Фотографик эмульсияни тайёрлаш технологияси - Физика - Рефераты

Фотографик эмульсияни тайёрлаш технологияси

Загружено в:

20.09.2019

Скачано:

0

Размер:

43 KB

Фотографик эмульсияни тайёрлаш технологияси Режа: 1. Эмульсион қатламнинг таркиби ва тузилиши 2. Фотографик эмульсияни тайёрлаш технологияси. 3. Фотографик эмульсияни сенсибилизациялаш

Эмульсион қатламнинг таркиби ва тузилиши Фотографик материалларнинг хоссаси эмульсия таркибига, уни тайёрлаш технологиясига ва эмульсия қатламининг тузилишига: унинг қалинлигига, микрокристалларнинг жойлашиш зичлигига, уларнинг ўлчамлари бўйича тақсимотига, ҳамда юзасидаги кумуш концентрациясининг миқдорига боғлиқдир. Эмульсия қатламининг қалинлиги қоғозда ва пленкада жуда катта эмас: оқ-қора негатив пленкаларда 20-25 мкм, позитив плёнка учун эса 8-15 мкм ва қоғоз учун 6-12 мкм экан. Эмульсия микрокристалларининг формаси учбурчак, олтибурчак, диск, квадрат, куб, таёқча ва шаклсиз заррачалар ҳолида учрайди. Микрокристаллар таглик юзасига параллел ёки унга бирор бурчак остида жойлашган .Эмульсиянинг сирт таранглик кучи уларни бундай жойлашишини тартиблайди. Юқорида гапириб ўтгандай, ёруғлик сезувчи материалларнинг ёруғлик сезиши ва контрасти микрокристаллари ўлчамига боғлиқ. Микрокристаллар катта заррачалари кўпроқ фотонни (энергияни) ютади ва кўп кумуш массасини ажратади. Улар юқори сезувчи материаллар таркибига киритилади. Эмульсия қатламининг қалинлигига қараб ёруғлик сезгирлиги ва контрасти турлича бўлади. Эмульсия юзасининг сиртида жойлашган микрокристаллар ички қисмидагисини экранлайди ва ёруғлик камроқ етиб боради, натижада ёруғлик сезгирлигини камайтиради. Шу сабабли эмульсион қатлам иложи борича юпқа бўлиши керак. Юпқа қатламли материалларда ёруғликни ташқарига сочилиши камаяди ва шунинг ҳисобига тасвирнинг аниқлиги ортади.

Фотографик эмульсияни тайёрлаш технологияси. Ҳар бир ёруғлик сезгир материал учун керакли эмульсия тури тайёрланади. Фотографик эмульсия тайёрлаш технологияси меъёрланган шароитларда амалга оширилади. Фотографик эмульсия тайёрлаш технологияси меъёрланган шароитларда амалга оширилади. Фотографик эмульсия – бу термин унча тўғри эмас, чунки умуман олганда умумий қабул қилинган эмульсия сўзининг маъносини берадиган эмульсия эмас, балки галоид кумуш микрокристалларининг желатин мухитидаги – ивиқдаги суспензиясидир. Аммо шунга қарамасдан адабиётларда ва ишлаб чиқаришда «фотографик эмульсия» термини кенг ишлатилиб келмоқда. Фотографик эмульсия – кумуш галогенид микрокристалларининг сув-желатин эритмасидаги (ивиқдаги) суспензиясидир. Бу эмульсия кумуш нитрат калий бромид билан таъсирлашганда ҳосил бўлади: Ag NO 3 + KBr = Ag Br + KNO 3 Биринчи босқичда кумуш галогенидлари микрокристалларининг ҳосил бўлиш реакцияси ва уларнинг желатин ивиқлари ( гель ) муҳитида бир текис тақсимланиши амалга оширилади . Эмульсификациялаш натижасида кумуш

галогениднинг тўйинган эритмаси ҳосил бўлади , кристалланиш марказлари пайдо бўлади . Физик етилишда эмульсия 40-60 0 С температурада маълум вақт ичида аралаштирилиб турилади , бунда кумуш галогенид кристалларининг ўз - ўзидан ўсиши кузатилади . Шунда бир хил микрокристаллар ўсади , бошқалари эса эриб кетади . Бу эса кристаллар ўрта ўлчамини ошишига олиб келади . Кейин эмульсия иккинчи кимёвий етилишга тайёрланади . Бу босқич ўтиш ёки оралиқ жараён дейилади . Бунда эмульсия совутилади ва реакцияда ҳосил бўлган қўшимча моддалардан ювилади. Фотографик эмульсияни ёруғликка сезгирлиги, контрастлиги ва бошқа хоссалари желатин ивиғи массасида кумуш ионларининг концентрациясига, микрокристалларининг ўлчамлари ва шаклига боғлиқ. Пластина шаклидаги йирик кристаллар куб шаклидаги дисперс кристалларга қараганда ёруғликка бирмунча сезгирроқ эмульсия ҳосил қилади. Бироқ фотографик эмульсиянинг у ёки бу даражадаги ёруғликка сезгирлигининг асосий омили- кристалларнинг мукаммалмаслиги, яъни уларнинг кристалл панжараларида «нуқсонлар» борлигидир. Мана шунинг учун ҳам фотографик эмульсиялар кумуш бромиддан тайёрланади ва бунда албатта кумуш йодид қўшилган бўлиши шарт; йод атомлари кумуш бромид кристалл панжарасининг ичига киради. Кумуш йодид, кумуш бромид каби, куб системасидаги мунтазам кристаллар ион типидаги панжара ҳосил қилади, унда Ag + ионлари Br – ионлари билан алмашиниб келади.

Кимёвий етилиш босқичида эмульсияни сезувчанлигини ошириш мақсадида унга сенсибилизаторлар киритилади. Фотографик эмульсияни сенсибилизациялаш. Одатдаги бромкумушли фотографик қатламлар қуёш спектрининг фақат кўк бинафша қисмигагина сезгир бўлади. Одам кўзи учун энг ёрқин ранглар-сариқ, яшил ва қизил- материалларга амалда ҳеч қандай таъсир кўрсатмайди. Рангли асл нусхаларни суратга олиш учун фотоқатламларни ёруғлик сезгирлигига мос бўлиши керак, чунки фақат шу ҳолдагина турли рангларнинг ёрқинлигини фотографик усулда қора-оқ тасвирда бериш мумкин бўлади. Тажрибада аниқланган-ки натрий тиосульфат ёки олтин тиоцианати қўшилган эмульсияларни сезувчанлиги анча баланд бўлади. Бунда эмульсиядаги микрокристаллар юзасида олтингугурт ва олтин ионлари, желатина молекулалари ўзаро реакцияга кириб аралашмали марказлар ҳосил этади, кейинчалик улар ёруғлик сезувчи марказлар вазифасини бажаради. Фотоқатламларнинг ёруғликка етарлича сезгирмаслигини тузатиш учун эмульсияга махсус бўёвчи моддалар – сенсибилизаторлар қўшилади, яъни фотографик эмульсия сенсибилизацияланади. Сенсибилизаторлар фотографик қатламларнинг ёруғликка сезгирлигини анча ошириб, уни амалда одам кўзининг ёруғликка сезгирлигига тўла мос келадиган даражагача етказади. Галоид кумуш микрокристаллари билан адсорбцияланган бўёвчи модданинг спектрал ютилиш эгри чизиғи

фотоқатламларнинг спектрал сезгирлиги эгри чизиғи билан мос тушади. Бўёвчи моддаларнинг турли синфларига тааллуқли кўп сонли оптик сенсибилизаторлар маълум, аммо полиметик ва цианли бўёвчи моддалар энг кўп ишлатилади. Бўёвчи моддалар сенсибилизаторлар билан яшил ва сариқ нурга сезгирлаштирилган фотографик қатламлар ортохроматик деб, бундан ташқари қизил нурга нисбатан ҳам сезгирлаштирилганлари панхроматик қатламлар деб аталади. Панхроматик қатламлар спектрнинг яшил зонасида сезгирлигини анча «йўқотиши» билан фарқ қилади. Бу камчилиги бўлмаган фотографик қатламлар изопанхроматик қатламлар деб аталади. Ниҳоят, спектрнинг инфрақизил соҳасида қўшимча сезгирликка эга бўлган фотографик қатламлар инфрахроматик ёки инфрақизил қатламлар деб аталади. Шундай қилиб бўёқлар ёрдамида фотоматериалларни спектрал сезгирлиги 500нм дан 1300 нм гача сурилади.

Похожие

Фотографик жараёнларни физик-кимёвий асослари

Кумуш галогенидли фотографик материалларда тасвир олиш

Фотографик фотометрия.Трубкали фотометрия Куёш атмосфераси. Фотосфера модели. Конвектив зона

Лазер технологияси

Оксил толали матоларни пардозлашга тайёрлаш