Maple amaliy dasturlar paketining maqsadi va vazifalari - Алгебра - Рефераты

Maple amaliy dasturlar paketining maqsadi va vazifalari

Загружено в:

20.09.2019

Скачано:

0

Размер:

34 KB

Maple amaliy dasturlar paketining maqsadi va vazifalari Reja : 1. Maple amaliy paketining versiyalari. 2. Maple tizimining imkoniyatlari.

XX asrning oxirlarida boshlab hozirgi kunga qadar shaxsiy kompyuterlarda juda samarali joriy qilinayotgan kompyuter algebrasi tizimlari muayyan tizimlarni tadqiq etish uchun amaliy dasturlar yaratishda yangicha texnologiyalarni qo`llash imkoniyatlarini ochib berdi. Shuni ta’kidlash keraki, Maple tizimining birinchi avlodi 1980 yili Kanadaning Waterloo universiteti mutaxassislari Keyt Ged va Gaton Gone tomonidan katta EHMlar uchun yaratilgan. 2000 yil dekabr oyining oxirida esa Maple 6 tizimi shu universitetida yaratildi. Waterloo universiteti 2004 yil 7 aprelda Maple 9.5 tizimi yaratildi. Bu tizim iqtisodiyot, mexanika, matematika, fizika, muxandislik va h.k. yo`nalishdagi masalalarni yechishda matematikaning analitik hamda sonli usullarini qo`llashni amalga oshiradi. Shuning uchun hozirgi kunda ham Maple 6 , Maple 7, Maple 8, Maple 9.5 tizimilaridan keng foydalanib kelinmoqda. Kompyuter algebrasi tizimlari hisoblash tizimlari uchun qo`llaniladigan "kompyuter intellekti" tushunchasini mazmun va mohiyatini amalda namoyish qilish imkoniyatini yaratdi. Bu tizimlar amaliy dasturlar ta’minotini yaratuvchi mutaxassislar uchun quyidagi vositalarni yaratadi[ 1 ]: - yuqori saviyadagi dasturlashtirish tizimi; - hujjatlar va dasturlarni yaratish hamda tahrirlash imkoniyatini beruvchi redaktorlar; - foydalanuvchilar uchun bevosita muloqot asosida ishlash imkoniyatini beruvchi zamonaviy ko`p oynali interfeys;

- yuqori saviyadagi ma’lumotnoma tizimi; - matematik ifodalarni qayta ishlovchi algoritm va qoidalar majmuasi; - analitik va sonli amallarni bajaruvchi dasturiy protsessor; - muloqot jarayonida sodir bo`ladigan xatoliklarni ko`rsatuvchi diagnostika tizimi; - tizimning bevosita yadrosiga biriktirilgan funksiyalar kutubxonasi; - tizimni qo`llash va matematik usullarni tatbiq qilish uchun kerak bo`ladigan paketlar majmuasi. Bu vositalar amaliy dasturiy ta’minot yaratishdagi masalaning matematik modelini keltirib chiqarish, hisoblash usullarini tanlash, hisoblash eksperimentlarini o`tkazish va natijalarni tahlil qilish jarayonini to`liq avtomatizatsiyalash imkonini beradi. Bu esa, amaliy dasturlar ta’minotni tashkil qilishning tamoyillarini va masalalarni EHMda yechishning an’anaviy texnologiya doirasida qo`llanilib kelgan usullarini tubdan o`zgartiradi. Tizimning asosiy imkoniyatlari Maple 9.5 tizimida quyidagi asosiy imkoniyatlar mavjud: 1) biror elektron jadval sistemasida (masalan MS Exel ) ma’lumotlarni tahlil qilish uchun ko`nikma hosil qilingan bo`lsa – Maple 9.5 sistemasida ham juda ko`p matematik va statistik funksiyalar asosida ma’lumotlarni tahlil qilishning grafikli integrallashgan muhiti mavjud; 2) murakkab funksiyalarning ikki o`lchamli, uch o`lchamli fazolarda grafiklarini chizib berishi mumkin;

3) Maple 9.5 ning programmalashtirish tili asosida murakkab matematik, texnik va boshqa sohalardagi masalalarni yechish imkoniyatini beradi; 4) o`quv jarayonini tashkil qilishda kerakli mavzularning mashq va masalalar ob’yektlarining harakatini namoyish qilish uchun animatsion grafik muhit mavjud; 5) talabalar matematik usullarni o`rganishda juda murakkab hisoblarga vaqtini sarflamasdan, faqat usullarning mohiyatini, qo`llanilish sohalarini o`rganishlari uchun maxsus Student paketi mavjud; 6) Maple 9.5 Windows, VMS, Unix, Linux kabi operatsion muhitlarda joriy qilingan; 7) Windows operatsion tizimidagi MS Office ning turdosh tizimlari uchun integrallashgan muhitga ega; 8) Barcha bajariladigan ishlari ishchi varaq sifatida tashkil qilinib, muloqot interaktiv rejimda amalga oshiriladi; 9) C++, Fortran muhitlarida yaratilgan dasturlarga bevosita murojaat qilish mumkin; 10) Exel 2003 muhitida turib Maple 9.5 ning grafikaga doir paketlariga murojaat qilish mumkin ( Exel muhitida grafik chizish uchun funksiyaning qiymatlar jadvalini tuzish kerak); 11) Ishchi varaqlarni RTF Word, LaTex, HTML formatlariga o`tkazib saqlash mumkin; 12) Maple 9.5 muhitida « ob’yektlar » hosil qilish mumkin;

13) Maple 9.5 dasturidagi xatoliklarni bartaraf qilish uchun Java imkoniyatlaridan foydalanish mumkin; 14) Maple 9.5 panelida yaratilgan dasturlardan elektron jadvallarga murojaat qilish mumkin.

FOYDALANILGAN ADABIYOTLAR : 1. Матросов А. Решения задачи математики и механики системе М aple -6 . Санкт-Петергбург . 2000 2. Савотченко С.Е., Кузьмичева Т.Г. Методы решения мате- матических задач в Maple . : Учебное пособие - Белгород: Изд. Белаудит, 2001. - 116 с 3. Алексеев Е.Р., Чеснокова О.В. Решение задач вычислитель-ной математики в пакетах Mathcad 12, Mathlab 7, Maple 9. 2007 4. Очков В.Ф. "Советы пользователям Mathcad ". (Второй выпуск, советы 100-...) 5. Mathcad 2001 - что нового. КомпьютерПресс, 4'2001 6. Гандмахер Р. Теория матриц. М.: Наука, 1985.

Похожие

Maple amaliy dasturlar paketini ishga tushirish, uning asosiy imkoniyatlari va interfeysi

Maple tizimidagi grafik muhit va undan foydalanish

Maple muhitida programmalashtirish asoslari

Zamonaviy matematik paketlarning imkoniyatlari va kamchililklari

Maple tizimidagi paketlar va ularning tarkibiy qismi