Ўсимликларни географик тарқалиши - Биология - Рефераты

Ўсимликларни географик тарқалиши

Загружено в:

20.09.2019

Скачано:

0

Размер:

84.5 KB

Ўсимликларни географик тарқалиши Режа: 1. Ўсимликларни аҳамияти. 2. Таксономик бирликлар тизими. 3. Ўсимликлар дунѐсини географик тарқалишига кўра ҳукмронликларга ажратилиши. 4. Лористик областлар.

Ер шарининг барча экологик шароитларида ўсимлик ва ҳайвонларнинг маълум турлари шу шароитга мослашиб қолади. Натижада бир-бири билан келиб чиқиши ва генетик жиҳатлари яқин бўлган бир қанча экологик шароитлар ѐнма-ѐн жойлашган бўлиши мумкин. Ўсимлик ва ҳайвонлар экватордан шимолга ва жанубга томон бир-биридан кескин фарқ қилади. Сабаби қуѐшнинг тик бурчак асосида тушиши натижасида зоналлик келиб чиқади. Ғарбдан-шарққа томон эса кучли фарқ қилмайди. Шунга кўра ўсимлик ва ҳайвонларнинг тарқалишини ўрганишда таксономик бирликлардан фойдаланилади: Ҳукмронлик. Ҳукмронлик энг катта таксонамик бирлик бўлиб, ўсимлик ва ҳайвонларнинг тарихан келиб чиқиши ва генетик жиҳатдан бир-бирига боғлиқ бўлган оила, синф, типларнинг бир канча группировкасини ўз ичига олади. Лекин ҳукмронлик фақат ҳудуд жиҳатидан катта майдонларгагина эмас, у флористик ва фаунистик жиҳатдан жуда бой ва уларнинг бошқа жойларда такрорланмаслиги, яъни яққол ажралиб турадиган кичик ҳудудларга ҳам бу категориялар берилади. Масалан: кап ҳукмронлиги жуда кичик область бўлса ҳам флора ва фаунаси бошқа жойда учрамайди. Шунинг учун алоҳида ажратилган. Флора ва фауна области - майдон жиҳатдан ҳукмронликка нисбатан бир неча баробар кичик. Шу ҳукмронликнинг маълум бир қисмининг, яъни ўзига хослиги ўсимлик ва ҳайвонларнинг шу ҳукмронлик ичида бошқа областларга ўхшамаслиги билан ажралиб туради. Провинциялар - Область майдонининг бир неча провинцияларга булиниши. Бу провинциялар область ичидаги бошқа провинциялардан флора ва фаунасининг ўзига хослиги билан ажралиб туради. Провинцияла р - ўз навбатида бир неча округларга бўлинади. Округлар эса районларга бўлинади. Районлар эса ценопопуляцион майдонларга бўлинади, яъни аниқ майдонларга бўлинади. Ҳозирги вақтда яшаб турган ўсимлик ареалларини ўрганиш ва уларнинг бир-бирига солиштириш асосида ҳамда тарихий келиб чиқиши

палеанталогик методлар билан аниқланиб ва генетик жиҳатдан бир-бирига боғлиқлигини ўрганган ҳолда ер шарининг барча қуруқлик қисми 6 та ўсимлик ҳукмронлигига ва 34 та флористик областларга бўлиб ўрганилади. Флористик областларга бўлиб ўрганиш учун жуда кўп олимларнинг ишлари мавжуд. Булар ичида дунѐ бўйича тан олингани А.Л.Тахтаджаннинг иши тан олинган. Ер юзи қуйидаги флористик ҳукмронликларга бўлинади: 1. Голлартик ўсимликлар ҳукмронлиги - бу ҳукмронлик ўз навбатида 9 та флористик областларга бўлинади. 2. Палеотропик ўсимликлар ҳукмронлиги - 12 та областга бўлинади. 3. Неотропик ўсимликлар ҳукмронлиги - 5 та областга бўлинади. 4. Кап ўсимликлар ҳукмронлиги областларга бўлинмайди. 5. Австралия ўсимликлар ҳукмронлиги - 3 та областга бўлинади. 6. Голантарктик ўсимликлар ҳукмронлиги - 4 та областга бўлинади. Голарктик ўсимликлар ҳукмронлиги - барча флористик областлар бир- биридан ѐшига ва тарихий тараққиѐтига кўра бир-биридан фарқ қилади. Бир флористик областдаги ўсимлик турлари 3-ламчи даврлардан бошлаб кўп ўзгаришга учрамаган, релект турларга бой бўлса, 2 област эса музлик таъсирида ўзгарган. Релъект турлар камайган. Голарктик ўсимлик ҳукмронлиги қолган ҳукмронликларни ичида энг катта майдонни ўз ичига олади, яъни ер шари қуруқлигининг деярли ярми шу ҳукмронликка тўғри келади. Бунинг ҳудудида бир неча юзлаб эндем тур ва авлодлар бўлиб, жумладан 30 дан ортиқ оила эндем ҳисобланади. У қуйидаги областларга бўлинади: Циркумбориал области - энг катта флористик область бўлиб, МДҲ ҳудудининг асосий қисми, Европа, Шимолий Америка шy област ҳудудига киради. Бу область катта бўлишига қарамай унда эндемик оилалар йўқ. Лекин Альп ва Кавказ, Карпат тоғлари, Канада ҳудудларида кўп эндемик тур ва авлодларга эга. Бу областнинг майдонлари турли қитъада жойлашган бўлса ҳам, уларда тарқалган ўсимликлар келиб чикиш жиҳатларидан бир- бирига яқин ва ландшафт кўриниши ҳам монотом. ўзига хос хусусиятларидан

яна бири ер юзида ўсимликлар қомламининг юқори даражадалиги билан биринчи ўринда туради. Шарқий-Осиѐ области - бу област ҳудудига шарқий Химолай, Ҳиндистон чегарасидан бошлаб, Хитойнинг шарқий қисми, шимолий Бирма, Корея, Япония, Сахалин ороллари киради. Майдон жиҳатидан олдинги областларга нисбатан кичик бўлишига қарамай, бу област ўсимликлар турига ниҳоятда бой. Ўсимликларининг ўзига хослиги билан ажралиб туради. Бу областда 300 дан ортиқ тур ва 14 дан ортиқ оила эндем ҳисобланади. Бунга сабаб бу область ҳудудида турли хил иқлим шароити бўлганлигидир.. Атлантик-Шимолий Америка области - бу область ҳудудига Атлантика океанининг қирғоқлари, Шимолий Америка, Жанубий Канада ҳудудлари киради. Бу областда 1 та эндем оила ва 100 дан ортиқ эндем ва бир неча юзлаб эндем турлар бор. Бу областда айиқтовондошлар, атиргулдошлар, кўкноридошлар кенг тарқалган. Қояли тоғлар области - бу область Шимолий Америка қитъасида Канаданинг ғарбий қисми ва АҚШ ғарбий штатлари ҳам киради. Бу областда юқори ўсимликлардан эндем оила йўқ. 1 та жигарсимон мохдан ташқари, лекин эндем турлар жуда кўп. Макронезия области - Бунга бир қанча ороллар киради. Буларни умумий ном билан Азор-Мадейра, Яшил бурун ороллари деб аталади. Бу областда кўплаб ороллар бўлганлиги учун эндем тур ва авлодга бой. Лекин эндемик оила йўқ. Сабаби иқлим хусусияти бирбирига яқин. Ўрта ер денгизи области - бу областга Ўрта ер денгизи атрофидаги барча мамлакат ва бир қанча ороллар киради. Бу област ҳудудида битта эндемик оила ва 150 дан ортиқ авлод ва бир неча юз турлар эндем ҳисобланади. Эндемизмни кучлилигига сабаб ўсимликларнинг келиб чиққан марказлардан биридир. Араб Саҳрои Кабир области - бу область Ҳудудига Африка саҳросининг тропик бўлмаган кисми киради. Синай ярим ороли, Арабистон ярим ороли,

Иорданиянинг бир қисми, Сирия саҳроси, Қуйи Месопотамия киради. Бу областда ҳам эндемик оила йўк. 300 дан ортиқ эндемик тур аниқланган. Эрон-Турон области - Сириянинг катта қисми, Шимолий Фаластин, Иордания, Юқори Месопатамия, Арманистон тоғлари, Жануби-шарқий Закавказия, Эрон, Афғонистон, Покистон, Тибет системаси, Монголия, Шимолий Сибирнинг жанубий қисми киради. Бу область ҳудуди кескин континентал иқлимли бўлиб, лекин хилма-хил ўзига хос иқлим шароитига эга бўлган бир неча тоғликлар системаси жойлашганлиги сабабли эндем турларга бой ҳисобланади. Масалан, айиқтовондошлар, атиргулдошлар, шўрадошлар, кўкноридошлар, итузумдошларнинг кўп турлари эндем ҳисобланади. Мавжуд турлардан бир қанчалари бу область учун рельект ҳисобланади. Мадейра ѐки Санор области - бу область Шимолий Америка қитъасининг ғарбий соҲилларида Калифорния саҳролари, Мексика тоғликлари ва АҚШнинг бир қанча штатларини ўз ичига олади. Бу область ҳудудида 4 та эндемик оила, 45 та авлод ва 200 дан ортиқ эндем турлар бор. Иқлим шароити ниҳоятда хилма-хил. Полеотропик ўсимликлар ҳукмронлиги . Бу ҳукмронликка Тинч океанининг тропик ороллари (Шарқий Америкадаги тропик ороллар бунга кирмайди), Африка қитъасининг океандаги қатор ороллари, Ҳиндистон, Хиндихитой, ярим ороли, Индонезия ороллари киради. Бу ҳукмронлик яхлит қитъалардан иборат бўлмасдан иқлими жиҳатидан ўзига хос 1000 лаб оролларни ўз ичига олади. Шунинг учун ҳам эндемик турларга бой ва 40 та энден оила мавжуд. Гвения-Конголез области - Бунга шарқий Африка Республикалари, Камерун, Конго, Кот-Иуар ва бошқалари, Гвения ва Конго дарѐсининг ҳавзалари киради. Конго дарѐсининг ҳавзаси ниҳoятдa хилма-хил иқлим шароитига бой бўлганлиги учун бу область ўзининг қўшни областлардан флорага бойлиги билан фарқ килади, унинг учун областнинг ўзида 6 та оила эндем бир неча юзлаб эндем турлар мавжуд.

Судан-Замбия области - бу область катта ҳудудни эгаллайди. Деярли Африка мамлакатлари, Арабистон ярим ороли, Ҳиндистоннинг шимоли- ғарби киради. Бу область ҳудудининг катта қисми иқлим жиҳатидан бир- бирига яқин, лекин океан ва денгиз қирғоқларидаги иқлим шароити бир- биридан кескин фарқ қилганлиги сабабли бу область ҳам эндем турларга бой, 3 та эндемик оила мавжуд Карунамбия области - Намибия киради. Ҳудуди бир мунча кичикроқ. Африканинг жануби-ғарбида жойлашган. Бунга Оранживий дарѐси ҳавзаси ва ЖАРнинг бир қисми киради. Бу область ҳудудида 1 та оила эндем ва 10 лаб турлар эндем ҳисобланади. Вознисения ва Авлиѐ Елена ороллари области - бу область ҳудудига 2 та орол киради. Лекин бу 2 та оролни 1 та область таркибига киритилишига сабаб, уларнинг иқлими, ўсимликлари ўзига хос ва такрорланмас. Авлиѐ Елена оролида ўсадиган 39 турнинг 38 таси эндем ҳисобланади. Вознисения оролида обориген ўсимликлар йўқ, миграцион йўл билан ўсимликлар кўпайган. Бу оролда ҳам ҳозирги пайтда 2 та эндем тур яшайди. Мадагаскар ороли области - бу область ҳудудига Мадагаскар ороли, унинг атрофидаги бир қанча ороллар, яъни Камор ороллари, Альдабр ороллари, Сейшал ороллари, Маскирент ороллари киради. Бу область оролларида иқлим шароити турлича бўлганлиги учун ўсимликлар ҳаѐти учун ниҳоятда қулай ва шунинг учун бу кичик ҳудудда 9 та 450 дан ортиқ авлод 780 тур эндем турлар бор. Ҳиндистон области - бунга Ҳиндистон ярим ороли, унинг жанубидаги Хинд океани ороллари, Мальдив ороллари, Чагос архипелаги, Цейлон ороли киради. Бу областда эндем оила йўқ. 100 дан ортиқ авлод ва бир неча юзлаб эндемик турлар бор. Ҳиндихитой области - бунга Бирманинг тропик қисми, Таиланд, Хиндихитой, Андаман, Никабар ороллари киради. Бу областда ҳам эндемик оила йўк. Лекин 250 дан ортиқ эндем авлод ва бир неча юзлаб эндем турлар мавжуд.

Малинезия области . Бунга Индонезия, Филиппин, Суматра, Калимантан, Янги Гвинея, Саломон ороллари ва жуда кўплаб майда оролларни ўз ичига олади. Бу област майдони бир неча юзлаб ороллардан ташкил топган. Иқлим шароити ниҳоятда хилма-хил, лекин уларда умумийлик бop. Бу область ҳудудида иккита эндем оила ва кўплаб эндем турлар мавжуд. Айниқса, Янги Гвинея ороли ўзига хос бўлиб, бу ерда 140 дан ортиқ эндем авлод яшайди. Фиджи ороллари области . Ҳудуди жуда кичик ороллари жуда кўп. Бунга Янги Гибрит, Самоа, Тонго ороллари киради. Бу областда битта оила, жуда кўп эндемик авлодлар ва турлар мавжуд. Фиджи ороллари эндемик турларга жуда бой. Поленезия области . Бу область ҳудудига Тинч океанининг катта майдони ва юзлаб ороллар киради. Бунга Королин, Маршалл, Гилберт, Мариан, Эллис, Феникс, Маркиз ороллари киради. Бу област табиий шароити хилма- хил бўлишига қарамай, буларда эндемик оила йўк. Лекин бир неча юзлаб авлод, юзлаб эндемик турлар бор. Гавайи ороллари области . Майдон жиҳатдан бошқа ороллардан бир неча марта кичик, лекин ер шаридаги мавжуд ороллар ичида ўзига хослиги билан ажралиб туради. Сабаби қуруқликдан анча узоқда жойлашган, яъни сув билан изоляцияланган орол ҳисобланади. Шунинг учун бу област ўсимлик олами ниҳоятда хилма-хил. Шунинг учун олимлар майдони жуда кичик бўлишига қарамай, бунга област даражасини беришган. Бу област ўсимликлари кўпчилиги абориген, лекин инсон фаолияти натижасида миграцион йўл билан келиб қолган турлар хам мавжуд. Булар Америка қитъасига бирмунча яқинроқ бўлганлиги сабабли шимолий Америкада ва Америкада ўсадиган ўсимликлар ҳам учрайди. Янги Каледония области . Бу област хам майдон жихатидан кичик ҳудудни ўз ичига олади. Асосан бунга Янги Каледония ороли ва унинг атрофидаги бир неча ороллар киради. Эндемизмга жуда бой. Ўсимликларнинг олтита оиласи 130 дан ортиқ авлод ва минглаб эндем турлар бор.

Неотропик ўсимликлар ҳукмронлиги. Бу ҳукмронлик ҳудудига Флорида ярим оролининг жанубий қисмлари, Мексика қирғоқлари, Марказий Америка, Антил ороллари ҳамда экваториал Американинг катта қисмидаги бир қанча мамлакатлар ҳудудлари киради. Бу ҳукмронлик ҳудуди хилма-хил иқлим шароитига эга бўлганлиги туфайли ўзига хос ўсимлик дунѐсига эга ва флорага жуда бой. Бу хукмронликда 28 та оила эндем хисобланади. Бу ҳукмронлик қуйидаги 5 та областларга бўлинади. (1). Карип области - бу областга Флорида ярим оролининг тропик қисми, Кичик Антиль, Галапагос, Багам, Бермуд ороллари киради. Карип области ҳудуди бир қанча ороллар бўлганлиги сабабли уларда эндемизм кучли, яъни бу областда 2 та оила 500 дан ортиқ авлод, 100 лаб турлар эндем ҳисобланади. (2). Гивиан тоғлари области - бу область майдони унча катта эмас, лекин Гвиан ясси тоғларида жуда қадимги архио ўсимликлар кўплаб учрайди ва ўзига хослиги билан ажралиб туради. Яъни бу областда яшайдиган 8000 тур ўсимликнинг 4000 дан ортиғи эндемик турлар ҳисобланади. Бу ясси тоғларнинг юқори қисмларидаги айрим воҳаларда эндемизм 97 фоизгача боради. Эндем оила фақат битта холос. (3). Амазонка области - бу область ҳудудига Амазонканиг барча ирмоқлари билан бирга бўлган ҳавзаси киради. Територияси катта ва ўзига хос ўсимликлар дунѐсига бой 1 та оила 500 дан ортиқ авлод ва 3000 дан ортиқ тур эмдем хисобланади. Бу област ҳудудида тропик ѐмғирли ўрмонларнинг жуда катта майдони мавжуд. Бундай ўрмонлар ер шарининг бошқа майдонида унчалик катта яхлит майдонда учрамайди. (4). Бразилия области . Бунга Бразилия Ясси тоғлиги, Атлантика океани қирғоғидаги бир неча майда ороллар киради. Бу област ҳудудида эндем оила йўк. 400 дан ортиқ авлод ва 100 лаб турлар эндем хисобланади. (5). Анд области Патагониядан шимол тарафга токи карибгача бўлган қисми киради. Чеккасидаги ороллари хам киради. Бу областда 1 та оила 10 лаб авлод ва бир неча юзлаб турлар эндем хисобланади.

Кап ўсимликлар ҳукмронлиги ва области . Бу ҳукмронлик жуда кичик майдонни эгаллаб, Африка материгининг энг жанубий кисмида жойлашган. Бy ҳукмронлик 1 та област хисобланади. Олимлар бу кичик областга ҳукмронлик даражасини беришига сабаб нихоятда ўсимликлар флорасига бой ва ўзига хос такрорланмас. Шунинг учун ер шаридаги энг кичик Циркомбориал областга нисбатан бир неча юз баробар кичкина ўсимликлар ҳукмронлиги ҳисобланади. Бу ҳудудда 7 мингдан ортик ўсимлик тури булиб, уларнинг ичида бир неча минглаб эндемик тур, 280 дан ортик авлод ва 7 та оила эндем хисобланади. Австралия ўсимлик ҳукмронлиги - бу ўсимлик ҳукмронлигига асосан Австралия материги ва унинг атрофидаги бир неча ороллар киради. Бу ҳукмронлик ҳудудидаги ўсимликлар ер шарининг бошқа областидан кескин ажралиб туради. Эндемик турларга бой. Ўзига хос ўсимлик турлари мавжуд. 8 дан ортиқ эндем оила 570 дан ортиқ авлод ва 1000 лаб ўсимлик тури эндемик хисобланади. Бу хукмронлик 3 та областга бўлинади. (1). Шимоли-шарқий Австралия области . Бунга Австралиянинг шимоли-шарқий қисми, Тасмания ва бир неча майда ороллар киради. Бу областда 4 эндем оила 200 дан ортиқ авлод ва бир неча юзлаб турлар эндем хисобланади. (2). Жанубий-Ғарбий Австралия области . Бу област Австралия ҳукмронлиги ичида энг кичиги булиб, Австралиянинг жануби-ғарбида жойлашган. Бунга қирғоққа яқин бир неча ороллар ҳам киради. Лекин бу област эндемик турларга бойлиги билан ажралиб туради, яъни материклар ичида ягона. Бу областда 2841 тур ўсимлик яшаб, 2472 эндем тур, 125 авлод, 4 та оила эндем хисобланади. (3). Марказий Австралия области . Бу уччала област таркибида энг каттаси ҳисобланади. Бунга Австралия чўллари, Хинд океани қирғогидаги бир неча ороллар киради.

Бу област ҳудудида 85 авлод эндем бир неча юзлаб турлар эндем хисобланади. Эндем оила Австралия чўлларида дарахтли ва бутали саванна ўрмонлари кўпроқ учрайди. Голантартик ўсимликлар ҳукмронлиги . Бу ҳукмронлик ҳудудига жанубий ярим шарнинг совуқ зоналари кириб, Жанубий Американинг Патагония қисми атрофидаги ороллари билан бирга, хамда Янги Зеландия киради. Бу ҳукмронлик 4 та областга бўлинади. (1). Хуан Фернандес ороллари области - Патагониянинг ғарбий томонидаги Хуан Фернадес оролини ўз ичига олади. Бу област ҳудудида 1 та оила,20 дан ортиқ авлод ва бир неча юзлаб тур эндем хисобланади. (2). Чили Патагон области . Бу област ҳудудига Жанубий Американинг Чили Патагония Фонкленд, Оловли Ерлар ва бошқа оролларни ўз ичига олди. Бу област ҳудуди майдон жиҳатдан катта ва хилма-хил бунга икки материк (жанубий Америка ва Антарктиданинг яримороли хам) киради. Бир неча ўзига хос иқлимли ороллар ҳам киради. Натижада бу област ҳудудида 7 та оила, 250 та авлод, бир неча юзлаб тур эндем хисобланади. (3). Суб антартик области . Бу област ҳудудига Гоф, Принс Эдувард, Амстердам, Сент Пол, Кергелен оролларини ўз ичига олади. Бу ерда 2 та авлод, ўнлаб эндем турлар мавжуд, эндем оила йўқ. (4). Янги Зенландия области- бу област ҳудудига Янги Зелландия, Кермадек, Чатем, Антипот ороллари билан биргаликда бир қанча майда ороллар хам киради. Бу област ҳудудида битта оила, 45 та авлод, бир неча ўнлаб эндем турлар мавжуд.

Фойдаланилган адабиётлар: 1. Каримов И.А. Ўзбекистон XXI бўсағасида; ҳафвсизликка таҳдид, барқарорлик шартлари ва тараққиѐт кафолатлари. – Т., «Ўзбекистон», 1997. 2. Каримов И.А. Ўзбекистон – буюк келажак сари. – Т., «Ўзбекистон», 1999. 3. АкимоваТ.А., ХаскинВ.В. Основы экоразвитие. М.: Российская экономическая академия, 1994. 4. АлимовТ.А., РафиковА.А., Экологик хатолик сабоқлари. Т.: Ўзбекистон, 1991. 5. БаратовП. Табиатни муҳофаза қилиш.-Т,;Ўқитувчи, 1991. 6. БанниковА.Г., ВакулинА.А., РустамовЛ.К. Оновы экологии и охрана окружающей среды. –М.; Колос, 1999. 7. Бекнозов Р.У., Новиков Ю.В. Охраны природы. Т.: Ўқитувчи. 1995.

Похожие

Ҳайвонот дунёсининг географик тарқалиши

Флора ва ўсимлик уруғлари тўғрисида тушунча

Луб толали ўсимликларни умумий тавсифи ва каноп ахамияти, етиштириш технологияси

Ўсимликларни ўсиши ва ривожланишини бошқаришда фитогармон ва сунъий регуляторлар, уларнинг биотехнологиядаги роли

Ўзбекистонга ўтиш хавфи бор зараркунандалари. Осиё ғўза тунлами, америка оқ капалаги, филлоксера