Oydin tundagi yoki quyoshning botish chog‘idagi daraxtni tasvirlash 5 - sinf - Изобразительное искусство - Учебники (по школьные предметы)

Oydin tundagi yoki quyoshning botish chog‘idagi daraxtni tasvirlash 5 - sinf

Загружено в:

20.05.2022

Скачано:

0

Размер:

1469 KB

5-sinf tasviriy san’at darsligi asosida 7-mavzu:

Shamolsiz, tinch issiq tun. Atrof jimjit. Osmonda to‘lin oy nur sochib, butkul dalaga yorug‘lik berib turibdi. Suv yuzasida oyning shu’lasi ko‘lni ko‘kish, sariq, oltin rangga bo‘yab, jilvalanib turibdi.

Daraxtlar bir-biri bilan asta pichirlashib, uyquli tunning tinchligiga quloq solgandek. Endi, shu ko‘rinishni qog‘ozda tasvirlashga o‘tsak.

Buning uchun suratning asosiy tasvir yechimini topish lozim. Tasviriy san’at tilida tabiat manzarasini tasvirlash degani – ko‘l, oy, daraxtzor – bularning hammasi bir butun ko‘rinishni tashkil qiladi.

Tabiatning go‘zal manzarasini tasvirlash naqadar qiyin ekanligiga qaramay, rassom o‘z ﬁkrini bizga mohirlik bilan yetkaza olgan. Bulut orasidan chiqqan oy suv yuzasiga yorug‘ shu’la sochib, qirg‘oqlar qizil-qo‘ng‘ir rangga bo‘yalib, oldingi ko‘rinishdagi daraxtlar quyuq bo‘yoqlar bilan bo‘yalgan.

Barchasi o‘z o‘rnini topib, havo, bo‘shliq, makon alohida e’tibor bilan ko‘rsatilgan. Suratni guash yoki akvarel bo‘yoqlari bilan tasvirlash hamda ular bilan tabiat manzarasini go‘zal va mazmunli qilib chizish mumkin.

O‘zbekistonda xizmat ko‘rsatgan murabbiy, taniqli rangtasvir ustasi G‘ofur Abdurahmonovning o‘zbek rassomchiligi rivojiga qo‘shgan hissasi katta.

U Toshkent tumani Keles qishlog‘ida dunyoga kelgan. 1955-yili P. Benkov nomidagi badiiy bilim yurtini tugatgan.

U yerda M. Nabiyev, H. Rahmonov, T. Oganesov kabi ustozlardan saboq olgan. So‘ngra, Toshkent Teatr va rassomchilik institutini professor R. Ahmedov ustaxonasi bo‘yicha tamomlagan.

G‘. Abdurahmonov rangtasvir san’atida barakali ijod qildi. Uning asarlaridagi xarakterli xususiyat shundaki, u naturaning cheksiz imkoniyatlarini to‘la egallashga intildi. Rassom ijodida etudlar alohida o‘rin tutadi.

Tabiatda kechayotgan jarayonlar, tuslanish va o‘zgarishlar, bir holatdan ikkinchi holatga o‘tish, yorug‘-soya ta’sirida kelayotgan nozik farqlarni ilg‘ab, tasvirda jonlantirish musavvirdan iste’dod va qobiliyat talab etadi.

Похожие

13-mavzu Me'moriy manzara 7-sinf

Harakatdagi odam, sportchi gavdasini grafik va haykaltaroshlik usulida tasvirlash 6-sinf

Rangtasvir yoki qalamtasvirda 2-3 figurali mavzuli kompozitsiya ishlash 6-sinf

Tasviriy san'atda tarixiy yoki mifologik mavzularda ishlangan portretlarni badiiy idrok etish 6-sinf

5-mavzu O'zbekistonning amaliy bezak san'atida ramziy shakllar 7-sinf