Karamdoshlar oilasi. 6 - sinf - Ботаника - Учебники (по школьные предметы)

Karamdoshlar oilasi. 6 - sinf

Загружено в:

05.10.2019

Скачано:

0

Размер:

2478.8486328125 KB

48-§. KARAMDOSHLAR OILASI 6-sinf botanika darsligi asosida. 2017.

• Karamdoshlar oilasining vakillari Yer sharining deyarli barcha qit'alarida o'sadi. U 3000 ga yaqin turni o'z ichiga oladi.

• Karamdoshlarning ko'pchiligi bir yillik, ikki yillik va ko'p yillik o'tlardir. Ildizi - o'qildiz tizimli. Poyasi tik o'suvchi. Barglari oddiy, yonbargsiz, butun yoki qirqilgan, poyada ketma-ket o'rnashgan. Gullari to'g'ri va ikki jinsli, shitigil to'pgulda o'rnashgan. Gulqo'rg'oni murakkab gul-kosacha va gultojga ajralgan. Gulkosacha to'rtta, bir- biri bilan qo'shilmagan gulkosachabargdan, gultoj ham to'rtta erkin holdagi gultojbargdan tashkil topgan. Gulida ikkita urug'chibargning qo'shilishidan hosil bo'lgan bitta urug'chi va oltita changchisi bor.

• Karamdoshlarga mansub yowoyi turlarning ko'pchiligi bahorda cho'llarda, tog' etaklaridagi qirlarda tarqalgan. Oila vakillaridan biri oddiy jag'-jag'dir.

• Oddiy jag'-jag' jag'-jag' turkumiga oid, bo'yi 10-30 sm keladigan bir yillik o't Ildiz bo'g'izida joylashgan barglari qisqa bandli, patsimon qirqilgan, poyadagilari esa bandsiz. Gullari poyada shingil to'pgul hosil qiladi. Changchilari 6 ta. Urug'chisi bitta.

• Oddiy jag'-jag' mart oyidan boshlab mayning oxirigacha gullaydi va meva (qo'zoqcha) hosil qiladi. • O'zbekistonda jag'-jag' turkumiga oid faqat bitta tur - oddiy jag'-jag' o'sadi.

• Oddiy jag'-jag' tarkibida «C» va «K» darmondorilari, olma va limon kislotalati bor. Erta ko'klamda to'pbarglari ovqatga ishlatiladi. Jag'-jag'dan ko'k chuchvara, ko'k somsa tayyorlanadi. Uning yerustki qismidan tayyorlangan dorilar tabobatda qon ketishini to'xtatishda ishlatiladi.

• O'zbekistonda karamdoshlar oilasiga mansub sabzavot ekin-lariga karam (98- rasm), sholg'om, rediska va turp kiradi. • Bo'yoq beradigan o'simlik sifatida esa o'sma ekiladi. • Bu oilaga mansub 8 ta tur O'zbekiston Respublikasi «Qizil kitob»iga kiritilgan.

Savol va topshiriqlar • Karamdoshlar oilasi uchun xos belgilar qaysilar? • Rediska gulining tuzilishi formulasi va diagrammasini chi-zing. • Karamdoshlar oilasiga kiradigan madaniy o'simliklardan qaysila-rini bilasiz?

Похожие

Ituzumdoshlar oilasi. 6 - sinf

Loladoshlar oilasi. 6 - sinf

Piyozdoshlar oilasi. 6 - sinf

Sho'radoshlar oilasi. 6 - sinf

Gulxayridoshlar oilasi. 6 - sinf