Ирсиятнинг моддий асоси - Биология - Рефераты

Ирсиятнинг моддий асоси

Загружено в:

20.09.2019

Скачано:

0

Размер:

57 KB

www.arxiv.uz Режа: 1. Ҳужайранинг бўлиниши. 2. Хромосомаларнинг ташқи, ички тузилиши ва кимёвий таркиби. 3. ДНК репликацияси. 4. Кариотип тўғрисида тушунча.

www.arxiv.uz 1. Ҳужайра бўлиниши натижасида бир ҳужайрадан икки ҳужайра ҳосил бўлади. Ҳужайра бўлиниши организмлар кўпайишининг марказий қисмини ташкил этади. Ҳужайра бир неча усуллар орқали бўлинади. Уларнинг энг кўп учрайдигани митоз бўлинишдир. Митоз бўлиниш икки асосий босқич: ядронинг бўлиниши (кариокинез) ва цитоплазманинг бўлиниши (цитокинез)дан иборат. Митоз узлуксиз жараён бўлиб, натижада ҳосил бўлган иккала қиз ҳужайра ўртасида ирсий ахборотнинг баробар тақсимланиши амалга ошади, бундан аввал эса хромосомаларнинг иккиланишини кўриш мумкин. Митоз 4 босқичдан ташкил топган. Булар: интерфаза, профаза, метафаза, анафаза ва телофаза. Икки бўлиниш ўртасида ҳужайра ядроси интерфаза босқичида бўлади. Интерфаза тинч ҳолатдаги ядро босқичи деб аталишига қарамасдан, аслида ядрода бу даврда метаболик жараёнлар фаол амалга ошади, ҳужайра бўлинишга тайёргарлик кўради. Интерфазада хромосомаларнинг иккиланиш жараёни амалга оширилади, бунда ҳар бир хромосома ўзига ўхшаш хромосомани ҳосил этади. Ҳайвон ҳужайраларида телофаза охирида ва интерфазанинг бошланишида центриолаларнинг иккиланиши рўй беради. Бу даврда ядро бўялганда тўрсимон тузилишга эга бўлади, кейинги босқичда эса улардан хромосомалар шаклланади. Митоз бўлинишнинг биринчи босқичи профаза (лотинчадан pro - давр, phosis – намоён) бўлиб, бунда хромосома иплари - хроматидаларнинг спираллашиши натижасида улар йўғонлашади, катталашади, иккиланган иплар кўринишида ёруғлик микроскопида кўринадиган бўлиб қолади. Бу хроматидалар профазада тарқалмайди, балки умумий қисм, центромера орқали ушлаб қолинади. Профазада хромосомаларнинг буралиш жараёни давом этади, бу эса уларнинг қисқаришига ва йўғонлашишига олиб келади, бунда хромосомалар бутун ядро ҳажмини эгаллайди.

www.arxiv.uz Профазада центриолаларнинг бўлиниб қисмларга тарқалиши бошланади. Центриолалар ўртасида бўлиниш урчуғининг ингичка ип тўплами пайдо бўлади. Уларнинг йиғиндиси ахроматин аппарати дейилади. Профазанинг ўртаси ёки охирида ядро қобиғи ва ядроча йўқолади, шу материалдан бўлиниш урчуғи шаклланади. Натижада хромосомалар цитоплазма ва кариоплазманинг умумий массасида жойлашади, бунда микоплазма ҳосил бўлади. Бу билан профаза тугалланади. Метафаза (грекча meta - кейин)да хромосомалар зичлашиб, йўғонлашади. Метафазада хромосомалар ҳужайра марказида экватор бўйлаб тўпланади. Бунда хромосома центромераси экваториал текисликда бўлса, қолган қисми бу текисликдан ташқарида жойлашан бўлади. Урчуқ ипларининг зичлиги ортиб, уларнинг хромосомаларга шундай ҳолатда туташадики, бунда ҳар бир центромерага икки қутбдан ахроматин иплари бирикади. Бу босқичда центромеранинг чўзилувчанлиги жуда камаяди. Анафаза (грекчадан а n а - қайта) митоз босқичи, бунда центромералар бўлиниб, хроматидалар қутбларга тарқалади. Аввал центромера қисмлари сўнгра хромосомаларнинг ўзи ҳам ажрала бошлайди. Ҳар бир қутбда хромасомалар сони тенглашади ва бўлинишидан олдинги ҳужайранинг хромосома сонига мувофиқ бўлади. Телофазада (грекчадан telos - тугал) хромосома ипларининг ёйилиши, ингичкалашиши, узайиши кузатилади. Хромосомаларнинг ҳар бир гуруҳи атрофида ядро қобиғи ҳосил бўлади, ядроча шакллана бошлайди. Цитоплазма бўлиниши тугалланади ва ҳужайра қобиғи ҳосил бўлади. Ҳосил бўлган янги қиз ҳужайралар интерфаза босқичига ўтади. Шундай қилиб митоз икки: ядронинг ва цитоплазманинг бўлинишидан ташкил топади. Митоз жараёни одатда 1-2 соат давом этади. Давомийлиги ҳужайра тури, ёши, ташқи мухит шароитларига боғлиқ бўлади. Ҳужайра бўлиниши юқори ҳарорат, радиациянинг катта дозаси, наркотик моддалар ва ўсимлик заҳарлари таъсирида тўхташиши мумкин.

www.arxiv.uz 2. Ҳужайра ядросидаги хромосомалар ҳамма вақт ёритгич микроскопда кўринавермайди. Улар улар ҳужайра бўлинаётган даврда кўзга ташланади. Хромосомалар умумий ташқи тузилишини ҳужайра бўлинишининг метафаза ва анафазанинг бошланғич даврида яхши кўриш мумкин. Бу босқичларда улар бўйига анча қисқарган бўлиб, экватор текислигида жойлашади. Хромосомалар ташқи кўриниши, ҳажми билан ўзаро фарқланадилар. Уларнинг узунлиги 0,2 – 50 мкм, диаметри 0,2 – 5 мкм оралиғила бўлади. Хромосомаларнинг шакли асосан центромери жойлашишига кўра белгиланади. Центромеранинг асосий вазифаси ҳужайра бўлинаётганда унинг жойини ўзгартиришдан иборат. Центромера ҳар бир хромосоманинг маълум ерида жойлашган бўлади. Агар центромера хромосоманинг ўртасида жойлашса, метафазада бу хромосома V -шаклли бўлиб кўринади. Бундай шаклдаги хромосома метацентрик яъни тенг елкали дейилади. Агар центромера хромосомани бир- бирига тенг бўлмаган икки қисмга ажратиб турса, у ҳолда бироз тенг бўлмаган – субметацентрик ёки ҳаддан ташқари нотенг елкали – акроцентрик хромосома, агар центромера хромосоманинг учки қисмига яқин жойдан ўрин олса улар телоцентрик хромосомалар дейилади. Хромосомалар учидаги таначалар эса теломералар деб аталади. Хромосомада центромерадан ташқари иккиламчи центромера бўлиши мумкин. Лекин у хромосома жойини ўзгартиришда қатнашмайди. Кўп ҳужайраларда унинг ўрнида ядрочалар шаклланади. Баъзан хромосома учларида унча катта бўлмаган таначалар – йўлдошлар жойлашади. Бундай хромосомалар йўлдошли хромосомалар дейилади. Центромерага яқин жойлашган хромосома қисми - проксимал, узоқлашган қисми – дистал қисм деб аталади. Агар хромосома бўлиниб кетса ва центромера йўқолса, центромерсиз қисм центромерани тиклай олмайди ва у бора-бора таркибий қисмларга ажралиб кетади. Центромера таркибида ДНК бўлади ва у хромосомани қайта тиклаш қисми бўлиб ҳисобланади. Ҳар бир хромосома жуфт хроматиддан иборат. Хроматидлар жуда кўп ингичка

www.arxiv.uz ипчалар – хромонемалардан ташкил топган. Хромонемалар интерфазада спираллашган ҳолатда бўлади. Профазада унинг спираллашиши хромосома бўйлаб тарқалади. Бу ипларда тўқ рангга бўялувчи доначалар яъни хромомерларни кўриш мумкин. Қутбли ва электрон микроскопия каби тадқиқот методлари хромосомаларнинг нозик тузилишини ўрганишга имкон яратди. Ҳар бир хромонема иккита элементар йиғиндидан, яъни микромолекуляр ўлчамли бирламчи ипчалардан ташкил топади. Бирламчи ипча диаметри 30 А 0 га тенг. Спираллашиш икки кўринишда бўлади. Уларнинг бири майда, иккинчиси йирик бўлади, хромосомалар узунасига бир-биридан фарқ қилувчи қисмлардан ташкил топган. Айрим қисмлар тўлиқ спираллашади, бошқалари кам спираллашади. Тўлиқ спираллашган қисм тўқ рангда, кам спираллашгани оч кўринишда бўлади. Тўлиқ спираллашган қисм гетерохроматин, кам спираллашган қисм эухроматин деб номланади. Хромосомаларнинг узунасига табақалашганлиги гигант хромосомаларда айниқса кўзга ташланади. Чунки улар 1000 дан ортиқ хромонемалардан иборат бўлади. Гигант хромосомалар дастлаб чивин личинкасининг сўлак бези ҳужайраларида, сўнг дрозофила личинкаси сўлак безларида, ўсимлик ҳужайраларининг эндосперм ва антипод ядроларида топилган. Хромосомаларни асосий бўёқ моддалари билан бўяганда унинг турли қисмлари турлича реакцияга киришади. Айрим қисмлари тўқ рангга бўялади, улар гетерохроматин қисмлари, оч рангга бўялган қисмлари эухроматин қисмлардир. Улар турлича генетик хусусиятга эга. Гетерохроматин қисмларида генлар мавжуд бўлмай, улар ирсият жиҳатдан нофаол, эухроматин қисмларида генлар мавжуд бўлиб улар фаолдир. Хромосомаларнинг кимёвий таркиби 90-92% нуклеопротеидлардан иборат. Нуклеопротеид дезоксирибонуклеин кислотаси (ДНК) ва оқсил гистонлардан иборат. Бундан ташқари, хромосомада РНК, калций, магний, темир ионларининг бирмунча миқдори ва гистонсиз оқсиллар ҳам мавжуд.

www.arxiv.uz Амитоз бошланишидан аввал ДНКнинг иккиланиши содир бўлади. Лекин хромосомалар ва бўлиниш урчуғи микроскопда кўринмайди. Ҳужайралар ўртасида ядро моддасининг тақсимланиши турлича бўлади. Шунинг учун бу ҳужайралар ирсий жиҳатдан мукаммал саналмайди. Эндомитоз бўлинишда хромосомалар сонининг икки ҳисса ортиши ҳужайра ёки ядронинг бўлинишисиз содир бўлади. Бунинг натижасида хромосомалар икки ҳисса ортиб, улар ядро ичида қолади. Баъзи ҳолларда ҳужайрадаги хромосомалар сони бир неча ўн ҳисса ортиб кетади. Эндомитоз ҳар хил ўсимлик ва ҳайвон тўқималарининг ҳужайраларида учрайди. Натижада полиплоидия ҳодисаси рўй беради. Политения – баъзан хромосомаларнинг ҳосил бўлиши ҳужайрадаги хромосомалар сонининг ортишисиз рўй беради. Ҳар бир хромосома бир неча марта катталашади, бунда хромосомалар тарқалиб кетмай, бир-бирига ёпишган ҳолда қолади. Бу ҳодиса политения деб аталади. Политения натижасида хромосомалар диаметри ортади, хроматидлар сони 1000-2000 га етади, натижада «гигант» хромосомалар вужудга келади. Политения ҳодисаси қатор тўқималар ҳужайраларида кузатилади. Политения ҳодисаси икки қанотли ҳашаротларнинг сўлак бези тўқимасидаги ҳужайраларда ва баъзи бир ўсимликлар ҳужайрасида учрайди. Ҳужайранинг митотик бўлиниши юқори даражадаги аниқлиги билан ажралиб туради. Митоз механизми организмнинг эволюцион тараққиётда миллион йиллар давомида таркиб топган. Митоз бўлиниш ҳужайраларнинг яшаб қолишига сабабчи бўладиган, аслида ҳаётни узлуксиз давом эттирадиган жараёндир. Митоз бўлинишда ҳосил бўлган қиз ҳужайралар она ҳужайра сингари хромосомаларнинг диплоид тўпламига эга бўлади. Ҳужайранинг митоз бўлиниш ўсимликларнинг вегетатив кўпайишини, ҳайвонларнинг жинссиз кўпайишини, эмбрионал ва постэмбрионал тараққиётнинг, тананинг жароҳатланган қисмини қайта тикланишининг асосини ташкил этади. Митоз

www.arxiv.uz туфайли организмларда ирсий ахборотнинг текис тақсимланиши амалга ошади ва бир бутунлигича сақланади. Ф ойдаланиладиган адабиётлар : 1. Лобашев М.Е. Генетика. Изд-во ЛГУ , 1967, 751с. 2. Лобашев М.Е., Ватти К.В., Тихомирова М.М. Генетика с основами селекции. М. Просвещение, 1970. 432с. 3. Гершензон С.М. Основы современной генетики. 2-е изд., Киев, Наукова думка, 1983, 558с. 4. Айала Ф., Кайгер Дж. Современная генетика. I - II том, Москва, Мир, 1987 г. 5. Инге-Вечтомов С.Г. Генетика с основами селекции. М., Высшая школа, 1989, 592с. 6. Сингер М., Берг П. Гены и геномы. I том. Москва, Изд-во Мир, 1998. 364 c . 7. Медицинская генетика. Под редакцией. Бочкова Н.П. М., Изд-во Мастерство, 2002. 192с. 8. Мусаев Д. А. и др. Генетический анализ признаков хлопчатника. Ташкент, Национальный Университет Узбекистана им. М.Улугбека. 2005, 121с.

Похожие

Ирсиятнинг моддий асослари. Ген, генотип, хромасомалар

Ирсиятнинг хромосома назарияси

Ирсиятнинг молекуляр асослари

Ген мухандислигининг моддий асослари

Генетика фанининг предмети ва вазифалари