Усимлик гурухлари,тубан усимликлари - Ботаника - Рефераты

Усимлик гурухлари,тубан усимликлари

Загружено в:

20.09.2019

Скачано:

0

Размер:

50.5 KB

www.arxiv.uz Режа: 1. Сув ўтлари ҳақида тушунча . 2. Сув ўтларининг классификацияси . 3. Сув ўтларининг аҳамияти

www.arxiv.uz 1. Тубан ўсимликларнинг сувда , нам жойларда ва тупроқда яшайдиган катта гуруҳи сувўтлар дейилади . Сувўтлар хужайрасида хлорофил бўлиши билан бактериялардан фарқ қилади. Лекин улар таркибида бошқа пигментлар борлиги туфайли ранги қўнғир қизил ва кўк- яшил бўлади. Хлорофилл борлиги учун сувўтлар автотроф ўсимликлар ҳисобланади. Сувўтлар ташқи кўринишидан жуда хилма- хил бўлади. Улар орасида микроскопик майда бир хужайралилар билан бир қаторда бир неча ўн метрга етадиган жуда йирик вакиллари ҳам бор. Колония бўлиб яшайдиган сувўтлар бир хужайралилар орасидаги звенодир. Уларнинг танаси ўзаро бўш бириккан хужайралар тўдасидан иборат. Сувўтларининг танаси поя, барг, илдиз каби органларга бўлинмаган талломдир. Бироқ баъзи вакилларнинг талломи бирмунча мураккаб тузилган бўлиб, функцясига мувофиқ равишда танаси айрим қисмларга ажралган бўлади. Сувўтлари вегетатив, жинссиз ва жинсий йўл билан кўпаяди. Жинсий йўл билан кўпайиш оогамия, изогомия, гетерогамия типида рўй беради. Сувўтлар денгизларда ва чучук сувларда сувнинг тиниқлигига қараб ҳар хил чуқурликда (тиниқ денгизда 100-150 м ) яшайди. Уларнинг баъзилари, асосан, микроскопик шакилларининг жуда кўп тўдаси эркин сузиб юриб фитоплонктон ҳосил қилади. Бошқалари эса сув хавзалари остига ёпишиб яшаб, бентос (сув хавзаси остидаги ўсимлик ва ҳайвон организмлар тўдаси) таркибига киради. Тупроқ сувўтлари ер юзасида ва унинг устки қатламларида яшайди. Уларнинг кўпи тупроқда органик моддаларни тўпланишига ёрдам беради ва унимдорликнинг муҳим омили ҳисобланади. 2. Сувўтларининг жуда кўп, 20 минга яқин тури бўлиб, улар 5 та синфга бўлинади. Шулардан биз қуйидаги: кўк- яшил сувўтлар ( Cyanophyta ) , яшил сувўтлар ( Chlorophyta ) , диатом сувўтлар ( Diatomeae ) , қўнғир сувўтлар ( Phaeophyta ) ва қизил сувўтлар ( Rodophyta ) синфи билан танишамиз. Кўк- яшил сувўтлар- Cyanophyta . Бу сувўтларга энг содда, кўпинча бир хужайрали ёки колония бўлиб яшайдиган организмлар киради. Камдан - кам

www.arxiv.uz ҳолда кўп хужайрали, ипсимон шакиллари ҳам учрайди. Кўк - яшил сувўтларининг тўдаси кўпинча шилимшиққа ўралган бўлади. Буларнинг номи ўзига хос рангига қараб берилган. Уларнинг хужайрасида ҳар хил пигментлар: хлорофилл, фикоциан, каротин ва айниқса фикоэритрин бўлиб, уларнинг ўзаро нисбати турлича бўлганлигидан ҳар хил ранг ҳосил қилади. Уларнинг хужайраси оввал, шарсимон, устинсимон ва бошқа шакиларда бўлади. Диатом сувўтлар - Diatomeae . Диотом сувўтларини 5 мингга яқин тури мавжуд. Улар бир хужайрали ва колония бўлиб яшайдиган организмларидир. Буларни хужайрасини шакли жуда хилма - хил: юмалок, таёқчасимон, учбурчак ва хакозо бўлади. Яшил - сувўтлар - Chlorophyta . Яшил сувўтлар синфига 5500 дан ортиқ тур киради. Булар бир хужайрали, колония ҳолдаги ва кўп хужайрали организмлардир. Яшил сувўтларнинг хромоторофларида фақат хлорофилл бўлиб, бошқа пигментлар билан ниқобланмагани учун яшил рангда кўринади. Яшил сувўтларнинг энг содда вакиллари, яъни бир хужайралиларнинг кўпинча иккита хивчини бўлиб, улар мустакил ҳаракатлана олади. Бу хол яшил сувўтлар энг содда ҳайвонлардан хивчинлиларга яқин эканлигини кўрсатади. Яшил сувўтлар вегетатив, спора ҳосил қилиш ва жинсий йўл билан кўпаяди. Яшил сувўтлар асосан чучуқ сув хавзаларида тарқалган бўлиб, сув остида “балчиқ” (тина) ҳосил қилади. Баъзи вакиллари денгизларда, жуда кам вакиллари қуруқликда яшайди. Бир хужайрали вакиллари планктон организмлар ҳисобланади. Улар кўпинча тез кўпайиб, оқмас сувларни кўкартириб юборади. Кўп хужайрали вакиллари сув хавзалари тубига ўрнашиб олиб ўсади. Булар сув ҳайвонлари учун озиқ бўлади, “денгиз салатини” одамлар истеъмол қилади. Яшил сувўтлар синфи, одатда, учта кенжа синфга: тенг хивчинлилар ёки асл яшил сувўтлар, маташувчилар ёки конъюгатлар ва харалар ёки

www.arxiv.uz нурлиларга бўлинади. Баъзи олимлар хараларни мустакил синф деб ҳисоблайдилар. Қўнғир сувўтлар - Phaeophyta Қўнғир сувўтлари вакиллари совуқ ва мўътадил иқлимдаги денгизларда яшайди. Хромотофорида хлорофилдан ташқари, қўнғир рангли алоҳида пигмент фикоксантин бўлиб, уларни ўзига хос рангга киритади. . Қизил сувўтлар - Rhodophyta . Қизил сувўтлар ҳам денгиз ва океанларида яшайди. Буларнинг ташқи кўриниши ва тузилиши жуда хилма - хил. Ипсимон, туп ёки пластинкасимон шакилдагилари учрайди, баъзан улар поя ва баргга бўлинади. Хужайрасининг пўсти целлюлоза ёки пектиндан иборат. Хужайраси ичида битта ёки бир нечта ядро ва пластинкасимон ёки юлдузчасимон хромотофор бўлади. Қизил сувўтлар хромотофорида қизил рангли алоҳида пигмент - фикоэритрин бўлганлиги учун улар шундай ном билан аталади. Қизил сувўтлар споралар ва жинсий йўл билан кўпаяди. Уларда ҳам жинссиз ва жинсий насл галланади. 3. Инсонлар сувўтлардан озиқ- овқат, ем- хашак сифатида, деҳқончиликда ўғит ўрнида фойдаланадилар. Клодофора яшил сувўтидан сифатли қоғоз ва картонлар тайёрланади. Кўпгина сув ўтларидан йод, бром олинади. Сувўтларни қуруқ хайдаб, кўмир смола, креозид, ёғоч спирти, ацетон олиш мумкин. Қўнғир сувўтларининг баъзиларидан альгин кислотаси олинади. Альгин кислотаси эса тўқимачилик ва ҳоказо саноатларида (газлама ва қоғозга ишлов беришда) шунингдек, пластмасса саноатида ишлатилади. Сапропель - чиринди қолдиқларидан иборат органик лойқа (Сибирда кўп тарқалган). У чорвачиликда озиқ- овқат сифатида ишлатилади. Уни қуруқ хайдаш натижасида смола, кокс олинади. Булардан ўз навбатида бензин, керосин, оғир мой, лак, органик кислоталар, аммиак олса бўлади.

www.arxiv.uz Адабиётлар : 1. Бурыгин. В. А. Жонгуразов. Ф. Х. Ботаника “Ўқитувчи” Т.: 1977. 2. Курсанов. В. А. Камарницкий Н. А ва бош.- Ботаника “Ўқитувчи” 1977. I II том. 3. Ҳамдамов И, Шукруллаев П ва бошқалар- ботаника асослари “Меҳнат” Т.: 1990. 4. Сохабиддинов. С. “Ўсимликлар систематикаси” I II боб. “Ўқитувчи” Т.: 1976. 5. Ҳамидов “Ўсимликлар географияси” “Ўқитувчи” Т.: 1984. 6. Белолипов. И. В. Шералиев. А. Ахадова. М. А. “Ўрта Осиё ўсимликлари марфалогияси” ЦОП, ТИПО, Т.: 1991. 7. Ҳолдаров. Х. Хожиматов. К. Х.“Ўзбекистон ўсимликлари”, “Ўқитувчи” Т.: 1992. 8. www . ziyonet . uz

Похожие

Тубан усимликлар – Thallophyta

Амарант, кунжут, маккажўхори усимликлари

Усимликларнинг узидан чангланишини чекловчи мосланишлар

Дуккакдошлар, соябонгулдошлар, валериана-дошлар, итузумдошлар, лабгулдошлар ваастрагулдошлар оилалари

Усимлик хужайраси. Пластидлар. Хужайрадаги озикли моддалар, кристаллар