Лазерларнинг конструкциялари ва ишлаш тамойиллари - Алгебра - Рефераты

Лазерларнинг конструкциялари ва ишлаш тамойиллари

Загружено в:

20.09.2019

Скачано:

0

Размер:

2491 KB

Лазерларнинг конструкциялари ва ишлаш тамойиллари Режа: 1. Не- Ne лазери 2. Ионли аргон лазери 3. СО 2 лазери

Гелий-неон лазери газли лазерлар мажмуасига киради. Гелий-неон газ аралашмаси тўлдирилган газоразрядли най лазернинг асосий қисми бўлиб хизмат қилади (16-расм). Газли разряд найининг ички диаметри бир неча мм дан 1 см гача, узунлиги эса бир неча см дан бир неча метргача бўлиши мумкин. Фаол муҳит сифатида неон гази олиниб, ёрдамчи газ сифатида унга гелий гази қўшилади ва уларнинг нисбати тахминан 1:7 муносабат олиниб, газ разряд найи керакли босимларда (1,3 мм см. уст. тенг босимларда) тўлдирилади. Разряд найининг ичида ёки ташқарисида 16 -расмда кўрсатилгандек цилиндрик ёки тасмали электродлар жойлаштирилади ва улар мос ҳолда доимий токли ёки кўндаланг юқори частотали разряд ҳосил қилиши учун хизмат қилади. Гелий ва неон аралашмали муҳитдаги жараённи таҳлил қилиш учун, гелий ва неон атомларининг электрон энергетик сатҳлари диаграммасидан фойдаланамиз. (17-расм). Гелий ёрдамчи газ бўлиб, иккинчи тур тўқнашишлар ёрдамида неон ишчи энергетик сатҳларини неон атомлари билан тўлдиришга ёрдамлашади. Гелий атомларининг ўзи эркин электронлар билан тўқнашганда юқори энергетик сатҳларга чиқади. Гелий атомининг бу юқори сатҳлардаги яшаш вақти 10 -3 с ва бу сатҳлар энергияси неон атомининг 2S ва 3S сатҳларининг энергияларига яқин. Бу ҳолда юқори энергетик сатҳдаги гелий атомлари пастки сатҳда жойлашган неон атомлари билан ноэластик (резонанс) тўқнашиб уни юқориги 2S ва 3S ишчи сатҳларга чиқаради. Гелий атоми 2S сатҳи ва неон атомини 3S сатҳи энергияларининг фарқи 300 см -1 тартибида бўлади. Бу хона температурасидаги kT нинг қийматидан бир мунча катта бўлишига қарамасдан гелий атомидан неон атомига энергия узатиш жараёнининг интенсивлиги кучли кечади. Шундай қилиб, айтиш мумкинки, ғалаёнлантирилган гелий атомлари ёрдамида неон атомларини ғалаёнлантириш учун, энергия зарраларнинг ўзаро резонанс тўқнашиши йўли билан узатилар экан. Танлаш қоидаларига асосан зарраларга S-сатҳдан p- сатҳларга ўтишга рухсат берилган.

16-расм. Гелий-неон лазери конструкциясининг чизмаси. 1-разряд найи,2-Брюстер бурчаги остида қўйилган шиша қопламалар, 3-доимий токли разряд олиш учун ўрнатилган электродлар, 4-разряд найининг устки икки юзасида унинг узунлиги бўйлаб қўйилган металл (мис) электродлар, 5-юқоричастота генератори, 6-оптик резонатор кўзгулари. Ўтишларида инверс бандлик ҳосил бўлади ва лазернинг тўрт энергетик сатҳли тузилишдаги ишлаш тамойилига мос келади. Бу жараён ёрдамида инверс бандлик ҳосил қилиш асосий ҳисоб-ланишидан ташқари неон атомлари электронлар билан тўқнашишда ҳам ғалаёнлантирилган сатҳларга ўтказилиб, инверс бандлик ҳосил қилиниши мумкин. Доимий токли разрядли ҳолда разряд токининг катта қийматларида неон атомининг 1S сатҳи электрон-неон тўқнашуви натижасида тўлдирилади. Шу ҳолда 2p ва 3p сатҳларнинг 1S сатҳдаги неон атомлари билан зинапоя усулида тўлдирилиши асосий бўлиб қолади. Бу ҳол инверс бандликнинг камайишига ҳамда генерациянинг йўқолишига олиб келади.

Бу ҳолда неон атомининг нурланиши 2S  2p ва 3S  3P сатҳлардаги ўтишларига тўғри келади. Бу жараёнларни қуйидаги е  N e (1 S )  N e (2 p )  е е  N e (2 S )  N e (3 p )  е (117) ифодалар кўринишида белгилаш мумкин. 17-расм. Гелий ва неон атомларининг электрон э нергетик сатҳлари диаграммалари. Расмда қуйидаги а)  1  3,39 мкм, б)  2  0,63 мкм, с)  3  1,15 мкм. генерацион ўтишлар кўрсатилган. Тарихан, биринчи бўлиб, 2S  2p энергетик ўтишларида лазер генерацияси олинган. Ҳозирги пайтда, саноатда ишлаб чиқилган лазерларда уч хил ўтишларда генерация олинган бўлиб, уларда генерация олиш шарт- шароитлари тахминан бир хил (газ аралашмаси босими, разряд токининг қиймати) ва нурланиш қувватининг разряд параметрларига боғлиқлиги ҳам бир хил. бўлади. Юқорида кўрсатилган ўтишларда кучайтириш қуйидагича бўлади:  1  3,39 мкм ..........................20 дб  м-гача  2  1,15 мкм ........................ 10-12 % бир метрда

 3  0,63 мкм .......................... 4-6 % бир метрда Тўлқин узунлиги  1  3,39 мкм нурланиш бериш имкониятига эга бўлган энергетик сатҳ неон атомлари билан тез ва осон тўлдирилади. Лазер генерацияси бу ҳолда газ разрядининг параметрлари кенг ўзгариш оралиғида рўй беради. Тўлқин узунлиги 0,63 мкм нурланиш генерациясини олиш мураккаброқ, лекин бу нурланиш электромагнит тўлқин диапозонининг кўзга кўринадиган диапазонида бўлгани ва фото қабулқилгич қурилмасининг энг катта сезгирлик соҳасида ётгани учун неон лазерлари кўп ишлаб чиқарилади ва халқ хўжалигининг турли соҳаларида ишлатилади. Нурланиш чизиғи энининг кенглигини қ у йидаги уч жараён белгилай-ди. 1. Тўқнашувлар. Гелий-неон лазерларидаги газ аралаш-масининг босими P  66 Па ва температураси хона температурасига тенг бўлганда зарраларнинг тўқнашиш даври  0  0,5  10 -6 с бўлиб, нурланиш чизиғи энининг кенглиги  т  с 2 1  0,64 МГц (118) бўлади. 2. Т абий кенгайиш . Бу ҳолда нурланиш чизиғи энининг кенгайиши зарранинг спонтан нурланишига боғлиқ бўлиб, унинг кенглиги  таб  сn 2 1  19 МГц (119) бўлади. Бу ерда  cn -1   s -1   p -1  s ,  р электроннинг мос равишда S ва P сатҳларда яшаш вақтлари. 3. Д оплер кенгайиши . Зарраларнинг иссиқлик ҳаракатидаги тезликлари билан боғлиқ бўлган нурланиш чизиғи энининг кенгайиши Кельвин шкаласи бўйича 300К учун мос равишда:  д  1700 МГц (  1  0,63 мкм);  д  800 МГц (  2  1,15 мкм); (120)  д  300 Мгц (  3  3,39 мкм). Шундай қилиб, гелий-неон лазери нурланиши учун Допплер кенгайиши асосий кенгайиш бўлади.

Гелий-неон лазерида инверс бандликнинг ҳосил бўлиши ва унинг релаксацияси (яъни бузилиши) мураккаб жараён бўлгани учун оптимал ишчи параметрларга эга бўлади: 1. Неон газининг оптимал (13 Па) босими ва гелий атомлари концентрациясининг неон атомлари концентрациясига нисбати: Гелий атомлари концентрацияси неон атомлари концентра-циясидан кўп бўлиши керак. Тажрибалардан топилган оптимал нисбат разряд найи диаметрига боғлиқ бўлиб, лазер нурланишининг қуввати максимал бўлиши учун 5:1 дан 10:1 нисбатгача бўлади. Катта қийматли нисбатлар кичик диаметрли разряд найига мансуб. Неон газининг оптимал босими бўлиши, газ концентрациясининг ортиши натижасида неон атомининг пастки энергетик сатҳларини зинопоя усулида тўлдирилиши сабаб бўлиши мумкин. 2. Разряд найининг оптимал диаметри. Разряд найининг деворларида неон атоми 1S сатҳдаги энергиясини бериб асосий сатҳга тушади ва шунинг учун разряд найининг диаметрини кичрайтириш зарур. Бошқа томондан разряд найининг диаметрини кичрайтириш нурланиш тарқалишида дифракцион йўқотишларнинг ортиб кетишига олиб келади. Шунинг учун тажрибада разряд найининг диаметри газ босимига қараб 1-5 мм атрофида олинади. Тажрибалардан гелий-неон лазери учун қ у йидаги Р  d  const “ўхшашлик" қонуни топилган. Бу ерда Р– газ аралашмасининг йиғинди босими; d –найининг диаметри. Ўхшашлик қонунининг маъноси шундан иборатки турли диаметрли разряд найи учун газ аралашмасининг шундай босимини олиш мумкинки, бу ҳолда лазер нурланишининг солиштирма характеристикалари бир хил бўлади. Тажрибалар натижасида газ аралашмаси босимини разряд найи диаметрига бўлган кўпайтмасининг оптимал қиймати, гелий-неон лазерларида 0 , 44-0 , 53 мПа оралиғида бўлиши топилган.

3. Разряд токининг оптимал зичлиги. Разряд токи зичлигининг оптималлаштиришнинг сабаби, бу неон атомининг пастки энергетик сатҳларини электронлар билан тўлдирилишидир. Бу жараён инверс бандликни пасайишига ва натижада генерациянинг йўқолишига олиб келади. Лазер нурланишининг қуввати разряд токининг кичик қийматларида унга чизиқли равишда боғланган, токининг маълум бир қийматида нурланиш қуввати максимумга эришади, сўнгра разряд токи қиймати ошиши билан пасайиб кетади. Саноатда ишлаб чиқилган гелий-неон лазерларда разряд найининг узунлигига қараб, электр токининг оптимал қиймати 5-50 мА атрофида бўлади. Тўлқин узунликлари 0,63 ва 3,39 мкм бўлган нурланишли ўтишлар учун 3S юқориги ишчи сатҳ бўлса, тўлқин узунликлари 0,63 ва 1,15 мкм бўлган нурланишли ўтишлар учун 2p умумий пастки сатҳ бўлиб хизмат қилади. Бир вақтнинг ўзида бу жуфт нурланишларининг рўй бериши неон атомларининг энергетик сатҳларда тақсимотининг бузилишига олиб келади ва инверс бандликни камайтиради. Бу ҳодиса ўтишларнинг конкуренцияси дейилади. Амалиётда буларни йўқотиш учун қуйидаги усуллар ишлатилади: 1.Энергетик сатҳларнинг магнит майдон таъсирида ажралиши (Зееман эффекти). Ҳар бир спектрал чизиқ иккиланади. Ажралган компоненталар қарама-қарши йўналишли доиравий қутбланишга эга. Тўлқин узунлиги 3,39 мкм бўлган нурланиш учун сатҳларнинг ажралиши катта бўлса, 0,63 мкм тўлқин узунликли нурланиш учун кичик бўлади. Шунинг учун 3,39 мкм нурланиш Брюстер бурчаги остидаги қўйилган шиша ойналарда кўпроқ ютилади ва тўлқин узунликда генерация бўлмайди; 2. Оптик резонаторларни тайёрлашда 3,39 мкм тўлқин узунликдаги нурланишни кўпроқ ютувчи моддалардан (С–52–2; ЛК–4 ва шунга ўхшаш шишалардан) ясалади; 3. Оптик резонатор ичида 3,39 мкм тўлқин узунликли нурланишни кўпроқ ютувчи метал гази тўлдирилган ғовак идиш жойлаштирилади.

Ионли аргон лазери Ионли лазерларда когерент нурланиш олишда ғалаён-лантирилган ионлардаги энергетик сатҳлар орасида ионларнинг мажбурий ўтишлардан фойдаланилади. Ионли лазерлар ичида энг кўп ишлатиладигани аргонли лазердир. Бу лазерда кўплаб спектрал чизиқларда когерент нурланиш олинган. Аргон лазернинг асосий қуввати 0,488 ва 0,514 мкм тўлқин узунликларда жамланган. Аргон лазернинг ишлаш тамойилини кўриш учун аргон ионининг энергетик сатҳларининг соддалаштирилган (18-расм) диаграммасидан фойдала-намиз. Аргон лазерида инверс бандлик ва ундаги мажбурий когерент нурланишлар аргон ионининг 3р 4 4р ва 3р 4 4 S сатҳлар орасидаги ўтишларида олинади. Юқори лазер 3р 4 4р сатҳни электронлар билан тўлдирилиши, яъни сатҳни ғалаёнтирилиши зинапоя усулида ҳосил қилинади. Аввал газ разрядидаги эркин электронлар аргон атомини ионлаштиради, ундан сўнг аргон ионидаги электронлар билан тўқнашиб, уларни 3р 4 4р юқори лазер сатҳига чиқарилади. Бу жараён қуйидаги Ar  e  Ar  (3p 5 )  2e Ar  (3p 5 )  e  Ar  (3p 4 4p)  e (121) тенглама билан ифодаланади. Электронларнинг юқори, (3р 4 4р) лазер сатҳида яшаш вақти  10 -8 с бўлиб, бу вақт қуйи (3р 4 4S) лазер сатҳида электронларнинг яшаш(   10 -9 ) вақтидан 10 марта катта. Шу сабабга кўра инверс бандлик ва мажбурий ўтишлар орқали когерент нурланиш олиш имконини беради. Ушбу жараёнлар газ разрядидаги электронларнинг катта концентрациясида рўй

беради. Бунинг учун ёй разрядидан фойдаланилади разряд найида электр токининг зичлиги  100А  см 2 гача ётиши мумкин). Аргон лазер қурилмасининг конструкцияси 19-расмда келтирилган. Фаол элемент керамик капиллярдан ташкил топган. 18-расм. Аргон иони энергетик сатҳларининг соддалаштирил ган диаграммаси. Разряд найига анод ва катод электродлар жойлаштирилган. Бу электродлар орасига катта ток ҳосил қила оладиган доимий электр кучланиши берилади. Разряд найининг четлари Брюстер бурчаги остида ўрнатилган кварц шиша ойналар билан беркитилган. Разряд найида ёй разряд ҳосил қилингани учун унда катта иссиқлик ажралиб чиқади. Шунинг учун разряд найи сув билан совитилиб турилиши шарт. Разряддаги электронлар концентрациясини орттириш, шу орқали лазер нурланиши қувватини орттириш учун разряд найи ўқи бўйлаб жойлашган магнит майдонини ҳосил қилинади. Лазернинг оптик резанаторини ўзаро параллел ва разряд найи ўқига кўндаланг жойлашган 5 ҳамда 7 кўзгулар ҳосил қилади.

Разряд найининг ичида анод ва катод оралиғига қўйилган доимий кучланиш натижасида катод томон ҳаракатланаётган мусбат ионлар оқими аргон газини катодли қисмига силжитади ва бунинг натижасида, газ босимининг фарқини йўқотиш учун разряд найининг анодли қисмини катодли қисми билан туташтирувчи узунлиги разряд найи узунлигидан бир неча бор катта бўлган ингичка шиша най уланади. 19-расм. Ионли аргон лазерининг тузилиши. 1-капилляр разряд найи, 2-доимий магнит, 3-анод 4 ва 8-чиқиш ойналари, 5 ва 7-резонатор кўзгулари, 6-айланма най, 9-катод. Аргон лазерлари узлуксиз ва импульсли ҳолатларда ишлаши мумкин. Импульсли ҳолатда нурланиш олиш учун анод ва катод оралиғига импульсли кучланиш берилади. Саноат миқёсида халқ хўжалиги учун ишлаб чиқилган аргон лазерининг максимал қуввати узлуксиз иш ҳолатида 20Вт ни ташкил этади. Аргон лазерлар микроэлектроника соҳасида, медицинада ва илмий тадқиқот ишларида фойдаланилади. СО 2 лазери Халқ хўжалигини кўплаб соҳаларида турли хил лазерлар ишлатилмоқда. Шу лазер турларидан бири бу карбонат ангидрид (СО 2 ) газида ишловчи ва

ўрта инфрақизил (10,6 мкм тўлқин узун-ликли) диапазонда нурланиш берувчи лазердир. Унинг узлуксиз иш режимдаги когерент нурланиш қуввати юзлаб киловаттга етиши мумкин ва техниканинг турли соҳаларида ишлатилишининг имкониятлари жуда ҳам катта молекуланинг энергетик сатҳлари электронларнинг молекуладаги ҳолатидан ташқари молекуланинг тебранма ва айланма ҳаракатларига ҳам боғ-лиқ бўлганлиги учун молекуляр газларнинг нурланиши м олекуланинг электрон энергетик сатҳида бир- биридан тенг оралиқда жойлашган бир қанча тебранма энергетик сатҳлар, ва ўз навбатида ҳар бир тебранма сатҳда эса қатор айланма энергетик сатҳлар жойлашган бўлади (20-расм). Тарихан биринчи молекуляр газли лазерларда икки атомли молекуланинг электрон сатҳлари орасидаги ўтишларда когерент нурланиш олинган (21-расм). Молекуланинг бирор «юқори» тебранма–айланма энергетик ҳолатидан «қ у йи» тебранма-айланма энергетик ҳолатига ўтишда когерент нурланиш олиш учун биринчидан «юқори» энергетик сатҳдаги молекулалар сони «қ у йи» энергетик сатҳдаги молекулалар сонидан катта бўлиши ва иккинчидан квант танлов шарти бажарилиб, айланма ҳаракат моменти фақат  h  2  га (бу ерда h -Планк доимийси бўлиб, қиймати 6,62  10 -34 Ж  с) ўзгариши керак. Икки тебранма-айланма энергетик ҳолатлардаги ўтишлар натижасидаги молекулаларнинг нурланиш спектрида тебранма- айланма нурланиш йўлкалари ҳосил бўлади. Узунроқ тўлқин узунлик томонли нурланиш чизиқлари  h  2  шартни қаноат-лантирувчи молекула ҳаракат моментининг ўзгаришга мос келади ва  Р-шо х ча  ни ҳосил қилинади. Қисқароқ тўлқин томонли нурланиш чизиқлари молекула ҳаракат миқдорининг-h  2  га ўзгаришини қаноатлантиради ва  R-шохча  нурланиш тўпламини ҳосил қилади. Шундай тебранма-айланма энергетик ҳолатлардаги ўтишлар, инфрақизил соҳада нурланиш ҳосил қилиб, барча кўп қувватли молекуляр

лазерлардаги жараёнларнинг асосини ташкил этади. Биринчи эркинлик даражаси молекула атомларининг, молекула ўқи бўйлаб симметрик тебранишга боғлиқ ва  1 деб белгиланади. Иккинчиси ҳам симметрик тебранишга боғлиқ. Фақат бу ҳолда СО 2 молекуласи ўз ўқига нисбатан кўндаланг йўналишдаги тебраниш-ларини ҳосил қилиб, уни деформацияли тебранишлар дейилади ва  2 е деб белгиланади. ва ниҳоят молекула ўқи бўйлаб носимметрик тебраниш бўлиб, у  3 деб белгиланади. Содда ҳолда, бу уч хил тебранишлар бир-биридан мустақил деб олиниши мумкин. Шунинг учун молекуланинг тебранма ҳаракатига боғлиқ ҳолатлари учта квант рақамлар билан белгиланиши мумкин ва улар мос равишда  1,  2 е ,  3 -лар билан белгиланади. Бу квант рақамлар маълум бир тебраниш ҳолатига мос келувчи квантлар сонини ва ушбу е-белги деформацияли тебранишларни қутбланганлигини билдиради. СО 2 молекуласининг ва инверсия учун муҳим бўлган N 2 -молекуласининг қуйи энергетик сатҳларининг белгиланиши 21-расмда келтирилган. Тўлқин узунликлари 10,6 ва 9,6 мкм бўлган когерент нурланиш генерацияси СО 2 молекулаларининг мос равишда юқори 00 0 1 сатҳидан 10 0 0 (   10,6 мкм) ёки 02 0 0 (   9,6 мкм) сатҳларга мажбурий нурланиш бериб ўтишда ҳосил бўлади. Нурланиш генерацияси оптимал бўлиши учун СО 2 газига азот ва гелий қўшилади. Инверсия ҳосил бўлишини 21-расмдаги соддалаштирилган энергетик сатҳлар ва асосий элементар жараёнлар орқали тушин-тириш мумкин. СО 2 молекуласининг юқори 00 0 1 сатҳи СО 2 молекулалари билан қуйидаги икки жараён орқали эффектив равишда тўлдирилиш мумкин: 1)СО 2 -молекуласи газ разрядидаги энергияси етарли бўлган эркин электронлар билан тўқнашганда 00 0 0 сатҳдан 00 0 1 сатҳга ўтади, яъни е  СО 2 (00 0 0)  е  СО 2 (00 0 1) (122)

Бу жараённи вужудга келтирувчи тўқнашув кесимининг қиймати жуда катта. 2) Азот молекуласидан СО 2 молекуласига резонанс равишда энергиянинг узатилиши. Азот молекуласининг тебранма сатҳлари СО 2 молекуласининг носимметрик тебранма энергетик сатҳлари билан мос тушади ва шунинг учун юқори энергетик сатҳларда жойлашган азот молекулалари ўз энергияларини СО 2 молекулаларига узатади. Азот молекуласининг тебранма энергетик сатҳлардаги ҳолати метастабил ҳолат бўлиб, унинг бу ҳолатларда яшаш вақти бир неча секундлар бўлади. Азот молекуласи газли разряддаги эркин электронлар билан тўқнашганда юқори сатҳларга ўтказилади ва бу жараённинг кесими ҳам катта бўлиб, газ разряддаги эркин электрон-ларнинг 50  гача энергиясини ўзига олиши мумкин. СО 2 молекула-сининг қуйи 10 0 0 сатҳидан тушиб кетиши, қўзғатилмаган, яъни 00 0 0 сатҳда жойлашган молекула билан тўқнашиб, 01 0 0 сатҳда икки молекула ҳосил бўлиши билан рўй беради. Ўз навбатида 01 0 0 сатҳда жойлашган СО 2 молекуласи ўз энергиясини ишчи газ аралашмасига киритилган гелий атомларга тўқнашиб узатади ва 00 0 0 сатҳга тушади. Гелий атоми юқори ионизацияли потенциалга эга бўлиб, разряддаги эркин электронларнинг ўртача энергиясини кўтариши билан бир қаторда, иссиқликни яхши ўтказувчанлиги учун газ аралашмасини совутишга ёрдам беради. СО 2 –молекуласининг асосий 00 0 0 сатҳи билан қўйи 01 0 0 лазер сатҳлари орасидаги энергия фарқи кичик бўлганлиги сабабли газ аралашмасини совутиб туриш керак. Ишчи газ аралашмасининг температураси 700-800К дан ошмаслиги керак. Шунинг учун газ разрядига киритилаётган электр қувватининг миқдори (иссиқлик) чегараланган бўлади ва лазер нурланиш қуввати ҳам чегараланган бўлади. Газ аралашмасининг совуши қўзғатилган молекулаларнинг разряд найи девори томон диффузияси ва ўз навбатида тўқнашувларда энергиясини бериш билан рўй беради. Шунинг учун ҳам разряд найи диаметрини жуда ҳам катталаштириб бўлмайди. Одатда газ молекулаларининг диффузияси ҳисобига совувчи

лазерларда разряд найининг диаметри 10см дан ошмайди. Молекуляр лазерлардаги газли разряд хусусияти  ўхшаш  лик қонунига бўйсунади ва берк ҳажмли ҳолатда ишловчи СО 2 -лазери учун Р  d кўпайтма 530 Па. см га тенг деб олиниши мумкин (бу ерда Р-СО 2 газининг парциал босими, d - найининг ички диамери). Берк ҳажмли ва диффузия асосида совутилувчи СО 2 – лазерининг бирлик ҳажмидан олинадиган нурланишнинг максимал қуввати қуйидаги W б.ҳ.   т N м  (   d 2 ) (123) ифода билан аниқланиши мумкин.

20-расм. Молекуланинг электрон, тебранма ва айланма ҳаракат энергетик сатҳлари ва уларда жойлашган заррачалар- нинг когерент нурланиш бериб ўтишларининг диаг - раммаси.

21-расм. СО 2 ва N 2 молекулаларининг қуйи тебранма энегетик сатҳлари ва улардаги лазер нурланишли ўтишлар. Бу ерда  т , N м ва  лар мос равишда СО 2 молекуласининг иссиқлик ҳаракатидаги тезлиги, концентрацияси ва эркин югуриш йўли; d -разряд найининг ички диаметри. Бу ҳолда фаол муҳитнинг бирлик узунлигидан олинадиган қувват қуйидаги W ( e )  С  N м   (124) ифода билан аниқланади ва у d га боғлиқ эмас (С-ўзгармас каталик). N м    const бўлгани учун W ( e ) катталик ҳам босимга боғлиқ эмас ва доимий қийматга (тахминан 50 Вт  м) эга. Юқори частота кўндаланг разрядли СО 2 лазерининг схематик чизмаси 22-расмда кўрсатилган. Расмдан кўриниб турибдики СО 2 лазери четлари Брюстер бурчаги остида NaCl шишаси 5 билан ёпилган ва ёнида цилиндрик кўринишга эга 2 ҳажмдан ва асосий разряд 1 найидан, ҳамда оптик резонатор вазифасини бажарувчи мос ҳолда сферик 3 ва ясси 4 кўзгулардан иборат. Разряд найининг ички диаметри 6 мм ва узунлиги 300 мм. Разряд найида юқори частотали разряд ҳосил қилиш ва ундаги газ аралашмасини совутиб

туриш учун мис найли 6 электродлар жойлаштирил ган . Бу мис найчадан совуқ сув уни совутиб туради. Ўз навбатида мис найлар разряд найини ҳамда унинг ичидаги газ аралашмасини совутади. Вакуум қурилма (В Қ ) разряд найи ичидаги газ аралашмасини сўриб олиб, унинг ичига керак нисбатда ва босимда газ аралашмаси киритиш имконини беради. Юқори частотали разряд ҳосил қилиш учун ташқи мис электродларга ЮЧ генератордан 8 ЮЧ кучланиш берилади. ЮЧ тебраниш частотаси 80 МГц ва қуввати эса 150 Вт гача етиши мумкин. Оптик резонатор акс эттириш коэффициенти 100  бўлган алюминийли 3 сферик ва ўтказиш коэффициенти 7  диэлектрикли қатламга эга бўлган германийли ясси 4 кўзгулардан иборат. Разряд найи ичига ишчи газ аралашмаси киритилиб, унда ЮЧ кучланиш ёрдамида разряд ҳосил қилинса, фаол муҳитда инверс бандлик вужудга келади ва СО 2 молекуласининг 00 0 1 сатҳга ўтишда тўлқин узунлиги 10,6 ёки 9,6 мкм бўлган нурланиш ҳосил бўлиб, у кўзгулар оралиғида тебрана бошлайди, ҳамда бир қисми ясси кўзгу томонидан фойдали нурланиш сифатида чиқади. 22-расм. СО 2 лазерининг конструкцияси. Унинг тавсиф ва параметрларини ўлчаш қурилмасининг схематик чизмаси. 1-разряд найи, 2- NaCl шишаси, 3-қўшимча ҳажм, 4 ва 5-сферик ва ясси кўзгулар, 6-мис найли

ЮЧ-электродлар, 7-ЮЧ осциллограф, 8-ЮЧ генератор, 9-Паст частотали генератор.

Фойдаланилган адабиётлар рўйҳати: 1. Карлов Н. В. Лекции по квантовой электронике. М.: Наука, 1988. 2. Звельто О. Принципы лазеров. М.: Мир, 1990. 3. Крылов К. И. и др. Основы лазерной техники. Л.: Машиностроение, 1990. 4. Турсунов А. Т., Тухлибоев О. Квант электроникасига кириш. Т.: Ўқитувчи, 1992. 5. Тарасов Л. В. Физические основы квантовой электроники. М.: Советское радио, 1976. 6. Рябов С. Г. и др. Приборы квантовой электроники. М.: Советское радио, 1976. 7. Справочник по лазерам, в двух томах (Под редакцией А. М. Прохорова). М.: Советское радио, 1978.

Похожие

Шахсий компьютернинг асосий курилмалари ва ишлаш тамойиллари

Хароратни улчаш. Термометрларнинг турлари, уларни тузилиши ва ишлаш принципилар

Хисоблаш тизимларини ностационар ишлаш режимлари

Йиғма модел устида жамоавий ишлаш

Архивлаштириш дастурлари. Архивланган файллар билан ишлаш