Микробиологиянинг ривожланиш тарихи - Биология - Рефераты

Микробиологиянинг ривожланиш тарихи

Загружено в:

20.09.2019

Скачано:

0

Размер:

2556 KB

Микробиологиянинг ривожланиш тарихи Режа : 1. Микроорганизмлар кашф қилинмасдан аввалроқ ҳам, инсон қатиқ, вино тайёрлашда, нон пиширишда микробиология жараёнларидан кенг фойдаланиб келган. 2. Россияда биринчи микроскоп XVIII асрнинг 30 - йилларида Ива н Беляев ва Иван Кулибинлар томон и дан кашф этилган.

Микроорганизмлар кашф қилинмасдан аввалроқ ҳам, инсон қатиқ, вино тайёрлашда, нон пиширишда микробиология жараёнларидан кенг фойдаланиб келган. Одамзот ҳар хил касалликлар билан тўқнаш келган, ўлатларни бошидан кечирган. Муқаддас китобларда ҳам бу ҳақида айтиб ўтилган бўлиб, касаллик оқибатида ўлганларни ёқиб юборишни, ювинишни ва тозаликга риоя қилишни тавсия қилинган. Қадим замонлардаёқ шифокорлар ва табиатшунослар кўпгина юқумли касалликларнинг келиб чиқиш сабабларини излай бошлаганлар. Масалан, бизнинг эрамиздан олдин яшаган қадимги дунё врачи Гиппократ (460 - 377 йилларда), Лукреций (95 - 55 йилларда) ва ўша даврнинг бошқа йирик олимларининг ишларида турли-туман юқумли касалликларнинг сабабчиси тирик табиатга хос эканлиги кўрсатилган эди. 15 асргача касалликларнинг сабаблари касал туғдирувчи «миазмалар» (ҳавода тарқалган айрим буғсимон моддалар) деб ҳисоблашган. Кейинчалик италиялик врач Фракастро (1478-1553 йиллар) бир индвидумдан иккинчисига ўтадиган «контагий»лар мавжудлиги ҳақидаги назарияни илгари суради. Осиё халқлари чечак, лепра (мохов) ва бошқа касалликлар тўғрисида маълумотларга эга эди. Абу Али ибн Сино (980-1037 ) бу касалликларнинг сабабчилари тирик мавжудотлар эканлигини ва улар сув ва ҳаво орқали тарқалишини айтган эди. 17 асрнинг 40 йилларида римлик профессор А. Кирхер (1601-1680) катталаштирувчи қурилма орқали ҳар хил объектларни кузатади ва ўта майда «чувалчангларни кўради». Бу микроорганизмлар эди. Аммо бу тажрибалар тасодифий кашфиётлар эди. Микроорганизмларнинг очилиши биринчи микроскопни кашф этилиши билан боғлиқдир. Биринчилар қ а тори Ганс ва Захарий Янсен, сўнгра Г. Галилей ва К. Дреббель томонидан энг содда микроскоплар яратилди ва янада такомиллаштирилди.

Микроорганизмлар ҳақида янада кўпроқ маълумотлар тўплаган шахс микробиология тарихининг «морфология» даврини бошлаб берган голландиялик Антони ван Левенгук (1632-1723 ) бўлди (1- расм). Левенгук шишадан зийнат буюмлар ясайдиган корхонада ишлар эди. У шиша линзалар ясаб, улардан майда нарсаларни катталаштириб кўрадиган асбоб – содда микроскоп ясайди. У ўз микроскопида кўлмак сув томчиларини, тиш киридан тайёрланган препаратларни, турли хил органик моддали сувлар (қайнатмалар) ни текшириб, улар ичида ҳар томонга қараб ҳаракатланувчи тирик мавжудотларни кузатади ва уларнинг расмларини чизади. У шу кўрган мавжудотларига “тирик ҳайвончалар” – «Animalkula viva» деб ном беради. Ўз изланишлари натижаларини у Лондондаги қироллик илмий жамиятига билдиради. 1677 йили мазкур илмий жамият Левенгук ишларини қайтадан текшириб кўради ва унинг натижалари хақиқат эканлигини тан олади. Кейинчалик у ўз илмий изланишларини «Антон Левенгук кашф этган табиат сирлари» деган китобида (1695) таърифлаб беради. Уларни юмалоқ, ҳар хил узунликдаги таёқчасимон, букилган шаклли майда мавжудотлар эканлигини тасвирлаб беради. Россияда биринчи микроскоп XVIII асрнинг 30 - йилларида Ива н Беляев ва Иван Кулибинлар томон и дан кашф этилган. Рус олими, ҳарбий врач Д. С. Самойлович (1744-1805) микроскопик текширишлар ёрдамида тоун (чума) касаллигинииг қўзғатув ч исини текшириб, одамларни бу касалликка қарши эмлаш усулини таклиф этган. Унинг бу кашфиёти бошқа юқумли касалликларнинг сабабчисини ўрганиш учун асос бўлди. Англиялик врач Э. Дженнер (1749 - 1823) 1798 йилда чечакка қарши эмлаш муҳим аҳамиятга эга эканлигини кўрсатиб берган эди. XIX асрнинг иккинчи ярмидан бошлаб анча такомиллаштирилган микроскоплар яратилди. Бу

1-расм. Микроскопнинг биринчи ихтирочиси ва бактериялар оламини кашф қилган олим Антон ван Левенгук (1632 - 1723) эса микроорганизмларнинг фақат морфологик тузилишини эмас, балки физиологиясини ҳам ўрганишга имкон берди. Микроскопнинг ихтиро этилишидан бошлаб микроорганизмлар тўғрисида қилинган ишлар микробиология тарихида 1 давр «Микробиология ривожланишининг морфология даври» деб юритилади. Швед олими К. Линней (1707-1778) ҳамма тирик мавжудотларни бир системага солган бўлса ҳам, микроорганизмларни бир «хаос» (тартибсиз, тартибга солиб бўлмайдиган) гуруҳга киритади. Микроорганизмларнинг биринчи систематикаси даниялик Мюллерга (1786) тааллуқлидир. У сув ва тупроқдаги «анималкуллар» ни системага солади ва уларнинг «инфузориялар» деб атади. Секин-аста микроорганизмларни ўрганиш кўлами кенгая бошлади. Кейинчалик М.М.Тереховский (1740– 1810) ҳам микроорганизмлар устида ишлаб «Царство тьмы инфузорий Линнея» деган мавзуда докторлик диссертациясини ёқлади (1770). У ҳар хил қайнатмалардаги микроорганизмларни ўрганди. Температура, электр токи ва захар таъсирида микроорганизмларнинг ҳалок бўлишини аниқлади. 1835 йил Эренбург «Инфузориялар мукаммал

организмлардир» деган мавзуда илмий асар ёзди ва ҳамма тубан жонзотларни 22 та синфга бўлди ва унга инфузориялар атласини киритиб, уларга тавсифлар берди. Микроорганизмларни бинар номенклатурада атади ва барча бактерияларни 3 синфга бўлди. XIX аср ўрталарида П.Ф. Горяинов томонидан ёзилган «Зоология» асарида микроорганизмларга айрим бўлим ажратилди ва у «Инфузориялар бўлими» деб аталди. Шу вақтлар Ф . Кон (1828-1898) ва К. Негелилар (1817 - 1891) бактерилардан баъзиларининг табиатин и ўргана бошладилар. Микроорганизмларни ўрганишнинг иккинчи даври - «физиология даври» - б уюк француз олими Луи Пастер (1822-1895 ) ишларидан бошланди. У кўпгина бижғиш жараёнларининг , яъни спиртли, сут кислотали, сирка кислотали биж ғ иш ҳамда бош қ а тур бижғишларнинг биологик моҳиятини аниқлади (2 - расм). 2 - расм. Микробиологиянинг физиология даври асосчиси Луи Пастер (1822 - 1895) Ҳар бир бижғиш жараёнининг ўз микроорганизмлари борлигини тажрибалар билан исботлади. У яна чириш жараёнлари нинг ҳам алоҳида микроорганизмлар таъсирида боришини кўрсатди. Луи Пастер куйдирги, қутуриш, сарамас, пастереллёз, газли гангрена, тут ипак қуртининг (пебрина) касаллигини, вино ва

пивонинг бузилишини ўрганди ва уларга қарши кураш чораларини аниқлаб берди. Кислородсиз муҳитда яшайдиган анаэроб бактерияларни аниқлади. Лаборатория амалиётига стериллаш (микробларни нобуд қилиш) ва пастерлаш усулларини киритди. Аристотель ва Вергилийларнинг «Ўз - ўзидан туғилиш» назарияларининг асоссизлигини кўрсатди. Озиқа муҳит яхшилаб стерилланса, унда ҳеч қандай микроорганизмнинг пайдо бўлмаслигини асослаб берди. Пастер товуқлар холерасини ўрганиш жараёнида соғлом товуққа кучсизлантирилган бактерия культураси юборилганда товуқларнинг касалликга чалинмаслигини кузатди. Худди шу ишни у куйдирги касаллиги билан касалланган молларда ҳам қайтарди ва ижобий натижалар олишга муваффақ бўлди. Ҳайвонларни кучсизлантирилган (42- 43 о С температурада ўстирилган) куйдирги таёқчалари билан касаллантиради. Кучсизлантирилган бактерия культураси билан эмлаганда ҳайвонларда куйдирги бактериясига қарши иммунитет ҳосил бўлишини аниқлади. Пастер куйдирги касаллигини ўрганиб «лаънатланган далалар» сирини очди. Пастернинг қутириш касаллигини ўрганиш борасидаги ишлари ҳам ўта катта аҳамиятга моликдир. У қутирган итлар сўлагини микроскоп остида тадқиқ қилганда ундаги микроорганизмларни кўришга муяссар бўла олмади. Аммо у касалликни юзага келтирувчи қутиришни «сабаби» - ҳайвоннинг бош ва орқа миясида жойлашишини аниқлади. Касалланган қуён миясини секин - аста қуритиб, «кучсизлантирилган касал қўзгатувчини» олди ва у билан ҳайвонларни эмлаб соғлом ҳайвонларни касалликдан сақлаб қолиш йўлларини топди. Бундай эмлашлар , антирабик - қутиришга қарши эмлашлар дейилиб, жуда кенг кўламда тарқалди. Бу ишлар янги фан - иммунологиянинг пайдо бўлишига асос солди. Луи Пастер Франция медицина академиясига академик, Санкт - Петербург академиясига мухбир аъзо ва кейинчалик фахрий академик қилиб сайланди. Парижда 1888 - йили Пастер институти очилди. Унда, кейинчалик кўзга кўринган микробиологлар таълим олди. Мечников, Виноградский, Гамалея, Хавкин, Склифасовский ва бошқалар шулар жумласидандир. XIX асрда кўп мамлакатларда медицина микробиологияси ривожланди. Медицина микробиологиясининг ривожланишига немис олими Роберт Кох (1843

- 1910) кўп ҳисса қўшди. У соф микроб культурасини ажратиш учун қаттиқ (қуюқ) озиқ муҳитидан фойдаланишни таклиф этади. Одам ва қорамолларда сил касаллигини қўзгатувчисини ҳамда вабо вибрионини ажратиб олишга муваффақ бўлди, микроскопик методларни такомиллаштирди, иммерсион системани қўллашни ва микрофотографияни амалиётга киритди. И. И. Мечников (1845 - 1916) фагоцитоз ва унинг иммунитетдаги аҳамияти ҳақида тўлиқ таълимот яратди, чиритувчи ва сут кислота ҳосил қилувчи бактерияларнинг антагонизмини аниқлади ва вабо касаллигини ўрганишга ўз ҳиссасини қўшди. Россияда биринчи бактериологик станция ташкил этди. Унинг раҳбарлиги остида йирик микробиологлар: Г. Н. Габричевский, А. М. Микробиология фанининг рив о жланишида Безредка, И. Г. Савченко, Л. А. Тарасевич, Н. Ф. Гамалея, Д. К . Заболотний ва бошқалар етишиб чиқди . Д. И. Ивановский (1864-1920) алоҳида роль ўйнади. У тамаки баргларининг мозаика касаллигини ўрганиб, 1892 йилда фильтрланувчи вирусларни аниқлади ва вирусология фанига асос солди. Тупроқ микробиологияси бўйича ҳам анча ишлар қилинди. Шлезинг ва Мюнц каби француз олимлари нитрификация жараёнини ўрганди. Тупроқда учрайдиган микроорганизмларни ва уларнинг моддалар алмашинувидаги ролини аниқлашда С.Н.Виноградскийнинг (1856 - 1955) ҳиссаси катта бўлди. У хемосинтез жараёнини нитрификаторлар, олтингугурт ва темир бактериялари мисолида аниқ кўрсатиб берди. Бу жараёнларни чуқур ўрганиб «Хемосинтез» (кимёвий энергия иштирокида сув ва СО 2 дан органик моддалар ҳосил бўлиши) жараёнини очиш шарафига муяссар бўлди. Тупроқда эркин ҳолда ҳаёт кечирувчи анаэроб бактерия клостридиум пастерианумни, целлюлозани парчаловчи бактерияларни ҳам Виноградский топди ва кўпгина янги методларни киритди ва «Тупроқ микробиолгияси » асарини яратди. М. Бейеринк тупроқда учрайдиган эркин азот ўзлаштирувчи бактериялардан азотобактерни аниқлади. Г. Гельригель ва Г. Вильфор тупроқ микробиологияси устида иш олиб бориб, 1880 йилда тугунак бактериялар билан дуккакли ўсимликлар орасидаги симбиозни аниқлаб, дукаккли ўсимликларнинг азот

ўзлаштириши улар илдизидаги туганакларга боғлиқ эканлигини кўрсатиб бердилар. Секин-аста тўпланган материаллар, айниқса, нафас олиш ва бижғиш жараёнлари химизмини аниқлаш ишлари микробиология ривожланишидаги учинчи давр «микробиологиянинг биохимия йўналиши»га туртки бўлди. Нафас олиш ва бижғиш жараёнларини химизмини аниқлашда С. П. Костичев, В. С. Буткевич, В. Н. Шапошников ва Н. Д. Ирусалимскийлар катта ҳисса қўшганлар. Чиринди моддалар ва тупроқ структураси ҳосил бўлишидаги тупроқ микроорганизмларининг ролини тушунтиришда И.В. Тюрин, М.И. Кононова ва бошқалар, микроорганизмлар экологиясини ўрганиш соҳасида Б. Л. Исаченко, Е. Н. Мишустин, Н. М. Лазаревлар, тупроқ ва ризосферадаги турли хил бактерияларнинг активлигини аниқлашда Н. Г. Холодний, В. С. Буткевич, Н. А. Красильников, Е. Ф. Берёзова, Я. Н. Худяков ва бошқа олимларнинг ишлари муҳим аҳамиятга эга бўлди. Кейинги йилларда микробиология техникасини ривожлантиришга ўз ҳиссаларини қўшган олимлар Б.Ф.Перфильев ва Д.Л. Габелардир. Улар яратган капилляр микроскопия методи кўпгина чўкиндиларда учрайдиган йиртқич бактерияларни топишга ёрдам берди. Ўтган асрнинг охиридан бошлаб микробиологиянинг яна бир тармоги бўлган сув ва геология микробиологияси ривож топди. Г. А. Надсон, Б. Л. Исаченко, М. А. Егунов, В. О. Таусон, В. С. Буткевич, А. Е. Крисс, А. С. Разумов ва бошқалар бу тармоқнинг ривожланишига катта ҳисса қўшдилар. Г. А. Надсон ва унинг шогирди Г. С. Филиппов 1925 йилда ачитқи замбуруғларига турли нурларни таъсир этдириб, улардан мутантлар олдилар. Микробиология соҳасида шундай катта кашфиётларнинг очилиши микроскопик техниканинг ривож топиши билан чамбарчас боғлиқдир. 1873 йилда Эрнест Аббе микроскоплар учун линзалар системасини такомиллаштирган, 1903 йилда Зидентопф ва Жигмонди ультрамикроскопни, 1908 йилда А. Кёллер ва Зидентопф биринчи люминесцент микроскопни кашф этган бўлсалар, ниҳоят 1928- 1931 йилларга келиб биринчи электрон микроскоп яратилди. 1934 йили

Ф. Цернике фазо-констраст принципини такомиллаштирди. Электрон микроскопда 0,02 нм дан то 7 А гача ва ундан ҳам майда буюмларни кўриш мумкин бўлди. Бу кашфиётлар микробиологиянинг яна бир қиррасини, микроорганизмларнинг ультраструктураларини ўрганишга туртки бўлди. Оддий ёруғлик микроскопларида фақатгина таёқча бўлиб кўринган бактерияларни нанометрлар билан ўлчанадиган хивчинлари, фимбрийлари, пилийлари, ҳужайра девори ва уни бирнеча қаватдан иборатлиги, цитоплазматик мембрана ва унинг нозик структуралари, цитоплазма унинг таркибидаги ядро моддалари, рибосомалар ва захира моддаларини борлиги аниқланди. Мамлакатимизда микробиология фанининг ривожланиши учун қулай шароит мавжудлиги туфайли унинг назарий ва амалий масалалар билан боғлиқ бўлган соҳалари: озиқ-овқат саноати, консерва саноати, сут маҳсулотларини қайта ишлаш саноати, пиво пишириш саноати, турли аминокислоталар, оқсиллар, антибииотиклар ва витаминлар ишлаб чиқариш саноатлари янада ривож топмоқда. Микробиологиянинг ривожланишида микроскопик техника. Юқорида айтиб ўтилгандек, микроскопик техниканинг тараққий этиши, унинг кўрсатиш қобилиятининг ошиши микроорганизмларни ўрганишни янада жадаллаштирди. Қоронғи майдонда кўриш, люминесцент микроскоп, фазо-контраст микроскоп ва электрон микроскопларнинг яратилиши микроорганизмларни нозик структураларини (ҳивчинлар, ҳужайра девори, цитоплазматик мембрана ва цитоплазманинг ички структуралари ) ўрганиш имкониятини яратди. Қоронғи майдонда кўриш микроскопи. Кўриш махсус конденсор ёрдамида амалга оширилади. Одатда ишлатиладиган конденсорлар - (ёруғ майдонли микроскопда) ўртадаги нурларини ўтказиб, четкиларини тутиб қолса, қоронги майдонли микроскопда конденсор фақат четки нурни ўтказади, нурларнинг оғиш бурчаги катта бўлганлиги учун, улар объективга тушмайди, натижада кўриш майдони қоронғи бўлиб қолади. Агар микроскоп остида кўриладиган препарат бир жинсли бўлмай, хар хил оптик зичликка эга зарралар тутса, унда конденсордан ўтган қийшиқ нурлар препаратдан ўтганда зич зарраларни айланиб ўтади - дифракция юз беради. Дифракция натижасида нурлар ҳар томонга сочилиб

объективга тушади. Натижада қоронги фонда турган бактериялар ялтираб кўринади. Бу усулда кўриш ОИ – 7 ёки ОИ- 19 каби ёритгичлар ишлатилса яхши натижа беради. Айниқса, XX асрнинг 30 - 40-йилларида яратилган электрон микроскоплар ҳужайра органоидларининг структураси билан функцияси орасидаги боғланишни аниқлашга, микроорганизмлардаги биохимиявий жараёнларни ўрганишга имкон берди. Электрон микроскопда электронлардан чиқадиган нурнинг тўлқин узунлиги ёруғлик нурининг тўлқин узунлигига нисбатан анча қисқа. Унда шиша линзалар ўрнига “электрон линзалар” - электромагнит майдонлар пайдо бўлади, булар буюмлар молекулаларини ютади, барча оптик система вакуумга (10 -4 мм симоб устунига) жойлаштирилади. Шунинг учун кўриладиган объектлар қуруқ бўлиши керак. Акс холда объектдаги сув вакуумда қайнаб кетади ва буюм емирилади. Электронлар оқими текшириладиган объектга тушганда, термик ва радиацион ўзгаришлар содир бўлади, бу эса буюмнинг структурасини бузиб юбориши мумкин. Икки нуқта орасидаги ма с офа 10 А (ангстрем)га тенг бўлади, бунда буюм 100000 марта катталашган бўлади (3 - расм). Текшириладиган буюмлар, одатда, 10000 - 30000 марта катталаштириб кўрилади. Электрон микроскопларда кўриладиган буюмлар ниҳоятда юпқа бўлиши қерак. Швециялик олим Шестранд электрон микроскоплар учун юпқа кесмалар тайёрлайдиган микротом яратди. Бу микротом ёрдамида тайёрланадиган кес малар нинг қалинлиги 100 - 150 А га тенг бўлади. Кўриладиган буюмнинг суви қуритилиб, сўнгра у фиксация қилинади ва

3 – расм. А - Холера вибрионининг электрон микрофотографияси ; В - Бактерия ҳужайрасининг пилилари ипчалар кў р инишида кўрсатилган. қотириш учун метакрил смоласи билан ишлов берилади. Шундан кейин микротомда 100 - 150 А қалинликда кесмалар тайёрланиб, махсус ишлов берилгандан сўнг электрон микроскопда кўрилади.

Похожие

Биологиянинг ривожланиш тарихи

Тупрокшунослик фанининг ривожланиш тарихи

Биохимия фани. Биохимия фанинг ривожланиш тарихи

Микробиология ва қишлоқ ҳўжалиги биотехнологияси фанининг мақсади, вазифаси ва ривожланиш тарихи

Усимлик карантинини максади, вазифалари, ривожланиш тарихи. Ўзбекистонда карантин хизматини ташкил этилиши