NO‘A va A texnik xizmati, ta’mirlash texnologiyasi va tashkil qilish - Metrologiya - Slaydlar

NO‘A va A texnik xizmati, ta’mirlash texnologiyasi va tashkil qilish

Yuklangan vaqt:

28.04.2024

Ko'chirishlar soni:

0

Hajmi:

886.4697265625 KB

Ko'chirib olish

Мavzu: NO‘A va A texnik xizmati, ta’mirlash texnologiyasi va tashkil qilish Reja: 1. NO‘A va Avtomatik vositalar ta’miri. 2. NO‘A va Avtomatik vositalariga texnik xizmat ko'rsatish chora tadbirlari.

Nazorat o‘lchov asboblari va avtomatik vositalar ta’miri. Nazorat o‘lchov asboblari va avtomatik vositalariga texnik xizmat ko‘rsatish ularni uzoq muddatga soz ishlab turishini ta’minlash uchun o‘tkaziladi. Texnik xizmat ko‘rsatish ishlab turgan asbobni to‘xtatib tarmoqdan ajratib bajariladi. Texnik xizmat ko‘rsatish miqdori va muddatlari har bir nazorat o‘lchov asboblari va avtomatik vositalari xususiyatlaridan kelib chiqib, yillik texnik xizmat ko‘rsatish va joriy ta’mir grafigiga asoslanib belgilanadi.

Yillik texnik xizmat ko‘rsatish va joriy ta’mir grafigi elektr uskunalarni soz holda ishlab turishini ta’minlash uchun ularda o‘tkaziladigan texnik holatini aniqlovchi kuzatuv va tekshirishlar, nazoratlar, texnik xizmat ko‘rsatish va ta’mirlarni o'tkazish bo'yicha tashkiliy va texnik tadbirlar majmuini reglamentlovchi texnik hujjatdir. Yillik texnik xizmat ko‘rsatish va joriy ta’mir grafigi bo'yicha barcha elektr uskunalarda texnik xizmat ko‘rsatish, ta’mir muddatlari belgilanadi va shu muddatlarda tadbirlarni o‘tkazish nazorat qilib turiladi.

Yillik texnik xizmat ko'rsatish va joriy ta’mir grafigi sistemasi quyidagilarni o'z ichiga oladi: texnik xizmat ko‘rsatish, joriy va oraliq ta’mir, to‘la (kapital) ta’mir. Texnik xizmatda elektr jihozlardagi yuzaga kelgan nosozliklar yo‘qotiladi, ularning oqibatlarini oldi olinadi. Texnik xizmat ko‘rsatish rejasi quyidagilarni o‘z ichiga oladi:  qurilmalarni tozalash, ishlov berish va sozlash (nastroyka qilish);  kundalik va davriy texnik xizmat ko‘rsatish;  saqlash paytida texnik xizmat ko‘rsatish;  texnik ko‘zdan kechirish (qarov).

Elektr uskunalar va nazorat o‘lchov asboblari va avtomatik vositalarini ishga tushirib (ishlatib) ko‘rish, ko‘rsatkichlarini rostlash, texnologik qator (tizim) ni yurgizib ko'rish sozlash jarayonida bajariladi va tegishli tashkilot bo‘limlari tomonidan amalga oshiriladi. Ishlatib ko‘rishdan (obkatka) maqsad mashina mexanizmlar va asbob- uskunalarni ishqalanuvchi detallarini, harakatdagi qo‘ndirmalarni-o‘tkazishlarni yurgizib olish, agregatlar va ularning qismlarini mahkamlanish holatini harakatda tekshirishdir. Rejali texnik xizmat ko‘rsatish bajarilish muddatlari va mazmuniga qarab ajratilgan, kundalik va davriy jarayonlar kompleksidan iborat bo‘ladi.

Kundalik texnik xizmat ko‘rsatish texnologik kartalar yoki elektr uskunalar ekspluatatsiyasi bo‘yicha yo‘riqnomalarga asoslanib, bevosita ularning o‘rnatilgan joylarida bajariladi. Kundalik texnik xizmat ko‘rsatish quyidagilarni o‘z ichiga oladi:  ustki qismini artish-tozalash yoki yuvish;  quvurlar zichlanish joylaridan oqgan suv - moyni artib olish;  zichlanishlarni mahkamlanishini tekshirish. Nazorat o‘lchov asboblari va avtomatik vositalarining ifloslanib qolishi ularni yemirilishiga (korroziyasiga) va ish ko‘rsatkichlarining yomonlashuviga olib keladi.

O‘tirib qolgan chang qatlami namlanishi oqibatida elektr o‘tkazuvchi bo‘lib qolib avariyaga olib kelishi mumkin. Haroratni nazorat qiluvchi o‘lchov asboblari va avtomatik vositalarini qoplagan chang uning ko‘rsatishlarida xatolikka olib kelishi mumkin. Oynasi xiralashib ko‘rsatishlar xatolik bilan qayd qilinishi mumkin. Davriy texnik xizmat ko‘rsatish texnologik karta yoki ekspluatatsiya bo‘yicha yo‘riqnomalarga ko‘ra tuman elektr tarmoqlari xo‘jaligining maxsus guruhlari va mutaxassislari tomonidan bajariladi.

Davriy texnik xizmat ko‘rsatish kundalik texnik xizmat ko‘rsatish jarayonlarini o‘z ichiga olib, yana ishga tushirish - ximoya vositalarini tekshirish, quvurli tarmoqlarni purkab tozalash, avtomatik boshqarish sistemalarining elementlarini sozlash (naladka qilish), nazorat o‘lchov asboblari va avtomatika vositalarini, o'lchov tizimlari elementlarini tekshirish va boshqa tadbirlar bajariladi. Elektr uskunalar va nazorat o‘lchov asboblari va avtomatika vositalarining texnik xizmat ko‘rsatish ularni qisman bo‘laklab barcha kontakt yuzlariga qo‘l yetadigan sharoitda bajariladi.

Texnik xizmat ko‘rsatishdan oldin aboblarni ko‘rsatishlari ekspluatatsiya ko'rsatkichlariga mosligini ko‘rib, keyin tarmoqdan elektr uskunalar ajratiladi. Nazorat o‘lchov asboblari va avtomatik vositalariga texnik xizmat ko‘rsatishda quyidagi jarayonlar va tadbirlar bajariladi: • elektromagnit sistemalarni, rele, konechniklarning harakatlanish holati va masofasi tekshiriladi; • topilgan nosozliklar yo‘qotiladi; • kuygan kontakt yuzalari mayin mayda qumqog‘oz bilan tozalanadi, kumush va metall keramik kontaktlar yuzasidash metall tomchilari nadfil bilan olinadi.

Nadfil komplekti

Simning uchlari ulanish joylarida izolyatsiya kuyindi bo‘lib qotib qolishi tarmoqda ortiqcha qizish borligini ko‘rsatadi. Bunga sabab kontakt yuzalar bo‘shashib, o‘tish qarshiligi ortib ketishi yoki iste’molchi, ya’ni, tarmoq ortiqcha yuklanib ishlayotgani bo‘lishi mumkin. Ulanish joyi yechib olinadi, tozalanib yana mahkamlanadi. Izolyatsiyani yemirilgan qismiga izolyatsiyalovchi lenta o‘raladi yoki laklanadi, agar tarmoq simining uzunligi yetarli bo‘lsa, kuygan qismi kesib tashlanadi. Kontaktor, magnit yuritgich va relelarda bulardan tashqari g‘altak izolyatsiyasi, issiqlik relesini dastlabki holatiga qaytish richagi, qisqa tutashtirilgan o‘ram kontaktlari holati ham tekshiriladi.

Yuza kontaki(tutashish) sxemasi: a — sof metall kontakt, b - kvazimetall kontakt; d - izolatsiyalovchi plyonka; e - o‘xshaydigan yuza; d — d va e — e tok liniyalari.

Ulanuvchi kontaktlar: a — ajralmaydigan (payvandlangan); b-ajraluvchi boltlj shinalar; d — dumaloq o‘tkazgichlarni birlashtiruvchi raz’em; e —sirpanuvchi harakatli cho'tkali; f — rolik bo‘ylab harakatlanuvchi; kommutatsiyalovchi kontaktlar; g— ko'priksimon; h — richagli; i — suqiluvchi; j —yassi prujinafi kontaktlar.

Elektr jihozlar va uskunalarni saqlashga qo‘yish oldidan texnik xizmat ko‘rsatishi navbatdagi texnik xizmat ko‘rsatishdek o‘tkaziladi. Bunda barcha detal va qismlar tozalanadi, zararlangan joylar tuzatiladi, bo‘yoqlari tiklanadi, omborda saqlanishi kerak bo‘lgan qismlari yechib olinadi va omborga topshiriladi. Gidrosilindrlarning shtoklari, shlitsli ulanishlar, vintli va boshqa zichlanib turuvchi detallar konservatsiyalanadi.

Mexanizmlardagi turli prujinalarni siqilishdan bo‘shatib, ustiga zanglashga qarshi mastika surtib qo‘yiladi. Davriy texnik xizmat ko'rsatish muddatlari yillik texnik xizmat ko‘rsatish va joriy ta’mir grafigi bo‘yicha belgilanadi va o‘tkazib turiladi. Bu muddatlar elektr uskuna xarakteriga, tipiga va atrof muhit sharoitiga, ishlab chiqarilgan yiliga bog'liq bo‘ladi. Elektr uskunalar muntazam ravishda texnik ko‘rik va diagnostikadan o‘tkazib turiladi, ularning nosozliklari, eskirgan elementlari o‘z vaqtida topib, tuzatib turiladi.

Diagnostika natijalariga ko'ra texnik xizmat ko‘rsatish va joriy ta’mir hajmi aniqlanadi, elektr uskunaning, uning qismlarining keyingi ekspluatatsiyaga yaroqlilik holati haqida xulosa qilinadi. Diagnostika elektr uskunalarni qismlarga ajratmasdan bajariladi. Elektr uskunalar, nazorat o‘lchov asboblari va avtomatika vositalarining texnik xizmat ko‘rsatish odatda tarkibida 3- kishidan iborat elektroslesarlar bo‘lgan brigada tomonidan bajariladi.

Shit yoki boshqarish shkaflari ga texnik xizmat ko‘rsatishda quyidagilar bajariladi:  yuqori bosimli siqilgan havo bilan sirti tozalanadi va cho‘tka bilan qoldik ifloslanishlar olinadi, benzinda namlangan mato bilan artib quruqlanadi;  shkafni mahkamlanishi gayka boltlari tortilib, fundamentda turishi tekshiriladi;  kabel va o‘tkazgich simlarning germetik o‘tganligi, eshiklarning rezina zichlagichlari holati, eshiklarning zich yopilishi tekshiriladi;

 signallashtirish vositalari va apparatlar holati tekshiriladi, bo‘shashgan kontaktlar mahkamlanadi kuygan lampalar almashtiriladi. Qulflar tekshiriladi.  shkaf korpusini yerga ulanish holati tekshiriladi, zanglash izlari tozalanadi, bo‘yoq tiklanadi uzilgan simlar ulanadi.

Shkaf ichida joylashgan nazorat o‘lchov asboblari va avtomatik vositalarida texnik xizmat ko‘rsatish ishlarini bajarishga kamida 3- kishilik ruxsatnomasi bo‘lgan elektroslesarga ruxsat beriladi. Masalan PTR-2, PTR-3 harorat rostlagichlarini texnik xizmat ko‘rsatish da quyidagilar bajariladi:  regulyatorning korpusini chang va ifloslanishlardan tozalash, kopkasini ochib ichini ko‘zdan kechirish;  zichlovchi prokladkalarning holatini ko‘rish, yoriqlar paydo bo‘lgan bo‘lsa almashtirilishi;  shkalani ko‘rish, rostlash richagini ravon buralishini tekshirish;

 kontakt yuzalar holati ko‘riladi, qorayib qolgan kontaktlar spirtda namlab artib tozalanadi;  izolyatsiyalovchi kolodka va ulanishlarining korpusi ko‘riladi, yoriqlar, sinib uchgan joylari bo‘lmasligi kerak;  asbobni yerga ulanish tarmog'i tekshiriladi, vint mahkamligi ko‘riladi;  birlamchi o‘zgartkichni tekshirish, uni termoregulyator bilan ulanganligini ko‘rish. Barcha past kuchlanishli qurilmalar komplekt apparatlarida yuqoridagidek texnologik karta va ekspluatatsiya yo‘riqnomasida ko‘rsatilgan tadbirlar bo‘yicha texnik xizmat ko'rsatish ishlari bajariladi.

Texnik xizmat ko‘rsatishda elektr uskuna yoki uning qismlari yaroqsiz holga kelganligi aniqlansa, tegishli tadbirlar ko‘riladi. Yaroqsiz element yoki butun asbob almashtiriladi. Nosozlik o‘z o‘rnida yo‘qotiladi.

Nazorat savollari: 1. NO‘A va Avtomatik vositalar ta’miri haqida gapirib bering? 2. Texnik xizmat ko‘rsatish rejasi haqida gapirib bering? 3. Rejali texnik xizmat ko‘rsatish bajarilish muddatlari haqida gapirib bering? 4. Shit yoki boshqarish shkaflariga texnik xizmat ko‘rsatish haqida gapirib bering? 5. Harorat rostlagichlarini texnik xizmat ko‘rsatish haqida gapirib bering?

E’TIBORLARINGIZ UCHUN RAHMAT !

O'xshashlar

NO‘A va A texnik xizmati, ta’mirlash texnologiyasi va tashkil qilish

O’zbekiston Respublikasi o’lchashlar bir xilligini ta’minlash davlat tizimi. Metrologiya bo’yicha asosiy atamalar va ta’riflar

Metrologik xizмat va metrologik ta’minot

Mahsulot sifati va uni boshqarish

Standart va standlashtirish