3G учинчи авлод стандартлари - Informatika va AT - Slaydlar

3G учинчи авлод стандартлари

Yuklangan vaqt:

17.07.2023

Ko'chirishlar soni:

0

Hajmi:

1227.1865234375 KB

Ko'chirib olish

3G – учинчи авлод стандартлари

Режа: 1. 3G-Учинчи авлод стандартлари 2. UMTS тизимларининг архитектураси 3. 3,5G авлод стандартлари 4. 3,75G авлод стандартлари 5. Тавсия этилган адабиётлар

3G – учинчи авлод стандартлари Иккинчи авлод мобил алоқа тизимларининг асосий камчилиги уларнинг паст 9,6-14,4кбит/сек. тезликда малумот узатиши бўлди. Шу сабабли, юқорида кўрсатилганидек, IMT-2000 доирасида 3G тармоқларида кам ҳаракатланадиган абонентлар учун 2Мбит/сек. гача ва мобил абонентлар учун 384кбит/сек. гача маълумот оқими тезликларига эришиш бўйича ишлар олиб борилди. 2G авлодидан бошлаб сотали алоқа тизимларининг стандартлари

UMTS тизимларининг архитектураси SGSN (ингл. Serving GPRS Support Node ) - GPRSни қўллаб- қувватловчи хизмат тугуни GGSN (ингл. Gateway GPRS Support Node ) - GPRSни қўллаб- қувватловчи шлюз тугуни GMSC (ингл. Gateway Mobile services Switching Center ) PLMN - Public Land Mobile Network PSTN - Public Switched Tele phone Network ISFN - Integrated Services Digital Network

UMTS тармоқларининг жорий этилиши мобил алоқанинг ривожланишида принципиал янги босқич бўлди ва мобил тармоқларда маълумотларни узатишда максимал 2,048Мбит/сек. гача тезликка эришишга имкон берди. UMTS тизимларининг GSM/GPRS/EDGE тизимларидан асосий фарқи 5МГц ўтказиш полосасига эга бўлган кенг полосали сигналлардан (КПС) фойдаланилиши бўлди. UMTS технологиясининг яна бир афзаллиги сигналнинг юқори тўсиққа бардошлилиги ва унинг кўп нурлилик таъсирига барқарорлиги ҳисобланади. Бундан ташқари, КПСдан фойдаланиш каналларини ажратишнинг кодли усулини (CDMA) ишлатиш имконини беради.

3,5G авлод стандартлари Маълумот узатиш тезлигини ошириш ва маълумот узатилишининг кечикишини камайтириш мақсадларида UMTS стандартининг навбатдаги ривожланиш босқичида кўп позицияли квадратура-амплитудавий модуляциялар, яъни 16-QAM, 64-QAM усуллари қўлланилган HSPA (ингл. High Speed Packet Access ) технологияси ишлаб чиқилди. HSPA технологияси 3GPP лойиҳаси стандартларининг 6 Босқич спецификацияси (ингл. 3GPP Relеase 6 ) сифатида киритилган бўлиб, одатда 3,5G авлодига мансуб деб кўрсатилади. Ўз навбатида, HSPA стандарти иккита ташкил этувчи технологиялар – HSDPA ва HSUPA лардан иборат.

HSDPA (ингл. High-Speed Downlink Packet Access – “пастга” йўналишида маълумотларни юқори тезликда пакетли узатиш) – мутахассислар томонидан тўртинчи авлод технологияларига ўтишда оралиқ босқичларидан бири сифатида бахоланаётган мобил алоқа технологиясидир. HSDPA технологиясида маълумот узатишнинг максимал назарий тезлиги 14,4Мбит/сек. гача етиши мумкин, мавжуд тармоқларда амалий эришилган тезлик эса 3Мбит/сек. ни ташкил этади.

HSDPA технологияси каби HSUPA (ингл. High-Speed Uplink Packet Access - “тепага” йўналишида маълумотларни юқори тезликда пакетли узатиш технологияси) такомиллашган модуляциялаш усуллари ҳисобига фойдаланувчининг W-CDMA АУсидан БСга маълумот узатишни тезлатишга имкон берадиган мобил алоқа технологияси ҳисобланади. Назарий жиҳатдан HSUPA технологияси “юқорига” маълумотларни максимал 5,76Мбит/сек .гача бўлган тезликда узатишга мўлжалланган бўлиб, бу билан АУдан БСга маълумотларнинг катта оқимини талаб қилувчи учинчи авлод иловаларини (масалан, видеоконференция) ишга тушириш имконини беради.

3,75G авлод стандартлари HSPA технологиялари характеристикаларини яхшилаш бўйича ишлар давом этди ва натижада 2007 йилнинг охирида “Такомиллаштирилган HSPA” ёки HSPA+ (ингл. Evolved High- Speed Packet Access ) , деб номланган версия ишлаб чиқилди. Бу технология HSPA стандартининг кейинги босқичи ҳисобланади ва унга MIMO антенна технологиялари билан бир қаторда, мураккаброқ 64-QAM модуляция схемалари қўшилган. Шу боис HSPA+ тармоқларида назарий жиҳатдан “пастга” йўналишда 56Мбит/сек. гача ва “юқорига” йўналишда 22Мбит/сек. гача бўлган тезликларга эришиш мумкин бўлди.

Ушбу технология маълумот узатиш тезлигини 168Мбит/сек. гача ошириш потенциал имкониятига эгалиги тахмин қилинмоқда. Технологияда бир неча элтувчи частоталарда (ҳар бири 5МГц дан) бир вақтда узатиш ва қабул қилиш принципи ҳам ишлатилиши мумкин, бу нарса тезликни бир неча марта ошириб бериши мумкин. Опционал равишда HSPA+ тармоқлари тўлиқ IP-архитектураси асосида (ингл. all- IP–architecture ) қурилиши мумкин, бу БСларни IP-протоколлар асосида қурилган магистрал линияларга тўғридан-тўғри улаш имкониятини беради. HSPA+ технологиясида АУ лар аккумуляторлари тежамлироқ ишлатилади ва уларнинг “кутиш” режимидан “фаол” режимига ўтиш вақти сезиларли қисқаради.

Тавсия этиладиган қўшимча адабиётлар: 1. Громаков Ю.А. Стандарты и системы подвижной радиосвязи. М.:Эко- Трендз Ко, 1997.-238 с. 2. Андрианов В.И., Соколов А.В. Средства мобильной связи. ВНV Санкт- Петербург, 1998.- 256 с. 3. Невдяев Л. CDMA: IS-95. Сети, 2000, № 3 4. Невдяев Л. Стандарты 3G. Сети, 2000, № 6 5. Ибраимов Р.Р. Мобильные системы связи. Учеб. пос., ТУИТ, 2004.

O'xshashlar

3G номланиши

3G частотали тизимлари

GSM стандарти

CDMA стандарти

Хисоблаш техникасининг ривожланиш тарихи