Bosh, gavda va qo’l - oyoq muskullari - Анатомия - Рефераты

Bosh, gavda va qo’l - oyoq muskullari

Загружено в:

20.09.2019

Скачано:

0

Размер:

27.5 KB

Bosh, gavda va qo’l - oyoq muskullari Reja: 1. Odam tanasi muskullari haqida tushuncha 2. Bosh muskullari 3. Bo‘yin muskullari 4. Qo‘l - oyoq muskullari

Odam tanasi muskullarining asosiy guruhlari. Skelet muskullari odam tanasining turli qismlarida quyidagi tartibda joylashgan: bosh, bo‘yin, gavda, qo‘l va oyoq muskullari. Bosh muskullari. Bosh muskullari bajaradigan ishiga ko‘ra, chaynash va mimika muskullariga bo‘linadi. Chaynash muskullariga chakka, xususiy chaynash hamda tashqi va ichki qanotsimon muskullar kiradi. Mimika muskullariga ko‘zning aylana muskuli, yonoq muskuli, yuqori va pastki lablarning kvadrat muskullari, pastki labning uchburchak muskuli, og‘iz burchagida joylashgan kulgu muskuli kiradi va ruhiy holatlarini ifodalashda ishtirok etadi. Ular, ayniqsa artistlarda yaxshi rivojlangan bo‘ladi, chunki ular bu muskullarni maxsus mashq qildiradi. Bo‘yin muskullari. Bo‘yin muskullariga bo‘yinning teri osti muskuli, to‘sh - o‘mrov so‘rg‘ichsimon muskuli, narvonsimon muskullar va til osti suyagi sohasidagi muskullar kirib, ular boshning turli harakatlarini ta’minlaydi. Gavda muskullari. Gavda muskullari joylashishiga qarab ko‘krak qafasi, qorin va orqa muskullaridan iborat. Ko‘krak qafasi muskullariga ko‘krakning katta va kichik muskullari, o‘mrov osti muskuli, ko‘krak qafasining yon tomonida joylashgan tigasimon muskullar, qovurg‘alararo (tashqi va ichki) muskullar hamda ko‘krak qafasi va qorin bo‘shlig‘i o‘rtasida joylashgan diafragma muskuli kiradi. Bu muskullar nafas olish, nafas chiqarishda, qo‘llarni harakatlantirishda ishtirok etadi. Qorin muskullariga qorinning tashqi va ichki qiyshiq, to‘g‘ri, ko‘ndalang muskullari, belning kvadratsimon muskuli, oraliq, chov kanali muskullari kiradi. Bu muskullar qorin devorini hosil qilishda, nafas harakatlarida, umurtqa pog‘onasini bukishda, qorin bo‘shlig‘idagi ichki a’zolar bosimini saqlashda, kuchanish jarayonida ishtirok etadi. qorin muskullari ayollarda yaxshi rivojlanganligi tug‘ish jarayoni oson o‘tishida muhim rol o‘ynaydi. Orqa muskullariga trapetsiyasimon, orqaning serbar muskuli, rombsimon, kurakni ko‘taruvchi, yuqorigi va pastki tishsimon, umurtqa pog‘onasini tiklovchi (yozuvchi) muskullar kiradi. Orqa muskullari umurtqa pog‘onasi va kurak suyagi

harakatlarini ta’minlaydi. Ular gavdani rostlab turadi. Qo‘l muskullari. Qo‘l muskullari yelka kamari va qo‘lning erkin qismidagi muskuldardan iborat. Yelka kamari muskullariga deltasimon, kurak sohasidagi muskullar kiradi. Qo‘lning erkin qismidagi muskullari yelka, bilak va qo‘l panjasi sohasidagi muskullarga bo‘linadi. Yelkaning oldingi yuzasida yelkaning ikki boshli, orqa qismidagi uch boshli muskullar tirsak bo‘g‘imida bukish va yozish harakatlarini bajaradi. Bilak sohasidagi muskullar ham bilakning oldingi va orqa qismidagi muskullarga bo‘linib, oldingi qismdagilari qisqarganda qo‘l panjasi bo‘g‘imlarida bukilish, orqa qismdagilar qisqarganda esa yozilish harakatlari bajariladi. Oyoq muskullari. Oyoq muskullari tanani tutib turganligi va turli - tuman harakatlarni bajarganligi uchun qo‘l muskullariga nisbatan kuchli rivojlangan. Ular son, boldir va oyoq panjasi muskullariga bo‘linadi. Sonning oldingi sohasida joylashgan to‘rt boshli muskul organizmdagi eng yirik, kuchli muskullardan bo‘lib, son - chanoq bo‘g‘imida bukilish, tizza bo‘g‘imida yozilish harakatini bajaradi. Sonning orqa tomonida sonning ikki boshli, yarim pay, yarim pardasimon muskullari joylashgan. Ular chanoq bo‘g‘imini yozishda, tizza bo‘g‘imini bukishda ishtirok etadi. Boldirning oldingi yuzasida katta boldirning oldingi muskuli, 2-5- barmoqlarni yozuvchi uzun muskul, bosh barmoqni yozuvchi uzun muskullar bo‘lib, ular oyoq - panja bo‘g‘imlarida yozish harakatlarini bajaradi. Boldirning orqa yuzasidagi bosh barmoqni bukuvchi uzun, 2 - 5 - barmoqlarni bukuvchi uzun muskullar, oyoq - panja bo‘g‘imlarida bukish harakatlarini bajaradi. Boldirning yon tomonida kichik boldirning uzun va kalta muskullari joylashgan.

Похожие

Qo’l oyoq anomaliyalari

Bosh, gavda va qo‘l-oyoqlar skeleti

Oyoq skeleti

Qo‘l-oyoq suyaklari

Orqaning yuza muskullari