Koreya davlati iqtisodiyoti - Iqtisodiyot - Slaydlar

Koreya davlati iqtisodiyoti

Yuklangan vaqt:

23.09.2019

Ko'chirishlar soni:

0

Hajmi:

297 KB

Ko'chirib olish

Koreya davlati iqtisodiyoti

O`zbekiston va Koreya o`rtasidagi teng Huquqli aloqalar mamlakatimiz mustaqillikka erishgan dastlabki yillardanoq yo`lga qo`yilgan bo`lib, mustaqilligimizni birinchilardan bo`lib tan olgan davlatlardan biri ham Koreyadir. Aytish mumkinki, Koreya va O`zbekiston o`rtasidagi iqtisodiy- ijtimoiy munosabatlarning ijobiy samarasi sifatida yurtimizda koreyalik ishbilarmonlar ishtirokida o`nlab qo`shma korxonalar faoliyat ko`rsatmoqda. O`tgan yili O`zbekiston tashqi savdo aylanmasining olti foizdan ko`pi Janubiy Koreya hissasiga to`g`ri keldi. Bu 1 mlrd. dollardan ortiq demakdir. So`nggi 10 yil davomida rasmiy Seulning O`zbekiston iqtisodiyotiga kiritilgan sarmoyasi esa 2 mlrd. dollardan oshdi.

Poytaxtimizda 12 may kuni O‘zbekiston va Janubiy Koreya ishbilarmon doiralarining biznes-forumi bo‘lib o‘tdi.O‘zbekiston Respublikasi Tashqi iqtisodiy aloqalar, investitsiyalar va savdo vazirligi hamda ikki mamlakatning Savdo-sanoat palatalari hamkorligida tashkil etilgan ushbu tadbir O‘zbekiston-Koreya savdo- iqtisodiy va sarmoyaviy hamkorligini yanada kengaytirish masalalariga bag‘ishlandi. Unda ikki mamlakatning tashqi iqtisodiy aloqalar, yoqilg‘i-energetika majmui, bank-moliya, savdo, qurilish, mashinasozlik, oziq-ovqat, tabiiy resurslar, kimyo, axborot texnologiyalari hamda transport va transport kommunikatsiyalari sohalari uchun mas’ul vazirlik va idoralari, kompaniya va konsernlari rahbarlari ishtirok etdi. Anjumanda O‘zbekiston Respublikasi Savdo-sanoat palatasi raisi A.Shayxov va Tashqi iqtisodiy aloqalar, investitsiyalar va savdo vazirining birinchi o‘rinbosari N.Najimov hamda Koreya Respublikasi Savdo-sanoat palatasi prezidenti va bosh ijrochi direktori Kim Sang Yol ikki davlat rahbarlarining uchrashuvlarida erishilgan kelishuvlar mamlakatlarimiz o‘rtasida barcha sohalardagi, jumladan, savdo- iqtisodiy aloqalarni rivojlantirishda ham muhim huquqiy asos bo‘lib xizmat qilayotganini alohida ta’kidladilar.

Forumda koreyalik ishbilarmonlarga mamlakatimiz iqtisodiyotiga sarmoya jalb etishning ustuvor yo‘nalishlari haqida batafsil ma’lumot berildi. Mehmonlar yurtimizda davom etayotgan keng ko‘lamli xususiylashtirish jarayoni, iqtisodiyotimizda izchillik bilan amalga oshirilayotgan islohotlar, kichik biznes va xususiy tadbirkorlikni rivojlantirish borasidagi o‘zgarishlar bilan tanishdilar. Bugungi kunda mamlakatlarimiz o‘rtasidagi hamkorlik deyarli barcha yo‘nalishlarda izchil rivojlanib bormoqda. O‘zaro savdo- iqtisodiy aloqalarni rivojlantirish borasida ikki mamlakatning imkoniyatlari katta. 2007 yilda mamlakatlarimiz o‘rtasidagi o‘zaro tovar ayirboshlash hajmi 850 million AQSH dollaridan oshdi. O‘zbekistonda Koreya sarmoyasi ishtirokida 313 qo‘shma korxona, 73 firma va kompaniyaning vakolatxonalari faoliyat ko‘rsatmoqda. Ular mashinasozlik, savdo, kimyo, oziq-ovqat va yengil sanoat, metallni qayta ishlash, sog‘liqni saqlash, sayyohlik, xizmat ko‘rsatish kabi sohalarda ish yuritayotir.

Tadbirda ikki mamlakat o‘rtasida savdo-iqtisodiy va sarmoyaviy hamkorlikni, jumladan, neft-gaz, elektrotexnika, farmatsevtika, to‘qimachilik, oziq-ovqat, meva-sabzavot mahsulotlarini qayta ishlash, qurilish kabi sohalardagi aloqalarni yanada rivojlantirishga , Koreya kompaniyalarini mamlakatimizdagi xususiylashtirish jarayoniga keng jalb etishga oid masalalar atroflicha muhokama qilindi. Bunda O‘zbekiston va Koreya ishbilarmonlari o‘rtasidagi bevosita hamkorlik aloqalarini yanada mustahkamlash muhim o‘rin tutishi alohida ta’kidlandi. Anjumanda Janubiy Koreyaning ellikdan ziyod yirik kompaniyasidan yuzga yaqin vakil ishtirok etdi. Xususan, “Korean Eyr”, “Asiana Eyrlaynz” (aviatashuv), “Vumi”, “Tebek”, “Il Yang”, “Pung Sung”, “Seoxi” (qurilish), “Xyonde motor” (mashinasozlik), “Eksimbank” (bank-moliya, sarmoya) “KADO” (raqamli texnologiyalar) kabi kompaniyalar O‘zbekiston bozoridagi o‘z faoliyatini kengaytirish niyatida ekanligi qayd etildi. Koreya delegatsiyasi a’zolari mamlakatimizning qator vazirlik va idoralarida bo‘lib, o‘zaro hamkorlikni kengaytirish yuzasidan muzokaralar o‘tkazdi.

Seul - Osiyodagi yirik moliyaviy markaz va Jahon Savdo Markazining uyi. Janubiy Koreya kemasozlikda dunyoda yetakchi hamda dunyodagi eng yirik eksportyor mamlakatlardan biri. Janubiy Koreyaning 1997-yildagir inqirozgacha bo`lgan ildam iqtisodiy rivoji «Sharqiy Osiyo Mo`jizasi» deb atalgan. Uch dekada shiddatli iqtisodiy rivojlanish kambag`al agrar mamlakatni dunyodagi o`n ikkinchi iqtisodiy- eksport davlatiga aylantirdi

Koreyaning bunday tez rivoji yuqori darajadagi jamg`arma va sarmoyaga katta yordam berdi. Shuningdek milliy ta`limning taraqqiy 1996-yil 12-dekabrda Koreya Iqtisodiy Hamkorlik va Rivojlanis Tashkiloti (IHRT) ga qabul qilinishi haqiqatan Koreyaning avjga topishiga rag`bat bo`ldi. Shuning evaziga bugungi kunda bir qancha yosh o`g`il-qizlar dunyoning eng mashhur oliygohlarida ta`lim olishmoqda. Seuldan qariyb 400 kilometr janubda joylashgan Tegu shahri o`zining kattayu kichik to`qimachilik korxonalari bilan mamlakatda o`z o`rniga ega bo`lsa, Pusan va Inchon tadbirkorlar ishlab chiqargan mahsulotlarni dunyoning turli mamlakatlariga yetkazib beradigan dengiz portlari bilan ajralib turarkan. Koreyaga kelgan har bir sayyoh iqlimi subtropik bo`lib, yilning to`rt faslida ham dalalari, issiqxonalarida subtropik mevalar - mandarinu apelsinlar pishib turadigan mashhur Chiju oroliga borishni orzu qiladi. Sayyohlar uchun yaratilgan qulayliklaru shart-sharoitlar, orolning qoq markazida bundan 5 ming yil avval vulqon otilishi natijasida paydo bo`lgan tepalikka chiqib butun orolni, dengizni tomosha qilish ham sayyohlarning asosiy niyatiga aylanadi.

1950—53-yillarda bo’lib o’tgan Koreys Urushi Janubiy Koreya iqtisodiyoti rivojlanishiga katta putur yetkazdi. Bir xalqning o’zaro urushib ikki qismga bo’linishi Koreya tuprog’ida buzg’unchilik va alamli xotiralarni qoldirdi. Urush qurbonlari va nogironlar soni 1,5 mlnni tashkil etadi. Urushning moddiy zarar qiymati 1953-yil narxlarida 3,1 mlrd AQSh dollarini tahskil etdi. Janubiy Koreya kemasozlikda dunyoda yetakchi hamda dunyodagi eng yirik eksportchi mamlakatlardan biridir. Janubiy Koreyaning urushdan ko’rgan zarari 1953-yilgi Milliy Yalpi Maxsulot (YMM)ning 85%ini tahskil etti. Urushdan keyingi qayta tiklanish davrida (1953-1960-yy) rivojlanish darajasi xorijiy davlatlarning yordamlari bo’lishiga qaramay past boʻldi. Shunday bo’lsa-da, 1953-yildan 1995-yilgacha o’rtacha Milliy Yalpi Maxsulot o’sishi 7,6%ni tashkil etdi, bu esa 21 marta o’sganligidan dalolat berdi. Bu vaqt davomida aholi yillik o’sishi 2,2%, YMM real daromadi aholi boshiga 5,6%ni, yani 9,3 marta o’sishni tahskil etdi. 1953-yildan 2007-yilgacha Janubiy Koreya YMM 2,3 mlrddan 1,2 trln AQSh dollariga o’sdi. Aholi boshiga YMM daromadi qiymati 67 AQSh dollaridan 24 600 dollarga o’sganini ko’rsatadi.

Janubiy Koreyaning elektronika va mashinasozlik shirkatlari jahonda yetakchi o’rinlardadir; ular qatoriga LG , Samsung va boshqalar kiradi. Butun dunyodagi LCD monitorlarning 50%i aynan Janubiy Koreyada tayyorlanadi. Samsung va LG mobil telefon ishlab chiqaruvchilari orasida dunyoda yetakchi shirkatlardandir. Janubiy Koreya aholisi elektronikadan eng ko’p foydalanuvchi xalqlar qatoriga kiradi. Internetdan foydalanuvchilarning foiz nisbatdagi soniga ko’ra birinchi o’rinda turadi. 2020-yilgacha har bir koreys xonadonida kamida bitta robot bo’lishi rejalashtirilgan. Bu reja orqali Koreya aholisining keksayishi va shu tufayli ishchi kuchi hamda askarlar soni kamayishi muammolari qisman hal qilinishi ko’zda tutilgan. Koreya Respublikasi Rossiya bilan fazoviy hamkorlik olib bormoqda, bu hamkorlik doirasida "Arirang-1" va "Arirang-2" nomli sun’iy yo’ldoshlar uchirildi. 2008-yilning 8-aprelida Koreya o’zining birinchi fazogiri - Yi So-yeonni koinotga uchirdi, u rus orbital kemasi "Soyuz TMA- 12"da ishladi.

Janubiy Koreyaning urushdan ko`rgan zarari 1953- yilgi Milliy Yalpi Mahsulot (YMM)ning 85%ini tashkil etdi. Urushdan keyingi qayta tiklanish davrida (1953-1960-yillar) rivojlanish darajasi xorijiy davlatlarning yordamlari bo`lishiga qaramay past bo`ldi. Shunday bo`lsada, 1953-yildan 1995-yilgacha o`rtacha Milliy Yalpi Maxsulot o`sishi 7.6% ni, bu esa 21 marta o`sganligidan dalolat berdi.Bu vaqt davomida aholi yillik o`sishi 2.2%, YMM real daromadi aholi boshiga 5.6%ni, yani 9.3 marta o`sishni tahskil etti. 1953-yildan 2007- yilgacha Janubiy Koreya YMM 2.3 mlrd.dan 1.2 trln AQSh dollariga o`sdi. Aholi boshiga YMM daromadi qiymati 67 AQSh dollaridan 24600 dollarga o`sganini ko`rsatadi.

E’tiboringiz uchun rahmat

O'xshashlar

Janubiy Koreya davlati yalpi ichki mahsuloti o’sishi

Koreya moliya tizimi

Janubiy Koreya moliya tizimi

Tailand iqtisodiyoti

Hindiston iqtisodiyoti