Божхона хизмати назоратини ташкил этиш - Iqtisodiyot - Slaydlar

Божхона хизмати назоратини ташкил этиш

Yuklangan vaqt:

14.03.2024

Ko'chirishlar soni:

0

Hajmi:

503.744140625 KB

Ko'chirib olish

Мавзу: Божхона хизмати назоратини ташкил этиш Режа: 1. Божхона назоратининг мазмун- моҳияти ва ҳуқуқий асослари 2. Божхона назоратининг шакллари 3. Ўзбекистон Республикаси божхона органларини божхона назоратини олиб боришдаги вазифалари

Ўзбекистон Республикасининг «Давлат божхона хизмати тўғрисидаги» 472-I-сонли Қонуни 1997 йил 29 августда қабул қилинган бўлиб, 2018 йил 3 январдаги ЎРҚ-456-сонли, 2022 йил 18 февралдаги ЎРҚ-755-сонли қонунлари билан ўзгартириш киритилган эди. Ушбу Қонун давлат божхона хизмати органлари фаолиятининг ҳуқуқий асосларини белгилаб беради. Божхона органлари Ўзбекистон Республикасининг ягона божхона сиёсатини амалга ошириш ва иқтисодий манфаатларини ҳимоя қилиш мақсадида тузилади.

Янги таҳрирдаги «Давлат божхона хизмати тўғрисидаги» Ўзбекистон Республикаси Қонунига кўра, божхона органлари рўйхати тўлдирилди, унга қонунчилик даражасида Олий ҳарбий божхона институти ва Миллий кинология маркази киритилди. Қонунийлик, ошкоралик, шаффофлик, жисмоний ва юридик шахсларнинг ҳуқуқлари, эркинликлари ва қонуний манфаатларига риоя қилишни божхона фаолиятининг асосий тамойиллари этиб белгиланган. Божхона органлари Президент томонидан таъсис этилади ва тугатилади

Кинология Маркази Ўзбекистон Республикаси Давлат божхона қўмитасининг Миллий кинология маркази 1996 йил 24 октябрда Вазирлар Маҳкамасининг 364-сон қарори билан ташкил этилган бўлиб, кинолог ва хизмат итларини тайёрловчи асосий маскан ҳисобланади. Марказнинг юқори малакали ходимлари илғор тажрибаларни амалиётга татбиқ этишда Австрия, Франция, Латвия, Литва, Корея, Россия, Бельгия, АҚШ, Италия каби турли давлатлар кинология хизматлари мутахассислари билан доимий равишда тажриба алмашиб келмоқда.

Божхона назоратини ташкил қилувчи божхона кодекси мамлакатимизда 1997 йил 26 декабрда қабул қилинган ва 25 йил мобайнида унга жуда кўп қўшимчалар ва ўзгартиришлар киритилган. Шуларни инобатга олган ҳолда 2016 йил 20 январда «Ўзбекистон республикасининг божхона Кодексини тасдиқлаш тўғрисида»ги ЎРҚ- 400-сонли қонун билан янги таҳрирда қабул қилинди ва 21 апрелдан амалиётга киритилди. Сўнгги ўзгаришлар 2022 йил 31 декабрда киритилган.

ЎЗБЕКИСТОН РЕСПУБЛИКАСИНИНГ БОЖХОНА КОДЕКСИ 2016 ЙИЛ ҚАБУЛ ҚИЛИНДИ. Божхона иши — иқтисодий, тартибга солиш ва ҳуқуқни муҳофаза қилиш мақсадларига эришишга қаратилган, божхона тўғрисидаги қонун ҳужжатларига риоя этилишини таъминлайдиган усуллар ва воситалар мажмуидир. Божхона Кодексининг 178-моддасида божхона назоратига қуйидагича таъриф берилган. Божхона назорати - божхона чегараси орқали олиб ўтилаётган ва декларацияланиши лозим бўлган товарларга ва транспорт воситаларига нисбатан, божхона декларациясига, товарлар тўғрисидаги ҳужжатларга ва маълумотларга нисбатан, юридик ва жисмоний шахсларнинг товарларни божхона чегараси орқали олиб ўтиш, божхона иши соҳасида хизматлар кўрсатиш билан боғлиқ, шунингдек айрим божхона режимлари доирасида амалга ошириладиган фаолиятига нисбатан ўтказилади.

Ўзбекистон Республикаси Божхона Кодексига мувофиқ 16 та божхона режими турлари мавжуд. Вақтинча олиб кирилаётган айрим товарларга нисбатан божхона божлари ва солиқлар тўлашдан шартли озод этиш қўлланилади. Бундай товарларнинг рўйхати ва озод этиш шартлари, шунингдек вақтинча олиб кирилган товарларга нисбатан божхона божлари ва солиқлар тўлаш бўйича имтиёзларнинг амал қилиш муддатлари Ўзбекистон Республикаси Вазирлар Маҳкамаси томонидан белгиланади.

Товарни реэкспорт, вақтинча олиб чиқиш, божхона ҳудудидан ташқарида қайта ишлаш, реимпорт, вақтинча олиб кириш, божхона ҳудудида қайта ишлаш, йўқ қилиш ёки давлат фойдасига воз кечиш божхона режимига жойлаштириш божхона органи томонидан берилган тегишли рухсатнома асосида амалга оширилади.

Божхона назорати зоналари божхона чегараси бўйлаб, шунингдек қуйидаги жойларда ташкил қилинади: божхона расмийлаштируви амалга ошириладиган жойларда; божхона тартиб-таомиллари ва операциялари бажариладиган жойларда; товарлар божхона назорати остида сақланадиган, бошқа транспорт воситасига ортиладиган, божхона кўздан кечирувидан ва божхона кўригидан ўтказиладиган жойларда; божхона назорати остидаги товарларни ташиётган транспорт воситаларининг тўхтаб туриш жойларида.

Қуйидагилар божхона кўригидан ўтказилмайди: Ўзбекистон Республикаси Президентининг ва Ўзбекистон Республикаси собиқ Президентининг шахсий багажи; Ўзбекистон Республикаси Олий Мажлиси Сенати аъзоларининг ва Қонунчилик палатаси депутатларининг, Ўзбекистон Республикаси Вазирлар Маҳкамаси аъзоларининг, Ўзбекистон Республикаси Олий Мажлисининг Инсон ҳуқуқлари бўйича вакилининг (омбудсманнинг) ва Ўзбекистон Республикаси дипломатик паспортлари эгаларининг шахсий багажи, агар мазкур шахслар хизмат вазифаларини бажариши билан боғлиқ ҳолда божхона чегарасини кесиб ўтсалар; қонунга мувофиқ бошқа мансабдор шахсларнинг шахсий багажи. Чет эл ҳарбий кемалари, жанговар ва ҳарбий-транспорт ҳаво кемалари, шунингдек ўзи юриб келаётган ҳарбий техникаси божхона кўригидан озод қилинади. Божхона назоратини ўтказишда инсоннинг ҳаёти ва соғлиғи, ҳайвонлар, ўсимликлар учун хавфсиз бўлган ҳамда товарларга ва транспорт воситаларига зарар етказмайдиган техник ва бошқа воситалар қўлланилиши мумкин.

Божхона назоратининг шакллари қуйидагилардан иборат:  ҳужжатлар ва маълумотларни текшириш;  оғзаки сўров;  ахборот олиш;  божхона кўздан кечируви;  товарларнинг тамғаланганлигини текшириш;  божхона кўриги;  шахсий кўрик;  божхона идентификациялаши;  божхона кузатуви;  бинолар ва ҳудудларни текшириш;  товарларни ва транспорт воситаларини ҳисобга олиш, уларни ҳисобга олиш тизимини текшириш ҳамда ушбу товарларни ва транспорт воситаларини инвентаризация қилиш;  товарлар чиқариб юборилганидан кейинги божхона назорати.

Ҳужжатларни ва маълумотларни текшириш Божхона назоратини амалга оширишда божхона органлари тақдим этилган, божхона мақсадлари учун аҳамиятга молик ҳужжатларни текширади.  Тақдим этилган ҳужжатларни ва маълумотларни текшириш:  ҳужжатларнинг асосий реквизитлари тўлиқ ва тўғри тўлдирилганлигини;  зарур имзолар ва муҳрларнинг (электрон рақамли имзонинг) мавжудлигини;  тузатишларнинг тасдиқланганганлигини аниқлашни ўз ичига олади.  Божхона органларига тақдим этилган ҳужжатларда кўрсатилган маълумотларнинг тўғрилигини текшириш уларни қуйидагилардан олинган маълумотлар билан солиштириш орқали амалга оширилади:  тақдим этилган бошқа ҳужжатлар ва маълумотлардан олинган ахборотлар;  учинчи шахслардан ва бошқа манбалардан олинган ахборотлар ва бошқалар.

Оғзаки сўров Оғзаки сўров божхона органининг мансабдор шахси томонидан ваколатли шахслардан ва божхона назоратини амалга ошириш учун аҳамиятга молик ҳолатлар тўғрисида маълумотларга эга бошқа шахслардан зарур ахборотни оғзаки шаклда, бундай сўров натижаларини ёзма шаклда расмийлаштирмаган ҳолда олишни назарда тутади.

Ахборот олиш Ахборот олиш божхона органининг мансабдор шахси томонидан ваколатли шахслардан ва божхона назоратини амалга ошириш учун аҳамиятга молик ҳолатлар тўғрисида маълумотларга эга бошқа шахслардан зарур ахборот олишни назарда тутади. Ахборот олиш учун ваколатли шахсни ва бошқа шахсни чақириш зарур бўлган тақдирда божхона органи ёзма шаклда хабар юборади.

Божхона кўздан кечируви Божхона кўздан кечируви божхона органининг мансабдор шахси томонидан транспорт воситаларининг бўлимларини, товарларнинг ўров- идишини очмаган, кўздан кечирилаётган объектларни ва уларнинг қисмларини бўлакларга ажратмаган ва бошқа йўллар билан уларнинг бутлигини бузмаган ҳолда товарларнинг ва (ёки) транспорт воситаларининг, халқаро почта ва курьерлик жўнатмаларининг ҳамда жисмоний шахслар багажининг, шунингдек юк ортилган идишларни, контейнерларни, божхона идентификациялаш воситаларининг ташқи кўринишини кўздан кечириш орқали амалга оширилади. Божхона кўздан кечируви божхона назорати остидаги товарлар ва (ёки) транспорт воситалари тўғрисидаги маълумотларни, товарларда, юк ортилган идишларда, транспорт воситаларида ва транспорт воситаларининг бўлимларида пломбалар, муҳрлар ва бошқа божхона идентификациялаш воситалари мавжудлигини тасдиқлаш мақсадида амалга оширилади.

Товарларнинг тамғаланишини текшириш Товарларнинг тамғаланишини текшириш товарларда ёки уларнинг қадоқларида махсус тамғалар, идентификациялаш белгилари ёки товарни белгилашнинг бошқа воситалари мавжудлигини текширишни назарда тутади. Божхона ҳудудига олиб кириладиган алоҳида товарлар бўйича божхона тўғрисидаги қонун ҳужжатларида уларни махсус тамғалар, идентификациялаш белгилари ёки товарларни белгилашнинг бошқа воситалари билан тамғалаш талаби қўйилиши мумкин.

Божхона кўриги Божхона кўриги қўйилган пломбаларни, муҳрларни ёки божхона идентификациялашининг бошқа воситаларини бузган холда, текширилаётган объектларни ва уларнинг қисмларини бўлакларга ажратиб, демонтаж қилиб ёки бошқа йўллар билан уларнинг бутлигини бузиб, товарларнинг ўрамини ёки транспорт воситасининг юк жойланадиган бўлимини ёхуд идишларини, контейнерларни ва товарлар бўлган ёки бўлиши эҳтимоли бўлган бошқа жойларни очишни назарда тутади. Божхона кўриги, қоида тариқасида, товарга божхона декларацияси қабул қилинганидан кейин декларант ҳозирлигида ўтказилади. Бунда товарга божхона декларацияси қабул қилингунига қадар божхона кўриги: божхона мақсадларида товарни идентификациялаш; баён этилган маълумотларнинг тўғрилигини аниқлаш; божхона тўғрисидаги қонун ҳужжатларини бузганлик тўғрисидаги мавжуд ахборотни текшириш; танлаб текшириш принципига риоя этган ҳолда хавфни бошқариш тизими асосида божхона назоратини ўтказиш ва бошқалар.

Шахсий кўрик Шахсий кўрик божхона чегараси орқали ўтаётган ва божхона назорати зонасида ёки аэропортнинг халқаро йўналишлар учун очиқ бўлган транзит зонасида бўлган жисмоний шахсга нисбатан ўтказилади. Шахсий кўрик божхона ҳудудига олиб кириш ёки ушбу ҳудуддан олиб чиқиш тақиқланган товарларни ёхуд ушбу Кодексда белгиланган тартибни бузган ҳолда олиб ўтилаётган товарларни жисмоний шахс ёнида яширмоқда ва уларни ўз ихтиёри билан тақдим этмоқчи эмас, деб тахмин қилишга асослар бўлган тақдирда божхона органининг мансабдор шахси томонидан амалга оширилади. Шахсий кўрикдан ўтказиш ҳақидаги қарор божхона органининг бошлиғи ёки унинг ўрнини босувчи шахс томонидан ёзма шаклда қабул қилинади. Шахсий кўрикдан ўтказишни бошлашдан аввал божхона органининг мансабдор шахси: шахсий кўрикдан ўтказиш тўғрисидаги қарорни жисмоний шахсга эълон қилиши; шахсий кўрик ўтказилаётганда жисмоний шахсни унинг ҳуқуқлари билан таништириши; жисмоний шахсга ёнида беркитилган товарларни ўз ихтиёри билан беришни таклиф қилиши шарт.

Божхона идентификациялаши Божхона идентификациялаши товарлар, транспорт воситалари ва ҳужжатлар, шунингдек божхона назорати остида бўлиши лозим бўлган товарлар турган ёки туриши мумкин бўлган хоналар ва бошқа жойларнинг божхона идентификациялаш воситаларини қўллаш йўли билан амалга оширилади. Божхона идентификациялаш воситалари қуйидагилардан иборат: қўйилган пломбалар, муҳрлар; ёзилган рақамли, ҳарфли тамғалар ва бошқа хилдаги тамғалар, идентификациялаш белгилари; босилган штамплар; олинган намуналар ва нусхалар; тузилган тавсифлар, чизмалар; тайёрланган катта тасвирлар, расмлар, фотосуратлар ва видеотасвирлар; товарнинг кузатув ҳужжатлари ва бошқа ҳужжатлар

Божхона кузатуви Божхона органларининг мансабдор шахси томонидан божхона назорати остидаги товарлар ва транспорт воситаларини визуал кузатиш, шу жумладан техник воситалар қўлланилган ҳолда кузатиш божхона кузатуви ҳисобланади.

Ўзбекистон Республикаси Президентининг 2018 йил 24 ноябрдаги “Божхона маъмурчилигини такомиллаштириш ва Ўзбекистон Республикаси давлат божхона хизмати органлари фаолияти самарадорлигини ошириш бўйича қўшимча чора- тадбирлар тўғрисида”ги Фармони билан божхона соҳасида Хавфни бошқариш автоматлаштирилган тизими амалиётга жорий этилиб, товар ва транспорт воситалари учун ҳам божхона назоратида махсус йўлаклар жорий этилди. Жумладан, 2018 йил 1 декабрдан бошлаб “сариқ” ва “қизил” йўлаклар ишга туширилган бўлса, 2019 йил 1 мартдан бошлаб “яшил” ва “кўк” йўлаклар жорий этилди.

Аэропортларда божхона назорат пунктларида 2018 йилдан бошлаб “яшил” ва “қизил” йўлаклар пайдо бўлди. Тизим халқаро аэропортларда 2018 йил 1 январдан, автомобиль ва темирйўл ўтказиш пунктларида 2021 йил 1 январдан кучга кирган.

 “ яшил йўлак”, бунда хавф даражаси паст бўлган товар ва транспорт воситаларини чиқариб юбориш тўғрисидаги қарор қабул қилинганда, божхона назорати шакллари уларга нисбатан амалга оширилмайди.  “ қизил йўлак”, бунда божхона назорати шакллари хавф даражаси юқори кўрсаткичга эга ёки тасодифий танловда аниқланган товар ва транспорт воситаларига нисбатан амалга оширилади.  “ сариқ йўлак”, бунда божхона декларацияси, ҳужжатлар ва маълумотларни текшириш бўйича божхона назорати шакллари хавф даражаси ўрта кўрсаткичга эга ёки тасодифий танловда аниқланган товар ва транспорт воситаларига нисбатан амалга оширилади.  “ кўк йўлак”, бунда хавф даражаси ўрта кўрсаткичга эга ёки тасодифий танлов асосида аниқланган товарларга нисбатан божхона назорати шакллари улар чиқариб юборилгандан сўнг амалга оширилади.

«Сариқ» ва «қизил» йўлаклар мос равишда 70% / 30% нисбатда товар ва транспорт воситаларининг хавф профиллари ёки тасодифий танлаш асосида қўлланилади. «Яшил» ва «кўк» йўлаклар амалга киритилган кундан бошлаб эса фоиз нисбати ДБҚ томонидан хавфларни автоматлаштирилган бошқариш тизимини қўллаш самарадорлиги мониторинги асосида белгиланади. «Кўк йўлак»га йўналтирилган товарларга нисбатан божхона назорати ДБҚнинг марказий аппарати ва унинг ҳудудий бошқармалари томонидан амалга оширилади. 2019 йил 1 мартдан бошлаб олиб кириладиган товарларнинг божхона кўриги видеокузатув тизими билан жиҳозланган жойлардагина амалга оширилади. Унда 3 ой давомида божхона кўриги процедураси видеоёзуви сақланади. ДБҚ марказий аппарати тизимга уланади.

Электрон ҳужатлар тизимига ўтиш, товарларни божхона орқали расмийлаштириш вақтини салкам 5 баравар қисқартирди. Ўзбекистонда охирги уч йил давомида ташқи иқтисодий алоқа вакилларининг божхона назоратидан ўтиш вақти 4,7 баробар қисқартирилди.

Ўзбекистон Республикаси Давлат божхона хизмати тўғрисидаги Қонуннинг 4-моддасида Божхона органлари фаолиятининг асосий принциплари қуйидагича берилган. Божхона органлари фаолиятининг асосий принциплари қонунийлик, ягоналик, очиқлик ва шаффофлик, жисмоний ҳамда юридик шахсларнинг ҳуқуқлари, эркинликлари ва қонуний манфаатларига риоя этиш ҳамда ушбу ҳуқуқлар, эркинликлар ва қонуний манфаатларни ҳурмат қилишдан иборатдир.

Божхона органларининг асосий вазифалари қуйидагилардан иборат:  жисмоний ва юридик шахсларнинг ҳуқуқлари, эркинликлари ҳамда қонун билан муҳофаза этиладиган манфаатларини ҳимоя қилиш;  ўз ваколати доирасида Ўзбекистон Республикасининг иқтисодий манфаатларини ҳимоя қилиш ва унинг иқтисодий хавфсизлигини таъминлаш;  божхона назорати ва расмийлаштирувини амалга ошириш;  божхона тўловларини ундириш;

 божхона тўғрисидаги қонун ҳужжатларига риоя этилиши устидан назоратни амалга ошириш, қонун ҳужжатлари бузилишларининг, шу жумладан контрабанданинг олдини олиш, уларни аниқлаш ва уларга чек қўйиш;  ташқи савдо операцияларининг мониторингини амалга ошириш, экспорт-импорт шартномаларининг ижросини таҳлил қилиш, шунингдек ташқи савдо операцияларининг божхона органларига тааллуқли қисмини ўтказишда валюта тўғрисидаги қонун ҳужжатларига риоя этиш;  товарларнинг ташқи савдосига доир божхона статистикасини ҳамда ташқи иқтисодий фаолиятнинг товар номенклатурасини юритиш;  фуқароларнинг божхона соҳасидаги ҳуқуқий маданиятини юксалтириш;

• хавфни бошқариш тизими қўлланилиши самарадорлигининг мунтазам мониторингини амалга ошириш; • божхона органлари фаолиятида замонавий ахборот- коммуникация технологияларини ва назоратнинг техник воситаларини қўллаш; • божхона ишини ривожлантириш ва такомиллаштиришнинг устувор йўналишларини ишлаб чиқиш; • Ўзбекистон Республикаси халқаро шартномаларининг божхона ишига тааллуқли қисмидан келиб чиқадиган мажбуриятларнинг бажарилишини таъминлаш.

Божхона органлари ўз зиммасига юклатилган вазифаларни бажаришда қуйидаги ҳуқуқларга эга: • божхона назоратини амалга ошириш учун маълумотлар ва ҳужжатларни текшириш, оғзаки сўров ўтказиш, ахборот олиш, божхона кўздан кечирувини, божхона кўригини ва шахсий кўрикни ўтказиш, шунингдек бинолар, ҳудудлар ва транспорт воситаларини кўздан кечириш; • товарлар ва транспорт воситалари эркин муомалага чиқарилгандан сўнг жисмоний ва юридик шахслар томонидан тақдим этилган маълумотларнинг тўғрилигини ҳамда уларнинг ташқи савдо фаолияти қонунийлигини текшириш мақсадида товарлар ва транспорт воситаларига нисбатан божхона назоратини амалга ошириш; • банклардан, молия органларидан ҳамда бошқа ташкилотлардан, шунингдек жисмоний ва юридик шахслардан экспорт-импорт операцияларини амалга ошириш билан боғлиқ бўлган маълумотлар ва ҳужжатларни сўраш ва олиш;

• божхона назоратини ўтказиш мақсадида товарлар ҳамда бошқа буюмлардан намуналар ва нусхалар олиш; • божхонага оид ҳуқуқбузарликларнинг бевосита предмети бўлган товарлар ва бошқа қимматликларни ушлаб туриш ҳамда олиб қўйиш; • терговга қадар текширув, суриштирув олиб бориш ва тезкор- қидирув фаолиятини амалга ошириш; • ҳуқуқбузарлик содир этган шахсларни маъмурий йўл билан ушлаб туришни амалга ошириш; • махсус рухсатномалар ва лицензиялар бериш; • божхона органлари фаолиятида замонавий ахборот- коммуникация технологияларидан ва назоратнинг техник воситаларидан фойдаланиш; • божхона тўғрисидаги қонун ҳужжатларига риоя этилишини таъминлаш мақсадида мутахассисни ёки экспертни жалб этиш; • божхона органлари фаолиятини такомиллаштириш бўйича таклифлар киритиш.

Божхона органларининг мажбуриятлари қуйидагилардир: • божхона тўғрисидаги қонун ҳужжатларига риоя этилиши устидан назоратни амалга ошириши; • божхона тўловлари тўғри ҳисобланиши, тўлиқ ва ўз вақтида тўланиши устидан назоратни амалга ошириши; • божхона назоратини ташкил этиши; • товарларни ва транспорт воситаларини олиб ўтиш, шунингдек Ўзбекистон Республикасининг божхона чегарасидан ўтиш чоғида жисмоний ва юридик шахсларни уларнинг ҳуқуқ ва мажбуриятлари тўғрисида ўз вақтида хабардор қилиши; • ўз хизмат вазифаларини бажариши чоғида ўзига маълум бўлиб қолган давлат сирларини ёки қонун билан қўриқланадиган бошқа сирни ташкил этувчи маълумотларни ошкор этмаслиги;

• ҳуқуқбузарликларнинг олдини олиш, уларнинг содир этилишига имкон яратган сабаблар ва шароитларни аниқлаш ҳамда бартараф этиш чораларини кўриши; • божхона органларида коррупция ва бошқа мансабдорлик жиноятлари содир этилишининг олдини олишга қаратилган тадбирларни амалга ошириши; • давлат хавфсизлигини, жамоат тартибини, фуқароларнинг ҳаёти ва соғлиғини сақлаш, атроф- муҳитни муҳофаза қилиш чора-тадбирларини амалга оширишга кўмаклашиши; • ахборот-коммуникация технологияларидан фойдаланишда ахборот хавфсизлиги талабларига риоя этилишини таъминлаши шарт.

Божхона органлари ходимларига қуйидаги махсус унвонлар берилади: сержантлар таркиби—божхона хизмати кичик сержанти, божхона хизмати сержанти, божхона хизмати катта сержанти; офицерлар таркиби: кичик офицерлар таркиби — божхона хизмати лейтенанти, божхона хизмати катта лейтенанти, божхона хизмати капитани; катта офицерлар таркиби — божхона хизмати майори, божхона хизмати подполковниги, бо жхона хизмати полковниги; генераллар таркиби— божхона хизмати генерал- майори, божхона хизмати генерал- лейтенанти, божхона хизмати генерал-полковниги.

Божхона органлари генераллар таркибининг махсус унвонлари Ўзбекистон Республикаси Президенти томонидан берилади. Махсус унвонда хизматни ўташ учун қуйидаги муддатлар белгиланади: • «кичик сержант» — икки йил; • «сержант» — икки йил; • «катта сержант» — муддатсиз; • «лейтенант» — икки йил; • «катта лейтенант» — икки йил; • «капитан» — уч йил; • «майор» — тўрт йил; • «подполковник» — беш йил. «Полковник» ва ундан юқори махсус унвонларда хизматни ўташ муддатлари белгиланмайди.

Рағбатлантириш • Ягона тариф сеткаси бўйича меҳнатга ҳақ тўлашнинг тасдиқланган разрядларига кўра, Ўзбекистон Республикаси давлат божхона хизмати органлари ходимларининг лавозим маошини аниқлашда тариф коэффициентлари 1,7 карра миқдорда қўлланилади; • Ўзбекистон Республикаси Давлат божхона қўмитасининг марказий аппарати, Давлат божхона қўмитасининг Қорақалпоғистон Республикаси, вилоятлар, Тошкент шаҳри бўйича бошқармалари ва ихтисослаштирилган божхона комплекслари, шунингдек, Миллий кинология маркази ходимларига алоҳида меҳнат шароитлари учун лавозим маошларига устамалар 50 фоизни ташкил этади; • мазкур бандда назарда тутилган тадбирларни амалга ошириш билан боғлиқ харажатлар Махсус жамғарма маблағлари ҳисобидан амалга оширилади; • божхона йиғимлари тушумининг 50 фоизи миқдордаги ажратмалар, Ўзбекистон Республикаси Молия вазирлиги томонидан тасдиқланадиган харажатлар сметасига мувофиқ фойдаланиш шарти билан Махсус жамғармада қолади. • 9. Ўзбекистон Республикаси Давлат божхона қўмитаси раисига ўзининг хизмат вазифасини сидқидилдан ва самарали бажариб келаётган Ўзбекистон Республикаси давлат божхона хизмати органларининг юқори малакали, ташаббускор ходимларига Махсус жамғарма маблағлари ҳисобидан меҳнатига ҳақ тўлаш фонди (пул таъминоти)нинг 100 фоизигача миқдорда ҳар ойлик устамалар белгилаш ҳуқуқи берилди.

ЭЪТИБОРИНГИЗ УЧУН РАҲМАТ!!!

O'xshashlar

Божхона хизмати назоратини ташкил этиш 2

Газначилик операцияларни назоратини ташкил этиш ва утказиш тартиби

Бюджетлараро муносабатларни ташкил этиш

Бюджет жараёнини ташкил этиш асослари

Давлат хариди ташкил этиш асослари