Milliy va umumbashariy qadriyatlar uyg‘unligi 9 - sinf - Идея национальной независимости - Учебники (по школьные предметы)

Milliy va umumbashariy qadriyatlar uyg‘unligi 9 - sinf

Загружено в:

26.12.2019

Скачано:

0

Размер:

3230.931640625 KB

Milliy va umumbashariy qadriyatlar uyg‘unligi 9-sinf Milliy istiqlol g’oyasi va ma’naviyat asoslari fani darsligi asosida 8-mavzu

«Milliy» degan so‘z faqat bir millatga emas, balki bir mamlakatga mansublikni ham bildiradi. Shuning uchun ham ana shu yagona xalqning milliy qadriyatlari, umumbashariy qadriyatlar bilan uyg‘unlashgan holda, bizning g‘oyamizni yanada boyitib boradi.

Dunyoda o‘ziga xos qadriyatlari bo‘lmagan xalq yo‘q. Milliy qadriyatlar ular mansub bo‘lgan xalqning tarixi,yashash tarzi, tili, urf- odatlari, ma’naviyati hamda madaniyati bilan uzviy bog‘liq holda namoyon bo‘ladi.

Bizning milliy g‘oyamiz milliy an’ana va qadriyatlarimizni o‘zida aks ettiradi, ularni boyitish va rivojlantirishga xizmat qiladi.

Yer yuzidagi barcha xalqlar uchun qadrli bo‘lgan, insoniyatning umumiy manfaatlariga mos keladigan moddiy va madaniy hodisalar, an’ana va tamoyillar umumbashariy qadriyatlar sirasiga kiradi.

Bizning milliy g‘oyamiz quyidagi umumbashariy qadriyatlarni e’tirof etadi va ulardan oziqlanadi: – qonun ustuvorligi; – inson haq-huquqlari va hurfikrlilik; – turli millat vakillariga hurmat va ular bilan bahamjihat yashash; – diniy bag‘rikenglik; – dunyoviy bilimlarga intilish, ma’rifatparvarlik; – o‘zga xalqlarning ilg‘or tajribasi va madaniyatini o‘rganish va hokazo.

Qonun ustuvorligi jamiyat a’zolarining millati, tili va dinidan qat’i nazar, qonun oldida teng ekanini bildiradi.

Inson haq-huquqlari daxlsizdir. Dunyodagi barcha xalqlar insonning haq-huquqlari to‘la ta’minlanadigan, u erkin nafas oladigan jamiyat barpo etishga harakat qiladi.

Bizning yurtimizda inson haq- huquqlari to‘la ta’minlangan. Bu boradagi asosiy me’yorlar davlatimiz Konstitutsiyasi va qonunlarimizda o‘z aksini topgan.

Hurfikrlilik – insonning asosiy huquqlaridan biri bo‘lib, shaxs erkinligining muhim shartidir. Unga ko‘ra, har bir inson o‘z fikrini erkin bildirish huquqiga ega.

Bizning milliy qadriyatlarimiznin g o‘ziga xos noyob jihati shundaki, ularda qadim zamonlardan boshlab umuminsoniy g‘oyalar teran aks etib kelgan.

Insonparvarlik esa umumbashariy qadriyatlarning negizini tashkil etadi.

Buyuk ajdodlarimizning hayoti va ijodiy faoliyati ana shunday insonparvarlik ruhi bilan yo‘g‘rilgani uchun ularningnomi, yozgan asarlari butun dunyoda tan olinib, asrlar davomida turli xalqlar vakillari tomonidan o‘rganib kelinmoqda.

Bizning milliy g‘oyamizning kuch-qudrati shundaki, u milliy va umumbashariy qadriyatlardan bahramand bo‘lib, ularni rivojlantirishga hissa qo‘shishni nazarda tutadi.

Savol va topshiriqlar: 1. Milliy qadriyatlar deganda nimalarni tushunasiz? 2. Milliy g‘oyamiz qaysi milliy qadriyatlarimizdan oziqlanadi? 3. Milliy g‘oyamiz qaysi umumbashariy qadriyatlardan oziqlanadi? 4. Umumbashariy qadriyatlar negizida turadigan asosiy g‘oya nima? 5. Insonparvarlikni ulug‘lashga qaratilgan xalqimizga xos fazilatlardan qaysilarini bilasiz? 6. Xalqimizning umumbashariy qadriyatlarga sodiqligi qaysi maqolimizda yaqqol aks etgan? 7. Buyuk ajdodlarimiz xotirasiga qaysi xorijiy mamlakatlarda haykallar o‘rnatilgan?

Похожие

Umumbashariy qadriyatlar 6 -sinf

Milliy qadriyatlar maskani 9 - sinf

Ma’naviy va moddiy hayot uyg‘unligi 9 - sinf

Milliy g‘oya va taraqqiyot 9 - sinf

Ta’lim va tarbiya uyg‘unligi 6 -sinf