Maxsus sirtqi bo’lim uchun matematikadan o’quv dasturi - Алгебра - Рефераты

Maxsus sirtqi bo’lim uchun matematikadan o’quv dasturi

Загружено в:

17.08.2021

Скачано:

0

Размер:

75.5 KB

Maxsus sirtqi bo’lim uchun matematikadan o’quv dasturi Reja: 1. Maxsus Sirtqi Bo’lim Uchun Matematikadan O’quv Dasturi 2. Matematika kursining mazmuni 3. Talabalarning olgan bilim va ko’nikmalariga qo’yiladigan talablar

Maxsus sirtqi bo’lim uchun matematikadan o’quv dasturi Mazkur dasturning maqsadi boshlang'ich ta'lim va tarbiyaviy ish mutaxasisligi maxsus sirtqi bo’limi bakalavrini boshlang’ich matematika kursining nazariy asoslari va oliy matematika qisqa kursi bilan tanishtirishdan iborat. Bu o’quv dasturi matematika o’qitishda quyidagi vazifalarni hal qilishni o’z oldiga qo’yadi: - talabalarga matematikaning dunyoqarashni shakllantirishdagi va atrof borliqni o’rganishdagi ahamiyatini ochib berish; - talabalarga boshlang’ich matematika kursining nazariy asoslarini o’rgatish, ularda boshlang’ich matematika kursini chuqurroq o’zlashtirishlari uchun zarur ko’nikma va malakalarni shakllantirish; - talabalarni oliy matematika qisqa kursi bilan tanishtirish; - talabalarni o’quv qo’llanmalari va boshqa ilmiy adabiyotlar bilan mustaqil ishlashga o’rgatish. Yuqoridagi maqsad va vazifalar matematika kursining asosiy mazmunini belgilaydi. Boshlang’ich matematika kursining asosini nomanfiy butun sonlar va ular ustida amallar, miqdorlar va ularni o’lchash tashkil qiladi. Shu bilan birga algebra va geometriya elementlari ham o’z o‘rnini topgan. Son tushunchasini shakllantirish va uni kengaytirish, miqdorlar tushunchasini shakllantirish va ularni o’lchash ko’nikmalarini hosil qilish uchun talabalarning bir qator umumiy matematik tushunchalarni bilishlari va o’zlashtirishlari talab qilinadi. Bular to’plam, munosabat, funktsiya tushunchalari va mantiqiy, algebrik, geometrik tushunchalardir. Son tushunchasini kengaytirish masalasi nomanfiy butun sonlar to’plamidan kompleks sonlar to’plamigacha bo’lgan barcha sonli to’plamlarni, ularning xossalarini, har birini tashkil etuvchi sonlarning ta'rifi va ular ustida bajariladigan amallar ta'rifi bilan qonun-qoidalarni o’z ichiga oladi. Yuqoridagilardan kelib chiqib matematika kursining mazmunini quyidagicha bo’limlarga taqsimlash mumkin. I. Umumiy matematik tushunchalar. II. Nomanfiy butun sonlar.

III. Son tushunchasini kengaytirish. IV. Funktsiya, hosila, integral. V. Algebra va analitik geometriya elementlari. VI. Elementar geometriya elementlari. VII. Miqdorlar va ularni o’lchash. Matematika kursining mazmuni: № MAVZULAR 1.1 I-bob. Umumiy tushunchalar. To’plamlar va ular ustida operatsiyalar. To’plam tushunchasi. To’plamning elementi. Bo’sh to’plam. Chekli, cheksiz to’plamlarga misollar. To’plamlarning berilish usullari. Teng to’plamlar. To’plam osti. Universal to’plam. Eyler-Venn diagrammasi. To’plamlarning kesishmasi, birlashmasi, ikki to’plamning ayirmasi. Universal to’plamgacha to’ldiruvchi to’plam. To’plamlarning dekart ko’paytmasi. To’plamlar ustidagi operatsiyalarning xossalari. To’plamlarni o’zaro kesishmaydigan to’plam ostilarga (sinflarga) ajratish tushunchasi. To’plamlarni bitta, ikkita va uchta xossaga ko’ra sinflarga ajratish. 1.2 Moslik va munosabatlar. Ikkita to’plam elementlari orasidagi moslik. Moslikning grafigi. Moslik turlari. To’plamni to’plamga o’zaro bir qiymatli akslantirish. Teng quvvatli to’plamlar. To’plamdagi munosabat, uning xossalari. Ekvivalentlik munosabatining to’plamlarning sinflarga ajratish bilan aloqasi. Tartib munosabati. 1.3 Binar algebra operatsiyalar. Algebrik operatsiya tushunchasi va uning xossalari: kommutativlik, asossitsiativlik, distributivlik va qisqaruvchanlik. Neytral, yutuvchi va simmetrik elementlar. Yarim gruppa, gruppa, halqa va maydon tushunchalari, ularga misollar. 1.4 Kombinatorika elementlari. Kombinatorika masalalari. Yig’indi, ko’paytma qoidasi. Takrorlanadigan va takrorlanmaydigan o’rin almashtirishlar,

o’rinlashtirishlar va takrorlanmaydigan guruhlashlar. Chekli to’plamlarning to’plam ostilari soni. Masalalar yechish. 1.5 Matematik mantiq elementlari. Matematik tushuncha. Tushunchaning hajmi va mazmuni. Tushunchani ta'riflash usullari va ularga misollar. Mulohaza va predikatlar. Fikrning va predikatning inkori, konyunktsiyasi va dizyunktsiyasi, implikatsiyasi va ekvivalentsiyasi. Mantiqiy amallarning qonunlari. Mantiqiy kelib chiqishlik va teng kuchlilik munosabatlari, zaruriy va yetarli shartlar. Teoremaning tuzilishi va turlari. Matematik isbotlashning usullari. To’g’ri va noto’g’ri muhokamalar. Chala va t o’ la induktsiya. 1.6 Algoritmlar. Algoritm tushunchasi. Algoritmlarning asosiy xossalari. Boshlang’ich sinflarda qo' llaniladigan algoritmlarg a misollar. 2.1 II bob. Nomanfiy butun sonlar. Natural son va nol tushunchasini vujudga kelishi haqida qisqacha tarixiy ma'lumot. Nomanfiy butun sonlar to’plamini tuzishdagi har xil yondoshishlar. Nomanfiy butun sonlar to’plamini to’plamlar nazariyasi asosida ko’rish. Natural son va nol tushunchasi. Nomanfiy butun sonlar to’plamiga "teng", "kichik" va "katta" munosabatlari. Yig’indining ta'rifi, uning mavjudligi. Qo’shish qonunlari. Ayirmaning ta'rifi, uning mavjudligi va yagonaligi. Yig’indidan sonni va sondan yig’indini ayirish qoidasining to’plamlar nazariyasi bo’yicha ma'nosi. 2.2 Nomanfiy butun sonlar to’plamini aksiomatik asosda qurish. Nazariyani aksiomatik metod bilan qurish tushunchasi. Peano aksiomalari. Matematik induktsiya metodi. Nomanfiy butun sonlarni qo’shish va ko’paytirish amallarining aksiomatik ta'riflari. Qo’shish va ko’paytirish jadvallari. Qo’shish va ko’paytirish qonunlari. Ayirish va bo’lishning ta'rifi. Nolga bo’lish mumkin emasligi. Qoldiqli bo’lish. Nomanfiy butun sonlar to’plamining xossalari. Natural sonlar qatori kesmasi va chekli to’plam elementlari soni tushunchasi. Tartib va sanoq natural sonlar. 2.3 Natural son miqdorlarni o’lchash natijasi sifatida. Natural son kesma o’lchami sifatida. Kesmalarning o’lchami sifatida qaralgan sonlar ustidagi arifmetik amallarning ta'rifi.

2.4 Sanoq sistemalari. Sanoq sistemasi tushunchasi. Pozitsion va nopozitsion sanoq sistemalari. O’nli pozitsion sanoq sistemasida sonlarning yozilishi va o’qilishi. O’nli sanoq sistemasidagi nomanfiy butun sonlar ustidagi arifmetik amallarning algoritmi. O’ndan farqli pozitsion sanoq sistemalari: sonlarning yozilishi, arifmetik amallar, bir sanoq sistemasida yozilgan sonni boshqa sanoq sistemasida yozishga o’tkazish. Nomanfiy butun sonlar ustida og’zaki va yozma ravishda arifmetik amallar bajarish texnikasi. 2.5 Sonlarning bo’linishi. Nomanfiy butun sonlar to’plamida bo’linish munosabatining ta'rifi va xossalari. Nomanfiy butun sonlar yig’indisi, ayirmasi va ko’paytmasining bo’linishi. 2, 3, 4, 5, 9, 25ga bo’linish alomatlari. Tub va murakkab sonlar. Eratosfen g’alviri. Tub sonlar to’plamining cheksizligi. Sonlarning eng kichik umumiy karralisi va eng katta umumiy bo’luvchisi, ularning asosiy xossalari. Murakkab songa bo’linish alomati. Arifmetikaning asosiy teoremasi. Berilgan sonlarning eng katta umumiy bo’luvchisi va eng kichik umumiy karralisini topish algoritmi. 3.1 III bob. Son tushunchasini kengaytirish. Son tushunchasini kengaytirish masalasi. Kasr va manfiy son tushunchasining vujudga kelishi haqida qisqacha tarixiy ma'lumot. Butun sonlar. Butun manfiy sonlar. Sonning moduli tushunchasi. Butun sonlar to’plamining xossalari va uning geometrik interpritatsiyasi. 3.2 Ratsional sonlar. Kasr tushunchasi. Ratsional sonlar. Ratsional sonlar ustida arifmetik amallar. Qo’shish va ko’paytirish qonunlari. Ratsional sonlar to’plamining xossalari. O’nli kasrlar va ular ustida arifmetik amallarni bajarish algoritmi. Ratsional son cheksiz davriy o’nli kasr sifatida. 3.3 Haqiqiy sonlar. Irratsional son tushunchasi. Davriy bo’lmagan cheksiz o’nli kasr. Haqiqiy sonlar to’plami. Haqiqiy sonlar ustida arifmetik amallar. Qo’shish va ko’paytirish qonunlari. Haqiqiy sonlar to’plamining xossalari. Sonlarni yaxlitlash qoidalari va tarkibiy sonlar ustida amallar. Absolyut va nisbiy xato. 3.4 Kompleks sonlar. Mavhum son tushunchasi. Kompleks son va uning turli shakllari. Ko m pleks sonlar ustida amallar. Kompleks sonlar to’plamining xossalari.

IV bob. Funktsiya, hosila, integral. Funktsiya tushunchasi. Sonli funktsiyalar. Ularning xossalari va grafigi. Funktsiyaning limiti. Funktsiya uzluksizligi. Elementar funktsiyalar uzluksizligi. Ajoyib limitlar. Hosila tushunchasiga olib keladigan masalalar. Funktsiyaning hosilasi. Differentsiallash qoidalari. Hosilaning funktsiyani tekshirishga tatbiqi. Aniqmas integralni hisoblash usullari. Aniq integral tushunchasiga olib keladigan masalalar. Aniq integralning ta'rifi, xossalari, hisoblash usullari. Aniq integralning geometriyaga, fizikaga, mexanikaga tatbiqi. V bob. Algebra va analitik geometriya. Sonli ifoda va uning son qiymati. Sonli tenglik va tengsizlik, ularning xossalari. O’zgaruvchili ifoda, uning aniqlanish sohasi. Ifodalarni ayniy shakl almashtirish. Ayniyat. Bir o’zgaruvchili tenglamalar. Teng kuchli tenglamalar va ular haqidagi teoremalar. Bir o’zgaruvchili tengsizliklar. Teng kuchli tengsizliklar haqidagi teoremalar. Bir o’zgaruvchili tengsizliklar konyunktsiyasi va dizyunktsiyasini yechish. Tengsizliklarni intervallar metodi bilan yechish. Ikki o’zgaruvchili tenglamalar. Chiziq tenglamasi haqida tushuncha. To’g’ri chiziqning umumiy tenglamasi, burchak koeffitsientli tenglamasi, kesmalar bo’yicha tenglamasi. To’g’ri chiziqlarning parallellik va perpendikulyarlik shartlari. Bir nuqtadan o’tuvchi to’g’ri chiziqlar dastasi formulasi. Berilgan ikki nuqtadan o’tuvchi to’g’ri chiziq tenglamasi. To’g’ri chiziqlarning kesishish nuqtasi va uni topish usullari. Ikki nuqta orasidagi masofa. Berilgan markazi va radiusiga ko’ra aylana tenglamasini tuzish. Aylananing umumiy tenglamasidan uning markazini va radiusini topish. Ikki o’zgaruvchili tenglamalar sistemalari, ularni yechish usullari. Ikki o’zgaruvchili tengsizliklar va ularning grafigi. Ikki o’zgaruvchili tengsizliklar konyunktsiyasi va dizyunktsiyasi. Ularni grafik usulda yechish. Ikki va uch o’zgaruvchili chiziqli tenglamalar sistemasining matritsasi. Matritsalar ustida amallar. 2- va 3- tartibli determinantlar va ularning xossalari. Kramer formulasi. Vektorlar, ular ustida amallar. Vektor

va nu q taning koordinatalari. VI bob. Elementar geometriya elementlari. Geometriyaning vujudga kelishi haqida qisqacha tarixiy ma'lumot. Maktabda o’rganiladigan geometrik tushunchalar sistemasi. Geometrik figuralar, ularning ta'rifi, xossalari va alomatlari. Geometrik masalalar yechish metodlari haqida. Geometrik masalalarning turlari. O’lcham bilan bog’lik amaliy masalalar, hisoblashga doir masalalar, isbotlashga doir masalalar. Yasashga doir geometrik masalalar haqida tushuncha. Sirkul va chizg’ich yordamida yasash bosqichlari. Ko’pyoqlar haqida Eyler teoremasi. Prizma, to’g’ri burchakli parallelepiped, piramida. Aylanma jismlar. S ilindr, konus, shar. Fazoviy figuralarni tekislikda tasvirlash. VII bob. Miqdorlar va ularni o’lchash. Skalyar miqdorlarni o’lchash tushunchasi. Kesma uzunligi, uning asosiy xossalari. Kesma uzunligini o’lchash. Uzunliklarning standart birliklari va ular orasidagi munosabatlar. Figuralarning yuzi. Figuralarning yuzini o’lchash usullari. Tengdosh va teng figuralardan tashkil topgan figuralar. Tekis figuralarning yuzalarini topish. Boshlang’ich matematika kursida ko’riladigan boshqa miqdorlar: massa, baho, vaqt, tezlik, yo’l. Ularning o’lchov birliklari va ular orasidagi aloqadorlik. Talabalarning olgan bilim va ko’nikmalariga qo’yiladigan talablar: - Chekli va cheksiz to’plamlar ustida amallar bajarishni bilish. - Berilgan moslik turini, xossalarini aniqlash, sonli funktsiyalarni tanish, to’g’ri va teskari proportsionallikni ajrata bilish. - Sodda kombinatorika masalalarini yecha olish. - Tushunchalarni ta'riflash usulini farqlay olish. - Fikrlar va predikatlar ustida logik amallarni bajara olish. - To’g’ri va noto’g’ri muhokamalarni farqlay olish. - Boshlang’ich maktabda qo’llanadigan algoritmlarni bilish, tuza olish.

- Algebraik operatsiya, uning neytral, simmetrik yutuvchi elementlarini bilish. Berilgan algebraik operatsiyaga nisbatan yarim gruppa, gruppa, halqa va maydon tashkil etuvchi to’plamlarni ajrata olish. - Nomanfiy butun son tushunchasi va sonlar ustida bajariladigan amallarni to’plamlar nazariyasiga ko’ra sharhlay olish. Boshlang’ich maktab matematika darsligidagi matnli masalalarni yechishda bajariladigan amalni tanlashni asoslay bilish. - Nomanfiy butun sonlar to’plamini tuzishning aksiomatik usulini boshlang’ich matematika kursidan misollar bilan sharhlash. - Nomanfiy butun sonlar ustida arifmetik amallarni yozma va og’zaki ratsional usulda bajarishni bilish. Matnli masalalarni turli usullarda yecha olish. - Bo’linish alomatlarini qo’llashni bilish, sonlar EKUBi va EKUKini topa bilish, yig’indi, ko’paytma va ayirmaning berilgan songa bo’linishini bo’lishni bajarmay aniqlay olish. - Ratsional sonlar ustida amallar bajarishni bilish. - Mikrokalkulyatorda hisoblashni bilish. - Sonli va harfiy ifodalarni farqlay olish, sonli tenglik, tenglama, sonli tengsizlik, tengsizliklarni tanish, tenglama va tengsizliklarni yechishni bilish. Ularning dizyunktsiyasi va konyunktsiyasi yechimini topa olish. - Elementar funktsiyalarning nomini, tenglamasini, xossalarini bilish va grafigini yasay olish. - Eng sodda limitlarni hisoblay olish. - Funktsiyalar hosilasini olishni bilish, hosilaning geometrik va mexanik ma'nosini tushunish, hosila yordamida funktsiyani tekshirishni bilish va grafigini yasash. - Aniqmas intgrallarni topa bilish. - Aniq integralni hisoblashni bilish. Aniq integral tatbiq qilib yechiladigan masalalarni yecha olish. - Geometrik figuralarni tekislikda tasvirlay bilish, xossalarini bilish, hisoblashga doir geometrik masalalarni yecha olish.

- Miqdorlarni o’lchashni bilish, matnli masalalarni yechishda miqdorlar orasidagi bog’lanishdan foydalana olish. - Matematikaning nazariy bilimlarini amaliyotga qo’llay bilish.

Foydalanilgan adabiyotlar: 1. L.P.Stoylova, A.M.Pishkalo Boshlang’ich matematika kursi asoslari. "O’qituvchi", 1991. 2. N.Ya.Vilenkin. Matematika M., 1977. 3. O.Xudoyberganov. Matematika T., 1980. 4. N.N.Lavrova, L.P.Stoylova. Zadachnik-praktikum po matematiki M., 1985. 5. R.Ibrohimov. Matematikadan masalalar to’plami. T., 1995. 6. www.Ziyonet.uz

Похожие

Matematikadan murakkab masalalar yechish

Matematika o`qitish metodikasi predmeti

Matematikadan amaliy mashg’ulotlarni tashkil etishda multimedia muhitidan foydalanish

Maxsus nuqtalar va ularning tiplari

Yakkalangan maxsus nuqtalar Soxotskiy teoremasi