Dunyoviy davlatning va dinga munosabati - Manaviyat asoslari - Slaydlar

Dunyoviy davlatning va dinga munosabati

Yuklangan vaqt:

23.09.2019

Ko'chirishlar soni:

0

Hajmi:

893.5 KB

Ko'chirib olish

Dunyoviy davlat ning va din ga munosabati • Kishilik jamiyati shakllanishi jarayonida qator boqichlarni bosib o’tdi. Ma’lumki, inson qator moddiy va m’anaviy ehtiyojlarga ega bo’lib, hayoti davomida imkoniyati darajasida ularni qondirib boradi. Ehtiyojni qondirishning asosiy omili mehnatdir. Jamoa bo’lib mehnat qilish jarayonida ko’nikma, malaka tajriba shakllanib boradi. Kishida vujudga kelgan tajriba oqibatida axloqy munosabatlar shakllanadi, atrof muhitga munosabat, ma’lum bir ongli yondashuv vujudga keladiki, buni fan tilida dunyoqarash deymiz. Albatta ongli ravishda bo’lsada ilmiy dunyoqarash bilan omi odam qarashida katta farq bor. Ilmi komil inson taxlilga moil bo’lsa, omi odam ko’proq ko’r ko’rona taqlidga, isbotsiz – asossiz turli afsona, rivoyat va ta’limotlarga ishonaveradi. Lekin ilmli yo ilmsizlikdan qa’tiy nazar har bir odam ezgulik, adolat, yaxshilik kabi insoniy fazilatlar tarafdori bo’lishi tabiiydir. Ana shunday insoniy tuyg’ular natijasi o’laroq kishi qalbida qat’iy, hayotning yo’nalishi va mazmunini belgilab beruvchi tushuncha, ya’ni e’tiqod shakllanadi. Kuchli e’tiqod egasi butun hayoti davomida o’z qarashi, ma’naviy yo’nalishidan og’ishmaydi. Zaif e’tiqod egalarida esa vafo tushunchasi ham bo’lmaydi va bundaylar vaziyatga qarab o’zgaraveradi. www.arxiv.uz

www.arxiv.uz

• Sog’lom e’tiqord egasida bu tuyg’u dunqarashdagi barqarorlikni belgilaydi, vujudga kelgan muammolarni hal etishga, qiyinchiliklarni yengishga, ziddiyatlarni bartaraf etishga undaydi, axloqiy sobitlikni, fikr va amalda izchillikni, hayotda faollikni ta’min etadi. • E’tiqodning nazariy ifodasi sifatida mafkura shakllanadi. sog’lom e’tiqod egasi doim bunyodkorlik tarafdori bo’ladi. • Inson e’tiqodi dunyoviy yoki diniy mazmunga ega bo’lishi mumkin va uning e’tiqodi faqat amaliy faoliyatidagina namoyon bo’ladi. SHuning uchun shaxs to’g’risida u o’zi haqida bildirayotgan fikrga qarab emas, balki amaliga, ishiga qarab xulosa chiqariladi. • Prezidentimiz Islom dini peshvolariga yuzlanib shunday dedi: «Ulamolar safiga turli baqiroqlar, kuni kecha partbiletini ko’tarib raykomga yugurgan, bugun sallani qiyshiq o’rab masjitga yo’rg’alagan beburd kimsalar adashib kirib qolmasin. YAxshi odam har kuni e’tiqodini almashtirmaydi. E’tiqod va imon bir libos emaski, bugun bunusini yechib tashlab, ertaga yangisini kiysang» www.arxiv.uz

• Insondagi ongida shakllangan qdriyatlar, porloq kelajak, ozod va obod vatan orzusida sobitlik, erkin va farovon hayot qurishga intilish va ishonch sog’lom e’tiqod natijasi, ifodasi yoki namoyon bo’lishidir. YOshlar ongida sog’lom e’tiqodni shakllantirish muammosi hech qachon o’z dolzarbligini yo’qotmaydi. • Inson e’tiqodi, deyilganda faqat din tushunilmaydi. Din e’tiqodning o’ziga xos ko’rinishi bo’lib, u ham jamiyatda o’ziga xos vazifalarni bajaradi. Diniy e’tiqod deyilganda insonning o’z irodasidan yuqori turuvchi oliy ruhiy zotga qat’iy ishonch, ilohiy madaddan umidvorlik, ma’lum bir tasavvur, aqida, muqqaddas kitob, payg’ambarlar, avliyolar va boshqalarga ishonchni tushuniladi. Har bir din va diniy konfessiyalarning o’ziga xos aqidalari mavjuddir. Barcha dinlarda ya’shilikka undaladi. Lekin, hamma dinlar ham mohiyatiga ko’ra yaxshilikka olib kelavermaydi. Bu yerda berilayotgan baho “yaxshilik” so’zi qanday talqin qilinishi va tushinilishiga bog’liq. YAxshilik deya vayronagarchiliklarga ham olib keluvchi turli diniy oqim va sektalar faoliyatini aslo unutmasligimiz kerak. Qur’onda yaxshilik va yomonlikning uch ko’rinishi haqida shunday deyiladi: “Albatta , Ollox, adolatga, chiroyli amallar qilishga va qavm- qarindoshga yaxshilik qilishga buyurur hamda buzuqluk, yomon ishlar va zo’rovonliklardan qaytarur. U zot shoyad ibrat- eslatma olursizlar, deb sizlarga pand - nasihat qilur”, (16:90). www.arxiv.uz

• Din ta’limoti ko’proq ma’naviy-axloqiy ahamiyatga ega bo’lib, din qoidalari asosida siyosat yurgizlmaslik dunyoviy davlat xususiyatidir. • Dunyoviylik deyilganda diniy ateisitik dunyoqarash emas, mutaassibona dindorlik emas, balki sof diniy e’tiqod va moddiy olamning ob’ektiv qonunlarini anglab yetish, har ikki tarafga ilm nuqtai nazaridan qarash tushuniladi. CHunki, diniylikni ham, ateistik qarashlarni ham ob’ektiv ijtimoiy hodisa sifatida e’tirof etiladi. • Ba’zi adabiyotlarda ateizm va dahriylik tushunchalari sinonim sifatida talqin etiladi. Lekin bu noto’g’ri. Dahriylik ateizm emas. Islom ensiklopediyasida, dahriylik arabcha dahr, ya’ni, vaqt, taqdir, falak ma’nolarini beradi, deyiladi. Dahriylik - islom paydo bo’lmasdan ilgari arab jamiyatida keng tarqalgan bo’lib, “aqida”, “o’lim”, “taqdir”, “ajalining kelishi” ma’nolarini anglatgan. Bu aqidaga ko’ra, insonning taqdiri oldindan belgilab qo’yilgan, u erkin iroda yoki ixtiyor egasi emas, peshonasiga “yozilgan” narsa albatta sodir bo’ladi va undan qutilishning iloji yo’q. Jahiliya arablaridan narigi dunyo borligiga, bu dunyoda zahmat chekkanga u dunyoda ajr, gunoh ishlar qolganlarga azob berilishiga ishonch yo’q edi. Borliqning egasi, oliy xokimi sifatida muayyan bir xudo emas, qandaydir “dahr”, taqdiri falak, inson irodasi bilan hisoblashmaydigan va undan yuqori turadigan tasodifiy o’zgarishlar jarayoni tasavvur qilinar edi. Ularning e’tiqodicha, o’limdan so’ng hamma narsa tugaydi, shuning uchun bugungi kun bilan yashab qolish kerak. Bunday hissiyot Qur’onda shunday ifodalangan: “Ular (ya’ni qiyomatni inkor qiluvchilar: “Hayot”) faqat dunyodagi hayotimizdir. (Ba’zilarimiz) o’lib, (boshqalarimiz) hayotga kelaveramiz va bizlarni (Alloh o’ldirmaydi, balki) faqat zamon (o’tishi) gina o’ldiradi”, dedilar. Holbuki ular uchun bu to’g’rida biron bilim – hujjat yo’qdir. Ular faqat (shunday) gumon qilurlar holos.” www.arxiv.uz

www.arxiv.uz

• Din uchun talofatli omillardan shuni aytish mumkinki, bir konfessiya ichida turli guruhlar vujudga kelishidir. Mamlakatimizda mutloq ko’pchilik e’tiqod qiladigan islom dinida guruxbozlik – tarafkashlik o’rta asrlarda umuman Markaziy Osiyo, xususan, O’zbekiston musulmonlari uchun yot bo’lganligi diqqatga sazovardir. Diniy firqachilik bizning xalqimizga yot bo’lganligining asosiy sababi shundaki, mintaqmizda o’ziga xos Movarounnahr musulmon qonunchiligi – fiqh maktabining rivojlanganligi, u boshqa maktablar ta’sirida bo’lmay, aksincha musulmon qonunshunosligi maktablariga o’z ta’sirini o’tkazib kelganligiga bog’liq edi. Markaziy Osiyo, xususan O’zbekistonda shunday ilohiyotchi ulomalar bo’lganki, ularning dihosi oldida butun musulmon dunyosi bosh eggan, musulmon dunyosi Markaziy Osiyoga ta’sir o’tgazuvchi mintaqa emas, aksincha O’zbekistonda qo’lga kiritilgan islomiy yutuqlar ta’sirida bo’lgan mintaqa edi. www.arxiv.uz

• Sobiq sho’ro tuzumi davrida chuqur diniy ilmlarga ega bo’lgan ulamolar qirib yuborildi. Mustaqillik davriga kelib O’zbekistonga nisbatan xorijiy mamlakatlarning, hususan turli diniy guruxlarning e’tibori kuchaya boshaladi. Eski mafkura o’z umrini yashab bo’lgan, milliy istiqlol mafkurasi xali shakllanmagan, mafkuraviy bo’shliq vujudga kelgan bir vaziyatda turli-tuman diniy taassub va xatto zo’ravonlikka moyil bo’lgan guruxlar har – xil yo’llar bilan O’zbekistonga kirib kelib, o’z ta’limotlarini eng to’g’ri e’tiqot sifatida targ’ib qila boshladilar va mamlakatimizning osuda hayotiga raxna sola boshladilar. Xalqimizning sabr-qanoati, davlatning qat’iyat bilan ko’rgan choralari tufayli katta fojealar oldi olindi va buzg’unchi gazandalardan mamlakatimiz tozalandi. www.arxiv.uz

• Mustaqilligimizning dastlabki yillarida ro’yxatga olinmagan masjidlar, diniy jamoalar soni kundan – kunga ko’paya boshladi. Bu masjidlarda madrasa sabog’ini olmagan “mullar” imomlik qila boshladilar.Oqibat – natijada chala mullar bergan sabog’i natijasida go’yo e’tiqod uchun, oxirat uchun, jamiyatda amal qilayotgan islom ta’limotining sofligi uchun, jamiyatda adolat uchun “kurashuvchi” guruhlar paydo bo’la boshladi va bu hol o’zini do’st ko’rsatuvchi chet ellik “musulmon daholari” uchun juda qulay vaziyatni vujudga keltirdi. Din asoslarini aholi orasida targ’ib qilib, uning asl moxiyati ezgulik ekanligini tushuntirmoq uchun malakali mutaxassislar yetishmayotganligi sezila boshladi. • O’zbekiston xalqi va rahbariyatining oldida mustaqillik yillarining boshlarida ko’plab xal qilinishi lozim bo’lgan vazifalar turar edi. SHular qatorida din va dindorlarga munosabat tamoyillarini ham ishlab chiqish lozim edi. Bu vazifalar uzoqni ko’ra oluvchi O’zbekiston davlati rahbarlari va olim mutahassislari tomonidan sharaf bilan bajarildi va bajarilmoqda. Hususan, din va dindorlarga munosabat masalasida www.arxiv.uz

• Prezidentimiz asarlaridagi shunday ko’rsatmalar e’tiborga molik: • “ - dindorlarning diniy tuyg’ularini hurmat qilish; • - diniy e’tiqotlarni fuqorolarning yoki ular uyushmalarining xususiy ishi deb tan olish: • - diniy qarashlarga amal qiluvchi fuqorolarning ham, ularga amal qilmaydigan fuqorolarning ham huquqlarini teng kafolatlash hamda ularni ta’qib qilishga yo’l qo’ymaslik; • - ma’naviy tiklanish, umuminsoniy aqloqiy qadriyatlarni qaror toptirish ishida turli diniy uyushmalarning imkoniyatlaridan foydalanish uchun ular bilan muloqat qilish yo’llarini izlash zarurati; • - dindan bug’unchilik maqsadlarida foydalanishga yo’l qo’yib bo’lmasligi e’tirof etish”. www.arxiv.uz

• Mamlakatimiz xududida yashayotgan har bir fuqoro va har qaysi diniy konfessiya a’zolari tengligiga asosiy e’tibor qaratildi. Dunyoviy davlat diyilganda, din davlatdan ajratilganligi nazarda tutiladi, ammo din xalqdan ajratilgan emas. SHu bilan birga barcha dinlarga bag’rikenglik ruhida yondashuv zarurdir. Zero, kishilik jamiyati uzoq davlarlar davomida shakllanib kelgan. Ko’plab mamlakatlarda turli diniy e’tiqodga mansub kishilar ahil, ittifoq bo’lib yashaganlar. Hususan, 1004 – 1005 yillarda Xorazmda yaratilgan Ma’mun akademiyasida faoliyat olib borgan allomalar ham turli din vakillari edilar. Xususan, Abu Sahl Masixiy diniy e’tiqodi bo’yicha xristian bo’lgan. Bunda ajdodlarimiz dunyoqarashida juda qadimdan boshlab tolerantlik namoyon bo’lganligini ko’rishimiz mumkin. Dinimiz islomning muqaddas kitobi bo’lmish Qur’oni Karimning oltita surasida ham bu mazmundagi oyatlarga duch kelamiz. Misol tariqasida ayrimlari xususida tuxtalib o’taylik, “Dinga zo’rlab (kiritish) yo’qldir. (Zero) haq yo’l zalolatdan ajrab bo’ldi. Bas, Kim shaytondan yuz o’girib, Allohga iymon keltirsa, u hech ajrab ketmaydigan mustahkam halqani ushlabdi. Ollah eshituvchi, bilguvchidir”. www.arxiv.uz

www.arxiv.uz

“ (Ey Muxammad), agar mushriklardan birontasi sizdan ximoya so’rasa, bas, uni ximoya qiling, toki u Allohning kalomini eshitsin. So’ng uni o’zi uchun tinch bo’lgan joyga yetkazib qo’ying. Bu (hukm) ularninig bilmaydigan qavm bo’lganlari uchundir.” (9:6 ). Ma’lumki, islom dini targ’ib etilib, mushriklar (ya’ni Allohga shirk keltirib, turli narsalarni ilohiylashtirib sig’inuvchilar)ga qarshi jangu –jadallar bo’lgan. Bu oyatda islom dinini tushunmaganligi uchun mushrik bo’lganlarga nisbatan kechirimli bo’lish haqida aytiladi. Mushriklar Ka’ba atrofiga xilma-xil butlarini qo’yib, har safar Ka’bani tavof etganlaridan kiyin haligi butlarga sajda qilar edilar. Mushriklar o’zlari yasab olgan butlarini yagona Allohga sherik deb bilar ekanlar, ularning qilgan ibodat – tavoflari ham behuda hisoblangan. www.arxiv.uz

• Islomda inson e’tqodini zo’rlik bilan o’zgartirish mumkin emasligiga urg’u beriladi. Zero, «Agar Parvardigoringiz xohlasa edi, butun yer yuzidagi barcha kishilar iymon keltirgan bo’lur edilar. Axir siz odamlarni mo’min bo’lishga majbur qilurmisiz?» (10:99). Bu oyatdan hulosa shuki, inson o’z ixtiyori bilan keltirgan iymongina haqiqiy, maqbul iymondir. • Diniy bag’rikenglik ayni vaqtda kishilar e’tiqodi ustidan doimiy nazorat qilib yurishni inkor qiladi. «Ayting: «Ey insonlar, sizlarga Parvardigoringizdan Xaq – Qur’on keldi. Bas, kim hidoyat yo’liga yursa, faqat o’z foydasiga yurgan bo’lur. Kim (bu hidoyat yo’lidan) ozsa, faqat o’zining ziyoniga adashgan bo’lur. Men sizlarni ustingizda qo’riqchi emasman» (10:108). • Har qanday inson o’zgalar e’tiqodi faqat aynan shu inson ixtiyoriga emas, balki Alloh ixtiyoriga ham bog’liq ekanligini anglab yetsagina, boshqalar diniy tuyg’ulariga ham hurmat bilan munosabatda bo’ladi . Zero, e’tiqodli musulmon kishi har bir ish Allohdan ekanligiga ham iymon keltirgan bo’lishi kerak. “Agar bir Qur’on bo’lib, uning yordami bilan tog’lar joyidan jildirilsa, yo uning yordami bilan yer yorilib (daryolar paydo qilinsa), yoki uning yordami bilan o’liklar tilga kiritilsa ham (kofir bo’lgan kimsalar iymon keltirmaydilar). Yo’q, barcha ish yolg’iz Allohning (qo’lidadir. YA’ni, Alloh hohlasa iymon keltiradilar). www.arxiv.uz

• Allohning irodasi va qudrati shu darajadaki, agar O’zi xohlasa har qanday insonni tug’ri yo’ldan yurishga majbur qilar edi. Lekin u insonga aql-idrok berdi, haq bilan botilning nima ekanligini tushuntirib “Kitob”ini nozil qildi va ixtiyorni odamlarning o’ziga berdi. Endi, Allohning e’tiqod erkinligini odamlar qo’liga bergani holda, qandaydir o’zini “daho” sanovchi kimsa zo’rlik bilan dinga kiritishga harakat qilsa, bu islomga xilofdir. “To’g’ri yo’lga (hidoyat qilish) yolg’iz Alloh izmidadir, (zotan, yo’llar) orasida egrisi ham bordir. Agar (Alloh) hohlaganida sizlarning barchangizni (to’g’ri yo’lga) hidoyat qilgan bo’lur edi. (Lekin U zot sizlarga qaysi yo’l tug’ri va qaysi yo’llar egri ekanini ko’rsatib, qay bir yo’lni tanlash ixtiyorini o’zlaringizga qo’yib berdi va aql-idrok bilan To’g’ri yo’lni tanlab olgan baxtli bandalarini O’z xohish-irodasi bilan O’sha Haq yo’lga hidoyat etishni va’da qildi, egri yo’llarni tanlagan kimsalar esa har ikki dunyoda baxtsiz bo’lib, o’zlariga ziyon qilishlari to’g’risida habar berdi). www.arxiv.uz

• E’tiqod va bag’rikenglik masalasida na mutaassiblik, na murosasizlik naf keltirmaydi. Vaziyatga qarab, bugun dindor, ertaga dahriy, boshqa vaqt ateist bo’lish inson fazilati emas. Iymonli kishi amaliyotida kufrga o’rin bo’lmaydi. Kufr bilan ko’ngli yoziladigan inson esa musulmon emas. Qalbi iymon nuridan bebahra insonlar din nomidan gapirsalarda, asli qilmishlari g’ayriinsoniydir. • O’z oldiga dunyoviy davlat kurishni maqsad qilib qo’ygan O’zbekiston respublikasining Konstitutsiyasi 61 - moddasida shunday deyiladi: “Diniy tashkilotlar va birlashmalar davlatdan ajratilgan hamda qonun oldida tengdirlar. Davlat diniy birlashmalarning faoliyatiga aralashmaydi.” Mamlakatimizda barcha diniy konfessiyalar vakillari teng huquqqa egadirlar va ulardan hech biriga alohida imtiyoz berilmaydi va e’tiqodiga ko’ra taziyq ham o’tkazilmaydi. Hozirgi kunda Vatanimizda 16 diniy konfessiya erkin faoliyat olib bormoqda. • Respublikamizda endigina hurlik, amaldagi mustaqillik kunlariga erishuv reallikka aylanishi aniq bo’lib qolgan fursatda dindorlar maqomiga jiddiy e’tibor qaratilgan edi. Xususan, 1991 yili “Ramazon xayiti” dam olish kuni, deb e’lon qilindi. O’zbekiston Sovet Sotsialistik Jumhuriyati Prezidenti I.Karimovning 20 iyun kuni e’lon qilingan farmonidagi har bir jumla kishi e’tiborini tortib, har bir musulmonda chuqur bir qoniqish va ko’tarinki ruhni namoyon qiladi. Farmon matnini to’liq keltiramiz: “Musulmonlarning ko’plab istak va xohishlarini qondirish hamda O’rta Osiyo musulmonlari Diniy Boshqarmasining murojaatini e’tiborga olib, fuqarolar hamjihatligi va mehr- oqibatini yuksaltirish maqsadida “Qurbon xayiti” (“Iyd al-adha”)ni bu yil 22 iyun kuni va keyingi yillarda esa “Qurbon hayiti”ning birinchi kuni dam olish kuni deb tayinlansin www.arxiv.uz

• 1991 yilning o’zida islomiy hayot masalalarida bir qancha ishlar amalga oshirildi. Xususan, iyul oyida “Buyuk yurtdoshimiz, muxaddislar sultoni Abu Abdulloh Muhammad Ibn Ismoil al- Buxoriyning islomda Qur’ondan keyingi ikkinchi kitob hisoblangan “ al-Jome’ as Sahih” (Ishonarli to’plam) asarining birinchi jildi ilk bor Zokirjon Ismoil tomonidan o’zbek tiliga o’girildi va Qomuslar Bosh tahririyati tomonidan 200 ming nusxada chop etildi.” [1] • Sentyabr oyida “O’zbekiston musulmonlari idorasi tasarrufidagi “Ko’kaldosh”(Toshkent sh.). “Mulla Qirg’iz” (Namangan sh.). va “Faxriddin ar-Roziy”(Urganch sh.) Islom o’rta maxsus bilim yurtlari faoliyat ko’rsata boshladi.” [2] . Noyabr oyida “O’zbekiston televideniyesida birinchi diniy-ma’rifiy ko’rsatuv- “Ma’rifatnoma” namoyish etila boshladi” [3] . 18 dekabr kuni Vazirlar Mahkamasining “Diniy tashkilotlar ustavlarini ro’yxatga olish haqidagi arizalarni ko’rib chiqish qoidalarini, ro’yxatga olinganlik uchun yig’imlarni olish tartiblarini va ularning miqdorini tasdiqlash to’g’risida” 313- son qarori qabul qilindi. 350 O’zbekiston fuqarosi esa haj ibodatini ado etishga muvaffaq bo’ldi. • [1] Islom ziyosi o’zbegim siymosida. “Toshkent islom universiteti” nashriyot- • matbaa birlashmasi.2005 y. 15-bet. • [2] O’sha yerda. • [3] O’sha yerda 14 bet. www.arxiv.uz

• SHu yili diqqatga sazovor asosiy narsa , 14 iyun kuni O’zbekiston Respublikasining “Vijdon erkinligi va diniy tashkilotlar to’g’risida”gi Qonuni qabul qilinganligi bo’ldi. Bu qonunga 1993 yil 3 sentyabr kuni № 934-XP qarori bilan o’zgartrishlar kiritildi va 1998 yilning 1 may kuni № 289 – XP qarori bilan Qonun yangi taxrirda qabul qilindi. Ushbu qonun har bir shaxsning vijdon erkinligi va diniy e’tiqod huquqini, dinga munosabatidan qat’i nazar, fuqarolarning tengligini ta’minlash, shuningdek, diniy tashkilotlarning faoliyati bilan bog’liq munosabatlarni tartibga solib turadi.(1- modda). Fuqarolar dinga munosabatida majbur qilinmaydi, ota-ona roziligisiz yosh bolalar dinga jalb qilinmaydi, chet elliklar ham o’z diniy ehtiyojlarini erkin amalga oshira oladilar.(3- modda). Fuqarolarning dinga munosabatidan qat’i nazar ularning teng huquqliligi kafolatlanadi.(5- modda). www.arxiv.uz

• O’zbekiston gumanitar soha bo’yicha yuzdan ortiq inson huquqlari bo’yicha xalqaro qoidalarni imzoladi va hayotga tatbiq etdi.Bular orasida inson huquqlari bo’yicha umumjahon deklaratsiyasi (1948y.), fuqarolik va siyosiy huquqlar bo’yicha xalqaro pakt (1966 y), iqtisodiy, ijtimoiy va madaniy huquqlar bo’yicha xalqaro pakt (1966 y). din yoki e’tiqodlar zamirida murosasizlik va kamsitishlarning barcha shakllarini bartaraf etish haqida Deklaratsiya (1989 y) va boshqalarni ko’rsatish mumkin. • Hech qaysi din o’zida xalqning ijtimoiy- iqtisodiy, siyosiy va madaniy hayotidagi mavjud jixatlarning barchasini qamrab ololmaydi. SHu asosda O’zbekiston Respublikasi Konstitutsiyasining 57-moddasida diniy-siyosiy partiyalar tuzish ta’qiqlargan. www.arxiv.uz

• O’zbekistonda diniy tashkilotlar, deyilganda nimalar tushuniladi? Diniy e’tiqod, ibodat, rasm-rusumlar va marosimlarni birgalikda ado etish maqsadida tuzilgan ko’ngilli birlashmalar ( diniy jamiyatlar, diniy o’quv yurtlari, masjidlar, cherkovlar, sinagoglar, monastir va boshqalar) diniy tashkilotlar hisoblanadi. • Diniy tashkilotlar Qonunga ko’ra 18 yoshga to’lgan va O’zbekistonda doimiy yashovchi 100 nafardan kam bo’lmagan fuqarolar tashabbusi bilan tuziladi. Tashkilot nizomi qabul qilinib, zarur ta’sis xujjatlari Adliya vazirligi yoki uning joylardagi idoralariga taqdim etiladi. Diniy tashkilot a’zosi bir vaqtning o’zida boshqa diniy tashkilotga ham a’zo bo’la olmaydi. • Diniy konfessiyalar ham tegishli diniy tashkilotlar tomonidan yuborilgan vakillari orqali ta’sis konferensiyasida tuziladi va Adliya vazirligi tomonidan ro’yxatdan o’tkaziladi. • Taqdim etilgan xujjatlar bir oy davomida ko’rib chiqiladi. Diniy tashkilot ro’yxatga olgan tashkilot tomonidan qabul qilingan qaror bilan tarqatib yuborilishi ham mumkin. • Mustaqillik yillari davomida respublikamiz xududidagi diniy tashkilotlar soni oshdi. 1990 yil respublikada 119 ta diniy tashkilot va 2ta diniy o’quv yurti mavjud edi. Bugunga kelib diniy tashkilotlar soni 2186 ga yetdi. Bular orasida eng yirigi O’zbekiston musulmrnlari idorasi, Rus Pravoslav cherkovining Toshkent va O’rta Osiyo yeparxiyasi, yevangel xristian-babtistlar cherkovi, Rim- katolik cherkovi, To’liq Injil xristianlari cherkovi, O’zbekiston Bibliya jamiyatidir. Bu tashkilotlar ixtiyorida 1987 ta masjid, 163 ta xristian cherkovi, 8 ta yaxudiy sinagoglari, 6 ta Bahoiylar jdamoasi, bitta Krishnani anglash jamiyati, bitta Budda ibodatxonasida dindorlar ibodati uchun barcha sharoitlar yaratilgan www.arxiv.uz

• Mustaqillikkacha 2 ta diniy(islomiy) o’quv yurti ishlagan bo’lsa, hozirga kelib ularning soni 13 taga yetdi. • Toshkent islom instituti (ma’xadi)ni 1975-1990 yillar orasida 53 kishi,”Mir –Arab madrasasini 1950 -1990 yillar orasida 272 kishi, umuman sobiq sovet davrida diniy bilim yurtlarini jami 425 kishi bitirdi. Mustaqillik yillarida Respublikamizda 10 ta madrasa va Toshkent Islom institutini 1991 – 2004 yillar orasida 5058 kishi bitirib chiqdi. Imomlarning diniy ma’lumoti darajasi sezilarli oshirilishiga erishildi. Hozirda 90% ziyod imomlar maxsus diniy ma’lumotga egadir. • Bugungi kunda O’zbekistonda 12 ta diniy – islomiy o’quv yurti faoliyat ko’rsatadi. Ular jumlasida Toshkentdagi Imom al - Buxoriy nomli Islom instituti, “Ko’kaldosh”, Buxorodagi “Mir Arab” madrasalari , yana Toshkentdagi “Hadichai Kubro”, Buxorodagi “Juybori Kalom” ayol-qizlar islom o’rta maxsus bilim yurtlari, Namangandagi “Mulla Qirg’iz”, Urganchdagi “Fahriddin ar – Roziy”, Nukusdagi “Said Muhyiddin Mahdum”, Qashqadaryo viloyatida “Xoja Buxoriy” islom o’rta maxsus bilim yurtlarini ko’rsatish mumkin. www.arxiv.uz

• Respublikamizda fuqorolar tomonidan haj ibodatini ado etishga erkin sharoit va imkonyatlar yaratildi. 1994 yildan hojilar uchun imtiyozli valyuta konvertatsiyasi tashkil etildi. SHu maqsadda o’tgan yillarda (2005 yilgacha) 47 milliondan ortiq AQSH dollari ajratildi. 1991 yilda hajga boruvchilar soni 1500 kishini tashkil etgan bo’lsa, 1996 yilda bu ko’rsatgich yiliga 3800 dan ziyodni tashkil etmoqda [1] Bu ko’rsatgichlar bo’yicha boshqa diniy konfessiyalar faoliyatidan shunday misollarni keltirish mumkin. Xususan, 1998 yilda Pravoslav hamda Protestant seminariyalari faoliyat ko’rsata boshladi. Rus Pravoslav cherkovi Toshkent va O’rta Osiyo yeparxiyasining 125 yilligi va yevangel – Lyuteran jamoasining 100 yilligi nishonlandi. • Bu amallar Xel’sinki YAkunlovchi akti, Vena va Kopengagenda qabul qilingan xujjatlarda qayd etilgan shaxsning vijdon va din erkinligi borasidagi tamoyillarga to’la muvofiqdir. • 1998 yillning 1 may kuni O’zbekiston Respublikasining Ma’muriy (184, 184-1, 201, 202-1, 240, 241-244-1 moddalar) va Jinoyat (141, 184-1, 201, 202-1, 240, 241 moddalar) kodekslariga qo’shimcha va o’zgartirishlar kiritildi. Quyidagi noqonuniy faoliyatlar uchun solinadigan jarimalarning miqdori ko’paytirildi: • - Jamoat joylarida ibodat liboslarida yurish (diniy tashkilot hizmatchilari bundan mustosno); • - Diniy marosim, namoyish va boshqa urf - odatlarni bajarishda qonun – qoidalarni buzish; • - O’zbekiston Respublikasida taqiqlangan diniy tashkilot va jamolarning faoliyatida ishtirok etishga jalb etish; • - Prozelitizm va missionerlik faoliyatini yuritish; • - Diniy ta’limotdan saboq berish tartibini buzish www.arxiv.uz

Mustaqillik yillarida din va davlat munosabatlarida ko’pgina yangiliklar, hususan dindorlarga imtiyozlar yaratildi. Ammo o’z hurmatini bilmagan ayrim manfur kimsalar dindan g’arazlik maqsadlarda foydalanishga harakat qildilar. O’zbekiston axolisi, jumladan davlatimiz dinga munosabati aniq belgilab olingan. “ Biz din bundan bundan buyon ham aholini eng oliy ruhiy, axloqiy va madaniy merosdan baxramand bo’lishi tarafdorimiz. Lekin biz hech qachon diniy da’vatlar xokimiyat uchun kurashga, siyosat, iqtisodiyot va qonunchilikka aralashlashish uchun bayroq bo’lishiga yo’l qo’ymaymiz. CHunki bu holni davlatimiz xavfsizligi, barqarorligi uchun jiddiy xavf – xatar deb hisoblaymiz” - deydi prezidentimiz. Demak, dunyoviy davlatda din davlatdan, uning siyosatidan ajratilgani bilan xalq ko’nglidan, dilidan ajratilmaydi. Islom dinida asosiy hayotiy muammolar uning shariati ahkomlarida bayon qilingan . SHuning uchun islom shariatida qanday ma’naviy asoslar mavjudligini bilib olaylik . www.arxiv.uz

O'xshashlar

O'zbekistonda diniylik va dunyoviylik munosabati

Ma’naviyat va madaniyat, ularning о‘zaro munosabati

Diniy tashkilotlarning zamonaviy dunyoviy meyorlarga moslahivuning tasiri

Islom dinida e’tirof etilmagan mazhablar, diniy-siyosiy partiya va oqimlar

Davlat va din