Biomolekulalar. 9 - sinf - Биология - Учебники (по школьные предметы)

Biomolekulalar. 9 - sinf

Загружено в:

04.10.2019

Скачано:

0

Размер:

2032.6904296875 KB

20- §. Biomolekulalar 9- sinf “Biologiya. Sitologiya va genetika asoslari” darsligi asosida. 2014

• Tirik organizmlar hujayrasining o‘rtacha 20—30% ini organik birikmalar tashkil qiladi. Ular xilma xil katta va kichik molekular og‘irlikka ega bo‘lgan moddalar bo‘lib, biomolekulalar deb ataladi. Kichik molekulali oddiy organik molekulalar monomerlar deb ataladi. Ko‘p sonli monomerlar bir-biri bilan qo‘shilib, juda katta molekulalarni hosil qiladi. Ular makromolekula yoki polimerlar deb ataladi.

• Barcha tirik organizmlar tarkibida asosan to‘rt xil makromolekulali organik birikmalar: uglevod, oqsil, nuklein kislota va lipidlar uchraydi. Bulardan oqsil, nuklein kislota va uglevodlar biopolimerlar deb ataladi. Chunki ular bir biriga o‘xshash tuzilishga ega bo‘lgan monopoli merlardan ya’ni, aminokislota, nukleotid va monosaxaridlardan iboratdir. Lipidlar bundan istisnodir.

• Har bir tirik organizm yuqoridagi monomerlar asosida faqat o‘ziga xos bo‘lgan biopolimerlarni hosil qilish xususiyatiga ega. Biopolimerlar tirik orga nizmlarda turli xil vazifalarni bajaradi. Bularni uchta guruhga ajratish mumkin. Birinchi guruh tuzilmalar hosil qiluvchi biopolimerlar bo‘lib, polisa xaridlar va ayrim oqsillardan iborat.

• Ikkinchi guruh biologik funksiyalarni, masalan, katalizatorlik yoki tashish (transport) vazifasini bajaruvchi bio polimerlar bo‘lib, ularga asosan oqsillar kiradi. Uchinchi guruh axborot saqlovchi informatsion polimerlar bo‘lib, nuklein kislotalardan tashkil topgan.

• Bulardan eng muhimlari oqsillar va nuklein kislotalardir. Uglevodlar bilan lipidlar hujayrani energiya bilan ta’minlovchi biomolekulalar hisoblanadi. Biomolekulalarning tuzilishi va bajaradigan vazifalariga alohida to‘xtaymiz. Ular hayot faoliyatining barcha jarayonlarida hal qiluvchi vazifalarni bajaradi.

• Shu bilan birga hujayralarda bir qator kichik molekulali organik moddalar — gormon, pigment, shakar, aminokislota, nukleotid va boshqalar uchraydi. Turli tipdagi hujayralar har xil miqdordagi organik birikmalarni saqlaydi. Masalan, o‘simlik hujayralarida uglevod ko‘p bo‘ladi. Hayvon hujayralarida aksincha, oqsillar ko‘p uchraydi. Hujayraning qaysi tipga mansubligidan qat’iy nazar, undagi organik moddalar o‘xshash vazifalarni bajaradi.

Savol va topshiriqlar • Biomolekulalar deb qanday moddalarga aytiladi? • Monomer deb nimaga aytiladi? • Biopolimerlarga qanday birikmalar kiradi? • Biopolimerlar qanday vazifalarni bajaradi? • Hujayralarda qanday kichik organik birikmalar uchraydi?

Похожие

Yadro. 9 - sinf

Urug‘lanish. 9 - sinf

Fotosintez. 9 - sinf

Xemosintez. 9 - sinf

Lipidlar. 9 - sinf