Jurek qan tamirlarinin preparatta ham tiri organizmlerde uyraniw - Tibbiyot - Slaydlar

Jurek qan tamirlarinin preparatta ham tiri organizmlerde uyraniw

Yuklangan vaqt:

01.03.2024

Ko'chirishlar soni:

0

Hajmi:

406.89453125 KB

Ko'chirib olish

FASHION GENERAL FASHION GENERALJurek qan tamirlarinin preparatta ham tiri organizmlerde uyraniw

Reje: 1.Jurek qan tamirlari. 2.Jurek. 3.Jurektin qisqarip bosasiwi

Tamırlar sisteması organizmde basqa organlar sisteması siyaqlı áhmiyetli xızmet atqaradı. Tamırlar ishindegi suyıqlıqlar (qan, limfa) kletka hám toqımalardıń ómiri ushın zárúr bolgan barlıq zatlardı jetkerip beredi. Sonıń menen birge olardıń quramındaǵı organizmge kerek emes zatlardı málim organlarǵa alıp baradı. Solay etip tamırlar siteması, limfa sisteması hám qosımsha dúzilmelerden quralǵan.

Qan tamırlar sisteması júrek, arteriyalar, venalar hám kapillyarlar siyaqlı quramalı dúzilmelerden ibarat. Júrek qan tamırlar sistemasınıń oraylıq organı bolıp nerv hám gormonlar basqarıwınıń tásirinde bárháma bir qálipte qısqarıp hám keńeyip organizmdegi qan suyıqlıǵın háreketke keltiredi,

Júrekten shıǵatugın arteriya qan tamırları (aorta, ókpe arteriyalvrarı) oraydan uzaqlasqan sayın tarmaqlanıp, áste aqırın kishireyip baradı. Eń sońında organlar diywalında mikroskoptıń astında kórinetuǵın oǵada jińishke arteriya talaları arteriolalar, kapillyarlar shash talshıǵına usaǵan qıl tamırlarǵa aylanadı

Kishi qan aylanıw sheńberi júrektiń oń qarınshasınan baslanıp, okpe arteriyaları arqalı ókpege baradı, ol jerde qan kislorodqa bayıp tórt ókpe venası arqalı shep júrek bólmeshesine quyıladı. Kishi qan aylanıw sistemasındaǵı qan tamırlardıń atı olarda aǵatuǵın qanǵa tuwra kelmeydi.

Júrek (cor) - bulshıq etten dúzilgen aǵza bolıp, kókirek kletkasında jaylasqan. Júrek adam omiriniń aqırǵı minutına shekem birdeyine toqtawsız qısqarıp, (sistola) keńeyip (diastola) turadı hám pútin oganizmge qan jetkerip beredi. Solay etip júrek organizmdegi qan aylanıs sistemasında áhmiyetli orın iyeleydi hám oraylıq aǵzalardıń biri esaplanadı.

Júrektiń duzilisi. 1-ókpe baǵanası (stvol); 2-ókpe arteriyasınıń qaqpaǵı (klapan); 3- joqarı gewek vena, 4-oń táreptegi ókpe arteriyası; 5- oń táreptegi ókpe venaları; 6- oń júrek aldı; 7- úsh qaqpaqlı klapan; 8- oń qarınsha; 9- tómengi gewek vena; 10-túsiwshi aorta; 11- qarınshalarara tosıq; 12- shep qarınsha; 13- mitral klapan; 14- aortal klapan; 15- shep júrek aldı; 16- shep táreptegi ókpe venaları; 17- shep táreptegi ókpe arteriyası;18- aorta yarım sheńberi.

Júrek ritm menen qısqarıp bosasıp turadı, júrektiń qısqarıwı nátiyjesinde qan bólmeshelerden qarınshalarǵa hám olardan qan tamırlarǵa otedi. Júrektiń qısqarıp bosasıwı júrek tsikli delinedi. Júrek bólmesheleri menen qarınshaları qısqarıwı sistola, olardıń bosasıwı diastola delinedi. Úlken adamlarda júrek bir minuta 70-75 márte qısqaradı.

Júrektiń qısqarıwınıń sanı turaqlı bolmay, kóp sebeplerdiń tásirinde ózgeredi. Hátteki kúnniń har qıylı mezgillerinde de júrektiń qısqarıw sanı ózgeshe boladı. Azanda saat 8-11 lerdiń arasında jurektiń qısqarıwı tezlesken boladı. 14:00 de bolsa qısqarıwı kemeyip, keshki saat 18:00-20:00 de jáne tezlesedi.

Júrek oń hám shep taj arteriyaları járdeminde arteriya qanın aladı. Júrektiń taj arteriyası aortanıń yarımay tárizli klapanlarınıń tómenireginen baslanadı. Qarınsha sistolası dáwirinde yarımay klapan taj arteriyası tesigin bekitedi, sol sebepli qan júrektiń taj tamırlarına qarınshalar diastolası dáwirinde kiredi.

Júrektiń shep taj arteriyası aortadan shıǵıp, júrektiń taj qarıǵında jatadı hám júrektin shep shetine baradı. Vena qanınıń tiykarǵı massası júrek diywallarındaǵı taj sinus sistemasına jıynaladı. Taj sinus júrektiń arqa tárepinde taj qarıqta, shep bólmeshe menen shep qarınsha arasında jatıp, oń bólmeshege ashıladı

Tamırlar sisteması arteriya, vena qan tamırları, limfa sistemasınan ibarat bolıp, denedegi organlardıń quramına kiredi. Tamırlar sisteması organizmdegi hámme strukturalar funktsiyasın birlestiriw múmkinshiligin beredi.

O'xshashlar

Qan haqqında maǵlıwmat

Úlken hám kishi qan aylanıw sheńberi

Omirtqa, qabirg'a ham tos suyegining birigiwi

Arqa miy ham bas miy nervlerinin topografiyasi

Júrek -qan tamir sistemasina tásir etiwshi hám sidik aydawshi zatlar