Сувни биологик тозалаш - Биотехнология - Рефераты

Сувни биологик тозалаш

Загружено в:

20.09.2019

Скачано:

0

Размер:

62 KB

Сувни биологик тозалаш Режа: 1. Микроорганизмлар атроф-муҳит ифлосланишининг назоратчиси сифатида 2. Ген инженерлиги ёрдамида микроб штаммларини яратиш.

Аэроб ва анаэроб микроорганизмлар оқава сувларда учрайдиган органик материаллардан тозалаш хусусиятига эга. Ачитқи, нефтни қайта ишлаш заводи, сут ва пишлоқ ишлаб чиқарувчи корхоналар, картофель ва крахмални қайта ишловчи заводлардан чиқадиган чиқиндиларни анаэроб жараён ёрдамида тозалаш бўйича катта муваффақиятларга эришилган. Бу жараёнда фаол биологик компонентлар қайта ишлатилади, қолдиқ маҳсулотлар камаяди, сезиларли даражада нохуш ҳидлар тарқалиши камайтирилади. Энг муҳими метан ҳосил бўлади. Булардан ташқари кимёвий зарарланиш (биоцидларнинг деструкцияланиши каби)нинг назорат қилиш учун микроб штаммларидан фойдаланилади. Pseudomonas турига мансуб бактерияларда оксиредуктаза ёки гидроқсилазалар бўлиб, улар юқори токсик, углеводородлар ва ароматик бирикмаларни парчалаш хусусиятига эгадир. Pseudomonas нинг айрим штаммлари таркибида ушбу ферментларни кодловчи генлар плазмида таркибида учрайди. Бундай плазмидаларнинг 4 хили мавжуд: ОСТ (октан ва ва деканни парчаланиши), XYL (ксилол ва толуолни парчаланиши), САМ (камфорани парчаланиши) ва NAH (нафталинни парчаланиши). САМ ва NAH плазмидалари бактериал ҳужайраларни чатиштириб ўзининг ўтказувчанлигини таъминлайди, қолган плазмидалар эса бактерияга бошқа плазмидалар киритилгандагина ўтказилиши мумкин. Кейинчалик бу штаммларнинг гибрид плазмидалари олинган бўлиб, улар тозаланмаган нефтда бошқа штаммларга нисбатан углеводородларни метаболитлаш хусусиятига эгадир. Улар ёрдамида ҳарорат ва бошқа омилларни назорат қилган ҳолда оқар сувларни тозалаш мумкин. Айрим микроблар молекулаларни шундай ўзгартириш хоссасига эгаки, уларнинг ўзи бошқа микроблар таъсирида парчаланади. Бундай «кометаболизм”ни Дафтон ва Хси (Калифорния университети) кучли токсик паратион инсектицидини Pseudomonas нинг 2 та штамми таъсирида парчаланишини кўрсатиб беришган.

Токсик молекуланинг кимёвий ўзгаришининг натижаси тўлиқ парчаланиш эмас, балки детоксификациядир: фосфорилланиш, метилланиш, ацетилланиш ва б.лардир. Детоксификацияни катализловчи ферментлар плазмида таркибидаги генлар билан кодланади. Олимлар кучли ва кўп ишлатиладиган гербицид – 2,4,5-Т (2,4,5-трихлорфеноксисирка кислотаси)ни метаболитловчи микроб культурасини олишга эришганлар. Улар тозалаш станцияларидан бир нечта микроорганизмларни ажратиб олиб уларни органик бирикмаларни плазмидаси таркибида парчаловчи ферментларни кодлайдиган гени бўлган бошқа бактериал штаммлар билан аралаштирганлар. Сўнг аралашма фақатгина 2,4,4-Тда хемостатда ўстирилган. 10 ойдан сўнг бактерияларнинг ўсиш суръати 2,4,5-Тнинг бактерияларнинг ўсиши учун ишлатилиши ҳисобига тезлашган. Г ен инженерлиги методлари асосида бундай на тижаларга эришиш кўзда тутилмоқда. Бу кўплаб бирикмаларни (кимёвий саноатда ажраладиган ва биопарчаланмайдиган) бузиш хусусияти ва ассимиляция қилувчи микроб штаммларини конструкциялаш муаммосини ечишга хизмат қилади.

Фойдаланилган адабиётлар: 1. Альбер Сассон. Биотехнология: свершения и надежд ы. Издательство «Мир», 1987. 2. А.Н.Евтушенков, Ю.К.Фомичев. Введение в биотехнологию. Курс лекций. Минск, БГУ, 2002 3. Кузьмина Н.А. Основы биотехнологии. 4. Рахимов М.М., Реут Е.Н., Садыкова К.А. Методические указания по проведению практических занятий по курсу «Инженерная энзимология». НУУ им.М.Улугбека, Ташкент, 2003 5. http://www.study.online.ks.ua/ 6. http://journal.issep.rssi.ru 7. Лещинская И.Б. Генетическая инженерия // СОЖ, 1996, № 1 8. Глеба Ю.Ю. Биотехнология растений // СОЖ, 1998, № 6 9. Лтова Л.А. Генетическая инженерия растений: свершения и надежды // СОЖ, 2000, № 10 10. Семенова М.Л. Зачем нужны трансгенные животные // СОЖ, 2001, № 11. Корочкин Л.И. Клонирование животных // СОЖ, 1999, №4 12. Абелев Г.И. Моноклональные антитела // СОЖ, 1998, № 1 13. Лещинская. Современная промышленная микробиология // СОЖ, 2000, № 4

Похожие

Биологик мембраналар

Биотехнологик ишлаб чиқариш махсулотларни ажратиш ва тозалаш жараёнлари

Биотехнологиянинг ривожланаётган янги сохалари

Биотехнологик ишлаб чиқариш жараёнлари ва жихозлари

Микроорганизмларни культивирлашга озиқа муҳитларини, ёрдамчи материаллар ва ҳавони тайёрлаш учун машина ва қурилмалар