Karl Popperning tarix falsafasi - Философия - Рефераты

Karl Popperning tarix falsafasi

Загружено в:

22.09.2023

Скачано:

0

Размер:

33.8779296875 KB

Karl Popperning tarix falsafasi Reja: Kirish 1. Karl Popper – postpozitivizm falsafasining yirik vakili 2. Popperning falsafa tarixi davrlarin va qadimgi faylasuflarning davlat to’g’risidagi fikrlari tahlili 3. K.Popperning ― Ochiq jamiyat va uning dushmanlari ‖ asaridagi ijtimoiy- falsafiy qarashlari Xulosa Foydalanilgan adabiyotlar ro’yxati

Karl Popper – postpozitivizm falsafasining yirik vakili XIX asrning oxiri – XX asrning boshlaridagi davr shu bilan ajralib turadiki, falsafiy maktablar XIX asr ikkinchi yarmida ijod qilgan mutafakkirlarning g’oyalarini rivojlantirib, to’plagan ilmiy bilimlarni Gegeldan keyingi davrdagi falsafiy asoslarning biri atrofida birlashtirishga harakat qildilar. Yangi pozitivistcha ta’limotning parchalanishi umumiy nomda birlashgan ― postpozitivizm‖ deb atalagan bir qator fan falsafasining prinsiplarini vujudga kelishiga olib keldi. Bu yo’nalishning asoschisi ― kritik ratsionalizm ijodkori Karl Popper edi. Postpozitivizmga I.Lakatos, T.Kun, S.Tulmin, D.Agassi, P.Feyerbend kabi yirik g’arb faylasuflarining qarashlari taalluqlidir. Bu faylasuflarning asosiy vazifasi fan falsafasida pozitivistcha uslubdagi tafakkurni bartaraf etish edi. Karl Raymund Popper jahon falsafasi postpozitivizmining asosiy yirik vakillaridan biri hisoblanadi. Avstriyalik va britaniyalik faylasuf va sotsiolog Karl Raymond Popper 1902-yilning 28-iyulida Vena shahrida yurist oilasida tavallud topdi. Uning otasi Simon Zigmund Karl Popper Vena universitetida professor bo’lgan va u sotsiologiya, politologiya, falsafa fanlari bilan qiziqqan. Karl Popper bolaligidan ko’plab falsafiy ilmlar bilan shug’ullangan. U 1918- yilda Vena universitetiga o’qishga kirgan va matematika, fizika, falsafani o’rgangan. Karl Popperning onasi unga musiqa sirlarini ham o’rgatgan. Keyinchalik u konservatoriyaga ham kirgan. Dastlab u 1937-yilgacha Vena shahrida, 1937 – 1945 – yillarda Yangi Zelandiyada ishlagan. 1946-yildan boshlab 70 – yillarning o’rtalariga qadar Londondagi iqtisodiyot va siyosiy fanlar maktabida professor sifatida faoliyat yuritgan.U qadimgi davr faylasuflarinig davlat, jamiyat haqidagi qarashlarini, Zigmund Freyd, Protagor, Platon, Geraklit va boshqa faylasuflarning ta’limotlarini o’rgangan. Karl Popper ko’plab asarlar yozgan. Uning eng mashhur asarlaridan biri bu ― Ochiq jamiyat va uning dushmanlari‖ asaridir. Ushbu asarda u qadimgi davr faylasuflarining qarashlarini o’rgangan, tahlil qilgan va asar boblarida ularning qarashlariga o’z 8 fikrini ham bildirib o’tgan. Karl Popper 1994-yil 17-sentabrida 92 yoshida Londonda vafot etgan. XX asr 30-yillardayoq Popper yangi pozitivizmning induktivizmi, ma’noning verifikatsiyachilik

nazariyasi, fan asosini tajribaviy tabiatni hodisa sifatida talqin qilishni qattiq tanqid ostiga olgan edi. U ilmiy bilishda metafizikaning o’rni va metafizik (an’anaviy falsafiy) muammoni oqlash masalasini qo’ygan edi. U shuni ko’rsatadiki, metafizikada aytilgan hukmlarni hissiy ma’lumotlarga tadbiq qilib bo’lmasligi asosida uni rad etish, mantiqiy jihatdan fundamental fanlarning butun nazariy asoslarini rad etishga olib keladi. O’zlarining metafizikani barbod qilish intilishlarida, - deb yozadi K.Popper, - pozitivistlar u bilan birgalikda tabiiy fanlarni ham yakson qiladilar, negaki, ilmfan qonunlari aynan, metafizik hukmlarga o’xshash bo’lib, ularni hissiy tajriba haqidagi oddiy ifodalarga taalluqli deb bo’lmaydi. Ma’noni tushunishda agar izchil ravishda Vitgenshteyncha mezonlar qo’llanilsa, u vaqtda o’sha tabiat qonunlarini ahamiyatsiz narsa sifatida uloqtirishga to’g’ri keladiki, Eynshteyn ta’biricha, ularni qidirish «fizikaning oliy vazifasidir. Popper fikricha, ilmiy bilim asosan faraziy xususiyatga ega: ―Biz bilmaymiz- biz faqat faraz qilishimiz mumkin. Popper ―Ochiq jamiyat va uning dushmanlari‖ deb atalgan mashhur kitobning muallifi bo’lib, unda totalitar davlat tuzumlarini tanqid ostiga olib, ularga liberal qadriyatlarni qarama-qarshi qo’ydi 1 . Karl Popper mantiqiy pozitivizm ta’siri ostida bo’lgan, lekin o’zining falsafiy konsepsiyalari – tanqidiy ratsionalizm, ilmiy bilimning ortishi haqidagi nazariya va falsifikatsionizmni neopozitivizmga qarshi qo’ygan. Popper mantiqiy empiristlarning, ilmiy mulohazalar mezoni verifikatsiya tamoyili degan fikriga qarshi falsafaning asosiy vazifalaridan biri sifatida demarkatsiya muammosi (ilmiy bilimni noilmiy bilimdan ajratish) ni ilgari surgan. Popperning fikriga ko’ra, demarkatsiya usuli – falsifikatsiyadir, ya’ni fanga tegishli bo’lgan har qanday fikrni inkor etish 2 . U mantiqiy pozitivistlarning tor empirizmidan hamda bilimning mutlaq ishonchli asosini izlashdan voz kechdi. Popperning qarashlariga ko’ra, bilimning empirik va nazariy darajalari bir – biri bilan uzviy darajada bog’liqdir; har qanday ilmiy bilim faqat gipotetik, taxminiy harakterga ega va xato (fallibilizm tamoyili) bo’lishi mumkin. Ilmiy 1 Поппер Карл. Логика и рост научного знания.—М., «Наука», 1983. –С 57-58. 2 O‘sha asar. –B 226.

bilimning ortishi dadil gipotezalarni ilgari surish va ularni rad etilishini amalga oshirishdan iboratdir. Buning natijasida muhim bo’lgan muammolar hal etiladi va bu jarayon unda hal qiluvchi ahamiyat kasb etadi. Popper o’zining mantiqiy – metodologik va kosmologik konsepsiyalarini asoslash uchun neodarvinizm va emerjent rivojlanish g’oyalaridan foydalangan. U ilmiy bilimning ortishini dunyodagi umumiy evolutsion jarayonlarning xususiy ko’rinishi sifatida tushunadi. Popper tomonidan ilgari surilgan ―uch dunyo metafizik nazariyasida bir-biriga reduksiya qilib bo’lmaydigan jismoniy va mental dunyolarning, shuningdek obyektiv bilim dunyosining mavjudligi ta’kidlanadi. Popper, shuningdek tushuntirishning deduktiv – nomologik sxemasi asoschisidir. Bu sxemaga muvofiq, agar mulohaza muvofiq qonunlar va chegara shartlari majmuidan deduktiv ravishda chiqarilgan bo’lsagina u tushuntirilgan hisoblanadi. Mantiqiy semantika g’oyalariga asoslangan holda Popper ilmiy nazariya (gipoteza) lar mazmunining haqiqiyligi yoki yolg’onchiligini aniqlash usulini taklif qildi. Ilmiy bilimni ortishi nazariyasini yaratish dasturini amalga oshirishda Popper tomonidan falsifikatsiya tamoyilining mutlaqlashtirilishi, ilmiy bilimning obyektiv jihatdan haqiqiyligini tan olmasligi, bilim asoslarini talqin etilishidagi konvensionalizm hamda obyektiv bilimning tarixiy konkret biluvchi subyektdan ajratilishi bilan bog’liq bo’lgan jiddiy qiyinchiliklarga duch keldi 3 . Ilmiy va g’ayri ilmiy bilimlarni ajratish mezoni sifatidagi pozitivistcha verifikatsiya qoidasini tanqid qilib, Popper haqli ravishda ko’rsatib o’tadiki, ―nazariyani hech qachon tajribaviy jixatdan verifikatsiya qilib bo’lmaydi 4 . Ilmiy haqiqatga erishish vositasi sifatida intuktiv mantiqni mutlaqlashtirishni ham Popper haqli ravishda tanqid qiladi. Ma’lumki, o’z vaqtida D.Yum 10 induksiyani mantiqiy asoslash muammoli ekanligini ko’rsatib o’tgan edi. Shu munosabat bilan Popper yozadi: ― Induksiya qoidasini oqlash uchun, biz uchun induktiv xulosalarni qo’llashga to’g’ri keladi, ularni oqlash uchun esa, yuqoriroq darajada turgan induktiv qoidani kiritish lozim, va hokazo shu ruhda davom etish zarur. Demak, tajribadan kelib chiqib, induksiya qoidasini asoslashga urinish, zaruriy 3 Qarang: Jowet W.. The works of Karl Popper. —Nyu York., «Education», 1998. –P 313. 4 Поппер Карл. Логика и рост научного знания.—М., «Наука», 1983. –С 62.

ravishda yemirilishga duchor bo’ladi, negaki, u muqarrar ravishda cheksiz (regress) tanazzulga olib keladi. Yangi pozitivistcha ta’limotga qarshi o’laroq, Popper o’zining verifikatsiyalar (tasdiqlash) nazariyalariga emas, balki ularning falsifikatsiya qilish (soxtalash) jihatlariga asoslangan ilmiy bilim uslubini tavsiya qiladi. Ilmiy usulning mantiqiy asosi sifatida Popper induktiv emas, balki deduktiv mantiqni ko’radi, aniqroq aytganda esa, uning qoidasi bo’lgan modus tollensni nazarda tutadi. Popper nazaridagi ilmiy nazariyalarni tanlash va tekshirishning umumiy tasviri quyidagicha ko’rinishga ega: taxminlar o’rtacha qo’yilgandan keyin mantiqiy deduksiya yordamida ulardan qandaydir xulosalar keltirib chiqariladiki, ularni tajribada tekshirishdan o’tkazish mumkin bo’ladi. Agar xulosalardan biri tasdiqlanib qolsa, biz ham taxminning haqiqiyligi haqida hukm yurita olmaymiz. Ammo agar ana shunday xulosalardan biri rad etilsa, undan shu narsa kelib chiqadiki, taxmin yolg’on bo’ladi. Bundan Popper shunday xulosaga keladiki, ―nazariyaning ilmiy maqomining mezoni uning soxtalash mumkinligi va raddiyaligidir 5 . Popper taklif qilgan ilmiy nazariyalar haqiqiyligini baholash me’yorining ichki qarama – qarshiligi isbotlangan. Popperning oxirgi falsafiy asarlari ong nazariyasini ishlab chiqishga, hozirgi zamon falsafasidagi irratsional va relyativistik mayl (tendensiya) larga qarshi yo’nalgan ratsionalizm himoyasiga bag’ishlangan. Ijtimoiy falsafa sohasida Popper marksizm va tarixiylikni tanqid qiladi 6 . U ijtimoiy rivojlanishning obyektiv qonunlari va jamiyat rivojlanishi taqdirlarini bashorat qilish mumkinligini rad etadi. Popper g’oyalari I.Lakatos, U.Bartli, J.Agassi konsepsiyalarida, shuningdek tanqidiy ratsionalizmning turli yo’nalishlarida rivojlantirildi. Popperning falsafa tarixi davrlari va qadimgi faylasuflarning davlat to’g’risidagi fikrlari tahlili Karl Popper postpozitivizmning yirik namoyondalaridan biri sifatida o’z diqqat-e’tiborini ijtimoiy-tarixiy jarayonlarni o’rganishga jalb qildi. Uning ushbu sohaga tegishli bo’lgan asosiy asari ―Ochiq jamiyat va uning dushmanlari‖ deb nomlanadi. Mazkur asarda 5 Поппер Карл. Логика и рост научного знания.—М., «Наука», 1983. –С 48-49. 6 O‘sha asar. –B 245.

Popper falsafa tarixi davrlarini tahlil qilib chiqadi. Popper tahlilni qadimgi davr falsafasidan boshlaydi, bunda dastlabki demokratik jamiyatlarning paydo bo’lishini, xususan, Afina davlat-shaharlari tarixini tahlil qilib beradi. Shuningdek, Popper Qadimgi davr faylasuflarining davlat to’g’risidagi fikrlarini ham tahlil qilib chiqadi. Dastlabki demokratik jamiyat Afinada shakllanadi, u quldorlik demokratiyasi edi. Bu jamiyat qadimgi aristokratik tuzumga qarshi qurol natijasida vujudga keladi. Aristokratik polis davlatlarni oliyzotlar sulolasi boshqarar edi. Aristokratik tuzumni qadimgi faylasuflardan Effeslik Geraklit, Protagor va Aflotun yoqlab chiqqan edi. Popper bu ikki donishmandning jamiyat, davlat haqidagi qarashlarini tahlil qiladi. U Geraklitni jamiyat taraqqiyotini orqaga qaytish jarayonida deb talqin qilgani uchun tanqid qiladi. Geraklit fikricha, go’zallik va mutanosiblik dunyosi abadiy dunyodir. Shuning uchun ham u o’zgarmasdir. Zaminiy dunyoda esa hamma narsa o’tkinchidir, o’zgaruvchandir, nisbiydir. Shunga zaminiy hayot mutanosib va abadiy bo’la olmaydi. Go’zallik dunyosi, Geraklit fikricha, ilohiy logos dunyosidir. Bu dunyo oquvchanlikni, o’zgaruvchanlikni aniqlab beradi. Zaminiy qonunlarda samoviy qonuniyatlar in’ikos etadi. Bu dunyoda hamma narsa o’zgaruvchan, oquvchandir. Popper Geraklitni demokratik jamiyatni birinchi dushmani deb biladi, uni ―tanlanganlar nazariyasining tarafdori deb, hisoblaydi. Geraklitning intuitsiya haqidagi ta’limotini Popper mistika deb ataydi, dunyoqarashini esa ratsionalizmga qarshilikda ayblaydi 7 . Popper o’zining ―Ochiq jamiyat va uning dushmanlari‖ asarining 5– bobida mazkur faylasuflar qatorida sofistlarning ham tabiat, jamiyat, davlat va shartnoma haqidagi fikrlarini tahlil qilib o’tadi. Popper bu bobda keltirishicha, ―Aflotun jamiyatni ilmiy analiz qilgan birinchi faylasuf emas. Dastlabki buyuk mutafakkirlar o’zlarini sofistlar deb ataganlar. Odamning atrof muhitdagi tarkibiy qismi – uning tabbiy va jamiyat muhitidagi farqi ehtiyoj deb tushunishgacha 7 Qarang: Jowet W.. The works of Karl Popper. —Nyu York., «Education», 1998. –P 342.

belgilanganidan farq qiladi. Bu farq murakkab barpo etilgan va anglangan dalillardan xulosa chiqarilganidek, hozir biz fikrimizda mavjud bo’lgan isbotdan farq qilmaydi. Protagor davridan beri har doim savol-javoblar mavjud bo’lgan. Bizga ko’proq ma’qullangan jamiyatimizning hayratomuz kuchli ishtiyoqi tabiiydek tuyuladi. Ibtidoiy qabilaga oid xatti-harakatlar ajoyib xarakterlidir. Yopiq jamiyatda yashash quyosh nur sochganda undan bebahra qolgandekdir. Qonun – tabiiy qonun ifodasida aniq tasvirlanadi. Agar biz tabiat qonunini to’g’ri yoki noto’g’riligini bilmasak va agar yana biz o’zimizning ishonchsiz qarashlarimizni belgilasak, biz uni keyin gipoteza deb ataymiz. Agar biz tabiat qonunlari o’zgarmas va bu qonunlarga qarshiliklarni mavjudligini ta’kidlaydigan bo’lsak, bu o’z gipotezamizni yetarlicha darajada rad etish bo’ladi. Tabiat qonunlari o’zgarmagandan beri, bular na parchalanadi, na bo’ysunishga majbur etadi. Bular, ya’ni tabiat qonunlari inson boshqaruvidan keyin deyarli imkoni boricha texnologik maqsadlar uchun foydalanilgan. Hammasidan farqli o’laroq, tabiatda yana normativ qonunlar ham mavjud. Bu ehtimol yaxshi yoki yomon, to’g’ri yoki noto’g’ri, ma’qul yoki noma’qul shaklda ifodalangan bo’lishi mumkin. Agar normativ qonunga rioya qilinganida, o’sha paytda bu harakatlar va qarorlar har doim inson boshqaruvi natijasidir. Men mutafakkirlarga, ayniqsa jamiyatdagi ko’p sonli olimlarga ishonaman. Ammo bu fikrlar anglanmaguncha umuman qabul qilinmaydi. Ko’plab mutafakkirlar ta’qiqlar va buyruqlar normasi borligiga ishonadilar va quydagi fikrni aytib o’tadilar: mutlaq qonuniy normalar inson tabiati yordamida qabul qilinadi 8 . Men Platonning sotsiyalogiyasini tushunish zaruriy deb bilaman va tabiat hamda normativ qonun o’rtasidagi tafovut borligiga aminman. Go’zallik va mutanosiblik dunyosini Aflotun g’oyalar dunyosi deb ataydi. G’oyalar dunyosini Aflotun narsalar dunyosiga qarshi qo’yadi. Abadiy g’oyalar ilohiy mohiyatlardir13. Popper Aflotunning g’oyalar dunyosini harakatsizlikda, o’zgarmaslikda ayblaydi. Lekin bu Aflotun ajodining birinchi davriga xosdir, ikkinchi davrida esa Aflotun g’oyalar dunyosining evolutsiyasi va 8 Popper K.R.. The Open Society and Its Enemies. (―Ochiq jamiyat va uning dushmanlari‖). —London., « Soros Foundation », 1964. –P 238.

mukammallashishi haqida fikr yuritadi. O’zining ―Pir, ―Timey, va ―Fedon kabi dialoglarida koinotning pifagorcha tuzilishi haqida fikr yuritadi. Aflotun kosmogoniyasi Geraklitning qarashlariga o’xshashdir. Har ikki ta’limotda ham markazda doimiy harakatchan, faol olov turadi. Aflotun ham, Geraklit ham olovni jismoniy jarayon sifatida emas, ruhiy samoviy hodisa sifatida tushunganlar. Shuning uchun ham olov ularda abadiy tiriklik timsolida namoyon bo’ladi. Popper Aflotunning ijtimoiy qarashlarini tanqid qiladi. Aflotunning fikricha, ideal davlat boshqaruvi davlat qonunchiligiga asoslangan totalitar rejimdir. Shuningdek, Popper Aflotun dunyoqarashida markaziy o’rinni egallagan kollektivlik, adolat tushunchalarini ham tanqid qiladi. Kollektivlik, deb yozadi Popper, shaxs rivojiga to’siq bo’ladi, unda shaxs o’zining to’liq manfaatini kollektiv manfaatga bo’sundirishga majburdir. Kollektiv individning, shaxsning ijodiy kuchini ro’yobga chiqarishga to’sqinlik qiladi. Lekin Aflotunning ideal davlatida oddiy fuqarolar harakati boshliqlar ko’rsatmalariga bo’ysungandir. Boshliqlarning buyruqlariga itoat qilish kerak. Bunday qullik ruhiyati Aflotun tomonidan oqlanadi, chunki insonlar tabiatan boshqaruvchilar va boshqaruvchilarga bo’linadilar. Insonlar o’z ruhiy rivojlariga ko’ra bir xil darajada emaslar. Ana shu ruhiy tengsizlik davlatda tabaqa, toifalarni vujudga keltiradi. Yuqori tabaqalar ruhiy rivoji yuksakligi uchun boshqarishlari kerak, quyi tabaqalar esa itoat qilishlari lozim 9 . Ana shunday davlat tuzumi Aflotun fikricha, ―davlat farovonligi‖ga olib keladi. Agar davlat rivojlansa, pirovard natijada omma ham yuksaladi. Davlat boshqaruvchilari donishmandligiga ko’ra saylanadi. Ideal davlat boshqaruvchilari donishmandlar, faylasuflardir. Aflotun o’zining davlat haqidagi qarashlarida ikki bir-biriga zid hodisalarni patriarxlar – jamoaviy tuzumni, hamda davlatni qo’shishga harakat qiladi. Bunday davlat namunasi qadimgi Sparta davlatida namoyon bo’ladi. Popper bu hodisani tahlil etib, qadimgi jamiyatlar asosida butunlay yangi tipdagi davlatlar vujudga keladi, deydi. Bunday davlatlarni 9 Qarang: Лосев А.Ф.. Платон. – Философская энциклопедия, т. 4. – М., «Наука», 1967. –С 351.

demokratik davlatlar, deb ataydi va ular hozirgi g’arb demokratik davlatlarining asosidir, deb hisoblaydi Popper. Qadimgi Afina demokratiyaning namunasidir. Ularda Popper, individualizmni, egolitarizmning tug’ilishini ko’radi. Popper fikricha, individualizm altruizmni inkor qilmaydi. Individualizm egoizmning sinonimi emas. Shunday qilib individualizm Popperning fikricha, bu gumanizmdir. U aynan Shoh Perikl va Afina demokratiyasining boshqa rahnamolari orqali demokratiya o’z tabiatiga ko’ra insonparvarlik asosiga egaligini isbotlashga harakat qiladi. Demokratiya qonun oldida hammaning tengligini anglatadi. Demak, jamiyatning har bir azosining teng imkoniyatlarini targ’ib qiladi. Bu tenglik insonning tabiiy holatidan kelib chiqmaydi, balki qonun oldidagi tenglik nazarda tutiladi. Har bir kimsa boshqaruvchi hukumatni saylash huquqiga ega va o’zi ham saylanishi mumkin. Mana shu tamoyil Popperning demokratik davlatidan Aflotunning ideal davlatini bir-biridan keskin farqlaydi. Aflotunda saylash huquqi yo’q. Bir sinf vakili ikkinchi sinfga o’ta olmaydi. Shuning uchun ham Popper Aflotunning ―ideal davlat‖ini yopiq jamiyat deb ataydi. Popperning demokratik davlatida esa har bir shaxs erkin faoliyat bilan shug’ullanish huquqiga ega. Davlat xususiy mulkni himoya qiladi. Demokratiya inson huquqlarini ham himoya qiladi 10 . Shunday qilib, demokratik davlat o’zining uzoq tarixiy taraqqiyot yo’lini bosib o’tadi, o’rta asr, yangi davr va hozirgi eng yangi davrgacha evolutsiyani boshdan kechiradi. Demak, Aflotun davlat to’g’risidagi fikri orqali biz eng qadimgi tatalitar davlat tuzumi bilan tanishdik. Kommunistik davlat ham totalitar ahamiyatga ega. Lekin Popperda totalitarizm tushunchasi kommunizm tushunchasiga nisbatam kengroq ma’noda ishlatiladi. Masalan, xristianlik tarixida ham u totalitarizm xususiyatlarini ko’radi. O’rta asr xristianlik cherkovi inkvizitsiyasida bu hodisa yaqqol namoyon bo’ladi. Inkvizitsiya hurfikrlovchilarni ta’qib ostiga olib, ularni yondirib, azob-uqubatlarga duchor qilar edi. Yana shuni hisobga olish kerakki, hurfikrlik hozirgi demokratik 10 Popper K.R.. The Open Society and Its Enemies. (―Ochiq jamiyat va uning dushmanlari‖). — London., « Soros Foundation », 1964. –P 241.

davlatlarning asosiy tamoyillaridan birini tashkil qiladi. Hurfikrlik nima? Hurfikrlik to’g’ri aqliy tafakkurdir. Shuning uchun ham Popper Popper mana shuning uchun davlat deganda , birinchi navbatda , aql ustuvorligini nazarda tutadi. Aql ustuvorligi deganda nima tushuniladi? U mantiqiy tafakkurlash qobiliyatidir. Mantiqiy pozitivizm vakili sifatida Popperga bunday uslub xosdir. Mantiqiy tafakkurning quroli sifatida Popper tanqidni tanlaydi. Shu pozitsiyada turib, Popper Arastu mantig’ini tanqid qiladi. Uning uchun e’tiqod ahamiyat kasb etmaydi, uni tafakkurlash jarayoni qiziqtiradi. Shuning uchun ham u intuitsiyaga tanqidiy yondashadi, uni g’ayritabiiy hodisa deb tushunadi, mantiqiy aql aql chegarasiga sig’maydi. Arastu birlamchi intuitsiya asoslarining mavjudligini tan oladi. Bu asoslar bilim orqali isbot talab qilmaydi, ular dastlabki birlamchi, tayyor bilimlardir. Shuning uchun ham bu bilimlar hech qanday tahlilga muhtoj emas. Ularni shubha ostiga olish mumkin emas, aksincha, ularga ishonish kerak. Intuitsiya ilohiy bilim sifatida tushuniladi, unga hech qanday isbot kerak emas, shubha va tanqiddan mustasno ilohiy bilimdir. Popper intuitiv, irratsional bilimni tanqid qiladi. Aflotunning davlat to’g’risidagi nazariyasini irratsional, deb ataydi. U individ manfaatlarini inkor qiladi, individuallik jamoatchilikka bo’ysundirilgandir. Adolat, Aflotun fikricha, davlatning butun talablariga javob berishni anglatadi. Masalan, bir tabaqa vakili ikkinchi tabaqaga o’tib ketsa, unda davlat talablari buziladi va adolatning barham topishiga olib keladi. ―Davlatga ma’qul bo’lgan narsa adolatli, noma’qul bo’lgan narsa esa adolatsizdir. Adolatni bunday tanqid qilishni Popper o’z navbatida haqli ravishda totalitarizm, deb ataydi. Popper jamoa tushunchasini totalitarizm tushunchasi bilan aynanlashtiradi. Altruizm va gumanizm tushunchalari kollektivizmdan, totalitarizmdan kelib chiqmaydi, balki individualizmga xosdir. Popper Aflotunni kollektivni individga qarama-qarshi qo’yishda ayblaydi, lekin o’zi ularni bir- biriga zid qo’yadi. Popper o’zining ―ochiq jamiyat‖ to’g’risidagi ta’limotini ilgari suradi. ―Ochiq jamiyat‖ nima? Ochiq jamiyat, Popper nuqtai-nazaricha, demokratik jamiyatdir. Bunday jamiyat individuallik tamoyillariga asoslangan

bo’ladi. Unga yopiq jamiyat qarshi turadi. Aflotun fikricha, matriarxat tuzumining buzilishi, mazhab munosabatlarini barbod bo’lishi axloqiy buzilishga, inqirozga olib keladi, bu esa ijtimoiy bo’hronlarni keltirib chiqaradi. Ularga barham berish maqsadida Aflotun ―ideal davlat‖ nazariyasini ilgari surgan edi. Lekin uning bu ta’limoti Popper fikricha, yopiq jamiyat ta’limotiga o’xshab ketadi. Bu ta’limotni Popper tarixiylik tamoyili bilan asoslaydi 11 . Tarixiylik shunday dunyoqarashki, u o’z ibtidosini tarixiy jarayondan keltirib chiqaradi. Popper Karl Marksning qiymat nazariyasini chuqur tahlil qilib chiqadi va uni axloq bilan bog’liqligini ochib beradi. Popper Marksning ijtimoiy qarashlarini tahlil qilar ekan, jamiyat va shaxs haqida fikr yuritadi. Shaxsning kamol topishi ko’p jihatdan jamiyatga bog’liqdir. Jumladan, oilaga, do’stlarga, atrof muhitga ham bog’liqdir. Shaxs ijtimoiy va tabiiy atrof-muhitning mahsulidir. Shaxs haqida fikr yuritib, Popper Bethovenni misol qilib keltiradi. U mashhur musiqashunos bo’lgan, lekin aqli zaif bo’lgan. Uni mashhur bo’lishiga oilasi, tabiiy iqtidori, jamiyatning ahvoli hamda musiqiy ma’lumoti sabab bo’ldi. Ana shu faktorlarni keltirib, Popper daholikning siri nimada ekanligini ochmoqchi bo’ladi. Daholik bu yangilikning tug’ilishidir. Yangilikning o’zini mantiqiy yo’l bilan isbot qilib bo’lmaydi, buni mantiqiy pozitivizm va vakillarining ham o’zlari tan olishgan. Masalan, Anri Puankare yangilikni intuitsiya orqali tug’ilishini tan olgan. Hech bir yangi matematik g’oya eski matematik g’oyalardan keltirib chiqarilmagan, deb hisoblaydi Puankare. Uning fikricha, yangilikning tug’ilishi intuitiv jarayonlardir, u hech qanday mantiqiy chegara chiziqlariga to’g’ri kelmaydi. Shundan kelib chiqqan holda aytishimiz mimkinki, Bethovenning daholigi, ilohiy intuitsiyaning namoyon bo’lishidir. U aqli zaif bo’lishiga qaramay, samoviy musiqa ohanglarini o’z qalbida his etib, kosmos garmoniyasini eshitib, o’z simfoniyalarini yaratadi. Uning daholigining siri ham mana shundadir. Albatta, jamiyatdagi o’rni, musiqiy ma’lumoti, oilasining yordami 11 Qarang: Jowet W.. The works of Karl Popper. —Nyu York., «Education», 1998. –P 329.

ikkilamchi sabablardir 12 . Ratsionalizmni insonlarning bir-birlariga bo’lgan munosabatlarini, yurishturishlari nuqtai-nazaridan ham baholab, Popper shunday yozadi: ―men adashishim ham mumkin, u ham xato qilishi mumkin, lekin birgalikda biz haqiqatga yaqinlashamiz. Ratsionalizmni bunday holda tushunish, Popper fikricha, insonlarni bir- birini tushunishiga yordam beradi, o’zaro kelishuv yo’llarini topishiga turtki bo’ladi. Kelishuv tafakkurdan tashqarida bo’lmaydi, masalan, yuksak hissiyot bo’lgan muhabbat orqali kelishuvga kelib bo’lmaydi. Har bir sevuvchi tomonlar o’z manfaatlarini unutib, sevuvchisi manfaatlarini ko’zlab harakat qiladi, natijada kelishuvga kelinmay, o’z manfaati amalga oshmaydi. Natijada, deydi Popper, ikkinchisi ham o’z manfaati yuzasidan kelishuvga kelmaydi. Keyinchalik bunday muhabbat asta-sekin nafratga olib kelishi mumkin. Shunday qilib, Popper xulosa qiladiki, muhabbat nafratni keltirib chiqaradi. Chunki har ikki tomon manfaatidan voz kechib, o’z qiziqishini amalga oshira olmaydi.Suqrot ta’limotini tahlil qilganda ham Popper uning mashhur shiorini (ya’ni ― Inson, o’zingni bil ‖) mushohadaviy tafakkur ongi sifatida talqin etadi. Suqrotning ruh haqidagi eslatmalarini tan olmay, ularni psixik holatlarga yo’yadi. Popper irratsionalizmni tafakkurdan mahrum bo’lgan psixologizmga bog’laydi. Agar Popper irratsionalizm tarixiga nazar tashlaganda, uning ildizi qadimgi panteistik ta’limotlarga borib taqalishini sezar edi. Masalan, g’arbdagi orfik maktablarning ta’limotida biz irratsionalizm belgilarini ko’ramiz. Pifagor qarashlarida irratsionalizmning mohiyati ochib berilgan, unda inson tafakkuri intuitsiya orqali dunyoviy aql bilan bog’lanishi ta’kidlanadi. Pifagorda ratsionalizm bilan intuitsiyaning bog’langanligini ko’ramiz. K.Popperning “ Ochiq jamiyat va uning dushmanlari ” asaridagi ijtimoiy- falsafiy qarashlari Popper o’zining ―Ochiq jamiyat va uning dushmanlari‖ asarida tarixiy jarayon haqidagi fikrlarini rivojlantirib, ochiq jamiyat to’g’risida gapiradi. Ochiq jamiyat haqida gapirib, Popper bunday jamiyatning huquqiy, axloqiy, iqtisodiy, siyosiy qonuniyatlarini ochib beradi. Aksincha, bu qonuniyatlarni ochish tarixiylikka olib 12 Qarang: Альтерматт У. Философия нового времени в Европе. –M.: Российский гос. гуманит. ун-т, 2000. – 113 с.

keladi, deydi. Tarixiylik esa, uning fikricha, irratsionalizmdir. Popper o’zining ―ochiq jamiyat‖ to’g’risidagi ta’limotini ilgari suradi. ―Ochiq jamiyat‖ nima? Ochiq jamiyat, Popper nuqtai-nazaricha, demokratik jamiyatdir. Bunday jamiyat individuallik tamoyillariga asoslangan bo’ladi. Davlatni ilohiylashtirish qullik va istibdod hukmron bo’lgan davrlardan qolgan kishilar sajdaparastligining eng yomon ko’rinishidir, deb yozadi K.Popper. Unga yopiq jamiyat qarshi turadi. Aflotun fikricha, matriarxat tuzumining buzilishi, mazhab munosabatlarini barbod bo’lishi axloqiy buzilishga, inqirozga olib keladi, bu esa ijtimoiy bo’hronlarni keltirib chiqaradi. Ularga barham berish maqsadida Aflotun ―ideal davlat‖ nazariyasini ilgari surgan edi. Lekin uning bu ta’limoti Popper fikricha, yopiq jamiyat ta’limotiga o’xshab ketadi 13 . Hech qachon boshqaruvi bo’lmagan hokimiyat bo’lmaganidek (―yangi zamonaviy jamiyat ham bo’lmagan‖), xalq xalq bo’lib qolar ekan, absolut yoki cheksiz boshqaruv hokimiyati ham bo’lmaydi. Hukmdor qanchalik jinmonan, ma’nan kuchli bo’lmasin, boshqarish uchun baribir yordamchilarga muhtoj. U jamiyatni boshqarar ekan, u yoki bu jamoaga yon bosadi, ularni qo’llabquvvatlaydi va shu orqali jamiyat a’zolariga bog’lanadi. Misol uchun,agar hokimiyatni boshqarish uchun ―donishmand‖ yoki ―oqil‖ni tanlab oldik deylik. ―Donishmand uzoq o’ylov va mushohadadan so’ng hokimiyatni u emas, ―oqil boshqarishi kerak degan fikrga keldi. Lekin ―oqil‖ hukumatni ko’pchilik boshqarishi kerak degan qarorga keldi 14 . Boshqaruv hokimiyatini ikkiga bo’lish mumkin. Birinchi turi – qonuniy saylov yo’li asosida, hech qanday qon to’kishlarsiz. Ikkinchi turi – hokimiyatni hech kim bilan bo’lishishni istamaydigan,yakkahokimlikni qo’llovchi boshqaruv usuli. Popperning fikricha, ―demokratiya‖ termini – qisqacha aytganda hokimiyatni birinchi usuli, tiraniya (hokimiyatni zo’rlik bilan boshqaruvchi yakka hukmdor, diktatorning bir turi) yoki diktatura deb ataluvchi atama esa ikkinchi turiga to’g’ri keladi. Bu ta’limotni Popper tarixiylik tamoyili bilan asoslaydi. Tarixiylik shunday dunyoqarashki, u o’z ibtidosini tarixiy jarayondan keltirib chiqaradi. 13 Popper K.R.. The Open Society and Its Enemies.—London, « Soros Foundation », 1964. –P 261. 14 O‘sha asar. –B 198.

Popper Karl Marksning qiymat nazariyasini chuqur tahlil qilib chiqadi va uni axloq bilan bog’liqligini ochib beradi. Popperning fikricha, Marksning dunyoqarashi XX asrning butun mafkurasi va ijtimoiy amaliyotiga mohiyatan kuchli ta’sir o’tkazdi. Bu ta’limot bayrog’i ostida juda ham xilma-xil, ba’zida esa qarama-qarshi harakatlar: sotsialdemokratlar, kommunistlar, milliy-ozodlik, o’ta murosasiz kuchlar faoliyat ko’rsatib, ijtimoiy inqiloblar va siyosiy to’ntarishlarni amalga oshirdilar. Garchi markscha ta’limotning asoschilarining o’zi o’z qarashlarini qotib qolgan qat’iy e’tiqodga aylantirishga qarshi chiqqan bo’lsalar ham, muayyan tarzda talqin qilingan va muqaddaslashtirilgan marksizm ―sotsialistik lager‖ mamlakatlarining rasmiy mafkuraviy ta’limotiga aylantirildi 15 . Markscha ta’limotni ―asliga muvofiq aqidaga aylantirilishi va uni siyqalashtirilganligi (stalincha ta’limotda va unga qardosh bo’lgan moizm, chuxche va boshqa oqimlarda) XX asrda G’arbiy Evropa va AQSH da tanqidiy va g’arb marksizmini (neomarksizm) paydo bo’lishiga olib keldi. G’arb neomarksizmning bosh vazifalaridan biri Marks g’oyalarini totalitar ruhdagi talqinlardan tozalash edi. Popper shunday xulosaga keladiki, XX asr oxiriga kelib «real sotsializm» ning barbod bo’lishi va «sotsialistik sistema»ning tarqab ketishi jahon taraqqiyotini o’zida mujassamlashtirgan deb e’lon qilingan proletariatning manfaati uchun ayrim olingan mamlakatlarda va umuman jahonda ijtimoiy tuzumni zo’rlik bilan almashtirishning muqarrarligi va zarurligi haqidagi nazariy qurilmalarning asossiz va amaliy jihatdan zararli ekanligini ko’rsatdi. Tarixiylik tushunchasini Popper juda keng tushungan. Bu tushunchaga turli qarama-qarshi ta’limotlarni ham kiritib yuboradi. Masalan, Geraklit, Aflotun, Arastu, Gegel, Marksning ta’limotlari ham tarixiylikka kirib ketadi. Tarixiylikni irratsional tushunish asosida insoniy ruh yotadi. Shuningdek, Popper o’z zamondoshlarini ham tanqid qiladi. Keller va Toynbi qarashlarini tarixiylikda ayblaydi. Bunday tarixiylikka Popper o’zining ratsionalizmini qarshi qo’yadi. Demak, Popperning pozitsiyasi qanday ? Uning ochiq jamiyat to’g’risidagi 15 Qarang: Popper K.R.. The Open Society and Its Enemies.—London, « Soros Foundation », 1964. –P 285.

ta’limoti tarixiylikka qarshidir. Ochiq jamiyat bu xalq hokimiyatining demokratik shaklidir. Bunday shakl o’z ichiga so’z, fikr, xususiy mulk erkinligini oladi. Xalq hokimiyatining bunday shakllari, Popper fikricha, qadimgi davrda Yunonistonning Afina shahrida mavjud bo’lgan. Afina demosi o’sha davr aristokratiyasiga qarshi kurashgan. Keyinchalik ochiq jamiyatning bunday shakli Yevropaga ko’chgan. Ochiq jamiyatning mukammal ko’rinishi hozirgi G’arbiy Yevropa va Shimoliy Amerika davlatlarida mavjuddir. Demak, ochiq jamiyat asosi hurfikrlikdan iboratdir. Biz bu yerda inson fikrining o’z-o’zidan rivojini, o’z-o’zidan mukammallashishini ko’ramiz. Popper o’z ta’limotida jamiyatni tafakkur taraqqiyoti sifatida tushunadi. Totalitar tuzum bu xususiy mulk hamda hurfikrlikka qarshi kurashgan jamiyatdir. Totalitarizm doim ideal davlat haqidagi g’oyani ilgari suradi. Abadiy va o’zgarmas bo’lgan ideal davlatda har bir jamiyat a’zosining baxtga erishishi muqarrardir, deb ta’kidlaydi. Popper fikricha, bunday ideal davlat taraqqiyot oldida to’siq bo’ladi. Ideal jamiyatni ilgari surgan utopistlarning o’zaro tenglik, hamkorlik, birodarlik, do’stlik haqidagi fikrlari ham hayoldan iboratdir. Ideal davlat g’oyasi utopiya bo’lishiga qaramasdan, zararli hamdir. U doimo jamoa hokimiyatidir. Shunday bo’lgandan so’ng, individuallik manfaati jamoaga bo’ysundiriladi, natijada hurfikrlilik halok bo’ladi, xususiy mulkning turli shakllari rivojlanmay qoladi. Davlatchilikning totalitarizm shakli xalq ommasining loqaydligiga olib keladi, bunda hurfikrlilik an’analari yo’qolib boradi, buyuk shaxslarga sajda qilish kuchayadi. Shaxsga, diniy aqidalarga sig’inish rivojlanadi. Hozirgi davrda texnika, informatsiya va muloqot vositalarining rivojlanishi zamonaviy insonni tobora ochiq, o’z-o’zidan rivojlanuvchi tizimga aylantirib qo’ymoqda. Hozirgi ochiq jamiyat uchun kuchli individ zarur. Bu esa o’z vaqtida yakkalikka olib keladi. Popper fikricha, ochiq jamiyatning ideal shakli individiumlar jamiyatidir. Amaliyotda insonlar jonli muloqotdan mahrum bo’lmoqdalar, chunki telefon, kompyuter, televideniya, radio va boshqa texnika vositalarining paydo bo’lishi muloqotni mehanizatsiyalashtirishga olib keldi. Bir uyda, shaharda, poyezdda

yashovchi insonlar bir-birini tanimaydilar. Bu, albatta, achinarli hol, deydi Popper. Bunday holat inson erkinligining natijasidir, bunday oqibat esa totalitar jamiyatda yashamaslikni oqlaydi. Inson uchun foydalisi erkin demokratik jamiyatda yashashdir. Insonlar munosabati haqida fikr yuritib, Popper umuman insonni yaxshi ko’rib bo’lmaydi, konkret harakatlari uchun konkret insonni yaxshi ko’rish mumkin, umumiy muhabbat yo’qdir, deydi. Popper bu yerda Suqrotning mavhum axloq haqidagi g’oyasiga to’liq qo’shiladi. Uning fikricha, tafakkur taraqqiyoti, pirovard natijada, davlatlarni, xalqlarni ―ochiq jamiyat‖ lageriga o’tishiga olib keladi. Tarixiy jarayon rivoji erkinlik rivojiga yo’naltirilgandir. XIX asr oxirida bu g’oyani fransuz faylasufi Anri Bergson rivojlantiradi. Uning evolutsion nazariyasida fanga va intelektual bilimga yuksak baho berib, bular intuitiv bilimga qo’shimcha bo’lishi kerak deydi, Bergson. Uning fikricha, intuitsiya va intellekt bir-birini to’ldiradi, bilish jarayonini ijodiyotga aylantiradi. Frensis Bekon o’z davrida ratsional tafakkurning xatolari haqida fikr yuritgan edi. Uning fikricha, bu xatoliklarni yo’qotish tajriba orqali amalga oshadi. Abu Ali Ibn Sino ham bilishda tajribaning rolini inkor etmagan holda, inson tafakkuriga nurlanish xosligi to’g’risida gapiradi. Bunday nurlanish faqatgina mutlaq xotirjamlikdagina namoyon bo’ladi. So’fizm va yoga maktablari sukunatga eishishning bir necha uslublarini ishlab chiqqanlar. Shunday qilib, irratsionalizm insonning ichki dunyosiga murojaat qiladi. Popper sharqona irratsionalizmni ham, hind irratsionalizmini ham inkor qiladi. Popper irratsionalist Keller mulohazasini keltiradi: ― Biz yangi davrga qadam bosishimiz lozim, unda inson ruhi o’zini mistik va diniy imkoniyatlarini tiklasin, yangi afsonalarni yaratib, hayotni moddiylashtirishga va mexanikalashtirishga qarshi chiqsin. Insoniy ruh insoniyatga haydovchi yoki texnik sifatida majburan xizmat qilishdan qutulib, shoir yoki komil inson sifatida qayta tug’iladi, insonlarni orzulariga bo’ysundiradi. Intellektual donolik va ilmiy dasturlar singari, ishonchga loyiq qalbiy donolikka ega bo’ladi, lekin bu donolik yanada ilhombaxsh etadi va ko’tarinkiroq ruhda harakatga chorlaydi. Umuman olganda,

har bir insonda intuitiv qobiliyat mavjud. Bu inson ruhiyatining kichik ichki koinotidir. Ana shu kichik koinotda katta koinot aks etadi. Keller insonni o’z koinotini kashf etishga chaqiradi. Bu koinotning imkoniyatlari cheksizdir. Qisqacha qilib aytganda, ― Men koinotdaman, koinot menda. Keller texnikaning taraqqiyoti insonni tobora muruvatga aylantirib borayotganligini aytadi. Texnik sivilizatsiyaning rivoji insonni tabiatdan begonalashuviga sabab bo’lmoqda. Bu esa o’z navbatida, insonni insonlardan ham begonalashishini keltirib chiqaradi. Bizning fikrimizcha, Kellerning texnikaviy jamiyat haqidagi mulohazalari shulardan iborat va Popper o’zining ―ochiq jamiyat haqidagi nazariyasini ishlab chiqishda Kellerning ushbu fikrlarni rad etmaydi. Albatta, Popper hukumat o’zining fuqarolarining savodi, ma’lumoti uchun javobgar bo’lishi,hattoki, ma’lumotsizlarga nisbatan chora, jarima to’lashni tashkil qila bilishi va buni nazoratda tutishi kerak,deb hisoblaydi. Bunday ma’lumotga ega shaxslar, jamoat ishlarida faol qatnashishini, har qanday o’zgarishga o’zlarining qarashlarini bildirishini aytib o’tadi. Hukumat jamoat ichidan intellegentlar, talantlar chiqishi uchun bunga sharoit yaratishi, ularni qo’llab-quvvatlashi lozimligini keltirib o’tadi. Bundan esa hech narsani ayamaslik lozim,deydi. Popper nazaricha, yurtning kelajagi yoshlar bilan bog’liq. Ma’sul shaxslar ularning ma’lumoti, bilim doirasi to’g’risida qayg’urishi, ularni yuksak fikrga ega bo’lgan shaxsga aylantirishi kerakligini aytib o’tadi. U yoshlar uchun imkoniyat eshiklarini ochib, ularning ta’lim olishlari uchun institutlar tashkil etish, va aynan, davlat boshqaruvini egallovchilar uchun ham maxsus o’quv dargohlari tashkil etish kerakligini keltirib o’tadi.

Foydalangan adabiyotlar 1. Поппер Карл. Логика и рост научного знания.—М., «Наука», 1983. –С 57- 58. 2. Popper K.R.. The Open Society and Its Enemies. (―Ochiq jamiyat va uning dushmanlari‖). —London., « Soros Foundation », 1964. –P 238. 3. Jowet W. The works of Karl Popper. —Nyu York., «Education», 1998. –P 313. 4. Лосев А.Ф.. Платон. – Философская энциклопедия, т. 4. – М., «Наука», 1967. –С 351. 5. Альтерматт У. Философия нового времени в Европе. –M.: Российский гос. гуманит. ун-т, 2000. – 113 с. 6. Виппер Р.Ю. Философия нового времени. –M..: Черо, 1999. –С 421.

Похожие

Tarix falsafasi

Osvald Shpenglerning tarix falsafasi

Tarixiy jarayonda jamiyatning madaniy va ma’rifiy qadriyatlari. Jamiyat va tarix falsafasi

Detyerminizm falsafasi

Borliq falsafasi