AKFA kompaniyasi - Iqtisodiyot - Slaydlar

AKFA kompaniyasi

Yuklangan vaqt:

23.09.2019

Ko'chirishlar soni:

0

Hajmi:

291.33203125 KB

Ko'chirib olish

Rivojlanish tarixi. Taxminan yuz yillarcha avval rus arbobi Nikolay Chernishevskiy alyuminiy haqida gapirib, uni yorqin va buyuk kelajak kutayogani va insonlarga ulkan foyda keltirishini aytgan edi. Haqiqatan ham XX asrga kelib alyuminiy ko’plab konstruktiv materiallarning asosiga aylandi. Keling, endi alyuminiyning bir yarim asrlik tarixiga ega bo’lgan ishlab chiqarish dinamikasi bilan tanishsak. Birinchi o’ttiz yillik uchun (1825-1855yy) aniq raqamlar mavjud emas. Ushbu davrda sanoatda alyuminiy olishning imkoni bo’lmay, faqat laboratoriyalarda grammlab, eng omadli holatlarda esa kilogrammlab olingan. 1855 yilda Butunjahon Parij ko’rgazmasida namoyish qilingan alyuminiy parchasiga yig’ilganlar eng noyob qimmatbaho metal sifatida e’tibor qaratishgan. Aynan o’sha yilda fransuz kimyogari Anri Et’yen Sent Kler Devil alyuminiyni ajratib olishning yangi usulini ishlab chiqdi. Unga ko’ra 13 raqamli element xlorid natriy va alyuminiydan tarkib topgan metalsimon natriyni ajratishdan hosil qilinadi. Shundan so’ng 36 yil davomida (1855-1890yy) ushbu olimning usuli orqali 200 tonna metal alyuminiy olingan. XIX asrning so’nggi o’n yilligida endi yangi usulni qo’llagan ravishda 28 ming tonna alyuminiy hosil qilinga

1930 yilga kelib ushbu metalning butunjahon ko’rsatkichi – 300 ming tonnani tashkil qiladi. 1975 yilda faqat kapitalistik mamlakatlarda 10 mln. tonna alyuminiy eritildi. Lekin bu eng yuqori ko’rsatkich emas, albatta. AQSHning “Engeneering and mining journal” ma’lumotlari bo’yicha alyuminiy ishlab chiqarish kapitalistik mamlakatlarda 1975 yilda undan avvalgi yilga qaraganda 11%ga qisqargan. Endi alyuminiyning qiymati haqida so’z yuritsak. Uning narx ko’rsatkichlari ham tarixi singari juda qiziqarli. 1825 yilda u temir narxidan 1500 baravar ko’p bo’lgan, bugungi kunda esa bor-yo’g’ 3 baravar qimmat xolos. Hozirda alyuminiy uglerodli po’latdan qimmatroq, biroq zanglamaydigan po’latdan arzon. Agarda alyumin va po’lat mahsulotlarni ularning og’irligi hamda zanglanishga qarshi chidamliligi bo’yicha olib ko’radigan bo’lsak, ayni davrda po’latga qaraganda alyuminiyni qo’llash anchayin foydaliroq ekani ma’lum bo’ladi.

Akfa tarixi   « AKFA Aluminium» kompaniyasi o’z faoliyatini 2000 yilda boshlagan bo’lib, bugungi kunda alyuminiy ekstruziyasi va alyuminiy profillar ishlab chiqarish bo’yicha Markaziy Osiyodagi yirik korxonalardan biri hisoblanadi. Kompaniyaning Markaziy ofisi Toshkent shahrida (O’zbekiston) joylashgan. Kompaniyaning alyuminiy profil ishlab chiqaruvchi zavodlari Toshkent (O’zbekiston), Dubay (BAA) - Akfa Aluminium and Plastic FZE hamda ООО «Akfa» Krasnodar (Rossiya) shaharlarida joylashgan.

MAHSULOTLAR.  Aldoks seriyasi  Yarim yorug’lik o’tkazuvchi va to’siqli konstruksiyalar uchun alyuminiy profillar tizimi. Ushbu tizim issiqlik izolyatsiyasi talablari kuchaytirilmagan vitrajlar, dereza va eshiklar, xonalararo to’siqlar tayyorlashni o’z ichiga oladi. Alyuminiy kostruktsiyalarning xizmat qilish muddati 80 yilni tashkil qiladi. Alyuminiy profillar uchun ishlab chiqarilgan zamonaviy bo’yash texnologiyalari kukunli rang qoplamalarining har xil turdagi ko’rinishini olishga yordam beradi. Buning yordamida biz o’z mijozlarimizga rang va alyumin konstruksiyalar dizayni bo’yicha ulkan tanlovlar dunyosini taklif etamiz. Profil konstruksiyalari va furnituralar derazaning turli shakl va usullarda ochish imkoniyatini yaratadi. Shu bilan birga qotishma va qoplamlarni hisobga olgan holda buyurtmachining loyihasi asosida profillar tayyorlanishi mumkin.

. Kompaniya haqida  Kompaniyaning ishlab chiqarish maydonlari dunyoga mashhur firmalarning uskunalari bilan jihozlangan. Kompaniyaning mehnat jamoasi yuqori malakali xodimlardan iborat bo’lib, ularning ish jarayoni ISO 9001 talablariga binoan tashkillashtirilgan. «AKFA Aluminium» kompaniyasi Sizga mustahkam va doimiy, eng muhimi, ishonchli alyuminiy profillarni taklif qiladi. Alyuminiy profillar minimal vaznga ega bo’lib, juda keng shakllarda qo’llanilish xususiyati bilan ajralib turadi. Alyuminiy profil bino qurilishi, fasad oynalash, mebel tayyorlash hamda savdo- ko’rgazma majmualarida ichki dizaynlar yaratish uchun keng miqyosda ishlatiladi. Biz doimiy ravishda alyuminiy profillar ishlab chiqarish sohasida yangi cho’qqilarni egallashda davom etamiz. Mahsulotlarimiz raqobatbardosh bo’lishi hamda buyurtmachilar va biznes hamkorlarga manzur bo’lishi uchun harakat qilishdan aslo charchamaymiz. AKFA Aluminum kompaniyasi muntazam va o’zaro manfaatli hamkorlikka doimo tayyor!

TERMO SERIYA  Alyumin termoseriya sovuqdan, issiqdan hamda shovqindan mukammal himoya qiluvchi, bino ichida istalgan sharoitlar yaratuvchi yuqori sifatli profillar tizimidan iborat. Ushbu turdagi alyuminiy profillar a’lo darajadagi texnik va estetik sifatlarni o’z ichiga olib alyumin tizimlarga eng ko’p qo’yiladigan talablarga to’liq javob beradi. Termoseriyadagi alyumin profillarning oddiy alyumin profillardan farqi shundaki, ularning ichki va tashqi qismlari orasiga termostat qo’yiladi. Unga poliamidli, mustahkamlangan oynatolalaridan qilingan ikkita izolyatsiya plankalari joylashtirilgan bo’lib. Ular seriyaning kuchli issiqlik izolyatsiyasi hosil qilishini ta’minlaydi.

Fasad seriyasi  O’zining noodatiy tashqi ko’rinishi va qo’llanilish xususiyatlariga ko’ra fasad tizimlar arxitektor va quruvchilar orasida ommalashib ketgan. Oyna va karkasdan iborat bo’lgan bino fasadi turli rang, xususiyat va shaklga (vertikal, nishab, gorizontal) ega bo’lishi mumkin. Fasad tizimlarning turli shakllari bino fasadlarining dizayniga yangicha va ijodiy yondashish imkoniyatini yaratadi. SILIKON FASAD SERIYASI – struktur oynalash tizimi fasad konstruksiyasining eng keng tarqalgan uslublaridan sanaladi. Ushbu fasad oynalash tizimida tashqi tomonlama profillar mavjud bo’lmaganligi sababli bino ko’rininshida yengillik va bir butunlik yaqqol sezilib turadi. Chunki tashqi tarafdan faqat oynalar ko’rinadi, xolos. Fasaddagi oynalash tizimini mustahkam saqlash uchun to’g’ridan-to’g’ri quyosh nurlari tushishidan himoyalangan ikki komponentli silikon germetik qo’llaniladi. Germetik konstruksiyani mustahkamlash bilan birga moslamaning suriladigan elastik qismi hisoblanadi. Buning yordamida to’g’ri tartibda o’rnatilgan struktur oynali fasadlar shamol hamda seysmik tebranishlarda o’z muvozanatini yo’qotmaydi. TASHQI QOPLAMALI FASAD SERIYASI - to’sinli oynalash yorug’lik o’tkazuvchi yoki rangli oyna va metal karkasdan tashkil topadi. Binoda ko’tarilgan alyumin konstruksiyalarga oyna, oynapaketi yoki sendvich paketlar o’rnatiladi. Tashqi tomondan shaffofrang fasad ingichka rom shakli bo’yicha struktur ravishda oyna plitalarining chegaralarini ajratib turadi. Alyumin karkas shamol tebranishlariga kuchli qarshilik ko’rsatib, shaffofrang fasadning xizmat qilish muddatini sezilarli darajada uzaytiradi. Ushbu turdagi fasad tizimlar chiroyli, ishonchli, uzoq muddatli, ishlatish uchun oddiy va qulay bo’lib, yuqori darajali shovqin va issiqlik izolyatsiyasini hosil qiladi.

Surma profil seriyasi  Binoni qurish yoki uni ta’mirlash vaqtida loyihaga alohida elementlar kiritishni hohlaysan. «AKFA Aluminium» Sizga suriladigan alyumin tizimlarni taklif qiladi. Bu tizim ofis, shaxsiy uy yoki kvartirani bezashda juda qo’l keladi. Surma eshiklar zalni oshxonadan yoki garderobni yotoqxonadan ajratib turish, bundan tashqari, yana ko’plab noan’anaviy g’oyalarni amalga oshirish uchun ishlatiladi. Oyna paketi ushbu turdagi konstruksiyalarni ko’cha tomonga chiqadigan kirish eshiklari va to’siqlar shaklida qo’llash imkoniyatini yaratadi. Shu bilan birga a’lo darajadagi germetiklik va shovqin izolyatsiyasini ta’minlaydi.  Alyumin surma derazalar bugungi kunda juda tez ommalashib bormoqda. Ular balkon yoki lodjani oynalashda ishlatiladi, shamol, yomg’ir va changdan kuchli himoya qiladi. Yengil, ixcham, maksimum yorug’lik o’tkazuvchi surma alyumin derazalar alohida e’tiborni talab qilmay uzoq yillar davomida sizga xizmat qiladi. Bu kabi oynalash turida barcha stvorkalar harakatlanib, oynlsh esa bitta oyna yoki oyna paketidan iborat bo’lishi mumkin. Bunday oynalarga, shuningdek, moskit setkalar ham o’rnatish mumkin bo’ladi. Alyumin konstruksiyalar ingichka shaklga ega bo’lib, maksimal darajada yorug’lik o’tkazadi. Bundan tashqari, buyurtmachining istagiga qarrab deraza ranglari ham tanlanishi mumkin.

Avtomatik eshiklar uchun profillar seriyasi  So’nggi paytlarda avtomatik eshiklar deyarli barcha supermarket, gipermarket, kinoteatrlar, biznes markazlar hamda muhtasham uylarning kirish qismlariga o’rnatilgan. Shuningdek, ushbu turdagi eshiklarni aeroport va yirik mehmonxonalarda ham ko’rishimiz mumkin Avtomatik eshiklar kundan-kunga ommalashib, ularga bo’lgan talab yirik va kirish qismi keng binolar qurilishi ko’paygan sayin parallel ravishda ortib bormoqda. Avtomatik eshiklar, bugungi kunda, zamonaviy bino, nufuz va qulaylikning ramziga aylandi desak xato bo’lmaydi. Hozirda ko’zimiz o’rgangan, mehmonlar uchun o’zi ochilib yopiladigan avtomatik eshiklar o’rnatilgan joylar o’rnida oddiy eshiklarni tasavvur qilish juda qiyin. Avtomatik eshiklar shunisi bilan qulayki, ularni harakatga keltirish uchun jismoniy kuch sarflanmaydi. Bu esa jismoniy imkoniyatlari cheklangan kishilar, qariyalar va bolalar uchun juda muhim sanaladi. Avtomatik eshiklarni ochish uchun unga qo’lingizni tekkizishingiz ham shart emas – infraqizil sensorlar yaqinlashganingizda stvorkalar ochilishi uchun signal yuboradi. Ya’ni, bu shuni anglatadiki, avtomatik eshiklar qulay bo’lish bilan birga gigiyenik jihatdan ham toza hisoblanadi.AKFA kompaniyasining avtomatik surma eshiklari Sizning istaklaringiz uchun ishonchli va tejamkor eshiklar majmuidir.

Rolstavenlar seriyasi  Rolstavenlar – belgilangan yo’nalishda suriladigan alyumin plankalardan iborat konstruksiya tizimidir. Yopiq holatda rolstaven qulflanadi. Ochiq holatda esa maxsus metal qutiga yig’iladi. Rolstavenlar derazani turli sinishlardan saqlashdan tashqari, shovqin, chang va sovuqdan kuchli himoya vositasi hamdir. Profil qoplamalar maxsus texnologiyalari rolstavenlarning muhim xususiyatlaridan sanaladi. Alyumin profillar anodlanib, so’ngra bir necha qatlamda kukunli bo’yoq bilan bo’yaladi va issiq haroratda quritiladi. Hatto uzoq yillik faol qo’llanishdan so’ng va quyosh nurlari, shuningdek atmosferaning boshqa ta’sirlari ostida ham rolstavenlar ko’rkam ko’rinadi hamda o’z vazifani a’lo darajada bajaradi. Profil buyurtmachining ta’biga qarab rolstaven tirqishlarining kengligi va ko’rsatkichlari ko’ra tanlanadi. Biz Sizning uyingiz, ofisingiz va garajingiz uchun eng qulay variantlarni taklif etamiz.

O'xshashlar

AKFA Aluminium

Nokia kompaniyasi

Samsung kompaniyasi

Honda kompaniyasi

Beeline kompaniyasi