Юлдузларнинг спектрал синфлари. Юлдузларнинг ранги, температураси ва ёркинлиги - Астрономия - Рефераты

Юлдузларнинг спектрал синфлари. Юлдузларнинг ранги, температураси ва ёркинлиги

Загружено в:

20.09.2019

Скачано:

0

Размер:

53 KB

Юлдузларнинг спектрал синфлари. Ю лдузларнинг ранги, температураси ва ёр қ инлиги. Спектр - ёрқинлик диаграммаси. Юлдузларнинг ички тузилиши РЕЖА: 1. Юлдузларнинг ранги ва спектрал синфлари. 2. Юлдузларнинг температура шкаласи. 3. Спектр- ёрқинлик диаграммаси. 4.Юлдузларнинг ралиусларини ёрқинликлари ва температуралари оркали ҳисоблаш. 5. Юлдузларнинг ички тузилиши.

Юлдузли осмонга диққат билан қараган киши юлдузлар бир-бирлари билан ранглари билан фарқланишини осон пайқайди. Маълумки темир киздирилаётганда дастлаб тўқ қизил рангга кейин, ҳарорати орта бошлагач, зарғалдоқ, сариқ ва охирида оқ рангга киради. Шунга ўхшаб юлдузларнинг ранги ҳам уларнинг сирт температуралари ҳақида маълумот беради. Хусусан Қуёшимиз сариқ рангдаги юлдуз ҳисобланади, температураси сиртида 6 000 К атрофида. Тўқ қизил рангда кўринадиган юлдузларнинг температураси 2500- 3000 К, заргалдоқ рангдагилариники 3500- 4000 К, оқ рангдаги юлдузларнинг температураси эса 17-18 минг градус атрофида бўлади. Осмонда кўринадиган юлдузлар ичида энг “қайноғи” кўк-ҳаво ранг тусда бўлиб, уларнинг температуралари 25000- 50000 К орасида бўлади. Юлдузларнинг марказга томон температуралари орта бориб, марказларида ўнлаб миллион градусни ташкил қилади. Астрономлар юлдузларга тегишли муҳим маълумотларни уларнинг спектрларини тахлил қилиб кулга киритадилар. Юлдузларнинг спектри, хусусан Қуёшнинг спектри ҳам чизикли ютилиш спектри бўлиб, ёруғ туташ спектрининг фонида атомлар, ионлар ва молекулаларга тегишли ютилиш (фраунгофер) чизиқлари бўлади. Юлдузларнинг спектрлари бир-биридан, уларда тўлқин узунлиги бўйича нурланиш энергиясининг турлича қиймат билан тақсимланишига кўра фарқланади. Шунингдек бу спектрлар, улардаги чизиқлар акс юлдуз атмосферасининг химиявий таркиби ва шу чизиқларнинг интенсивликлари билан ҳам бир-биридан фарқ қилади. Температуралари бир-бирига яқин юлдузларнинг химиявий таркиби, бир- биридан кескин фарқ килмайди. Юлдузлар спектрида энг кўп тарқалган элементлар водород билан гелийдир. Спектрларининг кўриниши ва юлдуз атмосферасининг физик ҳолати, кўп жихатдан, унинг температурасига боғлиқ бўлади.

Юлдузларнинг спектрлари еттита асосий спектрал синфларга гуруҳланган. Улар лотин имлосида ифодаланиб қуйидаги тартибда жойлашади: O - B - A - F - G - K - M . Маълум синфларга гуруҳланган спектрлар, ўз навбатида яна ўнтадан синфчаларга ажратилган. Масалан А синф юлдузлари А0, А1, А2, . . . А9 синфчаларга бўлинган. (Қуёш ўз спектрига кўра G2 синфга киради). Синфлар кема-кетлиги, энг аввало, юлдузларнинг температураси ва ранглари кетма- кетлигида ўз аксини топади. Нисбатан совуқ қизил юлдузларнинг спектрида нейтрал атомларнинг ва ҳатто молекуляр бирикмаларнинг чизиқлари кўп учраган ҳолда, кайноқ ҳаворанг юлдузларнинг спектрида ионлашган атомларнинг чизиқлари кўп учрайди. О  синфга кирувчи юлдузларнинг спектрида - ионлашган гелий, азот ва кислорднинг интенсив ютилиш чизиқлари, шунингдек, спектрнинг ультрабинафша қисмида айрим химик элемент - атомларининг кўп марта ионлашган чизиқлари ҳам учрайди. В  синфга кирувчи юлдузларнинг спектрада нейтрал гелий чизиқлари жуда интенсив бўлади. А  синфга кирувчи юлдузларнинг спектрида водороднинг ютилиш чизиқлари интенсив бўлиб, юлдуз оқ рангда бўлади. F  кирувчи юлдузларнинг спектрида водород чизиқлари кучсизланиб, кальцийнинг ионлашган чизиқлари интенсив бўлади. G  синфга кирувчи юлдузларнинг спектрида (жумладан Қуёшникида) металларга тегишли нейтрал ва қисман ионлашган атомларнинг интенсив ва кенг тарқалган бўлади. Водороднинг чизиқлари анча кучсизланган (интенсивлиги пасайган) бўлади. К  синфга кирувчи юлдузлар спектрида металларнинг ютилиш чизиқлари билан бирга, молекуляр бирикмаларнинг ҳам чизиқлари кузатилади. М  синфга кирувчи юлдузлар спектрида эса, металларнинг спектрал полосалари (айникса титан оқсидига тегишли) интенсив тус олади.

Юлдузларнинг спектрал синфлари ва уларнинг температуралари орасида боғланиш борлиги кузатишлардан маълум бўлди. Шунингдек, юлдузларнинг ёрқинлиги, уларнинг абсолют юлдуз катталиклари оркали ифодаланиши ҳам мумкин эканлиги аниқ бўлгач, олимлар бу икки жуфт боғланишлар орасида ҳам боғланиш бўлиши керак деган гумон билан уни қидиришга киришдилар. Ва нихоят, бир- бирларидан бехабар ҳолда асримизнинг бошида Нидерландиялик астроном Герцшпрўнг ва америкалик астроном Расселл юлдузларнинг спектрлари ва ёрқинликлари орасида боғланиш борлигини кашф этдилар. Бундай боғланиш диаграммада ифодаланган. Диаграмманинг горизонтал ўқларидан юлдузларнинг спектрал синфлари ва уларга мос температуралар, вертикал ўқларда эса, юлдузларнинг ёрқинликлари (Қуёш ёрқинлиги бирлигида) ва уларга мос абсолют юлдуз катталиклари қўйилган. Юлдузлар спектрал синфлари ва ёрқинликларининг қийматларига кўра диаграммага жойлаштирилганда, барча юлдузлар ўз физик параметрларига кўра, диаграммада маълум эгриликлар бўйича жойлашиб, бунда аниқ қонуният борлигидан дарак беради. Мавжуд эгриликлардан бири асосий юлдузларни ўз ичига олиб, у бош кетма-кетлик дейилади. Эгриликлари кескин ажрамаганларидан бири гигантлар, иккинчиси эса  ўтагигантлар деб номланади. Диаграмма қўйида гуруҳланган яна бир қисм юлдузлар - оқ миттилар деб номланган. Бош кетма-кетликка кирувчи юлдузларнинг температураси ортиши билан ёрқинликлари ҳам ортади. Гигантлар ва ўта гигантлар қизил рангдаги юлдузлар бўлиб, юқори ёрқинликка улкан юзалари оркали эришганлар.

Фойдаланилган адабиётлар: 1. Мартинов Д.Я. Курс обҳей астрофизики.- М., Наука- 1990. 2. Мартинов Д.Я. Курс практическая астрофизики.- М., Наука 1997. 3. Миннарт М. Практическая астрономия.- М., Мир-1991. 4. Собелев В.В. Курс теорической астрофизики.- М., Наука-1985. 5. Шкловский И.С. Звездў. Их рождения, жизнь и смерт.- М.,Наука- 1995. 6. www . ziynet . uz

Похожие

Юлдузларнинг физик табиати стационар юлдузлар. Юлдузларнинг характеристикаси

Юлдузларнинг физик кўрсатгичларини аниклаш

Абсолют қора жисмнинг нурланиши. Нурланиш қонунлари

Астрофизика асослари

Ёрқинлик даврийлиги. Ўзгарувчи физик юлдузларнинг асоси назарияси