 6та регулятор ( R ) суббирликлар киради. C -ларнинг молекуляр массаси 33500, R - ларнинг молекуляр массаси 17000га тенг. С-суббирликлар устма- уст жойлашган тримерлар ҳосил қилади. R -суббирликлар эса молекуланинг атрофида жойлашиб бир-бири билан ва ўзаро туташган. Оқсилларнинг тўртламчи структурасини аниқлаш учун кимёвий модификациядан ҳам кенг фойдаланилади. Модификацияловчи реагент сифатида функционал гуруҳлари бир-

биридан узоқроқ жойлашган бифункционал бирикмалар, масалан, глутар альдегидидан, дигалогенидлардан фойдаланиш мумкин. Мисол учун, юқоридаги усул билан ДНКга боғлиқ РНКполимераза ферментининг тўртламчи структураси аниқланган. Бу фермент молкуляр массаси 36500 бўлган иккита  , молекуляр массаси 150000 бўлган  1 , 155000 бўлган  ! Ва 70000 бўлган  - суббирликлардан иборат. Тўртламчи структурали оқсилларнинг ўзига хос хусусиятларидан бири уларни ўз-ўзини йиғиши (самосборка)дир. Масалан,  ва  -суббирликлардан гемоглобин молекуласи осон йиғилади. Шундай қилиб, полипептид занжирининг аминокислота тартиби алоҳида полипептид занжирларининг уч ўлчамли структурасини, ҳамда бутун молекуланинг тўртламчи структурасини белгилайди. Йирик устмолекуляр комплекслар ўз- ўзини шакллантира оладиган системалар ҳисобланади. Масалан ёғ кислоталарининг синтетаза ферментлари (хамиртурушдан олинган) системаси 7та ҳар хил ферментдан иборат. Ҳар бир фермент эса 3тадан суббирликдан ташкил топган. Системага кирувчи алоҳида ферментлар фермент фаоллигига эга эмас. Тўртламчи структура гемоглобин каби айрим мураккаб оқсилларгагина хосдир. Гемоглобин молекуласи тўртта полипептид занжиридан иборат бўлиб улардан 2 таси (  1 ва  2 ) 141 тадан, 2 таси (  1 ва  2 ) 146 тадан аминокислота қолдиғи тутади. Ҳар бир полипептиддаги «чуқурча»(чўнтак)ларда гем жойлашади. Чуқурчанинг ички гидрофоб қисмига гемнинг винил гуруҳлари

жойлашади. Гемнинг пиррол халқалари ва аминокислоталарнинг гидрофил радикаллари чуқурчанинг сиртини ташкил қилади. Гемдаги темир иони октаэдрик шаклга эга, яъни унинг координацион сони 6 га тенг. Fe 2Қ иони ясси порфин квадратининг марказида жойлашган ва пиррол халқаларидаги тўртта азот атомлари билан бириккан.  -занжирдаги His-87 қолдиғи бешинчи лиганд ҳисобланади. Олтинчи координацион жойни кислород бўлмаганда сув молекуласи эгаллайди. Ўпкага кислород тушганда сув ўрнини кислород молекуласи олади ва оксигемоглобин ҳосил бўлади. Бунда Fe 2Қ Fe 3Қ гача оксидланмайди, чунки кислород гем чуқурчасида гидрофоб гуруҳлар қуршовида бўлади. Кислороддан ташқари бошқа лигандлар ҳам сувнинг ўрнини олиши мумкин. Жумладан, карбонат ангидрид, ис гази гемоглобин билан кислородга нисбатан кучлироқ боғлана олади. Адабиётлар 1. Ю.А.Овчинников. Биоорганическая химия. М. Просвещение. 1987. 817.

2. Н.А.Тюкавкина, Ю.А.Бауков. Биоорганическая химия. М. Медицина. 1991. 3. Основы Биохимии. Под ред. Профессора А.А.Анисимова. М. ВШ. 1986. 551. 4. Ё.Тўрақулов. Биохимия. Т. Ўзбекистон. 1995. 5. А.Г.Махсумов, И.Примуҳамедов. Органик химия. Т. Медицина. 1990. 6. А.Г.Махсумов, И.Примуҳамедов. Биоорганик химия. Т. Медицина. 1994. 7. www.ziyonet.uz

Похожие

Оқсилларнинг иккиламчи структураси

Оқсиллар

Молекуляр биофизика

Оқсилларнинг бирламчи тузилиши

Фрезалаш станокларини тузилиши ва турлари