O’lkamizdagi uy va yovvoyi hayvonlar dars ishlanma - Pedagogika - Slaydlar

O’lkamizdagi uy va yovvoyi hayvonlar dars ishlanma

Yuklangan vaqt:

23.09.2019

Ko'chirishlar soni:

0

Hajmi:

1031.6357421875 KB

Ko'chirib olish

« O’lkamizdagi uy va yovvoyi hayvonlar »MAVZU:

Darsning maqsadlari: O’quvchilarga mavzu borasida keng qamrovli bilim berish. Uy hayvonlarini boqishdan maqsad, ularning oziq-ovqat va yengil sanoatdagi ahamiyatiga doir ma’lumotlar, shuningdek, chorvachilikka doir atamalar bilan tanishtirish. Uy va yovvoyi hayvonlarning farqli tomonlarini misollar orqali tushuntirish

Hayvonlarni muhofaza qilish orqali jonli tabiatga, hayvonot olamiga mehr-muhabbatini shakllantirish. O’quvchilarni dunyoqarashini, faolligini, mustaqil fikrlashni, o’z fikrini aniq va lo’nda bayon etish qobilyatini hamda og’zaki nutqini rivojlantirish.

Darsning turi: Yangi bilim beruvchi Darsning metodi: Suhbat, tushtirish, ko’rgazmalilik, “Aqliy hujum”, “Klaster”, “Insert”, test, o’yinlar. Darsning boshqa fanlar bilan bog’liqligi: Matematika, o’qish, jismoniy tarbiya, musqa. Darsda o’quvchi bilishi lozim bo’lgan bilim, ko’nikma va malakalar: - uy va yovvoyi hayvonlar, ularning oziqlanishi, boqilishi va ularni farqlay bilish; - inson va va tabiat orasidagi munosabatni, tabiatni asrashni muhimligini tavsiflay olish; - tabiatni muntazam kuzatish va natijalarini “Kundalik kuzatish daftari” ga qayd qilish. Darsning jihozlari: Mavzuga oid rasmalr, turli parranda, qushlar va hayvonlarning tarqatma shablonlari, kartochkalar, darslik. Texnik vositalar: Televizor, DVD, proyektor, ekran, disklar.

Darsning borishi: Darsni tashkil etish va o’quvchilarni darsga hozirlash. - salomlashish; - davomatni aniqlash; - navbatchi axborotni tinglash; - diqqat mashqi (bosh harakati bilan eshik, deraza, shift, pol so’zlari uch marta takrorlanadi, mashq so’ngida “doska” so’zi aytilib, o’quvchilar diqqati jamlanadi). Avvalgi darslarda o’quvchilar bilan birgalikda amal qilinishi lozim bo’lgan oltin qoidalar va do’stona kelishuv, ularga rioya qilish haqida yana bir bor eslatiladi. Dars davomida “Do’stona kelishuv” qoidalariga rioya qilmagan o’quvchiga jarima kartochkasi berilishi eslatib o’tiladi. Darsni yaxshi va a’loga o’zlashtirganlarga dars so’ngida rag’batlantirish maqsadida “Bugungi darsning eng faol o’quvchisi”, “Bugungi darsning eng tirishqoq o’quvchisi” nominatsiyalari tashkil qilinadi.

O’tilgan mavzuni mustahkamlash, uyga berilgan vazifani tekshirish. O’qituvchi: Bolalar o’tgan darsimizni eslab olsak. Keling, buning uchun musiqa sadolari ostida birgalikda ushbu harakatlarni bajaramiz (o’qituvchi uchayotgan qushning qanotlari kabi qo’llarni keng yozib harakatlantiradi.) “ Bahorda o’lkamizda qushlarning qaytib kelishi ” mavzusi bo’yicha o’quvchilar egallagan bilimlari test usuli orqali tekshiriladi.

Test savollari 1. Qushlan nima bilan oziqlanadi? a) O’t b) Hashoratlar d) Don-dun 2. Bahorda birinchi bo’lib qaysi qush uchib keladi? a) Chumchuq b) Burgut d) Qaldirg’och 3. Qaysi qushning ovozi yoqimli? a) Qarg’a b) Kaptar d) Bulbul 4. Qaysi qushni “Tinchlik ramzi” deymiz? a) Kaptar b) Laylak d) Turna Testlar o’zaro almashtirish orqali tekshiriladi. Ko’p xato qilganlar “Bilmasvoyni kim yengadi?” ko’rgazmasidagi savollarga javob beradilar. Shu tariqa o’quvchilar bilimi baholanadi.

Ko’rgazmadagi savollar: 1. Qushlar insonning….. 2. Nima uchun qushlarni qanotli do’stlarimiz deb ataymiz? 3. Bu jonzotlar nima bilan oziqlanadi? 4. Ular qay jihatlari bilan boshqa jonzotlardan farq qiladi? 5. Qushlarning qishloq ho’jaligiga qanday foydasi bor? 6. Bahorda o’lkamizga qaysi qushlar uchib keladi? Javoblar izohlanadi va to’ldiriladi. Doskaga bahor faslidagi tabiat manzarasi aks etgan plakat osiladi.

O’qituvchi: Keling, hammamiz diqqat bilan doskadagi tabiat manzarasini qushlar bilan bezatamiz. Buning uchun avoblar izohlanadi va to’ldiriladi. Doskaga bahor faslidagi tabiat manzarasi aks etgan plakat osiladi. faqat o’lkamizga bahorda uchib keladigan qushlarni tanlab joylashtirishimiz kerak bo’ladi (sinf o’quvchilariga turli xil qushlar rasmi chizilgan kartochkalar beriladi). O’quvchilar javobi baholanadi. Yangi mavzuning bayoni. Dastlab, yangi mavzuga yo’naltiruvchi quyidagi savollar bolalar e’tiboriga havola etiladi: O’qituvchi: Bolajonlar, tabiatda qushlardan boshqa yana qanday jonzotlarni uchratgansiz? - Barakalla! (doskaga “O’lkamizdagi hayvonlar” degan yozuv ilinadi). - Qanday hayvonlarni bilasiz? - Hayvonlarning guruhlarini ayting-chi? - Barakalla, demak hayvonlar ikki: uy va yovvoyi hayvonlar guruhiga bo’linar ekan. (ushbu yozuvlar ham doskaga ilinadi, tarmoqlanish hosil bo’ladi). Ayting-chi, biz nima uchun hayvonlarni ikki guruhga bo’ldik? Yovvoyi hayvonlarning uy hayvonlaridan farqi, ularning foydali tomonlari, beozor hayvonlarga ozor bermaslik to’g’risida aytib o’tiladi. O’qituvchi: Bugun bizning darsimizga noma’lum hayvon mehmonga kelgan. Keling, birgalikda mehmonlarimiz bilan tanishamiz – o’quvchilar uy va yovvoyi hayvonlar niqoblarini kiyib hayvonlar haqida ro’lga kirib ma’lumot beradilar. Masalan: men bo’riman o’rmon shifokoriman o’t yemayman go’shtni yoqtirib yeyman. O’rmonga kasallik tarqatgan hayvonlarni ovlab yeyman……. Endi musiqa sadosi ostida ular bilan raqsga tushamiz. Bolalar quyoncha bilan raqsga tushadilar. Shu tariqa dam olish daqiqasi o’tkaziladi.

Yangi mavzuni mustahkamlash. - Slaydlar orqali “ Nima ortiqcha? ” mashqi yordamida o ’ quvchilar bilimi mustahkamlanadi va ularning javobi tinglanib, izohlanadi hamda baholanadi. 1. Qo ’ y 2. Tulki 3. Sigir 4. Echki 5. Quyon 6. Ot 7. Mushuk 8. Ayiq 9. Bo ’ ri 10. Ilon 11. Eshak 12. It Navbatdagi mashq “Raqamli joylashuv” deb nomlanadi. Uy va yovvoyi hayvonlarni raqamlarda ifodalang. To’g’ri javob Uy hayvonlari: 1, 3, 5, 6, 7, 11, 12 Yovvoyi hayvonlar: 2, 8, 9, 10

Darslik bilan ishlash. - “O’lkamizdagi uy va yovvoyi hayvonlar” mavzusi o’quvchilarga o’qitiladi va ulardan “Ushbu mavzudan qanday ma’lumotlarni oldingiz?” deb so’raladi. Mustahkamlash uchun savollar: 1. Odamlar uy hayvonlarini nima uchun boqishadi? 2. Ularning inson hayotida qanday foydasi bor? 3. Yovvoyi hayvonlarning hayot kechirishi haqida gapirib bering. 4. Sizning uyingizda qanaqa hayvonlar boqiladi? O’quvchilar mashg’ulotda qatnashishga qarab turli nominatsiyalar bilan rag’batlantiriladi. Shuningdek, dars jarayonidagi faol ishtiroki, ifodali o’qib, so’zlab bergani va bir-biriga bergan yordamiga qarab ham baholanadilar.

Uyga vazifa: O’tilgan mavzuni o’qib kelish va mavzuga doir rasmlar chizish.

O'xshashlar

Orasta bo’ling (dars ishlanma)

Mustahkamlash darsi (dars ishlanma)

Jaloliddin Manguberdi dars ishlanma

Men notiqman (dars ishlanma)

Tabiat-mening uyim (dars ishlanma)