To’g’rilagichli asboblar. To’g’rilagichli asboblar to’g’risida umumiy malumotlar - Энергетика - Рефераты

To’g’rilagichli asboblar. To’g’rilagichli asboblar to’g’risida umumiy malumotlar

Загружено в:

22.11.2022

Скачано:

0

Размер:

365.33203125 KB

To’g’rilagichli asboblar. To’g’rilagichli asboblar to’g’risida umumiy malumotlar Режа: 1. Электрон тўғрилагичлар ва стабилизаторлар ҳақида умумий тушунча 2. Тўғрилаш схемалари 3. Бошқариладиган тўғрилагичлар

1. Электрон тўғрилагичлар ва стабилизаторлар ҳақида умумий тушунча Кўпчилик замонавий қурилмалар учун ўзгармас ток энергияси зарур. Гальваник элементлар, аккумуляторлар, ўзгармас ток генераторлари, термоэлектрогенераторлар ва тўғрилагичлар ўзгармас ток манбаи бўлиб ҳисобланади. Ўзгарувчан ток энергиясини ўзгармас ток энергиясига айлантириб берувчи қурилма тўғрилагич деб аталади. Тўғрилагичлар бошқа ўзгармас ток манбалари билан солиштирилганда жиддий устунликка эга: тузилиши содда ва ишончли, ФИК юқори, узоқ муддатгача ишлайди. Тўғрилагичнинг тузилиш схемаси 3.1-расмда келтирилган. 1-расм. Тўғрилагичнинг тузилиш схемаси Трансформатор-1 талаб этилган қийматдаги ўзгарувчан ток кучланишини ҳосил қилиш учун ишлатилади. Тўғрилагич 2 ёрдамида ўзгарувчан ток кучланишини пульсацияланувчи ток кучланишига айлантирилади. Фильтр 3 тўғрилагичдан чиққан пульсацияланган ток кучланишини силлиқлаш учун мўлжалланган. Айрим ҳолларда тузилиш схемасида келтирилган баъзи қисмлар учрамаслиги мумкин, асосий элементлар бундан мустасно. Масалан, тўғрилагич ток тармоғига трансформаторсиз уланиши ёки тўғрилагич фильтрсиз ишлатилиши мумкин. Кўпинча тўғрилагич таркибига кучланиш ёки ток стабилизатори киради. Электр қурилмалар кўп ҳолларда ўзгарувчан токнинг бир фазали тармоғида ишловчи кичик қувватли тўғрилагичлар ёрдамида энергия билан таъминланади. Улар бир фазали тўғрилагичлар деб аталади ва улар қуйидаги турларга бўлинади:

а) бир ярим даврли (уларда ўзгарувчан ток кучланишнинг бир ярим даври давомида вентиль орқали ўтади); б) икки ярим даврли (уларда ўзгарувчан токнинг иккала ярим даври вентиль орқали ўтади); в) кучланишни кўпайтирувчи схемали тўғрилагич. Катта қувватга эга бўлган саноат қурилмаларини таъминлаш учун уч фазали тармоқда ишлайдиган ўртача ва катта қувватли тўғрилагичлардан фойдаланилади. Замонавий тўғрилагичларда вентиль сифатида яримўтказгичли диодлар ишлатилади. Электрон қурилмаларда бирор қийматли ўзгармас ток кучланишини бошқа қийматли ўзгармас ток кучланишига ёки бирор қийматли ўзгармас ток кучланишини бошқа қийматли ўзгарувчан ток қийматига айлантиришда кучланиш ўзгартиргичлардан фойдаланилади. 2. Тўғрилаш схемалари Бир ярим даврли тўғрилагичлар . Актив юкламали бир ярим даврли тўғрилаш схемаси (3.2.а-расм) маълум бўлган тўғрилаш схемаларидан энг соддаси ҳисобланади. Таҳлилни соддалаштириш мақсадида диод ва трансформаторни идеал деб ҳисоблаймиз, яъни диоднинг тўғри йўналишдаги қаршилиги нольга тенг, тескари йўналишдагиси эса чексиз, трансформатор чўлғамларининг актив ва реактив қаршиликларини нольга тенг деб ҳисоблаймиз. Кучланишнинг биринчи ярим даври давомида трансформаторнинг иккиламчи чўлғамининг юқори қисми мусбат паст қисми эса манфий ишорага эга бўлсин. Шунда диод VD нинг анодига мусбат, котодига манфий потенциаллар тушуви ҳосил бўлиб, диод очиқ ҳолатда бўлади ҳамда унинг қаршилиги нольга тенгдир.

2-расм. а) ярим даврли т¢ђирлагич схемаси. б) VD занжиридаги ток ва кучланишнинг график к¢риниши . Трансформаторнинг иккиламчи чўлғамида ҳосил бўлган кучланиш U2 тўлиқлигича юклама қаршилиги R ю га тушади ва занжирдан I2 токи оқиб ўтиб унинг шакли трансформаторнинг иккинчи чўлғамидаги кучланишнинг шакли билан бир-хил бўлади. Иккинчи ярим давр давомида VD диод анодидаги потенциал катодга нисбатан манфий бўлади ва диод ёпилади, юкламадаги ток эса нольга тенг бўлиб қолади. Юкламадаги тўғриланган кучланишнинг ўртача қийматини унинг давр чегарасида U0=U ю ўзгармас ташкил этувчисини қуйидаги тенгликдан топиш мумкин (2.б-расмга қаранг): (1) Агар U2 кучланиш U2= U2msinωt синусоида қонунига биноан ўзгарса, у ҳолда (2) Кучланишнинг U2m амплитуда қийматини эффектив ( U 2 m = 2 U 2 ) қиймат билан алмаштирсак, қуйидаги кўриниш келиб чиқади:

(3) Бундан (4) Яъни, трансформаторнинг иккиламчи чўлғамидаги кучланиш юкламада ҳосил бўлган кучланишдан 2,22 марта юқори бўлади. Тўғриланган токни ўзгармас ташкил этувчиси I0 нинг қиймати қуйидаги формула билан аниқланади: (5) Одатда U 0 ва I 0 ларнинг қийматлари асосида ҳисоблаш ишлари олиб борилади. Агар тармоқ кучланиши U 1 маълум бўлса, керак бўлган U 0 кучланишни олиш учун трансформаторни транформация коэффициенти қуйидаги формула билан аниқланади: (6) Схемадан кўринадики, кейинги ярим даврда диоднинг анодига манфий потенциал берилиши жараёнида диоднинг қаршилик қиймати чексиз бўлади ва занжирдан ток оқиб ўтмайди. Бундай кучланишни тескари кучланиш дейилади ва унинг қиймати қуйидагига тенг: U тес = U 2 m = 3 , 14 U 0 (7) Формуладан кўринадики, диодга тушаётган тескари кучланишнинг қиймати юкламадаги кучланишдан 3 марта катта бўлар экан.

Бир ярим даврли тўғрилагичларни ҳисоблашда диод турини танлаш муҳим аҳамиятга эгадир. Диодни танлашда 2 та мақсад кўзда тутилади: Биринчидан, тескари кучланиш таъсирига электрик чидамли бўлиши шарт яъни шундай турдаги диодни танлаш керакки, унинг тескари кучланишга чидамлилиги қуйидаги қийматда бўлиши керак: U тестах ≥ U тес (8) унда, U тес , max - диоднинг рухсат этилган тескари кучланиш қиймати, U тес - трансформаторнинг иккиламчи чўлғамида ҳосил бўлган тескари кучланиш. Агарда (3.8) тенгсизлик бажарилмаётган бўлса, тенгсизликни таъминлаш мақсадида диодни катта тескари қийматли диодга алмаштириш ёки занжирга 2 ва ундан ортиқ диодларни кетма-кет улаш керак. Иккинчидан, диод ўтказа оладиган токнинг қиймати занжирдаги I 0 токнинг қийматидан катта бўлиши шарт: I ўрт,мах ≥ I 0 (9) Агарда (3.9) тенгсизлик бажарилмаётган бўлса, тенгсизликни бажарилишини таъминлаш мақсадида катта қийматдаги токни ўтказа оладиган диод турини танлаш керак ёки занжирга 2 ва ундан ортиқ диодларни параллел улаш керак. 3.2.б-расмдан кўринадики, юкламада кучланиш пульсацияланиб, бир даврда бир марта максимал қийматга эга бўлар экан. Бундай кўринишдаги кучланиш қаторларга ёйилса, у ўзгармас ташкил этувчи U 0 ва бир қанча ҳар-хил частотали (гармоникали) ва амплитудали ўзгарувчан ташкил этувчиларнинг йиғиндисидан иборат бўлади. Бу ташкил этувчиларнинг биринчи гармоникаси энг катта амплитудага эга бўлади. Демак, бир ярим даврли тўғрилагич схемасида биринчи гармониканинг амплитуда қиймати қуйидаги тенгликка тенг бўлади: U 1 rm = 1 , 57 U 0 (10)

Биринчи гармониканинг частотаси fr тармоқ частотаси f т га тенг бўлади. Юкламадаги кучланишнинг пульсацияланиши пульсация коэффициенти билан характерланади: (11) бир ярим даврли тўғрилагич схемасининг пульсация коэффициенти 3.10 ва (3.11) формулаларга асосан қуйидаги тенгликка тенг бўлади: (12) Формуладан кўринадики, тўғриланган кучланишга нисбатан биринчи гармониканинг амплитуда қиймати 1,57 марта катта бўлар экан. Схемада трансформаторнинг иккиламчи чўлғамидан юкламанинг ўзгармас ташкил этувчи токи I0 оқиб ўтади. Натижада, бу ток трансформатор ўзагини магнитлаб салт токини оширади. Бу эса трансформаторнинг энергия исрофини ошишига ҳамда ФИК ини камайишига сабаб бўлади. Трансформаторнинг салт токи ва энергия исрофини камайтириш учун трансформатор ўзагининг кўндаланг кесим юзасини орттириш керак. Бу эса ўз навбатида тўғрилагичнинг ўлчамлари ва массасини ортишига олиб келади. Трансформаторнинг бирламчи чўлғамидаги i1 токнинг амплитудаси ва шаклини аниқлаш учун трансформаторнинг диодсиз схемаси учун бўлган формулага мурожаат Лекин диод уланган схемада трансформаторнинг иккиламчи қиламиз яъни чўлғамида 2 та ток мавжуд бўлиб, улар i2 ва I0 дан ташкил ташкил топади. Шу сабабли формуладаги i2 нинг қиймати i2=i2- I0 кўринишига эга бўлади. Шундай ҳолатда i1 нинг қиймати қуйидаги кўриниш олади:

Бунда n -транформация коэффициенти. (14.5) формулага асосан I2m=1,57I0 га тенг бўлганлиги сабали I1 нинг қиймати қуйидаги формула билан аниқланади: (13) Бундан кўринадики, трансформаторнинг бирламчи чўлғамидаги ток носинусоидалдир. Тўғрилагичнинг фойдали қуввати: Р 0 = U 0 I 0 (14) га тенг. Трансформатор қувватини аниқлашда нафақат ўзгарувчан ташкил этувчи ток ва кучланишларни, шу билан бирга ўзгармас ташкил этувчиларни ҳам ҳисобга олиш керак. Бундай қувватлар электротехникада ҳажмий қувват деб юритилиб ток ва кучланишларнинг эффектив қийматлари орқали аниқланади: S 1 = U 2 I 2 ; S 1 = U 1 I 1 ; S ТР = 0 , 5 ( S 1 + S 2 ) (15) Бунда S2 - иккиламчи чўлғамнинг ҳажмий қуввати , S1 - бирламчи чўлғамнинг ҳажмий қуввати , S тр - трансформаторнинг ҳажмий қуввати . Бир ярим даврли тўғрилагичларда иккиламчи чўлғамида ўзгармас ташкил этувчиси бўлганлиги сабабли бирламчи чўлғам қувватидан катта бўлади . Шу сабабли трансформаторнинг ҳажмий қуввати ортади . Бундай ҳол бир ярим даврли тўғрилагич схемаларининг камчилигидир .

Кўпинча, трансформаторлардан фойдаланиш коэффициенти катталиги ишлатилиб, у қуйидаги формула билан аниқланади: (16) Бир ярим даврли схема учун S1=2,69Р0, S2=3,49 Р0, S ТР =3,09 Р0, k ТР =0,324 га тенг бўлади. Бу қийматдан кўринадики, трансформаторлардан фойдаланиш коэффициенти кичик. Бир ярим даврли тўғрилагич схемаларида пульсация коэффициенти катта, трансформатор ўлчамлари ва массаси катта диодга тушаётган тескари кучланиш катта ҳамда трансформаторлардан фойдаланиш коэффициенти кичик бўлганлиги сабабли унинг тузилишининг содда бўлишига қарамай бу схема жуда кам ишлатилади. Икки ярим даврли тўғрилагичлар. Икки ярим даврли тўғрилагич схемаси 2 турли бўлади:  трансформатор иккиламчи чўлғамининг ўрта клеммаси мавжуд бўлган схема;  кўприксимон схема. Трансформаторнинг ўрта клеммаси чиқарилган икки ярим даврли тўғрилагич схемаси 3.3.а-расмда кўрсатилган бўлиб, қуйидаги элементлардан ташкил топади: иккиламчи чўлғами ўрта клеммага эга бўлган трансформатор, VD1, VD2 диодлар ва R ю юклама. Бу схема иккита бир ярим даврли схемали тўғрилагичлардан ташкил топган бўлиб, уларнинг юкламаси умумийдир. Схемада трансформатор иккиламчи чўлғамининг биринчи қисми VD1 эанжирни, иккинчи қисми эса VD2 занжирини ҳосил қилади. трансформатор иккиламчи чўлғамининг биринчи қисмида U 2  иккинчи қисмида U 2  кучланиши ҳосил бўлади. U 2  ва U 2   кучланишларнинг қиймати тенг бўлиб, фазалари 180 0 га силжигандир (3.б- расмга қаранг). Схемадан кўринадики, U 2  кучланишнинг биринчи ярим даврида VD1 анодига мусбат потенциал узатилиб, ўрта клеммадан эса Rю орқали VD1нинг катодига манфий потенциал узатилади. Бундай ҳолатда

VD1 диод очилади ва ундан R ю юклама қаршилиги орқали iVD1 токи оқиб ўтади. Шу вақт оралиғида 3-расм. а) икки ярим даврли т¢грилагич схемаси. б) тўғрилагич схемасидаги ток кучланишларининг график к¢риниши. эса VD2 нинг анодига U 2  кучланишнинг манфий ишорали потенциали узатилиб, катодига эса мусбат ишорали потенциали узатилади яъни VD2 беркдир. Кейинги ярим давр оралиғида VD1 га U 2  тескари кучланиш узатилиб, VD2 га эса тўғри кучланиш U 2   узатилади яъни анодига мусбат катодига манфий ишорали потенциал узатилади. Диод VD2 ва юклама қаршилиги R ю орқали iVD2 токи оқиб ўтади. Шундай қилиб, тўлиқ бир даврда юкламадан бир йўналишга эга бўлган иккала ярим даврнинг токи ( iVD1 ва i VD2) оқади ва юклама қаршилиги R ю да пульсацияланувчи ток кучланиши U н ҳосил бўлади. Юкламада ҳосил бўлган кучланишнинг ўзгармас ташкил этувчиси U0 нинг қиймати тўлиқ бир давр ичида бир ярим даврли тўғрилагичда ҳосил бўлган U0 нинг қийматидан 2 марта катта бўлади ва 3.3 формулани инобатга олган ҳолда унинг қиймати қуйидагича аниқланади: (17)

Бунда U2 –иккиламчи чўлғамнинг биринчи ёки иккинчи қисмида ҳосил бўлган кучланишнинг эффектив қиймати. Диодларга тушуётган максимал тескари кучланиш (3.3.а-расмга қаранг) трансформаторида иккиламчи чўлғамининг умумий кучланиши (иккиламчи чўлғамнинг биринчи ва иккинчи қисмида ҳосил бўлган кучланишларнинг йиғиндиси) га тенгдир. Схемадан кўринадики, кучланишнинг биринчи ярим даврида VD1 нинг анодига иккиламчи чўлғамнинг юқори нуқтасидан мусбат ишорали потенциал берилганлиги сабабли VD1 очиқ яъни унинг қаршилиги кичик R ↦ 0, VD2 нинг анодига эса иккиламчи чўлғамнинг пастки нуқтасидан манфий ишорали потенциал узатилганлиги сабабли VD2 берк бўлади. Унинг қаршилиги эса чексиздир. Шундай экан, схемада иккиламчи чўлғамнинг юқори нуқтаси билан пастки нуқтаси орасида ҳосил бўлган тескари кучланиш тўлиқлигича VD2 га тушади. Кейинги ярим даврда эса VD1 га тушади. 3.17 формуладан фойдаланиб қуйидагини ҳосил қиламиз: U тес = 2 2 U 2 = U 0 = 3 , 14 U 0 (18) Формуладан кўринадики, икки ярим даврли тўғрилагичлар схемасида диодга тушаётган тескари кучланиш 3 мартадан кўпроқ экан. Схемадан кўринадики, VD1 диоддан биринчи ярим давр оралиғида ток оқиб ўтади, иккинчи ярим даврда эса ток VD2 диодидан оқиб ўтади. Бу шуни кўрсатадики, юкламадан оқиб ўтаётган I0 токнинг миқдоридан ҳар бир диоддан оқиб ўтаётган токнинг ўртача миқдори I диод,ўр 2 марта кичик бўлади, яъни I диод,ўр = 0 , 5 I 0 (19) Икки ярим даврли тўғрилагич схемасида трансформаторнинг иккиламчи чўлғамидаги эффектив ток I2 =0,785 I0 га тенг. Бу қийматдан кўринадики, бир ярим даврли тўғрилагич схемасига нисбатан унинг қиймати 2 марта кичик бўлади. 3.3.б-расмдан кўринадики, юкламада ҳосил бўлган пульсацияланувчи кучланишнинг максимум қиймати манба кучланиши даври оралиғида 2 га тенг бўлади. Шу сабабли

пульсацияланаётган кучланишнинг биринчи гармоникасининг частотаси манба кучланишининг частотасидан 2 марта катта бўлади. Икки ярим даврли тўғрилагич схемасининг пульсация коэффициенти k=0,67 га тенг бўлиб, уни силлиқлаш кўрсаткичи бир ярим даврли тўғрилагичларга нисбатан сифатли бўлади. Икки ярим даврли тўғрилагичларда трансформатор ўзаги магнитланмайди, чунки биринчи ярим даврда I0 ток ҳисобига трансформатор ўзаги магнитланса, иккинчи ярим даврда эса трансформатор ўзагидан I0 ток тескари оқиб ўтиб ўзакни магнитсизлантиради. Шу сабабли трансформатор бирламчи чўлғамида ток шакли синусоидал бўлади. Тўғриланиши керак бўлган ток трансформатор иккиламчи чўлғамининг у ёки бу қисмидан даврий равишда олинади. Яъни трансформатор тўлалигича ишлатилмайди. Шу сабабли трансформатор чўлғамларидан фойдаланиш коэффициенти кичик бўлади ва S1=1,23Р0 ; S2=1,74Р0; S тр =1,48Р0; k тр =0,685 га тенг бўлади. Шундай қилиб, икки ярим даврли тўғрилагич схемаси билан бир ярим даврли тўғрилагич схемасини солиштирсак қуйидаги хулосага келамиз: • Диодлардан оқаётган ўртача токнинг миқдори 2 марта кичик; • Пульсация коэффициенти кичик; • трансформатордан яхши фойдаланилади. Камчилиги: Трансформатор иккиламчи чўлғамининг ўртасидан чиқиш клеммасига эга бўлиши керак;  Иккита диод ишлатилади. Амалиётда икки ярим даврли кўприксимон тўғрилагичлар схемаси кенг қўлланилади. Унинг схемаси 4-расмда берилган бўлиб, унда оддий R ю трансформатор ва кўприксимон схемада йиғилган 4 та диод ишлатилган.

Ўзгарувчан ток кучланиши диод кўпригининг 1-диагоналига берилса, тўғриланган ток кучланиши 2-диагоналдан олинади. 4-расм. Кўприксимон Икки ярим даврли кўприксимон тўғрилагич. тўғрилагич . Айтайлик, биринчи ярим даврда трансформатор иккиламчи чўлғамидан А нуқтага берилаётган кучланиш потенциали U2 мусбат ишорага, В нуқтада эса манфий ишорага эга бўлсин. У ҳолда занжирдан оқиб ўтаётган токнинг йўналиши қуйидагича: трансформатор иккиламчи чўлғамининг биринчи клеммасидан А нуқтага, сўнг VD4 орқали Г нуқтага, сўнг юклама қаршилиги R ю орқали Б нуқтага, сўнг VD2 орқали В нуқта занжирларидан трансформатор иккиламчи чўлғамининг иккинчи клеммасига ток оқади (кўприксимон схемада биринчи ярим даврдаги токнинг йўналиши узлуксиз стрелка билан ифодаланган). Иккинчи ярим даврда эса U2 нинг мусбат потенциали В нуқтага манфий потенциали А нуқтага узатилади. У ҳолда занжирдан оқиб ўтаётган токнинг йўналиши қуйидагича: трансформатор иккиламчи чўлғамининг иккинчи клеммасидан В нуқтага, сўнг VD3 орқали Г нуқтага, сўнг юклама қаршилиги R ю орқали Б нуқтага ва VD1 орқали А нуқта занжирларидан трансформатор иккиламчи чўлғамининг биринчи клеммасига ток оқади. Бу хулосалардан кўринадики, юклама қаршилиги R ю дан ўтаётган иккала ярим даврлар токи бир хил йўналишга эга бўлади. Шу сабабли кўприксимон схема учун ҳам U0=0,9U2. Ҳар бир диоддан оқиб ўтаётган ўртача ток миқдори I диод , ўр = 0,5 I 0 га тенг бўлади. Бу схемада тўғриланган ток трансформаторнинг иккиламчи чўлғамидан биринчи ярим даврда бир томонга иккинчи ярим даврда иккинчи томонга оқиб ўтганлиги сабабли трансформатор ўзаги магнитланмайди. Бу эса трансформатор ўлчами ва массасини камайтириш имконини беради. Кўприксимон схема учун S1= S2= S тр =1,23Р0; k тр =0,81 га тенг.

VD1 дан ток ўтаётган ҳолатда унинг анодига трансформатор иккиламчи чўлғамининг биринчи клеммасидан мусбат потенциал узатилиб, катодига эса VD2 орқали трансформатор иккиламчи чўлғамининг иккинчи клеммасидан манфий потенциал узатилади. Шундай экан, ток ўтмайдиган йўналишда (VD1 берк холатида) VD1 диодга трансформатор иккиламчи чўлғамида ҳосил бўлган кучланиш қиймати тўлиқлигича тушади: U тес = U 2 m = 2 U 2 = 1 , 57 U 0 (20) Яъни кўприксимон схемада диодга тушаётган тескари кучланишнинг қиймати иккиламчи чўлғамнинг ўрта клеммали икки ярим даврли тўғрилагич схемасига нисбатан 2 марта кичик бўлади. Пульсация коэффициенти эса k п =0,67 га тенг. Кўприксимон схема трансформатор иккиламчи чўлғамининг ўрта клеммали тўғрилагич схемасига нисбатан қуйидаги афзалликларга эга: • Ишламай турган вақт оралиғида диодга тушаётган тескари кучланиш 2 марта кичик; • Трансформаторнинг тузилиши содда; • Трансформаторсиз ҳам ишлатиш мумкин. Агарда кўприк диоганалига берилаётган кучланиш манба кучланишига тенг бўлган ҳолларда;  Трансформаторнинг ўлчами ва массаси кичик. Камчилиги: • 4 та диод ишлатилиши. Кучланишни кўпайтирувчи тўғрилагич. Бундай тўғрилагичлар схемаларида юкламада ҳосил бўлган кучланиш қиймати трансформатор иккиламчи чўлғамида ҳосил бўлган кучланиш қийматидан бир неча марта катта бўлади. Кучланишни кўпайтириш тўғрилагич схемаси 3.5-расмда келтирилган. У трансформатор иккиламчи

чўлғамидан истеъмол қиладиган 2 та бир ярим даврли тўғрилагичлардан тузилган. Биринчи тўғрилагич диод VD1 ва конденсатор С1 дан, иккинчи тўғрилагич эса диод VD2 ва конденсатор С2 дан ташкил топади. Юклама қаршилиги R ю 5-расм. Кучланишни кўпайтирувчи тўғрилагич. С2 га параллел уланган. Схемада кўрсатилганидек, биринчи ярим даврда трансформатор иккиламчи чўлғамининг пастки қисми мусбат ишорага, юқори қисми эса манфий ишорага эга бўлсин. Бунда VD1 диод ва С1 конденсатор орқали ток оқиб ўтиб, С1 конденсаторни зарядлайди. Иккинчи ярим даврда трансформатор иккиламчи чўлғамининг юқори қисми мусбат ишорага эга бўлиб, трансформатор кучланиши билан С1 нинг заряд кучланишларининг қийматлари қўшилиб VD2 орқали ток оқа бошлайди. Бу кучланишларнинг йиғиндиси С2 конденсаторни зарядлайди ва юклама қаршилигидан ток оқиб ўтади. Натижада конденсатор С2 ва юклама қаршилиги R ю да ҳосил бўлган кучланишнинг амплитуда қиймати трансформатор иккиламчи чўлғамида ҳосил бўлган кучланишнинг амплитуда қийматидан 2 марта катта бўлади. Бу схема бир ярим даврли тўғрилагичлар схемасига хос бўлган камчиликларга эга. Бир ярим даврли кучланишни кўпайтирувчи схема асосида кўп марта кучланишни кўпайтирувчи тўғрилагичлар схемаси ҳосил қилинади. Саноатда кучланишни 5-10 ва унда ортиқ маротаба кўпайтирувчи тўғрилагичлар ишлатилади. Бундай кучланишни кўпайтирувчи тўғрилагичлар кичик қувватли тўғрилагичлар бўлиб, бир неча ўнг минг вольт кучланишда ишлайдиган электрон нур трубкалар, электрон микроскоп, телевизион трубкаларнинг анодини кучланиш билан таъминлаш учун хизмат қилади. Уч фазали тўғрилагичлар. Уч фазали ток тўғрилагичлари асосан ўрта ва катта қувватли истеъмолчиларни таъминлашда ишлатилади. Бунда

улар уч фазали ток тармоғини бир текис юклайди. Уч фазали тўғрилагичларнинг кўпчилик схемалари ичида 3.6.а-расмда келтирилган ноль чиқишли уч фазали схема энг соддаси ҳисобланади. Бу схеманинг актив юклама ҳолидаги ишини кўриб чиқамиз. 3.6.а- расмдан кўриниб турибдики, схема Тр уч фазали трансформатор учта диод ҳамда R ю юклама қаршилигидан иборат. Трансформаторнинг бирламчи чўлғами юлдуз ёки учбурчак кўринишида, иккиламчи чўлғами эса фақат юлдуз кўринишида уланиши мумкин. Ўзаро уланган VD1, VD2 ва VD3 диодларнинг катодлари узаро уланган ва у мусбат потенциалга эга бўлиб, Rю юклама қаршилигига уланган. Анодлари эса уч фазали трансформатор чўлғамларининг учига уланган бўлиб, уларнинг ноль нуқтаси юклама қаршиги R ю га улангандир ва унинг потенциали манфий потенциалга эгадир. Келтирилган схемада диодда навбат билан ҳар бири даврнинг учдан бир қисми давомида, бир диод анодининг потенциали қолган иккита диодлар анодларининг потенциалидан мусбатроқ бўлганда яъни тегишли фаза кучланиш мусбат ва қолган иккита фаза кучланишидан каттароқ бўлганда ишлайди. Масалан t1 ва t2 вақт оралиғида (3.6.б-расм) U 2а кучланиш мусбат, U 2В ва U 2С кучланишлар манфий ёки мусбат бўлиб, лекин U 2а га нисбатан кичик қийматга эга бўлганида ток иккиламчи чўлғамнинг “а” фазаси бўйлаб VD1 диод ва Rю юклама қаршилиги орқали ўтади. Даврнинг кейинги учдан бир қисмида яъни t2 ва t3 вақт оралиғида VD2 диод ишлайди, чунки унинг аноди V D1 ва VD3 диодларнинг анодига нисбатан юқорироқ мусбат потенциалга эга бўлади. Трансформатор иккиламчи чўлғамининг “в” фазаси бўйлаб VD2 диод ва R ю юклама қаршилиги орқали ўтади. Бунда юклама қаршилигидан оқиб ўтаётган токнинг йўналиши аввалги учдан бир даврдаги токнинг йўналиши билан бир хил бўлади. Шундан сўнг VD3 диод кейин эса яна VD1 диод ва ҳокозо кетма-кетликда ишлайди. 3.6.б-расмда фаза кучланишларининг синусоидал ток ҳисобига ҳосил қилган тўғриланган (пульсацияловчи) кучланиши қалин чизиқ билан

кўрсатилган. Бу расмдан кўриниб турибдики, тўғриланган ток кучланишининг пульсацияланиши бир фазали ток тўғрилагичларида ҳосил қилинадиган пульсацияга нисбатан анча кичикдир ҳамда уларнинг частотаси манба частотасига нисбатан 3 марта катта бўлиб, фильтрлаш осон кечади. Агарда диодлар кўп бўлган схемадан фойдаланилса, у ҳолда пульсацияланиш камаяди ва шунинг учун ҳам баъзи ҳолларда силлиқловчи фильтрдан фойдаланмаса ҳам бўлади. Уч фазали тўғрилагичлар учун асосий ҳисоб-китоб муносабатларини келтирамиз: 6-расм . а) уч фазали т¢грилагич. б) уч фазали пульсацияланувчи кучланишлар тўғриланган кучланишнинг ўртача қиймати: U 0 = 0 , 827 U 2 т = 1 , 17 U 2 (21) Тўғриланган токнинг ўртача қиймати: U 0 I 0 = R н (3.21) ни ҳисобга олган ҳолда I 0 = 0 , 827 I 2 m (22) диоддан оқиб ўтаётган токнинг ўртача қиймати: (23)

тескари кучланишнинг максимал қиймати: (24) пульсация коэффициенти k п = 0,25 Диодларга кичик кучланиш тушуви сабабли бу схема кўпинча паст тўғриланган кучланишлар олиш учун ишлатилади. Схеманинг камчиликларига қуйидагилар киради: • катта қийматли тескари кучланиш; • трансформатордан фойдаланиш коэффициенти кичик; • тўғриланган токнинг ўзгармас ташкил этувчисининг трансформатор иккиламчи чўлғамидан ўтиши жараёнида трансформатор ўзагини магнитлаши.

Nazorat sinov savollari 1. O’zgаrmаs tоk pоtеnsiоmеtrining ish prinsipi nimаgа аsоslаnаdi? 2. Ish tоki qаndаy o’rnаtilаdi? Vа uni o’rnаtish nimаgа kеrаk? 3. O’zgаrmаs tоk pоtеnsiоmеtrining prinsipiаl sxеmаsini chizib, tushuntiring? 4. O’zgаrmаs tоk pоtеnsiоmеtridа ish tоkini аniq o’rnаtilishi nimаgа bоg’liq vа u qаndаy tа’minlаnаdi? 5. O’zgаrmаs tоk pоtеnsiоmеtrining qаndаy turlаri mаvjud, ulаrning qаndаy imkоniyatlаri bоr? 6. O’zgаrmаs tоk pоtеnsiоmеtrlаrining o’lchаsh diаpаzоni qаndаy (qаndаy qurilmа yordаmidа) qilib kеngаytirilаdi?

Похожие

To’g’rilаgichli o’zgаrtkichlаr vа аsbоblаr

Elektron asboblar. O’zgarmas va o’zgaruvchan tok zanjirlarida ishlatiladigan elektron voltmetrlar

Elektr o’lchash vositalari to’g’risida umumiy ma’lumotlar

Elektrotexnologiya to’g’risida tushuncha.

Elektr o’lchash usullari va asoslari to’g’risida. Elektr o’lchashlar bo’yicha umumiy ma’lumotlar