Yalpi hududiy mahsulot - Iqtisodiyot - Slaydlar

Yalpi hududiy mahsulot

Yuklangan vaqt:

17.12.2024

Ko'chirishlar soni:

0

Hajmi:

7800.8896484375 KB

Ko'chirib olish

O`ZBEKISTON RESPUBLIKASI OLIY VA O`RTA MAXSUS TA`LIM VAZIRLIGI TOSHKENT DAVLAT IQTISODIYOT UNIVERSITETI “ IQTISODIYOT” FAKULTETI “ Statistika” fanidan Mustaqil ishi bo’yicha taqdimot Yalpi hududiy mahsulot

Reja: • Kirish • 1.YaHM tushunchasi va uning mohiyati • 2. YaHMni hisoblash usullari • 3. O’zbekistonda YaHM ko’rsatkichlari tahlili • 4. O’zbekistonda YaHM variatsiya ko’rsatkichlari tahlili • Xulosa va takliflar • Foydalanilgan adabiyotlar

Kirish • Hozirgi zamon jahon iqtisodiyotida mamlakatlar oʻrtasida kapital harakatchanligi darajasi gʻoyat yuqori. Natijada bir mamlakat kapitalining qandaydir bir qismidan chet elda foydalaniladi. Ayni paytda esa mamlakatning baʼzi aktivlari (korxonalar, koʻchmas mulklar, qimmatli qogʻozlar) xorijiy fuqarolar va firmalar (norezidentlar)ning egaligida boʻladi. Norezidentlar oʻz mulklaridan olgan daromadlarining bir qismini vatanlariga oʻtkazib turishlari natijasida yalpi ichki mahsulot miqsori bilan tegishli mamlakat ixtiyoridagi amaldagi yalpi daromad (YAMM) miqdori bir-biriga teng kelmay qoladi. Shu bois YAMM hajmini toʻgʻri aniqlash uchun yalpi ichki mahsulotga mamlakatga uning chet ellardagi oʻz fuqarolari mulkidan tushgan daromadlar bilan mamlakatdan chiqib ketgan chet elliklar daromadlari oʻrtasidagi farqni qoʻshish kerak. Chet eddagi mulklardan tushgan daromadlar saldosi ijobiy boʻlsa YAMM hajmi yalpi ichki mahsulotdan koʻp, aksincha holatda kam boʻladi (qarang Milliy daromad , Yalpi ichki mahsulot ).

1.Yalpi hududiy mahsulot tushunchasi va uning mohiyati • YaHM – milliy hisoblar tizimining asosiy ko`rsatkichi bo`lib, muayyan davrda mintaqaning iqtisodiy hududida joylashgan rezident – institutsional birliklar ishlab chiqarish faoliyatining yakuniy natijasini ifodalaydi. YaHM ishlab chiqarish usulida, iqtisodiy faoliyat turlari bo`yicha yalpi qo`shilgan qiymat hajmi va mahsulotlarga sof soliqlar yig`indisi orqali hisoblanadi.

Yalpi hududiy mahsulot (YaHM) — mamlakat iqtisodiy faoliyatining muayyan davr (oy, chorak, yil) davomidagi umumiy natijalarini tavsiflaydigan ko rsatkich. Mamlakat ʻ hududida joylashgan barcha korxonalar (chet el va qo shma ʻ korxonalari ham shu hisobga kiradi) tomonidan jami ishlab chiqarish omillari bilan ishlab chiqarilgan tovarlar va xizmatlarning bozor qiymatlaridagi ifodasi bo lib, ʻ uning miqdori milliy hisoblar tizimi asosida hisoblab chiqiladi. Mamlakat iqtisodiyotining rivojlanishini makrodarajada tavsiflash va tahlil etishda foydalaniladi.

• Oʻzbekistonda 2003 yilda amaldagi narxlarda 9964,1 mlrd. soʻmlik YIM ishlab chiqarildi. Bu 2002 yilga nisbatan 4,4 % ga koʻp demakdir. Yaratilgan YIMning tarmoq tuzilmasi quyidagicha: uning 48,5% tovarlar ishlab chiqarish (uning 15% sanoatda, 28,8% qishloq xoʻjaligida, 4,5% qurilishda) va 38,1% xizmatlar koʻrsatish (uning 8,5% traneport va aloqada, 9,4% savdo va umumiy ovqatlanishda, 20,2% bozor va nobozor xizmatlarda)ga, 13,4% mahsulot va eksportimport operatsiyalari sof soliqlariga toʻgʻri keldi. Milliy statistikada asosiy makroiqtisodiy koʻrsatkich sifatida YIM yoki yalpi milliy mahsulot (YMM), hatto yalpi milliy daromad (YMD) ham qabul qilinishi mumkin

• Masalan, AQSH va Yaponiyada YIM emas, balki YMM asosiy makroiqtisodiy koʻrsatkich hisoblanadi. Ammo BMT ning milliy hisoblar tizimida YIM birlamchi iqtisodiy koʻrsatkich boʻlib xizmat qiladi. Miqdor jihatdan bu koʻrsatkichlar oʻrtasidagi tafovut unchalik katta emas: rivojlangan mamlakatlarda bu tafovut bir foizdan oshmaydi. Chet ellarda ishlovchi fuqarolardan tushadigan daromadlar salmoqli boʻlgan mamlakatlarda bu tafovut kattaroq boʻlishi mumkin.

2. YaHMni hisoblash usullari • MHT BMT tomonidan e’lon qilingan «Milliy hisoblar va yordamchi jadvallar tizimi» nomli hujjat asosida xalqaro statistikada standart tizim sifatida 1953 yildan boshlab qo’llanila boshladi. Hozirgi davrda dunyoning 100 dan oshiq mamlakatlarida, shu jumladan O’zbekistonda mazkur tizim keng qo’llaniladi.

Hisoblash bo’yicha yondashuvlarU sh b u m illiy h iso b la r tiz im i a so sid a Y A IM u ch x il u su l b ila n h iso b la n ish i m u m k in : Birinchi usul - bu YAIM ni hisoblashga qo’shilgan qiymatlar bo’yicha yondashuv Ikkinchi usul - bu YAIM ni hisoblashga sarf-xarajatlar bo’yicha yondashuv Uchinchi usul - bu YAIM ni hisoblashga daromadlar bo’yicha yondashuv.

Birinchi yondashuv• Birinchi usul - bu YAIMni hisoblashga qo’shilgan qiymatlar bo’yicha yondashuv Bunda milliy iqtisodiyotning barcha tarmoqlari bo’yicha yaratilgan qo’shilgan qiymatlar qo’shib chiqiladi (YAIM tarmoq va ishlab chiqarishlar bo’yicha). Bu usul bilan hisoblangan YAIM alohida tarmoqlarning shu mahsulotini yaratishdagi o’rnini va hissasini aniqlash imkonini beradi.

Ikkinchi yondashuv• Ikkinchi usul - bu YAIMni hisoblashga sarf- xarajatlar bo’yicha yondashuv Bunda mazkur yilda ishlab chiqarilgan barcha mahsulot (xizmat)lar hajmini sotib olishga qilingan butun sarflar qo’shib chiqiladi. Milliy iqtisodiyotda ishlab chiqarilgan pirovard mahsulotlarni mamlakat ichida xo’jalikning uchta sub’ekti - uy xo’jaliklari, davlat, tadbirkorlar, hamda tashqaridan chet ellik iste’molchilar sotib olishi mumkin.

Uchinchi yondashuv• Uchinchi usul - bu YAIMni hisoblashga daromadlar bo’yicha yondashuv. Mazkur yilda ishlab chiqarilgan pirovard mahsulot hajmidan olingan barcha daromadlar uy xo’jaliklari ixtiyoriga ish haqi, renta to’lovlari, foiz va foyda shaklida kelib tushadi. Shu sababli bu usulda YAIM pirovard mahsulot hisobidan olingan ana shu barcha daromadlarni qo’shib chiqish orqali aniqlanadi.

3. O’zbekistonda YaHM ko’rsatkichlari tahlili • 2018 yil yalpi ichki mahsulot hajmi 407,5 trln. so`mni tashkil etdi va 2017 yil bilan taqqoslaganda 5,1% ga o`sdi. Bu haqda Davlat statistika qo’mitasi ma’lumotlarida keltirilgan .Aholi jon boshiga hisoblangan YIM 12,3 mln. so`mni tashkil etdi va bu ko’rsatkich o’tgan yilning mos davriga nisbatan 3,3% ga o’sdi.

2018 yil yakunlari bo’yicha, ishlab chiqaradigan (qayta ishlash) sanoati qo’shilgan qiymati tarkibida eng katta ulush metallurgiya va metalni qayta ishlash sanoatiga (mashina va uskunalardan tashqari) to’g’ri keldi va 24,5% ni tashkil etdi.Oziq ovqat mahsulotlari, ichimliklar va tamaki mahsulotlarini ishlab chiqarishning ulushi 17,0%, to’qimachilik mahsulotlari, kiyim, teri va unga tegishli mahsulotlar ishlab chiqarish — 16,1%, rezina, plastmassa buyumlar va boshqa nometall mineral mahsulotlar ishlab chiqarish — 11,3%, kimyo mahsulotlari ishlab chiqarish — 9,2%, avtotransport vositalari, treylerlar, yarim pritseplar hamda boshqa transport uskunalari ishlab chiqarish — 7,4%, elektr uskunalar ishlab chiqarish — 3,5% va Ishlab chiqaradigan (qayta ishlash) sanoatining boshqa mahsulotlarini ishlab chiqarish — 11,0% ni tashkil qildi.

Dastlabki ma`lumotlarga ko`ra, 2018 yilning yanvar – iyunida Qoraqalpog`iston Respublikasi YaHM hajmi joriy narxlarda 4 947,9 mlrd.so`mni tashkil etdi va 2017 yilning mos davri bilan taqqoslaganda 3,5 % ga o`sdi. YaHM ning o`sishi qishloq, o`rmon va baliq xo`jaligi – 102,6 % (YaHM tarkibidagi ulushi – 10,1 %), sanoat – 104,0 % (36,3 %), qurilish – 101,5 % (8,4 %), xizmatlar sohasi – 103,7 % (45,2 %) kabi hudud iqtisodiyotining asosiy tarmoqlaridagi ijobiy o`sish sur`atlari bilan bog`liq. Aholi jon boshiga hisoblangan YaHM 2 677,6 ming so`mni tashkil etdi va 2,1 % ga o`sdi. Andijon viloyati bo`yicha YaHM joriy narhlarda 8 744,3 mlrd.so`mni tashkil etdi va 7,8 % ga o`sdi. Iqtisodiy o`sish qishloq, o`rmon va baliq xo`jaligida – 105,8 % (YaHM tarkibidagi ulushi - 31,7 %), sanoatda - 122,3 % (25,4 %), qurilishda – 105,2 % (5,7 %), xizmatlar sohasida – 103,2 % (37,2 %) kuzatilgan ijobiy o`sish sur`atlari natijasida ta`minlandi. Aholi jon boshiga hisoblangan YaHM 2 893,6 ming so`mni tashkil etdi va 6,0 % ga o`sdi.

Buxoro viloyatida YaHM hajmi 2,2 % ga o`sdi va 6 870,6 mlrd.so`mni tashkil etdi. YaHM ning tarmoq tarkibida o`sish sur`atlari: qishloq, o`rmon va baliq xo`jaligida – 101,6 % (YaHM tarkibidagi ulushi – 30,1 %), qurilishda – 103,8 % (11,3 %), xizmatlar sohasida – 103,7 % (38,7 %) ni tashkil etdi. Shuningdek, 2017 yilning mos davri bilan taqqoslaganda sanoat tarmog`ida ishlab chiqarish hajmining kamayishi kuzatildi va 99,1 % ni tashkil etdi (mazkur tarmoqning YaHM tarkibidagi ulushi – 19,9 %). Aholi jon boshiga hisoblangan YaHM 0,8 % ga o`sdi va 3 663,0 ming so`mni tashkil etdi. Jizzax viloyatida YaHM 4,8 % ga o`sdi va 3 116,8 mlrd.so`mni tashkil etdi. O`sish sur`atlari qishloq, o`rmon va baliq xo`jaligida – 104,9 % (YaHM tarkibidagi ulushi - 29,0 %), sanoatda - 104,2 % (16,3 %), qurilishda – 105,4 % (10,6 %), xizmatlar sohasida – 104,7 % (44,1 %) ni tashkil etdi. Aholi jon boshiga YaHM hajmi 2 341,7 ming so`mni tashkil etdi va 2,9 foizga o`sdi. Qashqadaryo viloyati yalpi hududiy mahsuloti 3,7 % ga o`sdi va 9 816,6 mlrd.so`mni tashkil etdi. YaHM ning o`sishi hudud iqtisodiyotining asosiy tarmoqlaridagi ijobiy o`sish sur`atlari bilan bog`liq. Jumladan: qishloq, o`rmon va baliq xo`jaligida o`sish sur`atlari 102,3 % (YaHM tarkibidagi ulushi – 20,7 %), sanoatda – 106,5 % (37,7 %), qurilishda – 100,1 % (7,9 %), xizmatlar sohasida – 102,3 % ni (33,7 %) tashkil qildi. Aholi jon boshiga YaHM 1,7 % ga o`sdi va 3 104,9 ming so`mni tashkil etdi.

Navoiy viloyatida YaHM o`sishi 3,9 % ni tashkil etdi va 8 663,0 mlrd.so`mga yetdi. YaHM tarmoq tarkibida o`sish sur`ati qishloq, o`rmon va baliq xo`jaligida – 101,4 % (YaHM tarkibidagi ulushi – 13,2 %), sanoatda – 100,3 % (62,9 %), qurilishda – 133,7 % (4,7 %), xizmatlar sohasida – 107,7 % ni (19,2 %) tashkil etdi. Aholi jon boshiga hisoblangan YaHM 2,2 % ga o`sdi va 9 010,8 ming so`mni tashkil etdi. Namangan viloyatida YaHM 5 776,5 mlrd.so`mni tashkil etdi, bu esa 2017 yilning mos davri ma`lumotlariga nisbatan 3,9 % ga ko`pdir. YaHM dagi o`sish sur`ati qishloq, o`rmon va baliq xo`jaligi – 105,5 % (YaHM tarkibidagi ulushi – 29,6 %), sanoat – 104,7 % (14,9 %), qurilish – 104,7 % (6,1 %) va xizmatlar sohasidagi – 102,7 % (49,4 %) ijobiy o`sish sur`atlari bilan bog`liq. Aholi jon boshiga YaHM 2,1 % ga o`sdi va 2 131,6 ming so`mni tashkil etdi. Samarqand viloyatida YaHM hajmi 9 118,3 mlrd.so`mni tashkil etdi va 2,4 % ga o`sdi. Ushbu hududda qishloq, o`rmon va baliq xo`jaligida – 100,5% (YaHM tarkibidagi ulushi – 24,8 %), qurilishda – 109,0 % (7,8 %), xizmatlar sohasida – 103,4 % (46,8 %) ijobiy o`sish sur`atlari qayd etildi. Sanoat tarmog`ida esa, ishlab chiqarish hajmining kamayishi kuzatildi va 2017 yilning yanvar - iyuniga nisbatan 99,8 % ni tashkil etdi (ushbu tarmoqning YaHM tarkibidagi ulushi – 20,6 %). Aholi jon boshiga YaHM 0,4 % ga o`sdi va 2 440,2 ming so`mni tashkil etdi.

Surxondaryo viloyatida YaHM 6,3 % ga o`sdi va 6 216,9 mlrd.so`mni tashkil etdi. YaHM ning o`sishiga ta`sir qiluvchi omillar bo`lib, qishloq, o`rmon va baliq xo`jaligida – 106,5 % (YaHM tarkibidagi ulushi – 41,5 %), sanoatda – 128,1 % (8,2 %), qurilishda – 105,3 % (8,3 %), xizmatlar sohasidagi – 102,7 % (42,0 %) o`sish sur`atlari xizmat qildi. Aholi jon boshiga YaHM 2 461,1 ming so`mni tashkil etdi, bu esa 2017 yilning mos davri ma`lumotlariga nisbatan 4,1 % ga ko`pdir. Sirdaryo viloyatida YaHM 3,1 % ga o`sdi va 2 629,7 mlrd.so`mni tashkil etdi. Hudud iqtisodiyotining asosiy tarmoqlarida ham ijobiy o`sish sur`atlari qayd etildi. Xususan, o`sish sur`atlari qishloq, o`rmon va baliq xo`jaligida 100,2 % (YaHM tarkibidagi ulushi - 32,0 %), sanoatda 105,7 % (27,1 %), qurilishda 105,2 % (5,3 %), xizmatlar sohasida 102,8 % (35,6 %) ni tashkil etdi. Aholi jon boshiga YaHM hajmi 3 211,3 ming so`mni tashkil etdi va 1,4 % ga o`sdi. Toshkent viloyatida YaHM 13 877,7 mlrd.so`mni tashkil etdi va 3,2 % ga o`sdi. YaHM ning o`sishi hudud iqtisodiyoti tarmoqlaridagi ijobiy o`sish sur`atlari bilan bog`liq. Jumladan: qishloq, o`rmon va baliq xo`jaligida – 101,0 % (YaHM tarkibidagi ulushi – 18,7 %), sanoatda – 105,3 % (47,9 %), qurilishda – 106,2 % (3,2 %), xizmatlar sohasida – 101,6 % (30,2 %) o`sish sur`atlari kuzatildi. Aholi jon boshiga YaHM 2,0 % ga o`sdi va 4 837,3 ming so`mni tashkil etdi.

Farg`ona viloyatida YaHM 3,3 % ga o`sdi va 9 409,4 mlrd.so`mni tashkil etdi. YaHM ning o`sishi hudud iqtisodiyoti tarmoqlaridagi ijobiy o`sish sur`atlari bilan bog`liq. O`sish sur`ati qishloq, o`rmon va baliq xo`jaligida – 100,5 % (YaHM tarkibidagi ulushi – 24,6 %), sanoatda – 105,2 % (25,2 %), qurilishda – 107,7 % (6,0 %), xizmatlar sohasida – 103,2 % (44,2 %) ni tashkil etdi. Aholi jon boshiga hisoblangan YaHM 2 590,3 ming so`mni tashkil etdi va 1,7 % ga o`sdi. Xorazm viloyatida YaHM 4 737,7 mlrd.so`mni tashkil etdi, bu esa 2017 yilning yanvar - iyuniga nisbatan 4,1 % ga ko`pdir. YaHM ning o`sishi qishloq, o`rmon va baliq xo`jaligi – 102,7 % (YaHM tarkibidagi ulushi – 28,4 %), sanoat – 111,3 % (19,5 %), qurilish – 104,0 % (9,0 %), xizmatlar sohasidagi – 102,3 % (43,1 %) o`sish sur`atlari bilan bog`liq. Aholi jon boshiga hisoblangan YaHM 2,5 % ga o`sdi va 2 617,3 ming so`mni tashkil etdi. Toshkent shahrida YaHM 22 752,7 mlrd.so`mni tashkil etdi, bu esa 2017 yilning yanvar - iyuniga nisbatan 7,4 % ga yuqoridir. YaHM o`sishining asosiy omillari bo`lib, sanoat – 106,2 % (YaHM tarkibidagi ulushi – 31,5 %), qurilish – 110,9 % (8,9 %), xizmatlar sohasidagi – 107,3 % (59,6 %) ijobiy o`sish sur`atlari hisoblanadi. Aholi jon boshiga hisoblangan YaHM 5,6 % ga o`sdi va 9 191,5 ming so`mni tashkil etdi.

Respublika bo`yicha YaIM ning shakllanishida Toshkent shahri 14,9 % ulush bilan eng katta hissa qo`shdi. Toshkent viloyati 9,1 % va Qashqadaryo viloyati 6,4 % ko`rsatkich bilan keyingi o`rinlarni egallab turibdi. Respublika YaIM ni shakllantirishda eng kam ulush Sirdaryo (1,7 %), Jizzax (2,0 %), Xorazm (3,1 %) viloyatlariga to`g`ri kelmoqda.

2018 yilning yanvar – iyuni yakunlari bo`yicha Andijon viloyati (107,8 %), Toshkent shahri (107,4 %) va Surxondaryo viloyatida (106,3 %), yuqori o`sish sur`atlari qayd etildi. Respublika darajasiga (104,9 %) nisbatan past o`sish sur`atlari Buxoro (102,2 %), Samarqand (102,4 %) va Sirdaryo (103,1 %) viloyatlarida kuzatildi.

2018 yilning yanvar – iyuni yakunlariga ko`ra, qishloq, o`rmon va baliq xo`jaligining YaHM tarkibidagi ulushi bo`yicha eng yuqori ko`rsatkich Surxondaryo viloyatida (41,5 %), sanoatning eng yuqori ulushi Navoiy viloyatida (62,9 %), qurilishning eng yuqori ulushi Buxoro viloyatida (11,3 %), xizmatlar sohasining eng yuqori ulushi esa, Toshkent shahrida (59,6 %) kuzatildi.

4. O’zbekistonda YaHM variatsiya ko’rsatkichlari tahlili Yuqoridagi statistik malumotdan foydalanib variatsiya ko’rsatkichlarni aniqlaymiz.

Dastlab x (o’rt) topamiz.Bu uchun aholi sonini mos YaIMga ko’paytirib yig’indisini topib umumiy aholi soniga bo’lamiz. X(o’rt) =0,003559637Hududlar YaIM mlrd so'm(X*F) Aholi jon boshiga ming.so'm (X) Aholi soni(F) X-X(o'rt) (X- X(o'rt))*1000 (X-X(o'rt))^2 (X-X(o'rt)*f (X-X(o'rt))^2*f Andijon 8744,3 0,0028936 3021945 0,000666 0,666037 0,443605285 2012,72717 1,340550766 Buxoro 6870,6 0,003663 1875676 0,000103 0,103363 0,01068391 193,875465 0,02003955 Jizzax 3116,6 0,0023417 1330913 0,001218 1,217937 1,483370536 1620,96872 1,974237781 Qashqadaryo 9815,8 0,0031049 3161390 0,000455 0,454737 0,206785739 1437,60103 0,653730381 Navoiy 8663 0,0090108 961401,9 0,005451 5,451163 29,71517805 5240,75832 28,56822785 Namangan 5776,5 0,0021316 2709936 0,001428 1,428037 2,039289673 3869,88916 5,526344904 Samarqand 9118,3 0,0024402 3736702 0,001119 1,119437 1,253139197 4183,00238 4,68260763 Surxondaryo 6216,9 0,0024611 2526066 0,001099 1,098537 1,20678354 2774,9765 3,048414364 Sirdaryo 2629,7 0,0032113 818889,5 0,000348 0,348337 0,121338666 285,249528 0,099362965 Toshkent 13877,7 0,0048373 2868894 0,001278 1,277663 1,632422742 3665,47946 4,683247489 Farg'ona 9409,4 0,0025903 3632552 0,000969 0,969337 0,93961422 3521,16727 3,413197714 Xorazm 4737,7 0,0026173 1810148 0,000942 0,942337 0,887999022 1705,76931 1,607409531 Toshkent sh 22752,7 0,0091915 2475407 0,005632 5,631863 31,71788085 13941,151 78,51465241 Qoraqalpog' Res 4947,9 0,0026776 1847886 0,000882 0,882037 0,777989269 1629,90397 1,437635609 Jami 116677,1 0,0531722 32777806 0,021591 21,590822 72,4360807 44452,6153 135,5696589

Keyingi qadam O’rtacha chiziqli chetlanish =| *f/∑f =0,0013561803 2.O’rtacha kvadrat chetlanish ,dispersiya = *f/ f =0,000004136 3.O’rtacha kvadratik chetlanish •

Endi variatsiya koeffitsiyentlarini aniqlaymiz • 3 xil variatsiya ko’rsatkichi bor • R=0,0070599 • V 1 =R/*100 V 1 =198,33 • V 2 = V 2 =0,11 • V 3 = /*100 V 3 =57,13•

Xulosa va takliflar • Davlat boshqaruvini isloh qilish yo‘nalishida, loyiha tomonidan qonunchilik bazasini takomillashtirish, sud tizimini isloh qilish, aholining siyosiy madaniyatini ko‘tarish, islohotlarni unumli amalga oshirish va davlat boshqaruvi institutlarini takomillashtirish bo‘yicha vazifalar belgilab berilgan. Bularning barchasi O‘zbekistonning xalqaro indekslardagi o‘rnini ko‘tarilishini ta'minlashi zarur. • Iqtisodiyotda sanoat, xizmatlar sohasi va qishloq xo‘jaligining rivojlanishi rejalashtirilmoqda. Tadbirkorlar tashabbuskorligiga, ularning moliyaviy imkoniyatlar bilan ta'minlanishiga alohida e'tibor qaratiladi. Iqtisodiyotda chuqur tarkibiy o‘zgarishlarga asoslangan holda, 2035 yilga borib, mamlakatning yalpi ichki mahsuloti 479 milliard dollarga yetishi ko‘zda tutilgan.

Foydalanilgan adabiyotlar • O’zbekiston Respublikasi Statistika Qo’mitasi rasmiy sayti • “ Statistika “ X.A .Shodiyev darslik • “ Iqtisodiyot nazariyasi” Shodmonov darslik Internet saytlari Stat.uz Cbu.uz Mygov.uz

O'xshashlar

Yalpi ichki mahsulot statistikasi va uning xajmini hisoblash usullari

Yalpi talab va yalpi taklif

Yalpi talab va yalpi taklif

Milliy iqtisodiyot va uning makroiqtisodiy o’lchamlari. Yalpi milliy mahsulot va uning harakat shakllari

Germaniyaning Yalpi Ichki mahsuloti