Kutubxonani bibliografik axborotlashtirish - Литература - Рефераты

Kutubxonani bibliografik axborotlashtirish

Загружено в:

20.09.2019

Скачано:

0

Размер:

17.4697265625 KB

Kutubxonani bibliografik axborotlashtirish Reja: 1. Bibliografik axborotlashtirish haqida tushuncha 2. Guruhli bibliografik axborotlashtirish 3. Yakka tartibda bibliografik axborot berish

Bibliografik axborotlashtirish haqida tushuncha Bibliografik axborotlashtirish iste’molchilarni bibliografik axborot bilan muntazam va ba’zan epizodik holda ta’minlash va axborot talabgorlarining doimiy axborotga bo‘lgan ehtiyojlarini qondirishdir. Uning maqsadi— ma’lum bir vaqt mobaynida yoki muntazam ravishda kitobxonlarni qiziqtirgan mavzular, masalalar, muammolar bo‘yicha nashr etilayotgan eng yangi adabiyotlar, kutubxona fondiga kelib tushayotgan adabiyotlar, shuningdek, aynan shu kutubxonada yoki axborot- resurs markazlarida mavjud yangi hujjatlar bilan tanishtirib borish. Bu ish turli kutubxonalarda turlicha olib boriladi. Ayrimlarida, asosan, ommaviy ishlar olib borilsa, ayrimlarida guruhli axborotlashtirishga asosiy o‘rin beriladi. Bu shu kutubxona imkoniyatlaridan, xodimlarning malakasidan, kitobxonlar xususiyatlaridan kelib chiqib belgilanadi. Quyida bibliografik axborotlashtirishning turlari bilan yaqindan tanishamiz. Ommaviy bibliografik axborotlashtirish Ommaviy bibliografik axborotlashtirish axborot talabgorlarining keng qatlamini ijtimoiy muhim mavzularga oid ma’lumotlar bilan xabardor qilishdir. Uning maqsadi—umumiy bilim olishga va mustaqil bilim olishga ta’sir etish. Ommaviy bibliografik axborotlashtirish mazmuniga ko‘ra universal xarakterga va umumta’lim yo‘nalishiga ega. U kutubxona tashabbusi bilan mustaqil yoki boshqa tashkilotlar bilan birgalikda o‘tkaziladi. Masalan, axborotresurs markazlari, ommaviy axborot vositalari, maktablar, turli tashkilot va muassasalar bilan hamkorlikda. Uning shakllari: yangiliklar kartotekasi; yangi adabiyotlar bulleteni; yangi kitoblar, vaqtli matbuot nashrlari va boshqa hujjatlar ko‘rgazmasi; yangi adabiyotlarning ko‘riklari va yangi kitob kunlari; yangi adabiyotlarning og‘zaki bibliografik sharhlari; yangi kitoblarga bag‘ishlangan plakatlar va xatcho‘plar; axborot kunlari va boshqalar. Bunday tadbirlar an’anaviy bo‘lishi bilan birga avtomatlashgan usulda ham olib boriladi. Bunda, albatta, elektron kataloglar va ma’lumotlar bazasi muhim o‘rin tutadi. Axborot-resurs markazlarida, kitob savdosi tashkilotlarida iste’molchilarni muntazam yangi hujjatlar bilan tanishtirib borish maqsadida yangi adabiyotlar

ko‘rgazmalari va ochiq ko‘riklari o‘tkazib turiladi. Ko‘rikko‘rgazmalar doimiy bo‘lishi bilan birga, undagi hujjatlar muntazam yangilanib turiladi. Og‘zaki bibliografik sharhlar ham mustaqil yoki boshqa tadbirlarga, masalan, yangi adabiyotlar ko‘rgazmasiga qo‘shimcha tadbir sifatida qo‘llaniladi. Sharhda qiziqarli yangi hujjatlar haqida keng axborot beriladi. Axborot kunlari bibliografik axborotlashtirishning kompleks usuli bo‘lib, kitobxonlar guruhining bir xil toifasiga mo‘ljallangan. Axborot kunlarida ma’lum bir vaqt mobaynida kutubxona fondiga kelib tushgan barcha yangi adabiyotlar, vaqtli matbuot nashrlari, elektron hujjatlar namoyish etiladi. Bu tadbir ichida ko‘rikko‘rgazmalar, og‘zaki bibliografik sharh, suhbat va maslahatlar, axborot bulletenlari qo‘llaniladi. Guruhli bibliografik axborotlashtirish Guruhli bibliografik axborotlashtirish — axborotga bo‘lgan ehtiyojga ko‘ra bir guruhni tashkil etadigan kitobxonlarni bibliografik axborot bilan muntazam ta’minlab borish. Ommaviy kutubxonalarda tadbirkorlar, ijtimoiy soha vakillari, tashkilot va muassasa rahbarlari, tabiatshunoslar, ekologlar va boshqa guruhlar. Guruhli bibliografik axborotlashtirish vaqtiga ko‘ra doimiy yoki vaqtinchalik bo‘ladi, mazmuniga ko‘ra tarmoqlararo, mavzuli, muammoli-mavzuli bo‘ladi. U kundalik yoki retrospektiv xarakterga ega. Anketa o‘tkazish, suhbatlar olib borish, talablar yig‘ish orqali muntazam ravishda aniq kitobxonlar guruhining axborotga bo‘lgan ehtiyoji yig‘ilib, tahlil qilib, o‘rganib boriladi. So‘ng uni o‘tkazish vaqti, axborot bilan ta’minlash tartibi belgilanadi: ketma-ketligi, kuni, vaqti va boshqalar. Guruhli bibliografik axborotlashtirishning turli shakllari mavjud: yangi hujjatlarning tarmoq va mavzuli ro‘yxatlari, mavzuli yoki kompleks ko‘rgazmalar, mavzuli bibliografik sharhlar, axborot stendlari, mavzuli papkalar, mutaxassis kunlari, axborot xizmati yoymalari va boshqalar. Mavzuli ko‘rgazmalar yoki ko‘riklar retrospektiv xarakterga ega bo‘ladi. Ko‘chma ko‘rgazmalar qaysi tashkilotda tashkil etilsa, o‘sha joy rahbariyati bilan tuzilgan shartnoma asosida amalga oshadi. Og‘zaki bibliografik sharhlar ham alohida olingan kitobxonlar guruhi uchun o‘tkaziladi va muhim ahamiyatga ega. Uni ko‘rik-ko‘rgazmalar vaqtida o‘tkazish yaxshi samara beradi, uning matnini

saqlab qolib, boshqa kutubxonalarga foydalanish uchun berish ham mumkin. Boshqa kutubxonalar fondidan, internet orqali yoki elektron ma’lumotlar bazasidan olingan axborot hujjatlari asosida mavzuli papkalar, axborot-bibliografik to‘plamlar, o‘lkashunoslik mavzusidagi to‘plamlar tashkil etiladi. Mavzuli axborot kunlari ham guruhli axborot berishda katta ahamiyatga ega va qiziqarli tadbir hisoblanadi. Uning maqsadi — mavzuga oid keng qamrovli adabiyotlarni namoyish etish, ular haqida ma’lumot berish va targ‘ib qilish. Mutaxassis kunlari avvaldan tayyorlangan reja asosida olib boriladi. Asosiy vazifa mutaxassislarni eng yangi zamonaviy axborot va kutubxonachilikbibliografik resurslar bilan tanishtirishdir. Mutaxassis kunlari dasturida tadbir haqida qisqacha so‘z, mutaxassis ma’ruzasi, maxsus adabiyotlar sharhi, yangi ilg‘or tajribalar haqida fikr almashish, tajriba almashish, ko‘rgazma, maqolalar muhokamasi, axborot qidiruvi haqida maslahat va boshqa tadbirlar aks etadi. Zamon talabidan kelib chiqqan holda axborot resurs markazlari, kutubxonalar mahalliy o‘zini o‘zi boshqarish tashkilotlariga, mahalla qo‘mitalariga, xotin-qizlar bo‘limlariga, sog‘lom avlod, oila jamiyatlariga ularning ish faoliyatida zarur tadbirlar uchun axborot xizmat ko‘rsatish bilan shug‘ullanadilar. Yakka tartibda bibliografik axborot berish Yakka tartibda bibliografik axborot berish aniq bir kitobxon, axborot talabgorining doimiy qiziqishiga ko‘ra bibliografik axborot bilan ta’minlashdir. Ayniqsa, mahalliy o‘zini o‘zi boshqarish rahbarlari, tashkilot va muassasalarning rahbarlari, madaniyat va san’at xodimlari, sog‘liqni saqlash va maorif xodimlari, tadbirkorlar uchun alohida yakka tartibda bibliografik axborot xizmati tashkil etiladi. Bu axborot xizmati qat’iy va muntazam tor, aniq mavzular asosida olib boriladi. Yakka tartibda bibliografik axborotlashtirishning shakllari: og‘zaki xabar berish (yuzmayuz yoki telefon orqali), to‘plam yoki papka tayyorlash, faks yoki elektron pochta orqali ma’lumot jo‘natish. Yakka tartibda axborot berish obyektlari ko‘p bo‘lmaydi. Ular tanlab olinadi. Ularni bibliografik xizmat ko‘rsatish bo‘limi xodimlari suhbat davomida, anketa o‘tkazish yo‘li bilan, bir, yarim yil mobaynida ishlash jarayonida aniqlab, ajratib

oladilar. Axborot tezkorlik, dolzarblik va hozirjavoblik xususiyatiga ega bo‘lishi shart. Ba’zida axborot maxsus qog‘ozlarda yoki kartochkalarda jo‘natiladi. Unda hujjatning bibliografik tavsifi, qisqacha annotatsiya yoki sharh beriladi. Bular to‘planib, maxsus kartoteka shakllanadi. Muntazam ravishda abonentdan xizmatning darajasi haqida fikr yig‘ib borish lozim. Yakka tartibda axborot xizmati ko‘rsatishning ta’sirli shakli axborotni tanlab tarqatish (ATT) va rahbarlarga differensial xizmat ko‘rsatishdan iborat. Bu, asosan, rahbar xodimlar uchun qo‘llaniladi, uni an’anaviy shaklda ham, avtomatlashgan shaklda ham amalga oshirish mumkin. Bibliografik axborotlashtirish sohasida olib boriladigan ishlar ham boshqa faoliyat turlari kabi kutubxonaning ish rejasida ko‘rsatiladi. Kutubxonada, albatta, bibliografik axborotlashtirishga yordam beruvchi ma’lumot apparati — abonentlar kartotekasi va yig‘ma yoki xizmat kartotekasi tuziladi. Abonentlar kartotekasida quyidagi bo‘limlar bo‘lishi kerak: —yakka bibliografik axborotlashtirish abonentlari—familiyalar alifbo tartibida joylashtiriladi; — guruhli bibliografik axborotlashtirish abonentlari — tashkilot va muassasalarning nomlari alifbo tartibida, ichida abonentlarning familiyasi alifbo tartibida joylashtiriladi; —yakka bibliografik axborot uchun mavzular alifbo tartibida; —guruhli bibliografik axborot uchun mavzular alifbo tartibida. Bibliograf olib boradigan yig‘ma kartotekada quyidagi bo‘limlar tashkil etiladi: abonentlar (yakka, guruhli va ommaviy axborot abonentlari alohida ko‘rsatiladi); mavzular (doimiy mavzularning alifbo tartibida). Bibliograf kartotekada doimiy so‘roqlarni alohida belgilab boradi, boshqa tashkilotlar, OAV bilan hamkorlikda faoliyat yuritishda zarur manba hisoblanadi. Ish hisobi maxsus daftarda olib boriladi. Uning ko‘rinishi, bo‘limlari kutubxonada belgilangan tartibda yuritiladi.

Foydalanilgan adabiyotlar 1. Karimov I. A. Barkamol avlod — O‘zbekiston taraqqiyotining poydevori. 1997. 2. Karimov I.A. Ozod va obod Vatan, erkin va farovon hayot— pirovard maqsadimiz. Asarlar . - „ O ‘ zbekiston“, 2000. 3. Karimov I. A. Xavfsizlik va tinchlik uchun kurashmoq kerak. — 10- jild. O’. „O‘zbekiston“, 2000. 4. Milliy istiqlol g‘oyasi. — O’. „O‘zbekiston“, 2001. 5. Kadrlar tayyorlash Milliy dasturi // Barkamol avlod — O‘zbekiston taraqqiyotining poydevori. — O’. 1987. 6. Axborotlashtirish to‘g‘risida O‘zbekiston Respublikasi Qonuni: 1993- yil 7- mayda qabul qilingan // „Xalq so‘zi“, 1993. 7. O‘zbekiston Respublikasi Vazirlar Mahkamasining 2002- yil 12apreldagi 123- sonli „Alisher Navoiy nomli O‘zbekiston Milliy kutubxonasini tashkil etish to‘g‘risida“gi qarori // „Xalq so‘zi“. 2002. 8. Respublika aholisini axborot-kutubxona bilan ta’minlashni tashkiletish to‘g‘risida O‘zbekiston Prezidenti qarori // „Xalq so‘zi“, 2006. 9. Mamatraimova H. Bibliografiya // O‘zbekiston Milliy ensiklopediyasi. 2-jild. 2001. 10. Mamatraimova H. Bibliografiyashunoslik// o‘sha joyda. 11. Mamatraimova H. Davlat bibliografiyasi//o‘sha joyda.—3- jild

Похожие

Xalqaro bibliografik formatlar

Kutubxonalarning bibliografik ishi

Maxsus bibliografik qo‘llanmalar

Nashriyot va kitob savdosida bibliografik qo‘llanmalar

Og‘zaki bibliografik obzorlarni tayyorlash va o‘tkazish