Биосфера - Биология - Рефераты

Биосфера

Загружено в:

20.09.2019

Скачано:

0

Размер:

84 KB

Биосфера Режа: 1. Биосфера тушунчаси, унинг чегаралари, таркибий қисми ва функциялари. 2. Биосферада биомассанинг тарқалиши, моддаларнинг, энергиянинг даврий айланиши моҳияти ва аҳамияти. 3. Инсоннинг биосферага кўрсатадиган таъсирлари.

Биосфера (юнонча биос - ҳаѐт, сфера - шар сўзларидан олинган) тушунчаси фанга биринчи марта Австралиялик биолог олим Э.Зюус томонидан тирик организмлар яшайдиган ер қобиғи белгилаш мақсадида киритилган. Биосфера ҳақидаги таълимотнинг рус академиги В.И.Вернадский яратган ва ривожлантирган. Биосфера тирик организмлар яшайдиган ва уларнинг таъсирида тинмай ўзгарадиган ер шари қобиғининг бир қисмидир. Ердаги ҳамма биогеоценозларнинг йиғиндиси умумий экологик система - биосферанинг хосил қилади. Шундай қилиб, биосферанинг элементар бирлиги биогеоценозлар хисобланади. Биосфера тирик ва ўлик қисмлардан иборат. Сайѐрамизда яшайдиган ҳамма тирик организмларнинг йиғиндиси биосферанинг тирик моддасининг ташкил этади. Тирик организмлар, асосан ернинг газсимон (атмосфера), суюқ (гидрофера), қаттиқ (литосфера), биологик қобиқларида жойлашган. Кейинги маълумотларга қараганда биосферанинг юқори чегараси денгиз сатҳидан 22 км баландликда атмосферанинг қуйи қатлами тропосферада жойлашган. Бу чегара қуѐш нурлари энергияси таъсирида кислород озонга айланади ва озон экрани хосил бўлади. Озон экрани кўп миқдорда тирик организмларга зарарли таъсир кўрсатувчи космик ва ултрабинафша нурларининг асосий қисмини ер юзасига ўтказмайди. Биосферанинг энг юқори чегарасида ноқулай шароитда ўта чидамли бактериялар споралар учрайди. Гидросферани океанлар, денгизлар, кўллар ва дарѐларнинг сувлари хосил қилади. Гидросфера ер шарининг 70% га яқин кисмини эгаллайди. Ҳаѐт гидросферанинг ҳамма қисмида, ҳатто энг чуқур -11 км.гача бўлган жойларида хам учрайди. Ҳаѐт ернинг қаттиқ кобиғи литосферанинг юқори қатламларида, 3-4 км чуқурликда бўлган масофагача таркалган. Биосферанинг қуйи чегараси океанларнинг энг чуқур жойларига ва литосферада нефть бор бўлган, анаэроб бактериялар яшайдиган қисмларига тарқалган. Биосферанинг ўлик таркибига атмосферанинг, гидросферанинг ва литосферанинг моддалар ва энергия алмашинуви жараѐнида қатнашувчи қисмлари киради.

Сайѐрада ҳаѐт чегаралари биосферанинг чегараларини аниқлайди. Биосфера - ернинг тирик организмлар яшайдиган географик қобиқларнинг бир қисмидир. Биосферанинг ўзига хослиги организмлар фаолият томонидан идора қилувчи моддаларнинг даврий айланишидир. Биосфера энергияни ташқаридан - қуѐшдан олгани учун очиқ система ҳисобланади. Тирик организмлар моддалар даврий айланишини идора қилиб, сайѐранинг юзасини ўзгартирувчи кучли геологик омил ҳисобланади. Тирик модданинг функциялари. Тирик модданинг қуйидаги асосий биокимѐвий функциялари мавжуд: 1. Газ алмашиниши. 2. Оксидланиш ва қайтарилаш. 3. Концентрациялаш, жамғариш. 4. Биокимѐвий. Газ алмашиниш функциясини фотосинтез ва нафас олиш жараѐнларига боғлиқ. Афтотроф организмларнинг органик моддаларни синтезлаш жараѐнида қадимги атмосфера таркибидаги корбонад ангидрид кўп миқдорда сарфланади. Яшил ўсимликлар тобора кўпаийб бориши билан атмосферанинг газ таркиби хам ўзгара боради. Карбонад ангдрид миқдори камайиб - кислород эса орта боради. Атмосфера таркибидаги кислороднинг ҳаммаси тирик организмлар фаолияти натижасида хосил бўлади. Нафас олиш жараѐнида кислород сарфланиб, карбонад ангдрид хосил бўлади ва яна атмосферага чиқарилади. Шундай қилиб, тирик организмларнинг фаолияти натижасида хосил бўлган атмосфера хозирги даврда ҳам уларининг фаолияти туфайли сақланиб туради. Концентрациялаш функцияси - тирик организмлар томонидан атроф муҳитга тарқалган кимѐвий элементларнинг тўпланишидир. Масалан: ўсимликлар фотосинтез жараѐнида кимѐвий элементларни тупрокдан калий, фосфор, азот, водород ва бошқаларни, хаводан углерод олиб хужайранинг органик моддалари таркибига киради, жамғариш функциялари туфайли

тирик организмлар кўп миқдорда чўкма жинсларнинг, масалан: бор, охак жинслари хосил килинади. Оксидланиш-қайтарилиш функцияси - ўзгарувчан валентликка эга бўлган кимѐвий элементларнинг темир, олтингугурт, марганец, азот ва бошкаларнинг айланиши таъминлайди. Масалан, тупроқдаги хемосинтезловчи бактериялар ана шу жараѐнларни амалга оширади. Шунинг натижасида H 2 S ва темир рудасининг баъзи турлари хар-хил азот оксидлари хосил бўлади. Биокимевий функциялар тирик организмларнинг ҳаѐт фаолияти давомида ва уларнинг ўлимидан кейин биокимиевий жараѐнларни таъминлайди. Биокимевий функция организмларнинг озиқкланиши ва нафас олиши кўпайиши ўлган организмларнинг парчаланиши чириши билан боғлиқдир. Биомасса қуруқлик юзаси ва океан биомассаси. Биосферадаги тирик моддаларнинг умумий массаси биомасса дейилади. Ҳозирги даврда ерда яшайдиган ўсимликларнинг 500 минга якин тури, ҳайвонларнинг эса 1.5 млн.га якин тури аниқланган. Шуларнинг 93% курукликда, 7% эса сувда яшайди. Қуруклик биомасаси . Куруклик юзасининг турли қисмларида биомассанинг микдори бир хил эмас. Қутблардан экваторгача биомасса миқдори ва организмлар турларининг сони тобора ортиб боради. Айникса, тропик ўрмонларда ўсимликлар турлари жуда кўп бўлади, зич ва бир нечта ярусларда ўсади. Ҳайвонлар хам хар-хил ярусларда жойлашади. Экватор биогеоценозларида ҳаѐт зичлиги жуда юқори бўлади. Организмлар ўртасида яшаш жойи, озиқ-овқат, ѐруғлик, кислород учун кучли рақобат кузатилади. Қутбларда бунинг аксини кўрамиз. Одамнинг таъсирида биомасса хосил бўладиган майдонлар кескин ўзгариши мумкин. Шунинг учун хам саноат ва қишлоқ хўжалиги мақсадларида табиий ресурслардан окилона фойдаланиш зарур. Куруклик юзасининг асосий кисмини тупрок биогеоценозлари эгаллайди. Тупрокнинг хосил булиши жуда мураккаб жараѐн бўлиб, унинг

таркиб топишида тоғ жинслари бирламчи аҳамиятга эга. Тоғ жинсларига микроорганизмлар, ўсимлик ва ҳайвонларнинг таъсирида ернинг тупрок қатлами аста секин шаклланади. Организмлар ўзининг таркибида биоген элементларини тўплайди. Ўсимлик ва ҳайвонлар ўлганидан, парчаланганидан кейин улардаги элементлар тупрок таркибига ўтиб, биоген элементлар тўпланиб боради. Шунингдек, охиригача парчаланиб улгурмаган моддалар хам тупрокда тўпланади. Тупроқда тирик организмлар хам зич жойлашган. Масалан, 1 тонна қора тупроқда микроорганизмларнинг сони 25  10 га етиши мумкин. 1 га тупрокда 2,5 миллионга яқин ѐмғир чувалчанги яшаши мумкинлиги аниқланган, ҳаво таркибидаш кислород ўсимликларга ютилади ва кимѐвий бирикмалар таркибига киради. Азот эса айрим бактериялар томонидан узлаштирилади. Кундузи тупроқ қизиганда ундан карбонат ангидрид водород сульфит, аммиак ажралади. Шундай қилиб, тупроқ биоген усулида ҳосил бўлади. У органик ва органик моддаларда ҳамда тирик организмлардан ташкил топади. Биосферадан ташқарида тупроқнинг хосил бўлиши мумкин эмас. Тупроқ тирик организмларнинг яшаш мухити бўлиб, ундан ўсимликлар озик моддалар билан сувни олади. Тупроқда кечадиган жараѐнлар моддаларнни биосферада айланишини таркибий қисмини ташкил этади. Одамнинг хўжалик фаолияти кўпинча тупроқ таркибий ҳолати, Ўзгаришига, ундаги микроорганизмларнинг нобуд бўлишига олиб келди. Шунинг учун хам тупроқдан оқилона фойдаланиш тадбирлари ишлаб чиқариш зарурдир. Океан биомассаси . Сув биоскеранинг мухим таркибий кисмларидан бўлиб, тирик организмларнинг яшаши учун энг зарур омиллардан бири хисобланади. Сувнинг океан денгизларда. Океан ва денгиз суви таркибига 60 га якин кимѐвий элементлардан иборат бўлган минерал тузлар киради. Организмлар хаѐти учун жуда зарур бўлган кислород ва карбонод ангидрид газлари сувда яхши эрийди. Сувдаги ҳайвонлар нафас олиш жараѐнида карбонад ангидрид ажратади. Ўсимликлар фотосинтези натижасида эса сув кислород билан бойитилади.

Океан сувларининг 100 м.гача бўлган юқори қатламида бир хужайранинг сув ўтлари жуда кўп бўлиб, улар микропланктонни (юнонча планктос-саеер, кўчиб юрувчи деган сўздан олинган) ҳосил килади. Сайѐрамиздаги фотосинтез жараѐнининг 30% га яқини сувда кечади. Сув ўтлари қуеш энергиясини қабул қилиб, уни кимѐвий реакциялар энергиясига айлантиради. Сувда яшайдиган ҳайвонларнинг озиқланишида планктон асосий ахамиятга эгадир. Сувнинг тубига ѐпишиб ҳаѐт кечирадиган организмлар бентос деб аталади (юнончабентос - чқкурдаги деган сўздан олинган). Океаннинг тубида жуда кўп бактериялар мавжуд бўлиб, улар органик моддаларнинг анорганик моддаларга айлантиради. Гидросфера ҳам биосферага кучли таъсир кўрсатади. Гидросфера сайѐрада иссиқлик ва намликнинг тақсимланишида, моддалар айланишида муҳим рол ўйнайди. Биосферанинг энг асосий функцияларидан бири кимѐвий элементларнинг даврий алмашинишини таъминлашдир . Биосферадаги биотик айланиш ерда ҳаѐт кечирадиган хамма тирик организмларнинг иштирокидаги кечади. Кимевий элементларнинг бир бирикмадан иккинчисига, ер қобиғи таркибидан тирик организмларга, кейин эса уларнинг анорганик бирикмаларига ва кимѐвий элементларга парчаланиб, яна ер қобиғи таркибига ўтиш моддалар ва энергиянинг даврий айланиши дейилади. Бир йил давомида ерга тушадиган қуѐш энергияси 10,5  10 20 кл жоулни ташкил этади. Бу энергиянинг 42% ердан коинотга қайтади. 58% эса атмосферага ва тупроққа ютилади. Бунинг 20% ер ўзидан қайтариб туради. Ерга ютилган қуеш энергиясининг 10% сув ва тупрокдан сувни буғлантириш учун сарфланади. Ҳар бир минутда 1 млрд тоннага яқин сув ер юзидан буғланиб туради. Сув ҳавзалари билан куруқлик ўртасида сувнинг тинмасдан айланиб туриши ердаги ҳаѐтни таъминловчи ҳамда ўсимлик ва ҳайвонларнинг жонсиз табиатга муносабатини таъминловчи асосий омилларидан бири эди. Ердаги етиб келадиган қуѐш энергиясининг 0,1-0.2 % дан яшил ўсимликлар фотосинтез жараѐнини амалга оширишда фойдаланилади. Бу энергия сувни ер юзасини иситишга сарф бўладиган

энергияга нисбатан жуда кам бўладиган бўлса, ҳам кимѐвий элементларни айланиши таъминлашда жуда катга роль ўйнайди. Азот энг мухим элементлардан биридир. У оқсиллар ва нуклеин кислоталарнинг таркибига киради. Азот атмосферадан яшин пайтида азот ва кислороднинг бирикиб азот 4 оксиди хосил қилиши натижасида ўзлаштирилади. Аммо азотнинг асосий массаси cсувга ва тупроққа тирик организмларнинг ҳаво таркибидаги азотни фиксациаланиши натижасида ўтади. Сувда ва тупроқда азот фиксациаловчи бактериялар ва сув ўтлари яшайдн. Бу бактерия ва сув ўтлари ўлиб минералланиши натижасида улар тупроқни азот билан бойитади, шунинг натижасида хар бир га тупрокка 1 йилда 25 кг якин азот утади. Азотнингэнг самарали фиксиациаланувчи дуккакли ўсимликлар илдизларида ҳаѐт кечирувчи тугунак бактериялари хисобланади. Ўсимлик оқсиллари ҳайвонлар учун асосий азот манбаи ҳисобланади. Нитратларнинг бир қисми эса айрим бактериялар томонидан элементар азотгача қайтарилиб атмосферага чиқарилади. Бу жараѐнни демитрификация дейилади. Шундай қилиб, жонли (биотик) ва жонсиз (абиотик) табиатнинг ўзаро муносабати натижасида анорганик материя тирик организмларга ўтиб, яна ўзгариб қайтадан абиотик холатга ўтади. Биоген миграцияда қатнашувчи организмларда 3 та катта гурухга ажратиш мумкин : 1. Продуцентлар - ўлик моддалардан тирик моддаларни хосил қилувчилар. Булар, асосан фотосинтезловчи мураккаб ва тубан яшил ўсимликлардир. 2. Консументлар - ѐки истеьмол қилувчилар. Продуцентлар ҳосил қилган органик моддаларнинг истемол қилади. Уларга ҳайвонлар, паразит ўсимлик ва микроорганизмлар киради. 3. Редуцентлар - органик моддаларни минераллаштирувчилар, аввалги холатга кайтарувчилар. Уларга бактериялар, замбуруглар, сапрофид ўсимликлар киради. Ифодали қилиб айтганда, ҳаѐт эстафетасини яшил

ўсимликлар бошлаб ҳайвонларга узатади. Уни бактериялар маррага олиб боради. Яна кайтадан яшил ўсимликларга узатади. Янги халқа бошланиб бу эстафета тинмасдан давом этаверади. Биосферанинг эволюциясини 3 та асосий босқичга ажратиш мумкин . 1. Биотик боскич айланишга эга бўлган бирламчи биосферанинг хосил бўлиши. Бу босқич тахминан 3 миллиард йиллар олдин бошланиб палеозой эрасининг кембрий даврида тугалланади. 2. 2-босқичда кўп хужайрали организмлар пайдо бўлиб ривожланади ва биосферанинг эволюцияси янада давом этади. Бу давр 0,5 милиард йиллар олдин кембрий даврида бошланиб, хозирги замон одамлар пайдо бўлиши билан тугалланади. Биогенез боскичи. Ерда биосфера 1-тирик организмлар билан бир вактда пайдо бўлди. Шу вақтдан бошлаб, тирик организмлар эволюцияси билан бирга биосфера хам Ўзгара боради. 1-пайдо бўлган тирик организмлар бир хужайрали гетеротроф анаэроблар эди. Улар тахминан 3 миллиард йил олдин пайдо бўлган, энергияни бижғиш жараѐнларидан олган. Улар абиоген хосил булган тайѐр органик моддалар билан озукланиб биомассани тўплаб борган. Эндигина пайдо бўлган биосферада органик моддалар етишмас, бирламчи организмлар тез кўпая олмас эди. Табиий танлаш натижасида анорганик моддалардан органик моддаларни мустақил синтезлай оладиган автотроф организмлар келиб чиққан. Биринчи хемосинтезловчи бактериялар, фотосинтезловчи ва кўк яшил сув ўтлари пайдо бўлган. 1-фотозинтезловчи организмлар карбонад ангидридни ютиб, кислород ажратиб чикариб атмосферанинг таркибини ўзгартирган. Натижада атмосферада карбонат ангидрид миқдори камайиб кислороднинг микдори тобора кўпайиб борган. Атмосферанинг юқори қатламида кислород озон экранини хосил қилган. Озон экрани эса ер юзидаги тирик организмларнинг қуѐшнинг улътрабинафша нурлари ва космик нурларнинг халокатли таъсиридан ҳимоя қилган.

Ноогенез босқичи . Инсоният жамиятининг пайдо бўлиши билан биосферанинг ноогенез даври бошланди. Бу даврда биосферанинг эволюцияси инсоннинг онгли мехнат фаолияти таъсирида давом этади. Ноосфера тушунчаси 1927 йилда француз олими Э.Леруа томонидан киритилган (юнонча-"нооз" - акл, "сфера" - шар сўзларидан олинган). В.И.Вернадискийнинг таъбирига кўра ноосфера инсон меҳнати ва илмий фаолияти таъсирида ўзгарган биосферадир. Одамнинг пайдо бўлиши биосферанинг кучли ўзгаришларига сабаб бўлди . Фаннинг, техниканинг ва саноатнинг жуда тез ривожланиши элементларнинг биоген миграциясини тезлаштириб юборди. Бутун тарих давомида инсоният ўз мехиат фаолияти билан атроф мухитдан иложи борича кўпрок ва тез фойда олишга харакат килиб келди. У табиат ходисаларига инсоннинг аралашиши кейинчалик кандай натижаларига олиб келиши хакида ўйлаб хам кўрмади. Инсон ўз мавжудлигининг энг дастлабки босқичларидан бошлабоқ ҳайвонлар айрим турларининг йўқолиб кетишига (озиқланиш учун керагидан хам ортиқча микдорда) сабаб бўлган. Тош асрида ятаган одамлар мамонтлар каби йирик сут эмизувчиларни йўқолиб кетишига сабаб булган. Инсон хам биосферанинг таркибий қисмидир. Ўзи учун керак бўлган нарсаларнинг ҳаммасини инсон биосферадан олади, 6иосферага эса факат саноат чиқиндиларини ажратиб чиқаради. Узоқ вақтлар давомида одам фаолияти биосфера мувозанатининг бузилишига олиб келмаган, чунки инсон томонидан олишган табиий махсулотлар яна биосферага кайтарилади. Аммо кейинги асрда инсоннинг биосферага кўрсатадиган таъсири жуда кучайиб кетди ва ўткир муаммоларнинг келиб чиқишига сабаб бўлди. Табиий ресурслар тобopa камайиб кетмокда. Кўплаб ўсимлик ва ҳайвонларнинг турлари йўқолиб кетди. Мухит, саноат, турмуш чикиндилари, захарли кимѐвий моддалар томонидан ифлосланмокда ва захарланмокда. Табиатни мухофаза қилиш мақсадида халқаро "БИОСФЕРА ВА ИНСОН" дастури (инглизча Менд енд биосфера - қискача МАВ) қабул қилинган. Бу программа доирасида Ўзбекистон рсспубликасида хам алоҳида дастур

тузилган. "биосфера ва инсон" дастури атроф муҳитнинг холатини ва инсоннинг биосферага таъсирини ўрганади. Бу дастурнинг асосий вазифаси хозирги даврдаги инсон хўжалик фаолиятининг келажакда қандай оқибатпарга олиб келиши мумкинлигини аниқлаш, биосфера бойликларидан оқилона фойдаланиш, уни мухофаза қилиш чораларини ишлаб чиқишдир. Табиат ѐдгорликлари, илмий тарихий, маданий ва эстетик ахамиятга эга бўлган табиий объектлардир. Буларга шаршаралар, гейзерлар , ғорлар каби ўлик объектлар, қари дарахглар, ѐдгорликлар, ҳиѐбонлар, табиий музейлар киради. Бундай ѐдгорликларга ясная полянадаги эман дарахти, ашхабоддаги "етти оға-ини" чинори каби табиатнинг нодир бойликларини киритиш мумкин. Табиат томонидан яратилган бойликларни асраш ва кўпайтириш биосферани мухофаза қилиш умумий масала эканлигини ҳар бир ўқувчи ҳозирдан яхши тушуниб олмоги зарур. Биосферани осонлик билан бузиш мумкин, лекин уни қайта тиклаш жуда қийин. Ҳар бир инсон табиат яратган бойликларни келажак авлодларга хам қолдиришни муқаддас вазифа эканлигини яхши англаб олмоғи зарур.

Фойдаланилган адабиётлар: 1. Каримов И.А. Ўзбекистон XXI бўсағасида; ҳафвсизликка таҳдид, барқарорлик шартлари ва тараққиѐт кафолатлари. – Т., «Ўзбекистон», 1997. 2. Каримов И.А. Ўзбекистон – буюк келажак сари. – Т., «Ўзбекистон», 1999. 3. АкимоваТ.А., ХаскинВ.В. Основы экоразвитие. М.: Российская экономическая академия, 1994. 4. АлимовТ.А., РафиковА.А., Экологик хатолик сабоқлари. Т.: Ўзбекистон, 1991. 5. БаратовП. Табиатни муҳофаза қилиш.-Т, ;Ўқитувчи, 1991. 6. БанниковА.Г., ВакулинА.А., РустамовЛ.К. Оновы экологии и охрана окружающей среды. –М.; Колос, 1999. 7. Бекнозов Р.У., Новиков Ю.В. Охраны природы. Т.: Ўқитувчи. 1995. 8. Нигматов А.Н. Экология ҳуқуқи. -Т.: Адолат. 1999.

Похожие

Биосфера ва жамият

Этногенез и биосфера Земли

Биосфера ва уни муҳофаза қилиш

Ерда ҳаётнинг пайдо бўлиши, ривожланиш эралари

Биогеография ва экология асослари фанининг методологик aсослари ва ўрганиш объекти