Қурилишда лойиҳалаш ҳужжатларини ишлаб чиқиш тартиби ва тасдиқланиши - Архтектура - Рефераты

Қурилишда лойиҳалаш ҳужжатларини ишлаб чиқиш тартиби ва тасдиқланиши

Загружено в:

20.09.2019

Скачано:

0

Размер:

69 KB

Қурилишда лойиҳалаш ҳужжатларини ишлаб чиқиш тартиби ва тасдиқланиши Режа: 1. Қурилишда лойиҳалаш ҳужжатларини ишлаб чиқиш тартиби. 2. Қурилишда лойиҳалаш ҳужжатларини тасдиқлаш.

Қурилишда лойиҳалаш ҳужжатларини ишлаб чиқиш тартиби Мазкур ШНҚ корхоналарни қуриш, амалдаги корхоналарни кенгайтириш, қайта тиклаш ва техник янгилаш (кейинги ўринларда - капитал қурилиш деб юритилади) лойиҳа ҳужжатларининг таркиби, ишлаб чиқилиши, маъқулланиши ва тасдиқланишига талабларни (мажбурий ва тавсия этиладиган) белгилайди ва Ўзбекистон Республикаси ҳудудида ҳар қандай сармоя ҳисобига қуриладиган объектларни лойиҳалаштиришда мажбурий ҳисобланади. Ушбу ШНҚ буюртмачилар (сармоячилар), давлат бошқаруви ва назорати идоралари, корхоналар, ташкилотлар, бирлашмалар, бошқа юридик (шунингдек чэт эллик)-сармоячилик жараёни иштирокчиларининг фойдаланишлари учун мўлжаллангандир. Маълум бир қурилиш майдончаси учун мўлжалланмаган (бир турга мансуб, кўп марта қўлланиладиган) лойиҳа ҳужжатларининг ишлаб чиқилиши, маъқулланиши ва тасдиқланиши алоҳида меъёрий ҳужжатларга биноан амалга оширилади. Лойиҳа ҳужжатини ишлаб чиқиш, келишиш, экспертизадан ўтказиш, тасдиқлаш ва танлов асосида пудратчини аниқлаш, унга ўзгартириш ва кўшимчалар киритиш белгиланган тартибда буюртмачининг ташаббуси билан унинг ҳисобидан амалга оширилади. Лойиҳа ҳужжатлари фақат юридик шахслар томонидан Ўзбекистон Республикаси қонунчилигида белгиланган тартибда бериладиган лицензиялар асосида бажарилиши мумкин. Зарур ҳолларда Қорақалпоғистон Республикаси Вазирлар Кенгаши, вилоят ва Тошкент шаҳар хокимликлари, Вазирликлар, идоралар Ўзбекистон Республикаси Давархитектқурилиш қўмитаси билан келишилган ҳолда лойиҳалашнинг ҳудудий ва соҳалик хусусиятларини инобатга оладиган ҳудудий ва соҳалик меъёрий ҳужжатларини ишлаб чиқаришлари ва тасдиқлашлари ҳам мумкин. Қурилиш объектини лойиҳалаштиришга сармоячининг қарори асос сифатида хизмат қилади. Лойиҳа ҳужжатларини ишлаб чиққанда, Ўзбекистон

Республикасини қонун ва норматив актлари, амалдаги ШНҚ, ҳамда асосий фондларни яратиш ва такрор ишлаб чиқариш бўйича сармоядорлик фаолиятни чекловчи бошқа директив ҳужжатлари кўрсатмаларига амалқилиш лозим. Мазкур ШНҚ да қуйидаги асосий тушунчалардан фойдаланилган: лойиҳаловчи - лойиҳавий ва изланиш ишларни бажариш учун танлов асосида ажратиб олинган ташкилот; инвестиция лойиҳаси (лойиҳа) - иқтисодий, ижтимоий ва бошқа манфаат кўриш мақсадида инвестициялар киритган ҳолда олдиндан белгиланган муддат мобайнида амалга ошириладиган ўзаро боглиқ тадбирлар ва ишлар комплекси; дастлабки техник-иқтисодий асослаш ёки дастлабки техник- иқтисодий ҳисоблаш (кейинги ўринларда ДТИА ёки ДТИҲ деб аталади) – вариантларни кўриб чиқиш асосида лойиҳани окилона жойлаштириш ва амалга оширишнинг энг самарали техник, ташкилий ва иқтисодий ечимини танлашни, умуман лойиҳанинг чекланган қийматини, шу жумладан, технологик асбоб-ускуналар қийматини асословчи ҳужжат. якуний техник-иктисодий асослаш ёки техник-иқтисодий ҳисоблаш (кейинги ўринларда ТИА (ТИХ) деб аталади) инвестиция лойиҳасини амалга оширишнинг танлов савдолари асосида ва лойиҳани молиялаштириш шартларини ҳисобга олган ҳолда аниқланган якуний, энг самарали техник, ташкилий ва молиявий-иқтисодий ечимларини белгиловчи лойиҳа олди ҳужжати; ТИА/ТИҲ - чекланган қиймат ва иш ҳужжатларига эга бўлган асосий техник-иқтисодий кўрсаткичлар билан тасдиқланадиган қисмдан иборат ҳужжат, муҳандислик изланишлари ва корхона, иншоотни жойланиши, унинг лойиҳавий қуввати ва бошқа кўрсаткичларни вариантли ишланиши асосида тузилган соҳали тузилмаларни ривожлантириб бориш ва жойлашув схемаси, ҳамда ишлаб чиқарувчи кучларни такомиллаштириш ва вилоятлар бўйича жойлаштириш схемалари таркибида амалга оширилган зарурий ҳисоб-китоб материаллари мажмуи.

ишчи лойиҳа - тасдиқланадиган қисм ва ишчи ҳужжатдан иборат техник- иқтисодий кўрсаткичли чекланган нархли ҳужжат. Ишчи лойиҳа лойиҳалаштириш топшириғига асосан бажарилади. ишчи ҳужжатлари - алоҳида бино, иншоотлар ва иш турларининг ишчи чизмалари мажмуи. Мураккаб объектлар бўйича ишчи ҳужжатлар тузишда лойиҳа материалларига аниқлик киритувчи қўшимчалар киритилади. Уларнинг ишчи чизмалари бутун бино ёки иншоот учун ишланади. Ишчи ҳужжатларда иш ва асосий қурилиш материаллари сарфи кўрсатилган бўлиши керак. Мувофиқ турдаги анжомларнинг хусусияти кўрсаткичлари - габарит схемалари, бино ва иншоот учун қурилиш ишчи чизмалари паспортлари тузилган бўлиши керак. Лойиҳачи ишчи ҳужжатларни тузиши учун унга буюртма қилинаётган, индивидуал тайёрланган ва импорт анжомнинг дастлабки маълумотлари берилади; Лойиҳа ҳужжатларининг ишлаб чиқилиши қуйидаги тартибда бўлиши мумкин: бир босқичли - ишчи лойиҳа (тасдиқланадиган қисми ва ишчи ҳужжатлари) - техник жиҳатдан мураккаб бўлмаган объектлар ва оммавий фойдаланишдаги лойиҳалар асосида қурилаётган объектлар учун; икки босқичли - ТЭО ва ишчи ҳужжатлари; Мазкур ШНҚ да айтиб ўтилмаган, аммо аниқ объектлар қурилишини лойиҳалаштиришда мақсадга мувофиқ бўлган лойиҳалаштириш босқичларининг бошқача кетма-кетлилиги ҳам бўлиши мумкин ва бу ҳол шартномада кўрсатиб ўтилиши лозим. Лойиҳа олди ва лойиҳа ҳужжатларини ишлаб чиқиш тартиби ДТИА (ДТИҲ) лойиҳа ташаббусқори ёки унинг буюртмаси бўйича – лойиҳалаш ташкилоти ёки инжиниринг компанияси (танлов савдолари ғолиби) томонидан, ишланма юзасидан топшириқ асосида ишлаб чиқилади. Тасдиқланган ДТИА (ДТИҲ) молиялаштиришга бўлган эҳтиёжни, лойиҳанинг чекланган қийматини белгилаш, танлов ҳужжатларини ишлаб чиқиш, танлов савдолари ўтказиш учун асос бўлиб хизмат қилади.

ТИА/ТИҲ тасдиқланган ДТИА (ДТИҲ), олинган молиявий таклифлар ёки тузилган кредит ва инвестиция шартномалари, шунингдек ўтказилган танлов савдолари натижалари асосида ишлаб чиқилади. Ишчи ҳужжатлар тасдиқланган ТИА (ТИҲ) нинг техник-иқтисодий кўрсаткичлари асосида ишлаб чиқилади. Лойиҳани амалга ошириш шартларига боғлиқ ҳолда инвестиция лойиҳаси ҳужжатлари қуйидагича изчилликда ишлаб чиқилади: а) ДТИА - молиялаштириш манбалари ва шартларини келишиш, танлов ҳужжатлари -ТИА - ишчи ҳужжатлар; б) ДТИҲ - молиялаштириш манбалари ва шартларини келишиш, танлов ҳужжатлари - ТИҲ - ишчи ҳужжатлар; в) ишчи лойиҳа-танлов ҳужжатлари. Лойиҳани амалга ошириш вариантларини ва инвестиция лойиҳаси ҳужжатлари таркибини танлаш қуйидаги мезонлар асосида амалга оширилади: а) ТИАни (дастлабки ва якуний) ишлаб чиққан ҳолда - инвестиция лойиҳаларини амалга оширишда, ушбу банднинг "б" ва "в"кичик бандларида назарда тутилган лойиҳалар бундан мустасно; б) ТИҲни (дастлабки ва якуний) ишлаб чиққан ҳолда - "бошқа тармоқлар" объектлари ва якка тартибдаги лойиҳани ишлаб чиқишда ижтимоий соҳа объектлари бўиича инвестиция лойиҳаларини амалга оширишда; в) ИЛни ишлаб чиққан ҳолда – намунавий ва такрорий қўлланадиган лойиҳаларни қўлланган ҳолда қуриладиган "бошқа тармоқлар" ва ижтимоий соҳа объектлари бўйича (ушбу банднинг "б" кичик бандига тўғри келадиган ҳоллардан ташқари), унингдек аҳоли пунктларининг бош режаларида назарда тутилган муҳандислик коммуникацияларини қуришда.

Қурилишда лойиҳалаш ҳужжатларини тасдиқлаш Лойиҳа ечимларини маъқуллатиш тадбирлари қонун ва мазкур ШНҚ талабларини инобатга олган ҳолда маҳаллий ҳокимият идоралари томонидан белгиланади. Лойиҳа ҳужжатлари шаҳарсозлик ҳужжатларига, шаҳарсозлик нормалари ва қоидаларига мувофиқ ҳолда ишланади ва ўрнатилган тартибда тегишли ташкилотлар билан келишилади. Белгиланган тартибда экспертизани ижобий хулосаси бўйича тасдиқланган лойиҳа ҳужжатлари объект қурилишига рухсатнома берилиши учун асос ҳисобланадй. Марказлаштирилган манбалар ҳисобига амалга ошириладиган инвестициявий лойиҳаларни ишлаб чиқиш,экспертизадан ўтказиш тартиби, ва ДТИА (ДТИХ), ТИА (ТИХ), ҳамда қарз (заём) маблағларини жалб қилиш йўли билан лойиҳаларни кўриб чиқиш ва тайёрлаш мазкур ШНҚ нинг 1иловасига мувофиқ ҳолда қатъий белгиланади. Тасдиқланган лойиҳага (ишчилойиҳага) мувофиқ ҳолда ишланган ишчи ҳужжатлар маъқуллатилмайди. Амалдаги меъёрлар, қоидалар, давлат стандартлари ва кўрсатмаларидан асосли четга чиқилган ҳолда тайерланга ҳужжатлардаги ушбу четга чиқилган қисм давлат назорати идоралари ва ушб) меъёрлар, қоидалар, стандартлар ва кўрсатмаларни тасдиқлаган ташкилотлар томонидан маъқўлланиши керак. Айрим асосланган ҳолларда.қурилиш учун жой танлаш бўйича ТИА ва ТИҲда келишилган ечимларнинг лойиҳалаштириш жараёни ўзгарганида, ҳамда объектни муҳандислик тармоқлари ва коммуникацияларга улаб қўйиш шартларидан четга чиқилганда, буюртмачи бош лойиҳачи ва ёрдамчи пудратчи лойиҳа ташкилотлари иштирокларида лойиҳа ечимларидаги ушбу ҳолларни давлат назоратининг тегишли идоралари ва манфаатдор ташкилотларда маъқуллатади. Лойиҳалаш жараёнида шартнома шартлари қабул қилинган қарорлар(ечимлар) ва кўзда тутилган талаблар, илгари лойиҳа олди

ҳужжатларида тасдиқланган ва белгиланган тартибда маъқуллатилган, қурилиш объектининг техник-иқтисодий кўрсаткичларини салбийлаштирадиган равишда бузилганида, буюртмачи лойиҳачидан аниқланган камчиликларни бепул бартараф этишни талаб қилишга ҳақлидир. Объект учун, хоҳ ёрдамчи пудратчилик асосида бўлсин, хоҳ буюртмачи билан бевосита шартнома асосида бегона лойиҳа ташкилотлари томонидан бўлсин бажарилган барча лойиҳа ҳужжатларини, бош лойиҳачи ташкилотга маъқуллатиш зарур. Қуйидаги ҳолларда буюртмачи юқори турувчи маъмурий идорага ёки давлат назорати идорасига, зарур ҳолда эса судга мурожаат қилишга ҳақли: -маъқулловчи ташкилотлар ва давлат назорати идоралари ўрталарида келишмовчилик ҳоли юз берганида; -улар томонидан амалдаги қонунчилик ҳолларига, ҳамда лойиҳалаш бўйича меъёрий ҳужжатларга зид келадиган талаблар билдирилганда; -объектни жойлаштириш ўрни тўғрисида илгари эришилган келишувлар бўйича қарорлар ўзгартирилган ҳолларда. Барча ҳолларда ҳам қурилишнинг лойиҳа (ишчи лойиҳа) си мустаҳкамлиги, умрбоқийлиги, расмий тасдиқланган ёнғиндан сақланиш қоидаларига риоя қилиниши, меҳнат ва атроф муҳитни муҳофазаси талабларига мослигини баҳолаш максадида белгиланган тартибда давлат экспертизасидан, ҳамда вилоят ва республика экспертлик идоралари даражаларида, Вазирлар Маҳкамаси томонидан берилган тартибда олинган тегишли рухсатномалари (лицензиялари) бўлган бошқа юридик шахслар томонидан ҳам экспертизадан ўтказилади. Лойиҳа ҳужжатларининг давлат экспертизаси ваколатига доирасига кирмайдиган қисмларидаги баён қилинган талабларга риоя қилиниши юзасидан экспертиза белгилаш тўгрисидаги қарор, агар қонунчиликда уни текширишни бошқа шакли белгиланмаган бўлса, буюртмачи томонидан мустақил равишда қабул қилинади.

Корхона, бино ва иншоот қурилиши учун лойиҳа ҳужжатларини тасдиқлаш, давлат экспертизасининг ижобий хулосаси бўлган такдирдагина, белгиланган тартибда амалга оширилади (1 илова). Қурилиш учун лойиҳа ҳужжатлари такрор равишда маъқуллатиш ва тасдиқлатишдан ўтказилмасдан туриб, буюртмачи, лойиҳани амалга оширувчи идоралар, лойиҳа муаллифлари томонидан ўзгартирилиши мумкин эмас. 1-илова. Инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш тартиби тўғрисида НИЗОМ Умумий қоидалар Низом: Марказлаштирилган манбалар ресурслари ҳисобига амалга ошириладиган (Давлат бюджети ва бюджетдан ташқари жамғармалар маблағлари, айрим тармоқларва корхоналарнинг Ҳукумат қарорлари билан ташкил этилган махсус жамғармалари маблағлари, Ўзбекистан Республикаси кафолати остида ёки номидан жалб этиладиган хорижий кредитлар, Ўзбекистон Республикаси тикланиш ва тараққиёт жамғармаси маблағлари) инвестиция лойиҳалари ҳужжатларини; Улар юзасидан Ўзбекистон Республикаси Президентининг айрим қарорлари асосида солиқлар ва бошқа мажбурий тўловлар бўйича имтиёзлар бериш назарда тутилаётган инвестиция лойиҳалари ҳужжатларини; Маҳсулот тақсимотига оид битимларга мувофиқ амалга оширилаётган инвестиция лойиҳалари ҳужжатларини; Устав фондида давлат улуши камида 25 фоиз бўлган корхоналар томонидан марказлаштирилмаган манбалар ҳисобига амалга ошириладиган, қиймати 10 млн. АҚШ долларидан ортиқ бўлган инвестиция лойиҳалари ҳужжатларини; Молиялаштириш манбалари ва лойиҳа қийматидан қатьий назар, енгил саноат корхоналарини қуриш, қайта ихтисослаштириш ва модернизация қилишни назарда тутувчи инвестиция лойиҳалари ҳужжатларини;

Молиялаштириш манбаларидан қатьий назар, стратегик фойдали қазилмаларни қазиб олиш ва қайта ишлашни назарда тутувчи, қиймати 10млн. АҚШ долларидан ортиқ бўлган инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш тартибини белгилайди.

Фойдаланиладиган адабиётлар: 1. ШНК 1.03.01-03. «Қурилишда лойиҳалаш ҳужжатларини ишлаб чиқиш» 2. ШНК 1.03.01-08. «Бино ва иншоотларни қурилиши ва лойиҳа ҳужжатларини маъқуллаш ва тасдиқлаш қоидалари».

Похожие

Қурилишда лойиҳалаш ҳужжатларини ишлаб чиқиш тартиби

Смета ҳужжатларини тузиш тартиби

Лойиҳаларни ишлаб чиқиш босқичлари

Муаллифлик назорати

Қурилиш ва қурилиш монтаж ташкилотларида қурилишни амалга ошириш