Ирсиятнинг хромосома назарияси - Биология - Рефераты

Ирсиятнинг хромосома назарияси

Загружено в:

20.09.2019

Скачано:

0

Размер:

66.5 KB

www.arxiv.uz Режа: 1. Жинс генетикаси. 2. Жинсни белгилашда хромосомалар ва генларнинг роли. 3. Одамларда жинсни ривожланиши. 4. Жинсни табақаланиши.

www.arxiv.uz Бактериялар, тубан ўсимликлар, ҳайвонларда жинс бўлмайди. Шунга кўра улар бўлиниш орқали кўпаядилар. Органик олам эволюциясининг маълум босқичида Ер юзида айрим жинсли организмлар пайдо бўлган. Айрим жинсли организмларнинг пайдо бўлиши катта биологик аҳамиятга эга. Чарлз Дарвин таъкидлашича ўз-ўзидан чатишиш биологик жиҳатдан зиён, четдан чатишиш эса фойдалидир. Одатда организмлар четдан чатишганда авлодларда ота-она организмлар нисбатан ирсий ахборотининг кўпайиши рўй беради. Бу эса уларнинг ўзгарган муҳит шароитига мосланишида катта имкониятлар яратади. Жинс муаммоси билан одамзот қадимдан машғул бўлиб келишига қарамай, фақат генетика фан сифатида шакллангандан сўнг бу муаммо ўз ечимини топди. Жинс организмнинг гаметалар ҳосил қилиш орқали насл қолдириши, ирсий ахборотни келгуси авлодга узатишни таъминлайдиган белги ва хоссалар мажмуасидир. Юксак ҳайвонларда ҳар хил жинсли организмларни фарқлантирувчи белги-хоссалар бирламчи ва иккиламчи жинсий белгиларга ажратилади. Бирламчи жинсий белгиларга организмнинг ташқи аъзолар, уларнинг ривожланишини таъминловчи морфофизиологик хоссалар киради. Иккиламчи жинсий белгилар эркак ва урғочи организмлар гаметаларини ҳосил қилишда, уларнинг ўзаро қўшилиб уруғлашнишни таъминлашда ҳамда жинсий кўпайишда билвосита роль ўйнайди. Жинсий деморфизм яъни эркак ва урғочи организмлар орасида тафовут кўпгина ҳайвонларда, одамларда ҳам кўзга ташланади. Масалан, қушларнинг, сут эмизувчи ҳайвонларнинг эркаги гавдасининг йирик бўлиши, чиройли бўлиши, одамларнинг эркакларида соқол, мўйловнинг бўлиши, овознинг йўғон бўлиши бунга мисолдир. Улар бирламчи жинсий безлар томонидан ажралган гормонлар таъсирида ривожланадилар. Жинсни аниқлашнинг уч: прогам, эпигам, сингам хили мавжуд. Жинсни аниқлашнинг прогам хилида жинс уруғлангунча маълум бўлади. Масалан,

www.arxiv.uz баъзи бир коловраткалар, чувалчангларда урғочи организм одатда йирик, цитоплазмага бой ҳамда майда цитоплазмаси кам бўлган тухум ҳосил қиладилар. Цитоплазмага бой тухум ҳужайра уруғлангач урғочи, майда, цитоплазмаси кам тухум ҳужайра эса уруғлангач эркак организмни ҳосил қилади. Жинсни аниқлашнинг эпигам хилида жинс шаклланиши ташқи муҳит омилларига боғлиқ бўлади. Чунончи, Ўрта Ер денгизи ва Атлантика океанида тарқалган чувалчанг Bonella viridis ни уруғланган тухум ҳужайрасидан ривожланган личинка мустақил яъни тошларга ёпишиб ҳаёт кечирса урғочи жинсни, аксинча у урғочи организмнинг айрисимон хартумчасига ёпишиб, сўнгра шу орқали унинг жинсий органида паразитлик қилиб яшаса эркак жинсли организмни ҳосил этади. Жинсни аниқлашнинг сингам хилида жинс уруғланиш даврида маълум бўлади. Бунда жинсни асосан жинсий хромосомалар белгилайди. Жинсни белгилашда хромосомалар ва генларнинг роли. Мендел ўз тажрибаларида жинс ҳам организмдаги бошқа белгилар сингари ирсийланади деган фикрни илгари сурган. Маълумки, монодурагайларда тахлилий чатиштириш олиб борилса келгуси авлодда 1:1 яъни Аа х аа Аа:аа кузатилади. Шунга кўра чатиштиришда қатнашган ота- онанинг бири гомозигота, иккинчиси гетерозигота бўлиши керак деган хулосага келиш мумкин. Мазкур хулосани тўғри эканлиги биринчи маротаба 1906 йили Донкастер крижовник капалагида, 1907 йили эса Корренс қовоқдошлар оиласига кирувчи икки уйли, бир уйли ўсимликларни яъни тарвузпалак ҳамда Абу Жаҳил тарвузларини ўзаро чатиштириш натижасида олинган дурагай ўсимликларда кузатди. Кейинчалик ҳар хил жинсли организмларнинг бири гомозигота, иккинчиси гетерозигота эканлиги цитологик тадқиқотларда ҳам ўз тасдиғини топди. Аксарият ҳайвон турлари ва айрим жинсли ўсимликларда (наша, исмалоқ, сув отқулоғи, элодея) жинсни ифодаловчи жинсий хромосомалар борлиги маълум бўлди. Сутэмизувчи ҳайвонларда, одамлар, сувда ва қуруқликда яшовчилар,

www.arxiv.uz балиқлар айрим турларининг урғочиларида жинсий хромосомалари ХХ, эркакларида эса Х Y , қушларда, судралиб юрувчиларда, айрим сувда ва қуруқликда яшовчиларда айрим ўсимлик турларида, масалан, ертутда урғочи организм XY , эркак организмида ХХ бўлади. Айрим жинсли ҳайвон ва ўсимлик турларида эркак ва урғочи индивидларнинг миқдорий нисбати деярли ўзаро тенг. Буни қуйида келтирилган маълумотлардан билиш мумкин. Турли ҳайвон ва ўсимлик турларида эркак жинсига мансуб организмлар миқдори. Организмлар % миқдори Одамлар 52 Қорамол 52 Қўй 50 Чўчқа 52 От 52 Ит 56 Сичқон 50 Товуқлар 49 Ўрдаклар 50 Каптар 50 Наша ўсимлиги 45 Шундай қилиб, агар урғочи организм жинсий хромосомалари ХХ, эркак организмларда Х Y бўлса урғочи организм бир хил Х хромосомали гамета, эркак организм эса икки хил Х ва Y хромосомали гаметаларни ҳосил қилади. Агар урғочи организм гетерогаметали, эркак организм гомогаметали яъни ХХ жинсий хромосомали бўлса, урғочи организм Х ва Y хромосомали икки хил гамета, эркак организм бир хил Х хромосомали гамета ҳосил этади. Баъзи организмларда гетерогаметалилик жинсий хромосомани йўқолиши билан алоқадор. Бунда гомогаметали организм ХХ, гетерогаметали организм ХО бўлади. Протенар авлодига мансуб қандалаларда, ниначиларда урғочи

www.arxiv.uz организмда ХХ, эркагида ХО, куяларда эса аксинча урғочиларида ХО эркакларида ХХ жинсий хромосомалар мавжуд. Бинобарин, куяларда урғочи организм бир хил гаметасида Х хромосома бўлиб, иккинчи хил гаметада Y учрамайди. Шунга кўра эркак организмда битта хромосома кам бўлади. Масалан қандала эркагида 13 хромосома, урғочисида 14 хромосома бўлади. Ундан 12 таси тана хромосомалари ёки аутосомалар ҳисобланади. Шунга кўра урғочи гаметалар 6А битта Х хромосома, эркак гамета – спермиялар бирида 6А битта Х, иккинчи спермияларда фақат аутосома бўлади холос, жинсий Х хромосома учрамайди. Куяларда эса аксинча урғочи организм гаметаси аутосома ва битта Х жинсий хромосомага эга бўлиб, иккинчисида Y бўлмайди. Эркак организм гаметаларининг ҳар бирида Х хромосома бўлади. Гулли ўсимликларнинг 90% қўш жинсли – гермофродит гулларга эга, 10 фоизида гуллар бир жинсли бўлади. Улар иккига: бир уйли ва икки уйли ўсимликларга бўлинади. Бир уйли ўсимликларнинг ота-она гуллари бир ўсимликда, икки уйли ўсимликларда эса оталик гули бир, оналик гули иккинчи ўсимликда жойлашган. Икки уйли ўсимликларнинг гомогаметали ва гетерогаметали бўлиши мумкинигини дастлаб К.Корренс тажрибаларида исботлаган. У буни жигар мохини бир уйли, икки уйли хилларини чатиштириб исботлаган ва оналик ўсимлик гомогаметали, оталик ўсимлик гетерогаметали эканлигини маълум қилган. Жигар мохи ўсимлиги хромосомалари гаплоид тўпламли, спорангийси эса диплоид тўпламли бўлади. Аллен 1917 йилда жигар мохининг эркак ва урғочи гаплоид ўсимликлари 7 та хромосомали бўлсада, бироқ ўзаро фарқ қилишини, эркак гаплоид ўсимлигида битта хромосома нуқтасимон ( Y ), урғочи гаплоид ўсимликда эса узун (Х) бўлишини аниқлади. Уруғланиш мобайнида иккита гаплоид тўпламли ўсимликлар 14А+Х Y хромосомага эга спорафитни ҳосил қилади. Спорафитнинг мейоз бўлинишидан сўнг, бир она ҳужайра 4 спорани ҳосил қилади. Улардан иккитасида 7А+Х хромосома, иккитасида 7А+ Y хромосома тўплами бўлади. Бинобарин ана шу споралардан ривожланган иккита

www.arxiv.uz ўсимлик урғочи, иккитаси эркак ўсимлик саналади ва уларнинг ўзаро нисбати 1:1 га тенг бўлади. Айрим ҳолларда баъзи мохлар спорангияси (14А+Х Y ) вегетатив усулда кўпайиб, бир уйли ўсимликни ривожлантиради. Жинсий хромосомаларни ўзаро фарқ қилиши икки уйли гулли ўсимликларнинг 50 турида топилган, 26 турида эса улар топилмаган. Жинсий ҳужайралари бўйича гетероморф барча ўсимликларда жинсий сингам тип бўйича яъни гаметаларни ва жинсий хромосомаларни қўшилиши мобайнида белгиланади. Жинсни белгиловчи генлар икки уйли ва бир уйли ўсимликлар (маккажўхори, бодиринг ва ҳоказо)нинг ҳам жинсий ҳромосомаларида, ҳам аутосомаларида бўлади. Ўсимликларда жинсни хромосомалар орқали аниқлашни 2 та типи мавжуд. Биринчи тип эркак жинсни Y хромосома ёрдамида аниқлаш, иккинчи тип бу Х хромосома ва аутосомаларнинг ўзаро нисбатига қараб аниқлаш. Масалан, икки уйли яйлов отқулоғида Y хромосома жинсга нисбатан бефарқ. Шунга кўра жинс Х хромосома билан аутосомаларнинг ўзаро нисбатига қараб белгиланади. Урғочи ўсимликда 2А+ХХ, эркак ўсимликда 2А+Х Y . Мабодо аутосомалар сони Х хромосомага нисбатан кўп бўлса Х/3А у ҳолда эркак, 4Х/3А бўлса урғочи ўсимлик ривожланади. Бошқа баъзи ўсимликларда жинсни белгилашнинг бошқача механизмлари учрайди. Пиёзгулдошлар вакили бўлмиш сарсабил, шококил, мингтомирларда эркак ўсимликда YY жинсий хромосомалари ҳаётчан, қовун дарахтида ҳаётчан эмасдир. Ўсимликларда жинсни белгилашнинг ХО типи аниқланмаган, қулупнай, ертутда эса урғочи ўсимлик гетерогаметали жинсдир. Бир уйли айрим жинсли гулларга эга бўлган канакунжут, бодиринг, қовунларда гетерогамет жинсий хромосомалар аниқланмаган. Баъзи бир уйли айрим жинсли ўсимликларда жинсни белгиловчи генлар топилган. Чунончи, маккажўхорида ts ( tassel sced ), рўвакда урғочи гулларини ҳосил этади, sk ( silklesc ) гени эса сўталарни ривожлантирмайди.

www.arxiv.uz Одам жинсини аниқлашда ва уни ривожланишида ҳозирги даврда иккита: биологик ва ижтимоий (фуқаролик ёки паспортний, психосексуал аутоидентификация) тушунчалари фарқлантирилади. Биологик жинс генетик, гонад, гормонал ва соматик тушунчалар мажмуасидан иборат. Генетик жинс жинсий хромосомалар йиғиндисига ХХ, XY га қараб белгиланади. Бунда ХХ аёл жинс, XY эркак жинсини ифодалайди. Гонад жинс аёллар танасида тухумдон, эркакларда уруғдон бўлишига б белгиланади. Гормонал жинс асосан гонад ишлаб чиқарадиган гормонлар тури ва даражасига қараб аниқланади. Жинсий органларнинг тузилиши ва иккинчи даражали белгиларнинг ривожланишига қараб жинс белгиланади. Биологик жинсга таркибидаги барча компонентлар ўзаро алоқадор ва бир-бирини тўлдиради. Уларнинг ҳар бирида нуқсонларни бўлиши жинс ривожланишини ўзгартириши мумкин. Аниқланишича одам ҳомиласида жинсий хромосомалар ХХ, XY бўлишидан қатъий назар дастлабки гонадлар целомнинг эпителийсидан дастлабки жинсий ҳужайралар (гонадоцит)лардан шаклланади. Х хромосома сонига қарамай гоноцит ҳужайрада Y хромосомани бўлиши жинс табақаланишини, мояк, бинобарин эркак жинси томон ривожланишини таъминлайди. Гонадалар ривожланишининг бузилиши ёки бўлмаслиги жинсий хромосомалар тўплами қандай бўлмасин ривожланишини аёл жинси томон йўналади. Аниқланишича Y хромосома калта елкасида жойлашган SRY гени эркак жинсни белгилашда ҳал қилувчи функцияни бажаради. Y хромосоманинг калта елкасидаги SRY гени жинсий жиҳатдан ҳали табақалашмаган гонадаларни мояк томон ривожланишини таъминлайди, улар эса ўз навбатида эркак генотипига хос гормонларни ишлаб чиқара бошлайди. Ҳомила гонадаларида Y хромосоманинг бўлмаслигидан тухумдон ривожланади ва қиз туғилади. Агар ҳужайрада Y хромосоманинг фақат узун елкаси бор бўлса аёл, фақат калта елкаси бор бўлса эркак организм ҳосил бўлади. Бундан ташқари жинс белгиланишида ва ривожланишида Х хромосома ва аутосомаларнинг маълум жойида жойлашган генлар ҳам

www.arxiv.uz таъсир кўрсатади. Бунга мисол қилиб 19 хромосомада жойлашган MIS генини олиш мумкин. Ҳомиланинг 10-12 ҳафтаси оралиғида ана шу ген таъсирида сертоли ҳужайраларидан ажраладиган гормон эркак жинснинг ташқи жинсий органини ривожлантиради. Ҳомиланинг 12-20 ҳафтаси оралиғида андрогенлар маълум даражада бўлгандагина ташқи жинсий органлар эркаклик томон ривожланиши мумкин. Бу даврда андрогенлар маълум даражада бўлмаса, у ҳолда генетик ёки гонад жинсидан қатъий назар ташқи жинсий органлари аёллик томон ривожланади ёки эркаклик йўналишидаги ривожланишда камчиликлар кузатилади. Андрогенларнинг манбаи бўлиб уруғдон ва буйракусти безлари ҳисобланади. Андрогенлар (тестостерон, айниқса дигидротестостерон) ташқи генитал органларни ҳосил этувчи ҳужайраларни белгилайди. Андрогенлар рецепторларини ва 5 а редуктаза ферментини кодловчи генларнинг мутацияси эркак сохта гермофродитлигини ҳосил этади. Оқибатда генетик, гонад ва гормонал эркак жинсда патологик бузилиш рўй беради. Ташқи эркак организмми ривожланиши тугалланмай аёл жинси органи ривожланмай қолган типи рўёбга чиқади. Юқорида қайд этилган генлардан ташқари Y хромосоманинг кичик елкасидаги ZFY гени ҳамда Х хромосоманинг калта елкасидаги ZFX , шунингдек аутосома гени SOX 9 генлари ҳам одам жинсига таъсир кўрсатади. Хулоса қилиб айтганда одамларда Y хромосома Х хромосома қанча бўлишига қарамай эркак жинсини шакллантиради. Y бўлмаса ҳомиладан қиз организм ҳосил бўлади.

www.arxiv.uz Ф ойдаланиладиган адабиётлар 1. Лобашев М.Е. Генетика. Изд-во ЛГУ , 1967, 751с. 2. Лобашев М.Е., Ватти К.В., Тихомирова М.М. Генетика с основами селекции. М. Просвещение, 1970. 432с. 3. Гершензон С.М. Основы современной генетики. 2-е изд., Киев, Наукова думка, 1983, 558с. 4. Айала Ф., Кайгер Дж. Современная генетика. I - II том, Москва, Мир, 1987 г. 5. Инге-Вечтомов С.Г. Генетика с основами селекции. М., Высшая школа, 1989, 592с. 6. Сингер М., Берг П. Гены и геномы. I том. Москва, Изд-во Мир, 1998. 364 c . 7. Медицинская генетика. Под редакцией. Бочкова Н.П. М., Изд-во Мастерство, 2002. 192с. 8. Мусаев Д. А. и др. Генетический анализ признаков хлопчатника. Ташкент, Национальный Университет Узбекистана им. М.Улугбека. 2005, 121с.

Похожие

Ирсиятнинг моддий асоси

Ирсиятнинг молекуляр асослари

Бириккан ҳолда ирсийланиш

Генетика фанининг предмети ва вазифалари

Ирсиятнинг моддий асослари. Ген, генотип, хромасомалар