Майдонни тозалаш - Архтектура - Рефераты

Майдонни тозалаш

Загружено в:

20.09.2019

Скачано:

0

Размер:

69.0595703125 KB

Майдонни тозалаш Режа: 1. Ер устки ва ер остки сувлари қочириш 2. Геодезик разбивка асосларини барпо қилиш

Майдонни тозалаш Бино ва иншоотлар қурилишдан олдин қурилиш майдонида мухандислик тайёргарлик ишларини олиб боралади. Қурилиш жойлашиши (шахар ичи ёки ахоли яшаш жойидан ташқарида), қурилиш жой шароитига қараб турли жараёнлар кечиши мумкин. Бундай жараёнларга умумий хол тарзида қуйидагиларни киритишимиз мумкин: қурилиш майдонини тозалаш, ер усти ва остки сувларини қочириш, геодезик ишлари, яъни асосни разбивкалаш. Қурилиш майдонини тозалаш ишларида майдондаги қурилиш учун халақит берувчи буталар олиб ташланади, дарахтлар кесиб, тўнгаклар кўчириб олинади, агар майдонда эски бузиб ташланадиган бино бўлса бузилади ва грунтнинг унимдор қатламини қирқиб, майдон бир чеккасига тўпланиб қурилиш битгандан сўнг ободонлаштириш ишлари бажарилаётганда қайта тўкилади. Кўчирмай қолган зарур бўлган дарахт ва буталар атрофи қурилиш пайтида зарарланмаслиги учун ўраб қўйилади. Кўкаламзорлаштиришга яроқли дарахт ва буталар алохида жой кўчириб экиб турилади. Дарахтларни қирқиш, элект ёки қўл арраси ёрдамида амалга ошириб, йиқитиш эса тракторлар ёрдамида амалга оширилади. Улар учун махсус лебедкаси бор ва сургичи кўтариб ўрнатилган тракторлар бўлиб, улар ёрдамида дарахтларни тўнгаги билан йиқитилади. Агар алохида катта тўнгаклар бўлса уларни портлатиш усули билан кўчирилади. Майдон дарахт ва буталардан тозалангандан сўнг томирлари йиғиштирилади. Эски биноларни бузишда уларни том қисмидан бошланади. Бузилганда чиқадиган қисмлар қурилиш майдонига сочилиб ётишини олдини олиш учун уни бино ичига ташлаш мақсадга муофиқдир. Биноларни бузишда автомобил крани ёки кран экскаватор ишлатилади. Уларни калта стреласига ўрнатилган массаси юк кўтариш қобилиятининг ярмидан ортмаган пўлат шарлар осилган бўлиб, улар ёрдамида уриб йиқитилади.

Ёғоч биноларни бузилиб олиниб яроқли қисмлари кейинчалик фойдаланиш учун олиб қўйилади. Қуйма темир бетон ва метал биноларни бузиб олиш олдиндан тузиб олинган схема асосида амалга оширилади. Бунда ъар бир бузиб олинган тузилма ечиб олиниши ва унда устивор холат таъминланиши зарур. Йиғма темирбетондан йиғилган биноларни бузиш, йиғишга тескари бўлган схема асосида амалга оширилади. Агар йиғма конструкциялар алохида унсур тарзида ечиб олиш имкони бўлмаса уни бузиш схемаси худди қуйма темирбетон бино сингари амалга оширилади. Қурилиш майдони ўралган бўлиши ёки махсус ёзувли белги қўйилган бўлиши зарур. Ер устки ва ер остки сувлари қочириш Ер устки сувлари ёмғирдан ёки қор эришидан пайдо бўлади. Улар қурилиш майдонини ўзига тўпланган бўлиши ёки майдондан юқорироқ қисмидан оқиб тушиши мумкин. Қурилиш майдони бошқа жойдан оқиб тушадиган сувдан химояланган бўлиши зарур. Бунинг учун унинг йўли тўсилган ва қурилиш майдонидан буриб юборилган бўлиши зарур. Сув йўлини тўсиш учун махсус қиялик ариқчаси қазилиб улар қурилиш маёдонидан ташқарида қазилади (расм 2.1). 1. Оқиб тушадиган сув хавзаси; 2. Қиялик ариқчаси; 3. Қурилиш майдони. Расм 2.1. Майдонни ер устки сувидан химоялаш.

Каналда сув тўпланиб қолишини олдини олиш учун унинг бўйлама қиялиги 0,003 дан кам бўлмаслиги керак. Майдондаги сувни йўқотиш учун эса уни маълум қияликда теккисланиб, ёки майдонда сув йўллари хосил қилинади. Агар ковланган катлован еки хандиққа сувни сизиб чиқиш тезлиги кичик бўлса, у холда очиқ усулда сувни қочириш қўлланилади. Бу усулда ковланган катлован еки хандиқнин маълум бир қисмига чуқур (зумпф) хосил қилиниб, ушбу зумпфга ковламанинг барча юзасидан сув оқиб келишини таъминловчи қиялик хосил қилинади. Зумпфга тўпланган сув эса поршенли (диафрагмали, марказга интилувчи) насос ердамида сўриб олиниб, махсус ариқчалар орқали майдон ташқарисидан чиқариб ташланади. Хандиқларда зумпф махсус қўшимча ковланган қисмга хосил қилинади (расм 2.2). Расм 2.2. Очиқ усулда сувни қочириш схемаси. а - катловандан, в - хандиқдан, 1 - зумпф, 2 - қўшимча ковланган хандиқ. Кейинги пайтларда ойна пластик, пластмасса, ёғоч дренаж қувурлар ишлатиш билан бир қаторда профилли пластмасса ва қоғоз тасмалар ъам кенг қўлланилмоқда (расм 2.3) Расм. 2.3. Тасмасимон дренажлар а- пластмассадан; б – қоғоздан

Геодезик разбивка асосларини барпо қилиш Қурилишда майдонни тайёрлашдан тортиб то бино битгунга қадар геодезия ишлари бажарилади. Тайёргарлик давридаги геодезик разбивка ишларига қуйидагилар киради: - қурилиш тўри, бино жойлашган жойни аниқлаш ва бўйлама ва кўндаланг ўқлари; - қурилишни тартибга солиб турувчи қизил чизиқ, бинони бўйлама ва кўндаланг ўқлари; Қурилиш тўри тенг томонли тўртбурчак ёки тўғри тўртбурчак бўлиб, аосий тўр томонлари 200…400 м ва қўшимча 4 томонлари 20…40 м (расм 2.4). Расм 2.4. Қурилиш тўри. 1. Асосий тўр чўққилари; 2. Бинони асосий ўқлари; 3. Қўшимча тўр чўққилари. Қурилиш тўрини лойихаланаётганда қуйидагилар бўлиши зарур: - разбивка ишларини олиб боришга жуда қулай шароит яратилиши; - асосий қуриладиган бино ва ишоот тўрнинг ичига жойлашиши: - тўр ўқларининг бино ўқига паралеллигини таъминлаши; - тўрнинг барча томонига чизиқли ўлчамлар қўйилганлиги; - тўр нуқталари шундай жойда бўлиши зарурки, ундан бурчаклар чиқарилаётганда қўшни пунктлар кўриниб туриши.

Қурилиш тўрини жойга туширишда майдон яқинидаги геодезик тармоқлардан фойдалинилади. Улардан маълум бурчаклар  1 ва маълум масофалар S i лар орқали тўр йўналиши АБ аниқлаб олинади (расм 2.4). Жойга туширилган тўр кесишиш жойлари доимий белгилар (ернинг музлаш чуқурлигидан пастга тушириб бетонлаб ўрнатилган бетон ёки метал) ўрнатилиб, уларнинг устки қисамига режадаги нуқта белгиланади. Расм 2.5. Қурилиш тўрини қурилиш майдонига тушириш Режага асосий тўрга нисбатан асоссий бино ўқларини тушириш тўғри бурчакли кординат усулида амалга оширилиб, бунда кординат чизиғи бўлиб яқин турган тўр чизиғи хизмат қилади (расм 2.6а). Агар режада разбивка асоси бўлиб қизил чизиқ хизмат қилса бино разбивкаси унга асосан амалга оширилади (Расм 2.6б). Расм 2. 5. Бинонинг асосий ўқларини жой шароитига тушириш усуллари. а – қурилиш тўриг асосан; б – қизил чизиққа асосан; 1 – бино, 2 – қурилиш тўри, 3 – шартли кординат тўр ўқлари, 4 – қизил чизиқ.

Фойдаланилган адабиётлар: 1. 7473-94 Ўз. Дав. Ст. «Бетон қоришмаси», Тошкент, 1995. 2. 866-98 Ўз. Дав. Ст. «Темирбетон конструкциялар ва махсулотлар учун пайвандланма арматура тўрлари». Тошкент, 1999. 3. КМК. 1. 01.04-98 «Меъморий қурилиш атамалар». Тошкент, 1998. 4. С.С.Атаев и др. «Технология, механизация и автомотизация строителства». М. «Вусшая школа», 1990.

Похожие

Бино барпо этиш учун майдонни тайёрлаш

Оқоваларни тозалаш иншоотларини ишлатиш

Табиий сувларни тозалаш иншоотларини ишлатиш

Бино ва иншоотларни барпо этиш технологиясидаги асосий холатлар

Экстремал шароитларда бино ва иншоотларни барпо этиш