Биотехнологиянинг объектлари. Микроорганизмлар ва улар ёрдамида фойдали моддаларни олиниши - Биотехнология - Рефераты

Биотехнологиянинг объектлари. Микроорганизмлар ва улар ёрдамида фойдали моддаларни олиниши

Загружено в:

20.09.2019

Скачано:

0

Размер:

65.5 KB

Биотехнологиянинг объектлари. Микроорганизмлар ва улар ёрдамида фойдали моддаларни олиниши Режа: 1. Биотехнологиянинг объектлари 2. Микробл и синтез 3. Бирламчи метаболитларни олиниши 4. Иккиламчи метаболитларни олиниши 5. Селекция. 6. Индуцирланган мутагенез. 7. Фермент индукцияси

Биотехнологиянинг объектлари – микроорганизмлар, ҳайвон ва ўсимлик ҳужайралари, трансген ҳайвон ва ўсимликлар, ҳамда ҳужайралардаги кўп компонентли фермент системалари ва алоҳида ферментлардир. Кўпгина замонавий биотехнологик ишлаб чиқаришнинг асоси микробли синтез, яъни турли биологик актив моддаларни микроорганизмлар ёрдамида синтезлаш ҳисобланади. Бир қанча сабабларга кўра ўсимлик ва ҳайвон объектларидан кенг қўлланилмайди. Объектнинг табиатидан қатъий назар, исталган биотехнологик жараённинг 1-босқичи организмлар (микроблар бўлса), ҳужайра ёки тўқималарнинг (ўсимлик ёки ҳайвонлар бўлса) тоза культурасини олиш ҳисобланади. Микроб ҳужайралари культураси, ўсимлик ва ҳайвон тўқималари культуралари методик нуқтаи назардан микроорганизм культураларидан фарқ қилмайди. Биотехнологик объектни танлашда (масалан, микроорганизм-продуцент) яхлит маҳсулотни синтезлаш хусусияти асосий мезон саналади. Бунда микроорганизмлар қуйидаги хусусиятларга эга бўлиши керак:  Тез ўсиш суръатига эга;  Ўзининг ҳаёт фаолияти учун арзон субстратларни сарфлаши;  Ташқи микрофлорага нисбатан чидамли, яъни рақобатбардош бўлиши. Буларнинг барчаси яхлит маҳсулот олишга кетадиган сарф- ҳаражатларни камайтиради. Табиатда барча талабларга жавоб берадиган организмлар учрамайди. Масалан: 1. Бир ҳужайрали организмлар юқори организмларга нисбатан тез ўсади ва уларда синтетик жараёнлар тез кетади. Лекин бу барча микроорганизмларга тегишли эмас. Масалан, олиготрофлар жуда

секин ўсишига қарамай, кўплаб қимматли маҳсулотларни олиш учун қулай. 2. Ҳаёти фаолияти давомида қуёш нури энергиясидан фойдаланувчи фотосинтезловчи микроорганизмлар. Уларнинг бир қисми (цианобактериялар ва фотосинтезловчи эукариотлар) углерод манбаи сифатида СО 2 ни сарфлайди, цианобактерияларнинг айримлари эса атмосфера азотини ютади. Фотосинтезловчи микроорганизмлар аммиак, водород, оқсил ва бир қанча органик бирикмалар учун продуцент ҳисобланади. Лекин уларнинг генетик тузилиши ва ҳаёт фаолиятининг молекуляр-биологик механизмлари яхши ўрганилмаган. 3. 60-80 0 С да ўсадиган термофил микроорганизмларнинг хусусияти ташқи микрофлорани ўсишига тўсқинлик қилади. Булар спиртлар, аминокислоталар, ферментлар, молекуляр водороднинг продуценти ҳисобланади. Термофиллар синтезлайдиган ферментлар иссиқлик, айрим оксидловчилар, детергентлар, органик эритувчилар ва бошқа ноқулай омилларга нисбатан анча чидамли ҳисобланади. Оддий температурада эса улар ҳам фаол. Масалан, айрим термофил микроорганизмлардан олинадиган протеазалар 75 0 С дагига нисбатан 20 0 С да 100 марта кам фаолдир. Унинг бу хусусияти айрим ишлаб чиқариш саноатида муҳим аҳамиятга эга. Масалан, Thermus aquaticus – термофил бактериясининг Taq-полимераза ферменти ген инженериясида кенг ишлатилади. Бирламчи метаболитларнинг олиниши. Бирламчи метаболитлар – микробларнинг ўсиши учун зарур бўлган, мол.массаси 1500 дальтондан кам бўлмаган паст молекуляр бирикмалардир. Уларнинг баъзилари макромолекулаларнинг қурилиш блоки, бошқалари эса коферментлар синтезида қатнашади. Саноатдаги энг муҳим метаболитлар – аминокислоталар, органик кислоталар, пурин ва пиримидин нуклеотидлари,

эритувчилар ва витаминлар. Микроб ҳужайралари, бошқа тирик организмлар сингари кўп миқдорда бирламчи метаболитларни ишлаб чиқармайди. Аутотрофлар ишлаб чиқарадиган кўплаб аминокислоталар ва нуклеотидлар ферментация жараёнида ишдаб чиқарилади. Brevibacterium flavum ва Corynebacterium glutamicum штаммлари озуқа муҳити таркибидаги қандларни 1/3 қисмини лизинга айлантиради. Шу йўл Билан 1 л муҳитда 74 г лизин олинади. Лизин – метаболитик йўлнинг охирги маҳсулоти бўлиб, у метионин ва треонинни ҳосил бўлишига олиб келади. Лизин ва треонин ушбу йўлни нг биринчи ферменти аспартаткиназа 4 илан ўзаро боғланиб уни бошқаради. Иккала аминокислотанинг йиғилиши аспартаткиназа ферментининг фаоллигини ингибирлайди. Гендаги биринчи тип мутация ушбу ферментнинг фаоллигини бузади ва треонин ва метионин синтезини блоклайди. Натижада ушбу ферментлар ингибиторларидан бири (треонин) йўқолади. Сўнгра бундай ауксотроф мутант таркибида треонин ва метионин бўлган муҳитга эқилади. Лекин мавжуд бўлган треонин лизин биосинтезини тўхтатиш учун етарли бўлмайди ва у тўплана бошлайди. 2-тип мутациялар аспартаткиназани ўзгартиради. Натижада у лизин билан ўзаро таъсирлашмайди ва ушбу аминокислота ингибирланишига сезгир бўлмайди. 21 та аминокислотадан ташкил топган оқсилларнинг 8таси алмашмайдиган оқсиллар бўлиб, улар организмга озиқ билан бирга тушитши керак. Булардан энг муҳимлари метионин ва лизиндир. Метионин синтетик йўл билан, 80% лизин эса ферментация йўли биосинтетик усулда олинади. Аминокислоталарни микробиологик синтезлашнинг аҳамиятли томони шундаки, бу жараён натижасида биологик фаол изомерлар ҳам олинади. Натрий тузи кўринишида зиравор сифатида ишлатиладиган глутамин кислотаси Brevibacterium flavum ва Corynebacterium glutamicum культураларидан олинади.

Саноатда кенг ишлатиладиган органик кислоталардан сирка кислотаси ҳисобланади. У резина, пластмасса, ацетат толалари, фармацевтик препаратлар, инсектицидлар ишлаб чиқаришда ишлатилади. Японияда сирка кислота аминокислота ишлаб чиқаришдаги ферментацияда субстрат сифатида ишлатилади. Сут кислотаси бижғиш йўли билан олинган биринчи органик кислотадир. У озиқ овқат саноатида оксидловчи сифатида, галваностегия да ва пластмасса ишлаб чиқаришда кенг ишлатилади. Иккиламчи метаболитларнинг олиниши. Иккиламчи метаболитлар (идиолитлар ҳам дейилади) – тоза культурада ўсиш учун зарур бўлмаган паст молекуляр бирикмалардир. Уларни чегараланган таксономик гуруғлар ишлаб чиқаради. Иккиламчи метаболитларга антибиотиклар, алкалоидлар, фитогормонлар ва токсинлар киради. Иккиламчи метаболитларни ишлаб чиқарадиган микроорганизмлар биринчи босқичда тез ўсади, сўнг тропофаза босқичини ўтайди. Бу босқичда кам миқдорда иккиламчи моддалар синтезланади. Микроорганизмлар ўстирилаётган озуқа муҳитида битта ёки бир нечта озуқа моддаларини камайиши ҳисобига идиофазага ўтилади. Айнан шунда идиолитлар ишлаб чиқарилади. Антибиотиклар олинаётганда микроорганизмлар кўпинча тропофаза вақтида ўзининг шахсий антибиотикларига сезгир бўлиб қолади. Идиофазада эса уларга нисбатан чидамли бўлади. Антибиотик ишлаб чиқарувчи микроорганизмларни ўз-ўзини йўқ қилишини олдини олиш мақсадида тезда идиофазага ўтиб олиш керак. Сўнгра микроорганизмни ушбу фазада ўстириш мумкин. Антибиотиклар – микроблар синтезлайдиган фармацевтик бирикмаларнинг энг катта синфидир. Бу синфга замбуруғларга қарши дорилар, ўсмага қарши дорилар ва алкалоидлар киради.

Филаментоз замбуруғларнинг 6 тури (хусусан, цефалоспоринлар --- Cephalosporium ва пенициллинлар – Penicillium) 1000 га яқин турли антибиотикларни, нофиламентоз бактерияларнинг 2 тури 500 антибиотикларни, актиномицетларнинг 3 та тури 3000 га яқин антибиотикларни ишлаб чиқаради. Ўсма камалликларига қарши моддаларнинг сони чекланган. Токио институтида Streptomyces verticillus культурасидан ажратиб олинган блеомицин – гликопептид табиатига эга бўлиб, ўсма ҳужайраларнининг ДНКсини кесиб, ДНК ва РНК репликациясини бузиш хусусиятига эга. Иккинчи гуруҳ ўсмага қарши реагентлар аминогликозид бирлик ва антрациклин молекуласининг комбинациясига асосланиб яратилган. Бу препаратларнинг камчилиги улар юрак учун хавфлидир. Қимматли ва фаол продуцентларни яратиш жараёнининг ажралмас қисми бўлиб селекция ҳисобланади. Селекциянинг асосий йўли керакли продуцентни танлаб олишнинг ҳар бир босқичида геномларни конструкция қилишдир. Микробли технология методларида асосан босқичли селекция ишлатилади, яъни танлашнинг ҳар бир босқичида микроорганизм популяциясидан кўпроқ фаол бўлган вариантлар танлаб олинади (спонтан мутантлар), кейинги босқичларда 6 ила, нисбатан сама р али штаммлар танлаб олинади ва шу тариқа давом эттирилади. Самарали продуцентларни нг с елекция жараёни индуцирланган мутагенез методини қўллаш билан тезлаштирилади. Мутаген таъсирлар сифатида УФ, рентген ва гамма-нурланишлар, маълум бир кимёвий моддалардан фойдаланилади ва бу таъсирлар натижасида ДНКнинг бирламчи тузилиши бузилади. Бу усул билан селекция қилганда ҳам босқичма-босқич, микроорганизм клонлари (ҳужайра ёки микроорганизмлар тўплами) биокимёвий текширувдан ўтказилади ва энг фаоллари ажратиб олиниб, мутагенлапр

билан қайта таъсир этилади. Бу жараён кўзда тутилган мақсадга эришгунга қадар давом эттирилади. Микробиологик саноат учун микроорганизмлар селекцияси ва янги штаммларни яратиш уларнинг маҳсулдорлик хусусиятига, яъни у ёки бу маҳсулотни ҳосил қилишига қаратилгандир. Бу масалалар ҳужайрадаги бошқарув жараёнларни ўзгартириш билан амалга оширилади. Шунинг учун бактериал ҳужайраларни биокимёвий фаоллигини бошқаришни яхши тушуниш керак. Маълумки, бактериялардаги биокимёвий реакцияларни 2 йўл билан амалга ошириш мумкин. Биринчиси жуда тез (секунд ёки минут ичида) бўлиб, ферментнинг индивидуал молекуласининг каталитик фаоллигини ўзгартиришга асосланган. Иккинчиси, нисбатан секинроқ кечади (бир неча минут давомида) ва бунда ферментлар синтезининг тезлиги ўзгартирилади. 7 илан механизмда ҳам системаларни бошқаришнинг ягона принципи – қайта боғланиш принципи ишлатилади. Исталган метаболитик йўлини бошқаришнинг энг оддий усули субстрат осон олинадиган ёки ферментнинг бор-йўқлигига асосланади. Дарҳақиқат, субстрат миқдорининг камайиши (муҳитда паст концентрацияда бўлиши) мазкур метаболитик йўл орқали аниқ бр модданинг ўтиш тезлигини камайтиради. Бошқа томондан, субстрат концентрациясининг ошиши метаболитик йўлнинг барқарорлашишига олиб келади. 7 ила шундай эффект фермент кеонцентрациясини ошириш натижасида ҳам рўй беради. Масалан, тегишли фермент синтезини назорат қилувчи генларни амплификациялаш билан амалга оширилади. Ҳужайрада метаболитик реакциялар фаоллигини бошқаришнинг энг кенг тарқалган усули ретроингибирлаш типи бўйича бошқариш ҳисобланади. Ўсаётган ҳужайралар синтезлайдиган минглаб ферментларнинг баъзилари доимо ва озуқа муҳитига боғлиқ бўлмаган ҳолда ҳосил бўлади,

бошқалари эса уларга таъсир қилувчи субстрат мавжуд бўлгандагина ҳосил бўлади. Биринчилари конститутив ферментлар ( гликолиз ферментлари ва б.) иккинчилари эса адаптив ёки индуцибел ферментларга киради. Масалан, глюкозали муҳитда ўсаётган E . coli ҳужайралари оз миқдор даги лактоза метаболизми ферментларининг, ҳамда Ушбу микроорганизм ҳужайралари ўзлаштира оладиган углероднинг бошқа манбаларини тутади. Бу ферментлар лактозали муҳитга ўтказилса, 1-2 минутдан сўнг лактоза утилизациясининг асосий ферменти β-галактозидазанинг фаоллигини ошади. Бу фермент лактозани глюкоза ва галактозагача гидролизлайди. Кейинги қисқа вақт ичида β-галактозидазанинг фаоллиги бошланғич даражага нисбатан 1000 марта ортади. Бошқача айтганда, бу ерда фермент индукцияси ўрин тутади. Фермент индукцияси – культура муҳитида маълум бир кимёвий бирикманинг (индуктор)нинг пайдо бўлишига фермент синтезининг жавобидир. Кўп ҳолларда субстратларнинг сарфланмаган аналоглари индуктор бўлиб ҳисобланади. Масалан, β-галактозидаза учун лактозанинг метаболизмда қатнашмайдиган изопропил β-D-тиогалактопиранозид (ИПТГ) индуктор саналади. Бошқа томондан, субстрат ҳар доим ҳам ўзига тегишли фермент синтезининг индуктори ҳисобланавермайди. Лактоза, индуктор бўлиши учун аввал ўзининг изомери аллолактозага айланиши керак. 1961 йили F.Jacob ва J.Monod E.coli бактериялари томонидан лактозанинг утилизация жараёнини генетик ва биокимёвий ўрганишлари натижасида “оперон модели” номли концепцияни ишлаб чиққанлар. Бу моделга кўра, бошқаришнинг 8 ила системаси 4 та компонентдан иборатдир: структурали генлар, ген- регулятор, оператор ва промотор . Ген - регулятор оператор 8 илан боғлана ола д иган оқсил - репрессор структураси ни аниқлайд и . Б у ўз навбатида унинг ёнидаги структурали генлар фаолиятини назорат қилади. П ромотор транскрипция ферменти - РНК- полимераза 8 илан боғланадиган қисмни ташкил қилади. Агар оқсил-репрессор оператор билан боғланган бўлса, у ҳолда РНК-полимераза промоторга жойлаша олмайди ва

информацион РНК синтезланмайди. Бунинг натижаси эса тегишл ферментлар синтезининг рўй бермаслигидир. Биринчи марта қамровли ўрганилган оперон ичак таёқчасининг лактозали оперонидир. Муаллифларнинг фикрича, репрессор 2 та ўзига хос марказга эга бўлган аллостерик оқсил ҳисобланади. Улардан бири операторнинг нуклеотид кетма-кетлигига, иккинчиси эса индуктор молекуласига ўхшашдир. Индуктор билан репрессорнинг ўзаро таъсири репрессорни операторга ўхшашлигини камайтиради, натижада оператор ажралади. Lac-оперони репрессори тоза ҳорлда ажратиб олинган ва 4 та бир хил субъбирликдан тузилган (умумий мол. Массаси 150 000 Д). Ҳар бир субъбирлик индукторнинг 1 та молекуласи билан ўзаро таъсирлашади, яъни репрессор инактивлаш учун индукторнинг 4 та молекуласи керак бўлади. Репрессор тоза ҳолда операторга жуда ўхшайди ва in vitro шароитида Lac-операторнинг нуклеотид кетма-кетлиги билан боғланади. Индуктор бу боғланишни бузади. Ушбу натижалар F.Jacob ва J.Monod гипотезасини тўлиқ исботлайди. Исталган опероннинг бошқарувчи элементи бўлиб промотор деб номланувчи ДНКнинг қисми ҳисобланади. Опероннинг ушбу қисми транскрипцияни бошлаш учун РНК-полимераза б илан бирлашади. Транскрипциянинг бориши промоторнинг хусусиятига боғлиқдир. Промотор қисмидаги мутация унинг фаоллигини ўзгартириб оперон экспрессиясини ошириши ёки камайтириши мумкин. Промоторнинг ушбу хусусиятидан нисбатан фаол продуцентларни яратишда фойдаланилади.

Фойдаланилган адабиётлар: 1. Альбер Сассон. Биотехнология: свершения и надежд ы. Издательство «Мир», 1987. 2. А.Н.Евтушенков, Ю.К.Фомичев. Введение в биотехнологию. Курс лекций. Минск, БГУ, 2002 3. Кузьмина Н.А. Основы биотехнологии. 4. Рахимов М.М., Реут Е.Н., Садыкова К.А. Методические указания по проведению практических занятий по курсу «Инженерная энзимология». НУУ им.М.Улугбека, Ташкент, 2003 5. http://www.study.online.ks.ua/ 6. http://journal.issep.rssi.ru 7. Лещинская И.Б. Генетическая инженерия // СОЖ, 1996, № 1 8. Глеба Ю.Ю. Биотехнология растений // СОЖ, 1998, № 6 9. Лтова Л.А. Генетическая инженерия растений: свершения и надежды // СОЖ, 2000, № 10 10. Семенова М.Л. Зачем нужны трансгенные животные // СОЖ, 2001, № 11. Корочкин Л.И. Клонирование животных // СОЖ, 1999, №4 12. Абелев Г.И. Моноклональные антитела // СОЖ, 1998, № 1 13. Лещинская. Современная промышленная микробиология // СОЖ, 2000, № 4

Похожие

Микроорганизмлар ёрдамида биомассадан энергия олиш. Биоэнергия

Биотехнологиянинг предмети ва вазифалари, ривожланиш тарихи

Биотехнологиянинг фанлар орасида тутган ўрни

Микроорганизмлар биотехнологияси

Биотехнологиянинг ривожланаётган янги сохалари