Neftni atmosfera sharoitida haydash orqali olinadigan mahsulotlar - Geologiya - Slaydlar

Neftni atmosfera sharoitida haydash orqali olinadigan mahsulotlar

Yuklangan vaqt:

23.09.2019

Ko'chirishlar soni:

0

Hajmi:

227.6240234375 KB

Ko'chirib olish

Neftni atmosfera sharoitida haydash orqali olinadigan mahsulotlar

 Neftni birlamchi haydash atmosfera sharoitida, qoldiq qismi esa vakuum sharoitida haydaladi. Haydashdan hosil bo’lgan distillyatlar tarkibidan engil komponentlarni chiqarish uchun “o’ta” qizdirilgan bug’ aralashtiriladi. Suv bug’ining sarfi atmosfera kolonnasi uchun neftga nisban 1.5–2.0 % (mass.) ni, bug’latuvchi kolonnada esa 2.0 – 2.5 % (mass.) ni tashkil etadi.

 Neftni atmosferali haydash qurilmalarida asosan neftni yoki neft aralashmasidan to’rt distillyatli fraksiya va qoldiq mazutga ajratiladi.  Uglevodorodli gazlar va qisman vodorodsulfid tarkibli gazlar yonaki mahsulot hisoblanadi.

Neftni atmosferali haydash qurilmasi texnologik sxemasi

 Hom ashyoni ikki karra bug’latishda ikki kolonnali (birinchisi -oddiy, ikkinchisi - murakkab) qurilma texnologik tizimini ko’rib chiqamiz. Neft birinchi (oddiy) rektifikatsion kolonnaga kelguncha bir yoki bir necha oqimda issiklik almashtirgichlarda 200 – 2200C temperaturada qizdiriladi. Birinchi kolonna yuqori mahsulotlari engil benzin va kam miqdordagi gaz hisoblanadi. Qolgan distillyatlar ikkinchi (murakkab) kolonnada olinadi. Har ikkala kolonna uchun umumiy holda quvurli pech hizmat qiladi.

 Oddiy kolonna yuqorisidan ajraluvchi engil benzin bug’lari (ohirgi qaynash temperaturasi 1600C gacha bo’lgan fraksiyalar) 3-havoli sovitkichda kondensatciyalanadi, so’ngra kondensat va gazlar 4-suvli sovitkichda sovitiladi va 5-gaz separatorida ajratiladi. Bu erdan 7- nasos yordamida barqarorlashtirish blokiga yoki ikkilamchi haydashga yuboriladi. Engil benzin bir qismi 2-kolonna yuqori tarelkasiga to’yintirish yoki sovuq quyilish sifatida qaytariladi.

 Qisman benzinsizlantirilgan neft 2-kolonna pastki qismidan 1-nasos yordamida 6-zmeevikli pechga kiritiladi. Pechda bug’ – suyuqlik holatida (330 – 3600C) qizdirilgan neft asosiy 14-rektifikatsion kolonnaga beriladi. Pechda qizdirilgan neftning bir qismi 2-kolonnada recirkulyat sifatida qo’llaniladi.  Kolonna 14 yuqorisidagi mahsulot benzin fraksiyasi bo’lib, uni 2-kolonnadan olingan benzin bilan taqqoslaganda biroz og’irdir. Kolonna 14 bo’ylab chiqayotgan benzin bug’lari, shuningdek, suv bug’lari 15-havoli sovitkichda kondensatciyalanadi. Suvli sovitgich 16 dan so’ng 17-gaz separatorida gaz, benzin va suvga ajratiladi. Suyuq benzin fraksiyasi 22-nasos yordamida ikkilamchi haydashga beriladi, bir qismi esa 14-kolonnani yuqori tarelkasiga “sovuq quyilish” sifatida qaytariladi.

 Bug’latuvchi kolonnalar 18 va 19 orqali 20 va 21- nasoslar yordamida 140 – 2400C va 240 – 3500C (yoki 140 – 2200C va 220 – 3500C) fraksiyalar chiqariladi. Birinchisi – kerosin fraksiyasi - issiqlik almashtirgich 23, havoli sovitish qurismasi 24 va suvli qobiq quvurli sovitgichdan so’ng qurilmadan chiqariladi. Ikkinchisi – dizel yoqilg’isi – issiqlik almashtirgich 26, sovutkich 27 va 28-suvli sovutkichdan so’ng chiqariladi.  Bug’latuvchi kolonnalar pastki tarelkasi ostidan o’ta qizdirilgan suv bug’i kiritiladi.  Neftning og’ir bug’lanmagan qoldig’i aralashma suyuqligi bilan 14- kollonna pastki tarelkasiga oqib tushadi. Kolonna pastki tarelkasi ostidan ham “o’ta” qizdirilgan suv bug’i kiritiladi. Katta miqdorda qaynash temperaturasi past fraksiyalangan ajratilgan mazut 14 kolonna pastidan 13-nasos yordamida 29-issiqlik almashtirgich va 30, 31 sovitkichlar orqali rezervuarga jo’natiladi.

Qurilma moddiy balansi neftdagi tiniq (rangli) neft mahsulotlari miqdoriga bog’liqdir. Atmosferali haydash qurilmasi moddiy balansi quyidagi jadvaldagi namuna ko’rinishida bo’lishi mumkin Kiritilgan % (mass.) Barqarorlashtirilgan neft 100.0 Suvli emulsiya 0.1 Jami: 100.1 Olingan Uglevodrod gazlari 1.0 Benzin fraksiyasi (140 0 C gacha) 12.2 Kerosin fraksiyasi (140 – 240 0 C) 16.3 Dizel fraksiyasi (204 – 350 0 C) 17.0 Mazut (>350 0 C) 52.7 Yo’qotishlar 0.9 Jami 100.1

Atmosferali haydash qurilmalaridan biri AT-6 qurilmasi kolonnalaridagi rejim va ularni tavsiflari quyida keltirilgan: Kolonnalar Temp eratur a, 0 C Bosi m, MPa Diam etr, m Bala ndlik, m Tarel kalar soni Dastlabki (bug’latish) ) 3.8 30.2 22 Asosiy 0.15 7.0 45.9 3858.0 56.0 240120 320140

O'xshashlar

Neftni fraksiyalarga ajratish va neft mahsulotlari

Neft va gazni qayta ishlash texnologik jarayonlari

Mahsuldor qatlamlarga suvni haydash uchun tayyorlash

Buxoro neftni qayta ishlash zavodi

Uyumlardagi qoldiq neftni qazib olish usullari tahlili