Молекуляр биофизика - Физика - Рефераты

Молекуляр биофизика

Загружено в:

20.09.2019

Скачано:

0

Размер:

55 KB

Молекуляр биофизика Режа: 1. Макромолекулалар биофизикаси 2. Биополимерларнинг тузилиши ва функцияси 3. Макромолекулаларда ўзаро таъсирлашувчи кучлар

Макромолекулалар биофизикаси Молекуляр биофизика биополимерларнинг структуравий тузилишини, физик-кимёвий хоссаларини ва уларнинг ҳужайра фаолиятидаги ўрнини ўрганади. Молекуляр биофизиканинг асосий объекти биополимерлар бўлиб, улар оқсиллар, углеводлар, нуклеин кислоталар ва бошқа биологик фаол моддалардан иборат. Биополимерларнинг тузилиши ва функцияси. Биополимерлар юқори даражада тузилган биомолекула бўлиб, улар занжир шаклида бириккан мономерлардан тузилган. Биополимер молекуласи структурасига кўра занжир шаклидаги тузилиш чизиқли (оқсиллар, нуклеин кислоталар, целлюлоза) ёки фазовий тўр (баъзи оқсиллар, масалан инсулин) шаклида бўлиши мумкин. Гликоген, аминопектин каби биополимерлар тармоқланган занжир шаклида тузилишга эга. Таркибиги кўра биополимерлар гомо- ва гетерополимерлар бўлиши мумкин. Занжир бир хил мономер молекуладан иборат бўлса гомобиополимер (масалан углеводлар), турли хил мономер молекулалардан тузилган бўлса гетерополимер (масалан оқсиллар) бўлади. Молекуляр биофизика биополимерларнинг қуйидаги кўрсатгичлар билан тавсифлайди: а) структурали кимёвий формула ; б) бо ғ лар узунлиги ва бо ғ лар орасидаги бурчаклар ; с) молекула юзасида зарядларнинг та қ симланиши ; д) молекула қ исмларининг ҳ аракатчанлиги ; е) молекула структурасининг ўзгарувчанлиги. Ушбу структураларга эса макромолекулаларнинг умумий функциялари ва хоссалари (масалан, эгилиш, букилиш, тортишиш ва канал ҳосил қилиш каби) боғлиқ. Макромолекуларнинг энг муҳим функцияларидан бири информация ташишдир. Маълумки, нуклеин кислоталар (ДНК ва РНК) авлоддан авлодга ирсий ахборотни етказиб беради. Полисахаридлар

(крахмал, целлюлоза, хитин, гликоген) функцияси организмда турли хилдир. Улар озуқа заҳираси, энергия сақлаш, ҳимоя вазифаларини бажаришади ва структуравий элементлари таркибига киради. Оқсилларнинг функциялари ҳам турли туман бўлиб, улар тирикликнинг асосини ташкил қиладилар. Оқсиллар нуклеин кислоталар каби бирламчи, иккиламчи, учламчи ва тўртламчи структураларга эга бўлади. Оқсилларнинг бирламчи тузилиши макромолекула занжирида мономерларнинг ковалент боғ орқали бирикиб, кетма-кет жойлашишидан юзага келади. Оқсил макромолекуласи занжири пептид боғлар билан ўзаро бирлашган аминокислоталар кетма-кетлигидан ташкил топган. Қуйида пептид боғ келтирилди: R — СО — NH — R Оқсил занжирининг бирламчи структураси ковалент кучлар натижасида ҳосил бўлади. Бу кучлар электростатик табиатга эга ва зарядланган атомлар орасида ҳ осил бўлади. Пептид боғи бир аминокислотанинг карбоксил (СООН) гуруҳи ва иккинчи аминокислотанинг амино (NН 2 ) гуруҳи иштирокида ҳосил бўлади. Унинг ўзига хослиги шундан иборатки, карбоксил гуруҳдаги углерод атоми ва аминогруппадаги азот атоми орасидаги боғланишда қисман қўшбоғ бўлади ва шу сабабли пептид боғда фазовий айланиш содир бўлмайди. Бошқа боғлар (N - C a , С а – С) эса фазода букилиб, айланиш бурчаги билан ифодаланади. О қ сил молекуласининг асосий физик- кимёвий хоссалари бирламчи структураси билан аниқланади. П олипептид занжирида аминокислоталар бирин-кетин келиши тартибининг ўзи о қ сил молекуласининг фазодаги конфигурициясини, занжир шаклини, унинг айрим қисмл а рининг ўзаро ва бош қ а молекулалар билан муносабатини белгилайди. Бу эса оқсилларнинг физик - кимёвий ва биологик хоссаларини белгилайди. Полинг ва Корининг классик ишларида полипептид занжирнинг тузилиши принциплари қуйидагича таърифланган: 1. Ҳ амма пептид гуруҳларнинг бо ғ лар узунлиги ва валент бурчаклари бир хил ;

2. Полипептид занжири водород бо ғ лари билан максимал т ў йинган бўлиши керак ; 3. Полипептид занжирининг конформацияси ҳ олатлари эквивалентдир. Полипептид занжири икки хил конфигурацияда бўлади : α - спирал ва β - спирал (ёки конформация ). Аниқланишича, α - спиралнинг бир айланмаси узунлиги 0,54 нм га тенг бўлиб, 3,6 аминокислота қолди ғ ига тўғри келади. Айланмалар спирал ичидаги водород боғлари билан боғланади.  - конформация қ атланган тузилишга эга бўлиб, параллел занжирлардан ташкил топган бўлади. Оқсилларнинг иккиламчи структураси бирламчи тузилишнинг водород боғлари ёрдамида букилиши, эгилиши ва спиралланиши натижасида ҳосил бўлади. Қуйида водород боғ келтирилди: R = N — H . . . O = C — R Водород боғланиш тушунчасини биринчи марта Латимер ва Родебуш (1920 йил) ассоцияланувчи моддаларнинг, асосан сувнинг, хусусиятларини ўрганишда киритдилар. Молекуладаги водород атоми - О - Н, = N – H, - SН, - СН каби гуруҳлар билан боғланса, - ОN, - F, - Cl билан эса махсус боғланиш ҳосил қилади. Иккиламчи структура макромолекуланинг нафақат фазовий тузилишини, шу билан бирга физик ва физик-кимёвий хусусиятларини ҳам белгилайди. Водород боғлар натижасида макромолекула спирал шаклига келади ва спирал ўнг ва чап томонга ўралган бўлиши мумкин. Бундан ташқари, молекулалараро водород боғланиш тегишли суюқликларнинг ассосиациясини, эрувчанлигини белгилайди. Оқсилларнинг учламчи структураси гидрофоб, дисульфид, ионли, водородли боғланишлар ва электростатик ҳамда гидроскопик таъсирлар туфайли макромолекула занжирининг тахланиши оқибатида ҳосил бўлади. Натижада глобуляр ёки фибрилляр структура ҳосил бўлади. Бир-бирига ўхшаш ва ўхшаш бўлмаган икки ва ундан ошиқ суббирликлардан (доменлардан, соддароқ айтсак, полипептидлардан )

ташкил топган юқори даражадаги структурага оқсилларнинг тўртламчи структураси дейилади. Макромолекулаларнинг юқорида кўриб ўтилган структуралар конформациясига атроф муҳитнинг ўзгариши, яъни ҳарорат, рН, турли хил ионлар,айниқса оғир металл тузлари ионлари, органик моддалар ва зарядга эга гуруҳлар кучли таъсир кўрсатади. Натижада макромолекула денатурацияланиб, бошқа конформацион ҳолатга ўтади ва ўзининг физик ва физик-кимёвий хоссаларини йўқотади. Оқсиллар тузилишининг классификацияси буйича водород боғлари билан туйинган α - спирал ва  - структураларнинг мунтазам қисмлари иккиламчи структураси деб аталади. Полипептид занжирининг конформациялари фазода қай шаклда жойлашиши, унинг қандай ўралганлиги оқсилнинг учламчи структурасини ифодалайди. Оқсиллар фазовий тузилишининг ўзига хослиги шундан иборатки, полипептид занжири аниқ бир тузилишда бўлиб, биологик функцияларни бажариш учун муҳим бўлган динамик хусусиятларга эга бўлади. Оқсил молекуласининг конфармацион ҳолатига хар хил ташқи муҳит факторлари таъсир қилади ва шу макромолекулаларнинг функционал ҳолатида ўз аксини топади. Бунда оқсил структураси маълум барқарорликка эга ва бу молекулалар ўзининг конформацион ҳаракатчанлигига эга бўлади. α - спиралдаги хар бир аминокислота қолдиғидаги СО ва NH группалари занжирдаги бошқа аминокислотанинг амино ва карбоксил группалари билан водород боғларини ҳосил қилади. Водород боғлари электр манфий атом (О, N, Cl) га боғланган водородни иккинчи манфий зарядли атомга тортилиши туфайли ҳосил бўлган кучсиз алоқа ҳисобланади. У ковалент боғдан деярли 20 марта кучсиз бўлиб, нуқтали чизиқ билан кўрсатилади. α - спиралда бу боғлар хар бир карбоксил ва тўртинчи NH группа орасида тузилади: α - спираль оқсил молекуласи иккиламчи структурасининг асосидир. Унинг 5,4 А о га тенг бир айланмаси (кичик қадами) дан ташқари 5 айланмадан иборат катта қадами ҳам бор. У 18 аминокислота қолдиғига эга бўлиб, узунлиги 27

А о га тенг. α - спиралнинг водород боғлари (маълум таъсирлар натижасида узилиб)  - структурага ўтади. У ипсимон оқсилларнинг табиий шаклидир (бир айланаси 7 А о га тенг). Водород боғлари молекулалар орасида, полипептид занжирининг хар хил соҳалари орасида бўлади. О қсил молекуласининг фазодаги шаклини мустахкамлашда унинг полипептид занжирини таш к ил қиладиган ковалент (пептид ва дисульфид) боғлардан ташқари катор ковалент бўлмаган ало қ алар ҳам иштирок этади. Б ў ш ало қ алар деб аталадиган бу ўзаро кучсиз боғлар қ аторига водород боғлари, группаларнинг электростатик муносабатлари, қутбланмаган, гидрофоб группаларнинг ўзаро таъсирлари ва бошқа кучлар киради. Оқсилларнинг т ў ртламчи структураси бир нечта бир хил занжирлардан тузилган бўлиб, улар протомерлар дейилади. Унинг бир қисми суббирлик бўлиб, улар бир хил биологик фаолиятга эга булмайди. Суббирликлар бирикиб олигомерни ташкил қилади. Бундай тузилиш гемоглобин (С 3032 Н 4816 О 872 N 780 S 8 Fe 4 , М r =64500, аминокислота қолди ғ и: 574та) учун хос бўлиб, у т ў ртта суббирликдан ташкил топган , я ъни α ва  - полипептид занжирлар глобин, темир тутувчи оқсил бўлмаган гемдан иборат. Бу маълум шароитда (т у з, рН) α - ва  - суббирликка диссоцияланади, улар орасидаги водород боғлар у зилади. Муҳитдан т у злар ва сийдикчил четлатилганда қайтадан т ў ла молекула синтезланади. Стереохусу с ийлик. Биополимерларга стереохусусийлик характерли бўлиб, бу хираллик деб аталади. Макромолекулаларнинг фазода жойлашишида баъзи гуруҳларнинг (радикалларнинг) жойини ўзгариши натижасида стереохусусийлик кузатилади. Стереоизомер молекулаларда радикаллар ўнг тарафда (D-шакл) ва чап тарафда (L-шакл) жойлашиши билан фарқланади. Стереоиомерлар спектрал анализда турлича характерга эга. Организмларда стереохусусийлик муҳим аҳамиятга эга, баъзи молекулалар заҳарсиз бўлса, уларнинг стереоизомери заҳарли бўлиши мумкин. Стереоизомерлардан D -аспарагин кислота ширин, L-аспарагин

кислота эса та ъ мсиздир. Протеаза ферменти оқсилларнинг D -изомер ҳ олатдаги молекулаларига таъсир қ илмайди, фақат L-шаклидагиларига таъсир қ илади. “Сибир яраси” бактериялари қобиғида D -изомер ҳолатдаги биомолекулалар мавжуд ва протеазалар таъсирига чидамли. Макромолекулаларда ўзаро таъсирлашувчи кучлар. Полипептидларининг аниқ конформацияси ҳосил бўлишида водород ва ковалент боғлар, Ван-дер-Ваальс кучлар, электростатик кучлар ва гидрофоб таъсирланишларнинг роли катта. Айниқса, биринчи иккита омил ҳал қилувчи роль уйнайди. Макромолекулаларнинг барқарорлигини уларнинг ташкил этувчи атомлар ва молекулалар орасидаги ўзаро таъсирловчи кучлар белгилайди. Бу кучлар қуйидагилардан иборат: 1. Диполь-диполь таъсирлашувчи кучлар Бу кучлар доимий диполь моментига эга 2 қутбли гуруҳлар ўртасида юзага келади.. 2. Диполь-диполь индукцияланган диполь таъсирлашув Доимий диполь гуруҳ билан қутбсиз гуруҳ ўртасида индукцияланиб юзага келади. 3. Дисперсион таъсирлашиш кучлари нейтрал гуру ҳ лар ўртасида юзага келади. 4. Электростатик таъсирлашувчи кучлар манфий ва мусбат зарядларнинг тортишиши натижасида ҳосил бўлади. 5. Гидрофоб таъсирлашишлар - сув билан макромолекула ўртасидаги тортишишдан юзага келади. 6. Ван-дер-Ваальс кучлари эса м олекулалардаги диполь-диполь, дисперсион, электростатик ва диполь-диполь индукцияланган диполь таъсирлашган кучлар йиғиндисидан иборат. Биополимерларнинг қисмлари (маълум бир гуруҳлари) орасидаги тортишиш, итарилиш ва бошқа кучларга ҳарорат таъсир қилади. Ҳароратнинг кўтарилиши гуруҳлар, звенолар ёки мономерлар орасидаги ўзаро итарилиш кучини оширади, аксинча ҳароратнинг пасайиши эса уларнинг бир - бирига тортилишини кучайтиради. Маълум бир ҳароратда итарилиш кучи, тортишиш кучи билан тенглашиб, бу икки қарама - қарши

таъсирланишлар компенсацияланади. Бундай ҳарорат критик ҳарорат деб аталади. Биополимерлар икки фазада ўрам фазаси ва глобула фазаси ҳолатида бўлиши аниқланган. Биополимернинг ўрам фазасида макромолекула аниқ бир структурага эга бўлмайди. Бу ҳолат критик ҳароратга тенг ёки унга нисбатан юқори бўлганда юз беради. Глобула ҳолатида макромолекула ўрамга нисбатан аниқ зич структурага эга ва бу ҳолат критик ҳароратдан паст бўлганда кузатилади. Бир фазадан иккинчи фазага ўтиш иссиқлик ажралиши билан содир бўлади.

Похожие

Молекуляр кинетик

Полимернинг молекуляр-массавий тавсифлари хакида тушунча

Иссиқлик ҳодисалари, молекуляр физикани ўрганишда табиатни қўриқлашга оид билим бериш

Юкори молекуляр бирикмалари келиб чикиши, кимевий таркиби, элементар халка ва асосий занжир тузилишига караб синфланиши.

Оrgаnizm dаrаjаsidаgi biоlоgik tizimlаr biоfizikаsi