Yalpizkabilar sinfchasi – lamidae - Ботаника - Рефераты

Yalpizkabilar sinfchasi – lamidae

Загружено в:

20.09.2019

Скачано:

0

Размер:

41.5 KB

www.arxiv.uz Reja : 1. Sinfcha haqida qisqacha ma`lumot 2. Muxim qabila va oillalari, ularning tarqalishi. O`ziga xos belgilari, keng tarqalgan vakillari. 3. Oilalarning xo`jalikdagi ahamiyati.

www.arxiv.uz 1. Yalpizkabilar sinfchasi 1983 yili, chet el olimi erendorfer tomonidan ajratilgan. Bu sinfchaga daraxt, buta, chala buta va tashqi ko`rinishi xilma-xil bo`lgan o`t o`simliklar kiradi. Barglari ko`pincha qarama-qarshi, xalqasimon yoki ketma-ket joylashgan. Gullari qo`shilgan. Sinfchaning tarkibiga 11 ta qabila kiradi. Shulardan ayrimlari xaqida fikr yuritamiz 1. Ituzumnamolar qabilasi - Solanales Bu qabila 5ta oilani o`z ichiga oladi. Shulardan biri ituzumdoshlar oilasi. 1. Intuzumdoshlar oilasi - Solanaceae Bu oila 80ta turkum, 2000ga yakin turni birlashtiradi. Ular o`rta, mu`tadil iqlimlarida tarqalgan. Hayotiy shakli o`t o`simliklar. Ba`zan chala buta shaklida ham uchraydi. Bizning Qizilqumda, to`qayzor, adir va tog`larda o`suvchi, jingil (Lycium) tikanli buta hisoblanadi. Oilaning muxim belgilari: barglari oddiy, butun yoki patsimon qirqilgan, yon bargsiz, poyada ketma-ket joylashgan. Gullari yakka-yakka, ko`pincha oddiy yoki murakkab gajak, shingil to`pgul hosil qiladi. Ular to`g`ri (aktinomorf), ikki jinsli, qo`sh gulqo`rg`onli, kosacha va tojbargalari 5ta bo`lib, qo`shilib o`sgan. Gul formulasi: Û Ca(5) Co (5) A5 G(2) Bu oilada changchilarni oldin etilishi (Protoandriya) kuzatiladi. Mevasi rezavor meva yoki ko`sakcha. Oila vakillari: 1) Kartoshka (Solanum tuberosum). Bu o`simlikning vatani Janubiy Amerika bo`lib , XVI asr oxirlarida Evropaga keltirildi. Rossiyaga XVIII asrda, O`zbekistonda XIX asrning 2-yarimdan boshlab ekila boshlangan. Uning 1000dan ortiq navi bor. 2) Pomidor (Lycopersicum esculentum). Vatani Janubiy Amerika 3) Garmdori yoki achchik qalampir (Capsicum annuum). Vatani Janubiy Amerika 4) Baqlajon (Solanum melongena). Vatani Xindiston. 5) Tamaki (Nicotiana tabacum). Bargi uchun ekiladi. Shuningdek Qora ituzum (Solanum nigrum), Bangi devona (Datura stramonium).Mingdevona (Hyosyamus niger) kabilar begona o`t sifatida uchraydi.

www.arxiv.uz Ahamiyati: Oila vakillarining ba`zilari iqtisodiy jihatdan katta ahamiyatga ega bo`lib, oziq-ovqat sifatida ishlatladi. Ulardan spirt, kraxmal olinadi. Ayrimlari tarkibida solonin, nikotin va atropin alkaloidlari uchraydi. 1. Pechaknamolar qabilasi – Convulvulales. Bu qabila 2ta oiladan tarkib topgan. Pechakdoshlar oilasi- Convulvulaceae Bu oilaga 40ta turkum va 1500 tur kiradi. Ular tropik va subtropik mintaqalarda tarqalgan buta, chala buta va o`t o`simliklardir. Poyasi er bagirlab, chirmashib yoki tik o`suvchi o`simlik. Barglari oddiy, butun ba`zan chetlari bo`lmali yoki patsimon bo`lingan. Gullari asosan bitta, ba`zan dixaziy to`pgulni hosil qiladi. Gullari ikki jinsli, to`g`ri. Gulkosa barglari 5ta, erkin yoki birikib o`sgan. Gultojbarglari 5ta karnaysimon. Changchilari 5ta, urug`chisi 2ta yoki 3-5 mevabargchasining birikib o`sishidan hosil bo`lgan. Tugunchasi ustki. Mevasi ko`sakcha. Gul formulasi: Û Ca(5) Co(5) A5 G(2)yoki (3-5) Oila vakillari: Dala pechagi (Sonvulvulus arvensis), ko`p yillik o`t Begona o`t sifatida ekinlar orasida o`sadi. 2. Zarpechakdoshlar oilasi -Cuscutaceae Bu oila 1ta turkum va 100ta turni o`z ichiga olgan bargsiz, xlorofilsiz, haqiqiy ildizlarga ega bo`lmagan, ipsimon, poyasidan chiqqan gausteriylari bilan xo`jayin o`simlikni so`rib oziqlanuvchi bir yillik parazit o`simliklardir. Ular asosan tropik va subtropik mintaqalarda tarqalgan. Gul formulasi: Û Ca(5) Co(5) A(5) G(2) Mevasi ko`sakcha. Urug`lari ko`p yillar davomida unib chiqish qobiliyatini yo`qotmaydi. Oila vakillari: Ingichka poyali chirmovuq (Cuscuta approximata), Lemman chirmovug`i, Dev-pechak (C. Lemmaniana), Dala chirmovug`i (C. campestris). 3. Govzabonnamolar qabilasi - Boraginales Bu qabila 7 ta oilani birlashtiradi. Shulardan bizning sharoitimizda ham uchraydigan oila G`ovzabondoshlardir.

www.arxiv.uz 1. G`ovzabondoshlar oilasi - Boraginaceae Bu oilaga 100ta turkum, 1800 ta tur kiradi. Ular er sharining deyarli hamma nuqtasida uchraydigan bir yoki ko`p yillik o`t, buta va daraxt o`simliklardir. Barglari oddiy, poyada ketma-ket joylashgan. Oilani muxim belgisi, o`simlik tanasi qattiq, dag`al tuklar bilan qoplangan. To`p gullari qo`shaloq gajjaklardan iborat. Gul formulasi: Û Ca5 Co5 A5 G(2) Mevasi quruq, turtga yong`oqchaga ajraladi, ba`zi turlarining mevasi sersuv danakchalidir. Oila vakilari: Ok to`qli kampirchapon (Trichodesma incanum), Mexrigiyox (Onosma dichorantum), Xo`kiz tili (Anchusa italica), Mayda mevali lappula (Lappula microcarpa) va boshqalar. Ahamiyati: Oilaning ba`zi turlari dori olinadigan, bo`yoq va shira beruvchi o`simliklar. Ayrimlari begona o`t sifatida ekinlar orasida uchraydi. Yana boshqalari esa zaharli (kampirchopon) o`simliklardir. 4. Yalpiznamolar qabilasi - Lamiales Qabilaning tarkibdagi oilalardan biri yalpizdoshlar. 1. Yalpizdoshlar (labguldoshlar) oilasi –Lamiceae yoki Labiatae. Bu oila 200 turkum va 3500 turdan iborat. Ular asosan er sharining issiq va mu`atadil iqlim xududlarida tarqalgan. Hayotiy shakli tropik, subtropiklarda daraxt va buta, bizda o`t o`simliklardir. Muxim belgilari: barglari oddiy tekis yoki chuqur qirqilgan, poyada qarama-qarshi joylashgan. Poyasi 4 kirrali, gullari mayda, ro`vak, shingil, kallak to`pgul hosil qiladi. Ikki jinsli, zigomorf. Gulqo`rgoni murakkab, kosacha bargi 5 ta birikib o`sgan, gultojbarglari ham 5 ta birikib o`sgan. Ustki labi 2ta, pastki labi 3ta gultojbargining birikib o`sishdan hosil bo`lgan. Changchilari soni 4 ta, ulardan 2 tasi qisqa, ba`zan changchilari 2ta bo`lib, qolgani qisqargan yoki shiradonlarga aylangan. Urug`chisi 2 ta, meva bargchaning qo`shilishidan xosil bo`lgan. Tugunchasi ustki. Gul formulasi: ↑ Û Ca(5) Co(5) A 4, 2 G (2) Mevasi 4 bo`lakka ajraladigan uvoq meva.

www.arxiv.uz Oila vakillari: Oq lamium (Lamium album), Yalpiz (Mentha asiatica), Rayxon (Osimun basilicum) Hovlida ekiladi, Jambil (Thimus saravschanica), Arslon quloq (Leonurus turkesanicus), Kiyik o`t (Ziziphora pedicellata), Tog rayxoni (Origanum tyttantum) va boshkalar. Ahamiyati: Oila vakillari efir moylariga boy bo`lganligidan parfyumeriya va oziq ovqat sanoatida ishlatiladi. Bulardan tashqari bir necha turlari dorivor hisoblanib, tibbiyotda qo`llaniladi. Ko`pchilik turlari madaniylashtirilgan.

www.arxiv.uz Adabiyotlar : 1. Salobiddinov S. S. Gulli o`simliklar sistematikasi. T. «O`qituvchi» 1966 2. Hamdamov I va boshqalar. Botanika asoslari. T. «Mehnat». 1990 3. Xrjanovskiy V. Ch. Kurs obshey. Botanika. M. Vo`sshaya shkola. 1982 4. Kursanov L. I. va boshqalar. Botanika (O`simliklar sistematikasi). Toshkent. «O`rta va Oliy maktab» 1963 5. Mustafoev S. M. Botanika. Toshkent. «O`zbekiston» 2002 6. Maxmedov A., Tog`aev I. U. Yuksak o`simliklar bo`yicha amaliy mashg`ulotlar. Toshkent «Universitet». 1994y 7. Maxmedov A. M. Botanika fanidan ma`ruzalar. F. 2003 8. Shostakovskiy S. A. Sistematika vo`sshix rasteniy. M. Vo`sshaya shkola. 1971 9. Komarnitskiy V. A. va boshqalar. Botanika. Moskva «Prosvehenie» 1977. t. 2 10. Tog`aev I. U. va boshqalar. Botanikadan amaliy mashg`ulotlar. T. «ToshDAU» 2002 11. Gordeeva T. N. i dr. Prakticheskiy kurs sistematiki rasteniy. Moskva «Prosvehenie» 1986 12. www.ziyonet.uz

Похожие

Gulli o`simliklar tasnifoti

Yalpizkabilar kichik ajdodi

Chinorkabilar sinfchasi – Hamamelididae

DILLENIYAKABILAR SINFCHASI - DILLENIIDAE

Chinnigulkabilar sinfchasi – Caryophyllidae