Санъат–ижтимоий онг шакли. Санъат турлари - Философия - Рефераты

Санъат–ижтимоий онг шакли. Санъат турлари

Загружено в:

20.09.2019

Скачано:

0

Размер:

98 KB

Санъат–ижтимоий онг шакли. Санъат турлари Режа: 1. Санъатнинг вужудга келиши ва ривожланиш конуниятлари. 2. Санъат ижтимоий онгнинг махсус шакли сифатида. 3. Бадиий образ-воқеаликнинг санъатдаги ўзига хос инъикоси. 4. Санъат турлари.

Санъат – кенг маъноли тушунчадир. Масалан, қадимги юнонлар мусиқа, рақс, назмни санъат деб билар эдилар. Ўрта асрларда эса санъат таркибига тасвирий санъат, касалларни даволаш ва дорихона ишлари ҳам киритилган. Бугунги кунда «санъат» сўзи «воқеликни бадиий тимсоллар воситасида ижодий акс эттириш», «ишнинг кўзини билиш ва маҳорат кўрсатиш жараѐни», «ҳар қандай ишнинг ўзи ва у талаб қиладиган маҳорат даражаси» маъноларида қўлланилади. Санъат тушунчасининг талқин этилиши бежиз эмас. Зеро, санъат инсон меҳнати, ақл-идроки, шуури билан яратилган, вужудга келган, ижод қилинган нарсалардир. Санъат инсон фаолиятининг ижодкорлик турини англатиб, ҳар бир санъат асарида шахснинг ўзига хос исътедо-ди намоѐн бўлади. Ва ниҳоят, санъат инсоннинг маҳорати билан чам-барчас боғланиб кетгандир. Санъат кенг маънода санъат асарлари (бадиий қадриятлар) билан бирга уларни яратиш (бадиий ижод қилиш) ва истеъмол (бадиий идрок этиш) жараѐнларини ҳам қамраб олади. Санъат ҳозирги даврга қадар инсоният тараққиѐти билан боғлиқ ҳолда ривожланиб келган. Ўзбекистон ҳудудида Испания, Саҳрои Кабир ва бошқа манзилларда учрайдиган ғорларга ўйиб туширилган ѐввойи ҳайвонларнинг тасвирлари ҳозирги давр нуқтаи назаридан юксак эстетик қийматга эга. Бу тасвирларда ҳар бир нарса турининг мезонига мос ижод қилиш, яъни нафосат қонунларига риоя қилиш, вазн туйғуси, тенглик акси, уларни яратиш жараѐнидан олинадиган қувонч каби эстетик фаолиятнинг муҳим белгилари мавжуд. Бу ѐдгорликлар инъикос этиладиган бадиий фаолият куртаклари эндигина кўриниб келаѐтган инсон эстетик фаолиятининг натижалари эди. Инсон бадиий ғояларнинг моддий ифода топиши учун зарур бўлган қурол ва воситалар яратиб, ўз кундалик ҳаѐти мазмунини бойитишга интилади. Дарҳақиқат, узоқ ўтмишдаги аждодларимиз яратган тош қуролларсиз бирор бир энг содда нақш ѐки ғояларга туширилган тасвирлар вужудга келиши мумкин бўлармиди? Демак, санъат меҳнат билан уйғун тарзда ривожланиб

борган. Шу боис бадиий фаолият шакллари инсон меҳнати заминида вужудга келиб, бевосита меҳнат жараѐнлари билан чирмашиб кетган. Бадиий фаолиятнинг энг қадимги шакллари ҳали бир-биридан ажралмаган, яхлит ибтидоий жамоа маданиятининг бир қисмини ташкил этган бўлиб, афсонавий (мифологик) бўѐқларда ифодаланган. Афсоналарда диний мазмун кенг ўрин олган. Миср афсоналари асосан диний ибодат мазмунига эга. Юнон афсоналаридаги диний мазмун-юнон санъатининг хазинасигина бўлиб қолмай, балки унинг заминини ҳам ташкил этади. Санъат куртаклари мураббий-тарбиячи вазифаларини ҳам бажарган. Тасвирлар, нақшлар, рақслар, эртак-афсоналарда авлоддан-авлодга ўтиб турган амалий, ахлоқий эстетик тажриба мужассамлашган эди. Бадиий фаолиятнинг илк шакллари уюштирувчилик, бирлаш-тирувчилик вазифаларини ҳам бажарган. Ҳаѐтда яшаш учун кураш мақсадида жипслашган ва ягона туйғу жўш уриши билан бирлашган бутун жамоа хатти- ҳаракатлари, уринишлари воситасида қўлга кири-тилиши мумкин бўлган ғалаба – овда ҳайвон устидан ғолиблик (ов-нинг самарали бўлиши) санъатда тасвирланиб, у қадимги одамлар жипслашишининг энг муҳим омилларидан бири бўлган эди. Бадиий фаолиятнинг илк шаклларидаѐқ санъатнинг жуда кўп белги ва хоссалари кўриниб туради. Лекин уларда якка шахс омили етишмайди. Қадимги одамлар фақат уруғ ва қабила учун умумий бўлган ҳис-туйғу ҳамда тасаввурлар билан яшаган, ўзини воқеаликдан ажратолмаган эди. Санъат эса бошидан охиригача шахсдан бошланади, шахс билан шаклланади, шахс билан қадр топади. Қадимги одамлар бадиий фаолияти жараѐнида табиатнинг рамзийтимсолий акс эттиришда инсоннинг муаллифлик «қўли» услуби пайдо бўлади. Бадиий рамз – тимсол муаллиф-ижодкорнинг бетакрор истеъдодини намоѐн қилди.

Санъат ижтимоий ҳаѐтнинг мураккаб, ранго-ранг муносабатлари билан алоқадор бўлиб, у бир вақтнинг ўзида ҳам меҳнатнинг алоҳида тури, ҳам ижтимоий ишлаб чиқаришнинг махсус соҳаси, ҳам ижтимоий онгнинг бир шакли, ҳам ўзига хос билим соҳаси, ҳам ижодий фаолиятнинг бир кўриниши сифатида амал қилади. Санъат биринчи навбатда ижтимоий онг шаклидир. Унинг барча тавсифлари ана шу сифатидан келиб чиқади ва шу таҳлилга асосланади. Санъат ижтимоий турмуш жараѐнлари билан боғлиқ. Буни қадимги одамларнинг моддий ва маънавий бойликлар яратишга, яъни ўзларига маъқул, кўнгилларига хуш келадиган нарсалар яратишга бўлган иштиѐқларида яққол кўриш мумкин бўлади. Ижтимоий тур-муш санъатнинг ривожланишига бевосита таъсир ўтказа борди, кейинчалик эса ижтимоий тузилмалар, фалсафийдиний, сиѐсий қарашлар, ахлоқий қоидалар, маънавий қадриятлар орқали ҳам таъсир ўтказа борди. Санъат ижтимоий ҳаѐтнинг мустақил бир соҳаси бўлиб, ўзига хос қонуниятлари, вазифаларига кўра у алоҳида жамият бирлигини ифодалайди. Санъат жамиятнинг барча томонларига таъсир ўтказа боради, ижтимоий онгнинг барча шакллари билан алоқага киришади, ҳаѐтнинг турли жабҳаларида одамлар фаолият олиб боришларини рағбатлантиради. Санъат билан ижтимоий ҳаѐтни боғлаб турадиган жуда кўп воситачи ҳалқалар мавжуд. Ҳар қандай бадиий ҳодиса – муайян асар, услубий йўналиш бўлсин, улар вужудга келиши ва ривожланишида диний, ахлоқий амалларнинг таъсир кучи даражаси билан белгилана-дилар, баҳоланадилар, ўлчанадилар. Санъатнинг тараққиѐти ѐки таназзули, унинг у ѐки бу тури кўринишининг ѐрқин ифода топиши аниқ ижтимоий муносабатлар табиатига, муайян гуруҳий кучлар нисбатига, мафкуравий ҳаѐт хусу-сиятларига, жамиятда шахс эгаллаб турган мақомига албатта боғлиқдир. Санъатнинг жамият ҳаѐтида нисбий мустақил амал қилиши ворисийлик қонуниятининг намоѐн бўлиши билан ҳам боғлиқ. Ворисийлик фақат

санъатга хос бўлган ҳодиса эмас. У ижтимоий онгнинг ҳамма шаклларига тааллуқлидир. Ворисийлик жамият моддий асоси билан боғлиқ бўлган сиѐсий ва ҳуқуқий онг соҳаларида кўпроқ намоѐн бўлади. Ворисийлик маънавий ҳаѐтнинг барча жабҳаларида мавжуд. Аммо ҳаѐтнинг барча томонларини қамраб олувчи иқтисодий заминдан анча йироқ бўлган санъатда ворисийлик ѐрқин, тўла, ҳар томонлама тарзда намоѐн бўлади. Санъатнинг ҳамма қирралари – мавзу йўналиши, ғоявий-руҳий қоида ва оҳанглари, ижодий ақидалари, услуби, тур ва шаклларининг ифодали воситалари ворисийликда айниқса бўртиб кўринади. Ворисийлик ҳеч қачон ижодкорнинг шахсий «инжиқликларига» бўйсунмайди. Ҳар бир ижодкор санъатда бирор бир янги нарса яратар экан, у ўзидан аввалги бадиий, ғоявий-руҳий, услубий тур ва шакллар ифода воситаларига таяниб ижод қилади. Ижтимоий онгнинг бошқа шаклларида бўлганидек, санъатда ҳам билиш ва мафкура бир-бири билан чирмашиб, ўзаро боғланиб кетган. Турли тарихий босқичларда ва санъатнинг турли кўринишларида билиш ва мафкура ўзаро мутаносибликда амал қилади. Ижтимоий онгнинг ҳар бир муайян шакли воқеликнинг бир томонини акс эттиради. Санъат ижтимоий онг шакли сифатида воқеликни бадииий билишанглаш жараѐнида унинг воқеликнинг бадиий-тасвирли шаклда англаш манбаларидан бири бўлиб инсон майдонга чиқади. Санъатда инсон ҳамма вақт ҳам бевосита ифодаланмайди. Масалан, санъатнинг манзара тасвири ѐки натюрморт турида инсон қиѐфаси ифодаланмайди. Бу ҳол инсон мазкур санъат асарларида акс этмайди дегани эмас. Манзара тасвири инсон ҳис-туйғуларининг энг нозик ва энг жозибали қирраларини намоѐн этади. Санъат нафақат инсоннинг ўзини, балки унинг идрок этиши мумкин бўлган барча нарсаларни, воқеа – ҳодисаларни акс эттириб, ҳис-туйғу уйғотади.

Санъат маънавий ҳаѐтда содир бўлаѐтган ҳар қандай ўзгаришларга муносабат билдиради, давр маънавий муҳитининг ҳамма томон-ларини ифодалайди, ижтимоий тафаккур руҳини акс эттиради. Санъат воқеликни бадиий образ (қиѐфа) ѐрдамида акс эттиради. Санъат ва бадиий образ тушунчалари бир-бирини тўлдиради, бойита-ди, изоҳлайди. Санъат бадиий образ воситасида тўла намоѐн бўлади. Бадиий образ санъатнинг муҳим «катакчаси»ки, унингсиз санъат амал қилмайди, бадиий образ санъатнинг бош хусусиятини белгилайди. Шу боис бадиий образ санъат табиатини очиб беришда асосий босқичдир. Санъат сири кўп жиҳатлардан бадиий образ сири билан чамбарчас боғлиқдир. Қадимги даврлардан бошлаб бадиий образ сирини англашга интилиб келинмоқда. Образ тушунчаси билиш назариясининг таркибий қисмидир. « Образ » деб инсон онгида нарса ва ҳодисаларнинг акс этиши тушуни-лади. Инсон ўзининг сезгиси, идроки, тасаввури, тушунчаси ва шу кабилар орқали ташқи дунѐни образ шаклида англайди. Бадиий образ манбаи «жонли ҳаѐтдир». Бадиий қиѐфа воқеликни қайта англаш бўлиб, эстетик тушунчалар сирасига киради. Бадиий образ хусусиятларини инсон билиши жараѐни умумий қонуниятларидан ажратиб мушоҳада этиши мумкин эмас. Бадиий қиѐфа билишнинг бир туридир. Билиш қонуниятлари санъатда ўзига хос кўринишларда намоѐн бўлади, бадиий қиѐфа эса жонли мушоҳада ва мавҳум тафаккур белгиларига эга бўлса-да, уни ҳам, буни ҳам англатмайди. Бадиий образ – ҳаѐт каби мураккаб, сермазмун. Санъатда ҳаѐтнинг ҳамма мураккабликлари, қирралари, муносабатлар мажмуи бадиий образда умумлаштирилади, унда ташқи ( объектив ) ва ички ( субъектив ) томонлар мавжуддир. Санъаткорнинг ҳис-туйғулари, кечинмалари, режалари манбаи бўлган воқеа-ҳодисалар, турли вазиятлар, тўқнашувлар бадиий образнинг ташқи (объектив) томонидир. Бадиий қиѐфа ташқи дунѐни инсон эҳтиѐжларига

мутаносибликда акс эттиради, яъни ҳаѐтни эстетик қадрият сифатида ифодалайди. Бадиий образнинг ички (субъектив) томони санъаткорнинг ҳис- туйғулари, мўлжаллари, баҳолашлари, кечинмалари, ўй-хаѐллари, орзу- умидларидир. Ташқи дунѐ таассуротларидан санъаткор-ижодкор онгида ҳосил бўлган буларнинг барчаси санъаткорнинг ички дунѐсини ташкил этиб, у яратган бадиий образларда ўз ифодасини топади. Санъатда якка шахс туйғуси санъаткор – ижодкор фаолиятига хос тарзда у яратаѐтган бадиий қиѐфалар мазмунига сингиб кетади. Санъаткор кечинмалари билан тўйинтирилган бадиий образга ҳеч нарса тенг келмайди. Шу боис санъаткорлар бош қаҳрамонларини «мен – ўзим» деб таърифлайдилар. Бадиий ижод ҳамма вақт яккаш кечинмалар, ҳис-туйғулар билан суғорилган бўлади. Санъатда «шахсийлик» бадиий образ яратилишининг зарур шартидир. Масалан, санъатнинг янги тури бўлган бадиий сураткашликни олиб кўрайлик, қандай ҳолатда сурат (фото) бадиий даражага кўтарилади? Бунда техник акс билан санъат асарини қандай ажрата олиш мумкин? Суратни яратаѐтган одамнинг акс эттираѐтган объектга бўлган шахсий муносабати махсус масофа, услуби, мавзу назарияси, нур-соя мутаносиблиги орқали ифода этилсагина ўша сурат санъат асари бўла олади. Эстетика назариясида бадиий образ яратишнинг ички (субъектив) томони «санъаткор ижодий яккахонлиги ѐки яккашлиги» (индивидуаллиги) деган тушунча билан изоҳланади. Ижодда яккахонлик (яккашлик) мураккаб ва кўп қиррали бўлиб, у воқеа-ҳодисаларни танлашда, уни баҳолашда, аниқ бўлак ва қисмларини ажратишда тур ва услуб майлида, биринчи навбатда, санъаткорнинг воқелик ҳақидаги тасаввурларида намоѐн бўлади. Ижод усули, ранго-ранглик хусусияти, мавзу танлаши каби қолган барча томонлари санъаткор дунѐқарашини ифодалашга бўйсундирилган бўлади. Бадиий образ ички ва ташқи томонларининг боғлиқлиги саҳна санъатида ўзига хос кўринишларда намоѐн бўлади. Ижодкор яккашлиги бу ерда

алоҳида образлар талқинида, асарнинг услуб тизимида ва ҳатто санъат тури ечимларида ўзига хос ифодаланади. Масалан, фал-сафа фанлари доктори, профессор Эркин Умаров ―Эстетика‖ китобида тўғри таъкидлаб ўтганидек, ўзбек саҳна санъатининг атоқли намоѐн-даларидан бўлмиш Маннон Уйғур, Етим Бобожон, Тошхўжа Хўжаев, Олим Хўжаев, Раззоқ Ҳамроев, Ҳамза Умаров, Баҳодир Йўлдошев ка-би ижодкорлар саҳналаштирган «Алишер Навоий», «Жалолиддин Мангуберди», «Отелло», «Гамлет», «Қирол Лир», «Мирзо Улуғбек», «Тошболта ошиқ» асарларида муаллифлар услуби ва жанрини сақлаш билан бирга барча саҳналаштирувчи режиссѐрлар ҳар бирининг иродаси, услуб ва тур майли, санъаткор шахси хусусиятлари акс эттирилган. Саҳна асарларида бадиий образ актѐр ижроси орқали намоѐн бўлади, актѐр яратган образ драматургни илҳомлантирган ҳаѐтий ҳодиса ифодаси бўлиши билан бирга актѐр ижодий меваси ҳамдир. Санъатда ҳис-туйғу муҳим восита сифатида изоҳланади. Санъат инсониятнинг эзгулик томон ҳаракати учун зарур бўлган ўзаро мулоқотлари воситаси бўлиб, уларни муайян ҳис-туйғулар билан боғлайди. Лекин санъат одамларнинг ҳис-туйғуларини, тафаккурларини мавҳум тарзда эмас, балки жонли бадиий қиѐфаларда акс эттиради. Аслида инсон ҳис-туйғуларсиз ҳаѐт моҳиятига, хусусан, санъат туб мазмунига шу вақтга қадар етиб бўлмаган ва бундан кейин ҳам етиб бўлмайди. Санъатда ҳис-туйғулар фандагига нисбатан ўзгача сифатга эга бўлади. Фан-техникада, илмий изланишларни йўналтириб туришда ҳис-туйғулар катта аҳамият касб этса-да, тадқиқот натижаларида бевосита кўзга ташланмайди. Санъат эса ўзига хос ҳис-туйғулар, кечинмалар хазинасидир. Санъатда ҳис-туйғулар бадиий қиѐфа яратилишининг шарт- шароитларини, унинг моддий заминини ташкил қилади. Бадиий ҳис- туйғулар оддий, кундалик турмуш ҳис-туйғуларидан ҳам, илмий ҳис- туйғулардан ҳам фарқланади. Бадиий ҳис-туйғулар умумлаштириш ҳосиласи

бўлиб, уларда бир киши ѐки бир гуруҳ одам тажрибаси эмас, балки одам авлодлари орттирган ижтимоий-тарихий тажриба жамланган. Руҳшунос олимлар фикрига кўра, турмушдаги оддий ҳис-туйғулар санъат орқали ижтимоийлашади ва оқил ҳистуйғулар сифатида қарор топади. Санъатда воқелик – жузъий ва умумий томонлар бирлигида акс эттирилади. Бу эса ўз навбатида бадиий образларни ҳаѐт ҳодисалари боғлаб туради, мазкур жараѐн санъатни фалсафа билан яқинлашти-ради. Бирор ижтимоий фикрни бадиий образ орқали лўнда ифода этиш қобилияти бадиий истеъдоднинг таркибий қисмидир. Лўнда ифода этиш бадиий дид, санъаткор шахси, асар турининг услубий йўналиши билан боғлиқ. Санъатда ҳаѐт нусхаларини тасвирлаш, яъни уларни туркумлаш якка ҳолдаги бадиий образ яратиш жараѐни билан бирга кечади. Санъатда бадиий қиѐфа мазмун ва шакл тушунчалари орқали ѐрқинроқ англашилади. Санъат мазмуни ва шакли масаласи эстетик назарияда муҳим ўрин тутади. Санъатда мазмун ва шакл асарни бадиий идрок этиш хусусиятлари, маҳорат масалалари каби бадиий маданият назарияси ҳамда амалиѐтнинг ўзак масалалари билан чамбарчас боғланиб кетгандир. Санъатда мазмун ва шакл бир-бирини изоҳлайди. Шакл муайян бир мазмунни ифодаласа, мазмун ҳам муайян шаклда намоѐн бўлади. Ҳар бир нарсанинг ўзгариши, аввало, мазмун ўзгаришидан бошланади. Мазмунга бўйсунадиган шакл бирлигида мазмун етакчилик қилади. Мазмунга бўйсунадиган шакл ҳам нисбий мустақилликка эгадир. Санъат мавзуи муайян асар мазмунига манба бўлиб хизмат қилади. Санъат мазмуни ѐки бадиий мазмун мавзудан фарқли равишда бутун воқеликни эмас, балки акс эттирилган воқеликни англатади. Эстетика назариясида бадиий асар мазмуни бир қанча тушунчалар орқали ифодаланиб, улар орасида мавзу ва ғоя тушунчалари алоҳида аҳамият касб этади.

Мавзу – кўп маъноли тушунчадир. Воқеа-ҳодисалар мажмуи, иқтисодий, ахлоқий, фалсафий, руҳий муаммолар мавзу атамаси билан изоҳланади. Мавзу тушунчаси, аввало воқеа-ҳодисалар доирасини белгилаш мақсадида қўлланилади. Баъзан мавзу тушунчаси турли муаллифлар ижодига хос бўлган мазмуний умумийликни кўрсатиб туради. Мавзу тушунчаси кўп ҳолларда санъат асарида акс эттирилган ҳаѐтий ҳодисалар доирасини белгилаш учун ишлатилади. Муайян асар мавзуи воқеаҳодисалар доирасидан танлаб олиб, уларни мушоҳада этиб, баҳолаб бўлинганидан кейин вужудга келади. Шубҳасиз, мавзу табиатидан асар қиймати ҳам келиб чиқади. Санъатнинг кўпгина турларида мавзу сюжет орқали намоѐн бўлади. Сюжет асарда тасвирланган воқеа-ҳодисаларнинг кетма-кет баѐн қилинишидир. Мавзу ва сюжет бир-бирини тақозо этади. Сюжет ҳам мазмунга, ҳам шаклга алоқадор ҳолда намоѐн бўлади. Fоя тушунчаси асарнинг ижтимоий мазмунини англатади. Ба-диий ғоя мавзу билан бир бутун ҳолда намоѐн бўлади. Fоя ва мазмун бирлиги муайян асар тизимида яққол кўринади. Буюк санъаткорлар ўз асарлари ғоясини санъат воситалари орқали ифодалаш истеъдодига ҳам эга бўладилар. Бадиий асарнинг ғоявий мазмуни – санъаткорнинг воқеликка муносабати асосида унинг орзулари нуқтаи назаридан яратган ҳаѐт ҳақиқатидир. Асарда тасвир-ланган воқеа-ҳодисалар қанчалик сермазмун, бой, ѐрқин, кўп қиррали бўлса, унинг ғоявий мазмуни шунчалик ишонарли ва жозибали бўла-ди. Бадиий асар ғояси ҳамма вақт яхлит хулоса бўлиб, уни ўқувчи, то-мошабин, тингловчи тайѐр ҳолда эмас, балки асарни идрок этиш жа-раѐнида ўз фаҳм-фаросати билан ўзлаштиради. Санъатнинг барча тур-лари бадиий шаклга эга бўлиб, у кўпроқ асар тузилиши ( композиция ) билан боғлиқ. Асар тузилиши (композиция) – бу асарнинг ички тузи-лиши, таркиби, яъни мазмуннинг яхлит ифодаси, унинг қисмлари (сюжети ) мутаносиблигини англатади.

Санъат асари бирор шаклда ифодалансагина ўзининг асл қийма-тига эга бўлади, натижада шакл мазмунни уюштирадиган усул бўлиб хизмат қилади. Санъатда шакл билан мазмун шу қадар мустаҳкам бирликни ташкил этадики, уларни фақат назарий таҳлил жараѐнидагина алоҳида-алоҳида мушоҳада этиш мумкин. Мазмун билан шаклнинг қўшилиб кетганлиги унинг ички бўлагида яққол намоѐн бўлади. У бадиий режа таркибидаѐқ мазмун билан бирга вужудга келиб, мазмунни ташқи шакл билан боғлаб туради, унинг иштирокисиз санъат асари воқелик омили ва эстетик идрок мавзуи бўла олмайди. Бадиий тузилиш маҳорати бадиий маҳоратнинг таркибий бўлагидир. У биринчи навбатда санъаткор яратган ҳаѐт манзарасига яна нимани қўшиши ҳақида эмас, балки ундан яна нимани чиқариб ташлаши лозимлигини англатади. Санъат тили муҳим жиҳатлари билан оғзаки баѐн тилидан фарқ қилади. Ҳатто бадиий тилни сунъий тил деб ҳам юритадилар, чунки у бадиий мазмунни ифодалаши орқали одамлар ақли ва сезгисида таъсир ўтказиш учун «сунъий» шаклланган бўлади. Санъатда идрок этиш мазмуни адабиѐт, театр, кино, тасвирий санъат асарининг томошабин ѐки ўқувчи онгида акс этишидир. Санъатни идрок этиш инсонга ҳамма вақт ўзини яхши билиб олиш имкониятини туғдиради. Санъат асаридан эстетик қониқиш ўқувчини санъатнинг янги-янги қирраларини кашф этишга жалб қилади. Санъатнинг айрим турларга бўлиниб кетганлиги узоқ давом эт-ган тарихий тараққиѐт ҳосиласи бўлиб, қадимда бадиий фаолият соҳаларига – турларга бўлинмаган эди. Кейинчалик санъатнинг бир неча турлари қарор топди. Санъат турлари санъатга хос бўлган умумий белгиларга эга бўлган ҳолда уларнинг ҳар бири: адабиѐт, меъморчилик, мусиқа, тас-вирий санъат ва ҳ.к.лар ўзига хос муҳим кўринишда намоѐн бўлади. Санъат турларида хусусийнинг умумийга нисбатини кўрамиз. Эстетик тафаккурнинг тур ҳосил қилиш манбалари икки йўналишда вужудга келган. Манбанинг биринчи

йўналиши – воқеликнинг мураккаблиги, кўп қиѐфалиги, ҳар томонламалигидир. Масалан, санъат у ѐки бу ту-рининг вужудга келиши унинг воқеликнинг қайси томонини акс этти-ришга қаратилганлигидир. Назм ва тасвирий санъат турлари бирбирига қиѐсланганда, уларнинг мавзулари бошқа-бошқа бўлиб, мавзу хусусиятлари эса, тасвир воситаларидан келиб чиққанлигини кўрамиз. Иккинчи йўналиш – инсон ҳис-туйғуси бойлиги, идрок этиш хусусият-лари, инсон маънавий қобилияти билан боғлиқ. Санъат турлари ўз тасвирий-ифодавий воситалари тизимига эга. Адабиѐтда сўз, тасвирий санъатда – ранг, ѐруғлик, чизиқ, нур-соя, мусиқада – оҳанг, мақом, вазн, ҳайкалтарошликда – ҳажм, ўлчам, меъморчиликда – мутаносиблик тизими амал қилади. Санъат турлари бир-бирининг ўрнини боса олмайди. Уларнинг ҳар бири мустақил, ўзича нодир, бетакрор бўлиб, воқеликнинг бир томонини бевосита акс эттиради, ўша тури бу инсоний ҳис-туйғуларни ифодалашда бошқа турларга нисбатан устувор ўрин эгаллайди ва муайян чекланганлик хусусиятига эга бўлади. Санъат турлари тенг асосда ҳаракат қилиб, воқеликни акс эттиришда бир тур бошқа турларга нисбатан устувор даражада намоѐн бўлади. Масалан, санъатнинг билиш вазифаси бадиий адабиѐтда ва у билан боғлиқ бошқа турларда алоҳида бўрттириб кўринади, мусиқа инсон ҳис-туйғу маданияти, тасвирий санъат синчков кузатиш маданияти, очиқ саҳна ва цирк санъати эса кўнгил очиш, томоша маданиятини юксалтиришга хизмат қилади. Санъат турлари бир-бирининг ўрнини боса олмаганидек, уларнинг ривожланишида «нотекислик» қонуниятига бўйсунишини ҳам кузатиш мумкин. Турли тарихий даврларда турли халқлар ҳаѐтида ўз даврининг бадиий образини белгилаб берадиган санъатнинг у ѐки бу тури етакчи аҳамият касб этади. Қадимги Мисрда барча санъат турла-ри ривожланган бўлиб, улар орасида меъморчилик, Ҳиндистонда мусиқа, Хитойда ранг- тасвир, Эрон ва Туронда халқ амалий санъати, Юнонистон ва Римда ҳайкалтарошлик равнақ топган эди.

Санъат турлари тизимида бадиий адабиѐт муҳим ўрин тутиб, у бошқа турлар ривожига ҳам таъсир ўтказади. Бадиий адабиѐт театр ва кино санъатининг илк асосини ташкил этади. Унинг мусиқа ва тасвирий санъатга ҳам таъсири сезилиб туради. Санъат турлари ўзаро таъсир ўтказишининг энг олий шакли – бу қоришма (синтез ) санъат турлари бўлиб, улар хилма-хил, ранго-ранг кўринишларга эга. Синтез кўринишлари театр, кино, очиқ саҳна, цирк ва ойнаи жаҳон каби санъат турларида яққол кўзга ташланади. Санъатда қоришма (синтез)га интилиш ҳозирги давр бадиий маданиятида санъат қоришма турларининг алоҳида аҳамият касб этишида, бадиий ижод турлари ўзаро таъсирининг кучайишида, бир санъат тури тасвирий-ифодавий воситаларидан бошқа санъат тури тобора кенг фойдаланаѐтганлигида ва, ниҳоят, санъаткор воқеликни кенг қамровли мушоҳада қилишида намоѐн бўлаѐтир. Санъат турларида қўлланадиган ижод техникаси ѐки санъат техникаси ҳам жиддий аҳамиятга эгадир. Санъат техникаси санъаткор ижод дастурида танланган санъат турининг тасвирий-ифодавий воситаларини пухта ўзлаштирганида намоѐн бўлади. Санъат турлари юксак ифодалилик қонунига бўйсунадилар. Санъаткор хилма-хил моддий воситалардан ўз бадиий режасини энг катта куч ва тўлақонли ифодалаш имконини берадиганларини танлаб олади. Санъатни ҳозир фазоли, вақтли, фазоли–вақтли кўринишларига бўлиб ўрганиш таомилга кирган. Фазоли кўринишга тасвирий санъат, ҳайкалтарошлик, чизиқли расм, амалий санъат ва меъморчилик, вақт-ли кўринишга бадиий адабиѐт, мусиқа, фазоли-вақтли кўринишга эса театр, кино, ойнаи жаҳон киради. Санъат турларининг бундай кўринишларга бўлиш асосини, биринчидан, бадиий асар услуби ва шакли, иккинчидан, у ѐки бу санъат туридаги воқелик ҳодисаларининг фазоли ѐки вақтли тавсифларини кўпроқ акс эттириш

қобилияти ташкил этади. Мазкур икки асос ўртасида алоқадорлик ва боғлиқлик мавжуд. Санъат ҳодисаларнинг аниқ-туйғули қиѐфасини акс эттириши ѐки акс эттирмаслигига қараб тасвирли ва тасвирли бўлмаган кўринишларига ҳам эгадир. Тасвирий санъат ва ҳайкалтарошликда ҳаѐт манзаралари воқеликнинг ҳис-туйғули қиѐфасини яратиш орқали намоѐн бўлса, адабиѐт ва мусиқада ҳаѐт манзаралари фикрлар ва туйғулар оқимини умумлаштириш асосида акс эттирилади. Санъат турлари идрок этилиш жиҳатидан ҳам ҳар хил кўринишларга бўлинади, улар кўз билан кўриладиган асарлар бўлиб, томошали санъат турлари деб аталади (ҳайкалтарошлик, меъморчилик). Театр санъати эса ҳам томошали, ҳам эшитиладиган санъат туридир. Санъат ижтимоий ҳаѐтнинг мустақил соҳаси бўлиши билан бирга инсон фаолиятининг бадиий бўлмаган соҳалари билан ҳам чамбарчас боғлиқ. Санъат турлари хусусий-бадиий бурч-вазифалар билан бирга, фойдали- амалий бурчвазифаларни ҳам бажарадилар. Ҳозирги давр бадиий маданиятида санъат ва бошқа соҳалар ўртасидаги чегаралар тобора емирилиб бормоқда. Улар ўртасида самарали ҳамкорлик жараѐнлари шаклланмоқда. Айниқса, бу ҳамкорлик санъат ва фан-техника алоқаларида яққол кўринади.

Адабиётлар 1. Ўзбекистон Республикасининг Конституцияси. Т., 2003 йил. 2. Каримов И.А «Истиқлол ва маънавият». –Т.: «Ўзбекистон» нашриѐти, 1995 йил. 3. Каримов И.А. «Ўзбекистон: миллий истиқлол, иқтисод, сиѐсат, мафкура», 1-жилд, Тошкент, «Ўзбекистон» нашриѐти, 1996 йил. 4. Каримов И.А. «Ватан саждагоҳ каби муқаддасдир». 3-жилд, Тошкент, «Ўзбекистон» нашриѐти, 1996 йил. 5. Каримов И.А. «Ўзбекистон XXI аср бўсағасида: хавфсизликка таҳдид, барқарорлик шартлари ва тараққиѐти кафолатлари». Ташкент, «Ўзбекистон» нашриѐти, 1997 йил. 6. Каримов И.А. «Маънавий юксалиш йўлида». Тошкент, «Ўзбекистон» нашриѐти, 1998 йил. 7. Каримов И.А. ―Ўзбекистон XXI асрга интилмоқда. Ташкент, ―Ўзбекистон нашриѐти, 1999 йил. 8. Каримов И.А. ―Оллоҳ қалбимизда, юрагимизда. Тошкент, ―Ўзбекистон нашриѐти, 1999 йил. 9. Каримов И.А. ―Баркамол авлод орзуси. Тошкент, Шарқ нашриѐти, 1999 йил.

Похожие

Онг, ижтимоий онг, унинг асосий шакллари ва даражалари

Ижтимоий онг ва унинг мохияти

Санъат асарини нафосатли идрок этиш ва нафосатли тарбия

Санъат асарини нафосатли идрок этиш ва нафосатли тарбия

Санъат асарини нафосатли идрок этиш ва нафосатли тарбия