Гидротехника ишларини бажариш. Сув хўжалиги қурилишини ташкил қилиш, режалаштириш ва бошқариш фани - Geologiya - Slaydlar

Гидротехника ишларини бажариш. Сув хўжалиги қурилишини ташкил қилиш, режалаштириш ва бошқариш фани

Yuklangan vaqt:

23.09.2019

Ko'chirishlar soni:

0

Hajmi:

3216 KB

Ko'chirib olish

Гидротехника ишларини бажариш. Сув хўжалиги қурилишини ташкил қилиш, режалаштириш ва бошқариш фани Кириш. Фан бўйича умумий маълумотлар

 РЕЖА:  1- Ўзбекистонда гидротехника объектлари қурилишининг аҳамияти.  2- Гидротехника объектлари қурилишида техник мъёрлаш.  3- Гидротехника объектлари қурилишида бажариладиган ишлар турлари ва уларни бажариш усуллари.

 Мустақиллик йилларида республикамизнинг қишлоқ ва сув хўжалиги соҳаларини жадал ривожлантириш масалаларига давлат миқёсида жуда катта эътибор қаратилмоқда. Сув хўжалиги соҳасидаги белгиланган ислоҳатларнинг самарали ўтказилишида гидротехник объектларнинг ишончли, хавфсиз ва самарали ишлашлари ниҳоятда муҳим омиллардан ҳисобланади. Республикамиз худудида табиий сув ресурслари йил давомида нотекис тақсимланган бўлиб, улардан рационал фойдаланиш, сув тошқинлари ва сел оқимларини трансформация қилиш ва халқ хўжалигига режа асосида сув етказиб беришда гидротехник объектлар орқали амалга оширилмоқда. Ўтган асрнинг иккинчи ярмида қурилган ва фойдаланиб келинаётган гидротехник объектларнинг эксплуатация жараёнларига салбий таъсир қилувчи бир қатор камчиликлар юзага келганлиги кузатилмоқда .

 Президентимиз И.А.Каримовнинг 2013-йилнинг 29- апрелидаги ПҚ 1958-сонли “2013-2017 йиллар даврида суғориладиган ерларнинг мелиоратив ҳолатини янада яхшилаш ва сув ресурсларидан оқилона фойдаланиш чора – тадбирлари тўғрисида” ги қарори мамлакатимиз халқ хўжалиги юксалишида беқиёс аҳамиятга эга ҳисобланади. Мавжуд ирригация ва мелиорация объектларидан фойдаланишда, уларнинг нормал техник ҳолатини, хавфсизлиги,ишончлилигини ва сама-рали ишлашини таъминлаш, республикамиздаги ички сув ресурсларини бошқариш ва улардан оқилона фойдаланишда муҳим аҳамият касб этади .

Фан-техника тараққиёти – бу меҳнат қуроллари (машиналар, асбоб-ускуналар) ва предметлари (материаллар, конструкциялар)ни такомиллаштириш, илғор технологияларни ҳамда қурилиш ишлаб чиқариши ва меҳнатини ташкил этишнинг самарали шаклларини амалга жорий этиш узлуксиз жараёнидир. Қурилишда фан-техника тараққиётининг меҳнат унумдорлигини ошириш ҳамда маҳсулот сифатини яхшилашни таъминловчи асосий йўналишлари қуйидагилардир: 1) янада маҳсулдор машиналар ва механизмлардан фойдаланиш, қурилиш ишлаб чиқаришини комплекс механизациялаштириш ва автоматлаштириш даражасини ошириш; .

2) янги, прогрессив материаллар ва енгиллаш-тирилган конструкцияларни яратиш ва улардан оммавий тарзда фойдаланиш; 3) бинолар ва иншоотларнинг миқдорий-режалаштириш ва конструктив ечимларини такомиллаштириш; 4) қурилиш ишлаб чиқариши технологияси ва уни ташкил этишни такомиллаштириш, меҳнатни илмий ташкил этишни, автоматлаштирилган бошқарув тизимларини амалда жорий этиш;

Қ урилиш ишлаб чиқариши технологиясини янада такомиллаштириш соҳасидаги техника сиёсатининг бош йўналишлари қуйидагилардир: 1) асосий қурилиш жараёнларини комплекс механизациялаштириш,автоматлаштирилган бошқарувга ўтиш; 2) қурилиш ишлаб чиқаришини мумкин қ адар тўли қ саноатлаштириш ва қурилишнинг узлуксиз иш усулларидан кенг фойдаланиш; 3) кичик механизация воситаларидан кенг фойдаланиш йўли билан қ ўлда бажариладиган ишларнинг механизациялаштирилганлик даража- сини ошириш; 4) асосий иншоотлар ва ёрдамчи объектлар конструкцияларининг технологияга асосланган- лик даражасини ошириш.

Вақт,ишлаб чиқариш ва унумдорлик меъёрларини ишлаб чиқиш қуйидаги кетма – кетликда бажарилади: • Меъёрланадиган қурилиш жараёнларини олдиндан ўрганиш; • Қурилиш жараёнларини амалга ошириш омилларини (бажариш усули, мослама ва машина – механизмлар) белгилаш; • Ишни бажарувчи звено таркибини белгилаш; • Иш вақтининг давомийлиги ва тақсимотини ҳисобга олиш; • Бир неча қурилиш участкаларида иш вақти сарфини ўрганиш бўйича маълумотларни системалаш, таҳлил қилиш ва ишлаб чиқиш; • Техник меъёрларни лойиҳалаш; • Ишлаб чиқариш шароитида меъёрларни текшириш.

Қурилишни режалаштириш , ташкил килиш , бошқариш ҳамда меҳнат, хом-ашё ресурслари ва маблағ билан таъминлаш масалалари техник меъёрларга асосланган ҳолда ечилади. Шунингдек, техник меъёрлар қурилишда ишчилар меҳнатини ташкил қилиш, ҳисобга олиш ва иш хақини белгилашда ҳам асос бўлиб хизмат қилади. Техник меъёрлар асосида амалий иш унумдорлик, қурилишни бажариш учун кетадиган вақт, маблағ, материаллар, энергия ва бошқа ресурслар миқдори аниқланади.

Вакт меъёри – бир дона маҳсулотни ёки бир бирлик ҳажмдаги ишни бажариш учун барча иштирок этувчи малакали ишчилар томонидан сарфланган вақт. Унинг ўлчов бирлиги иш куни ёки соатда белгиланади. Мисол учун 10 (100, 1000) куб метр / соат. Машина вакти меъёри – бир бирликдаги маҳсулот ёки бир бирлик ҳажмдаги ишни бажариш учун машина томонидан сарфланадиган вақт меъёри. Машина вақти смена ёки соатда ифодаланади. Агарда машинага бир неча кишидан иборат звено хизмат кўрсатса, у ҳолда машина вақти билан ишчилар вақти орасида қуйидагича боғлиқлик бор: Вақт меъёри = машина вақти меъёри х звенода ишчилар сони

Ишлаб чиқариш меъёри – вақт бирлиги ичида маълум бир малакага эга бўлган ишчининг бажарган иш ҳажми ёки тайёрланган маҳсулот миқдори ( смена ёки соатда ). Унумдорлик меъёри – вақт бирлиги ичида машина ёки қурилмалар ёрдамида бажарилиши керак бўлган иш ёки тайёр маҳсулот миқдори. ( соатда, сменада ёки ойда ). Материал сарфи меъёри деб, бир бирлик ҳажмдаги ишни бажариш ёки маҳсулотни тайёрлаш учун керак бўладиган материал (энергия ёки бошқа ресурслар) миқдорига айтилади.

Сув хўжалиги қурилиши ишлаб чиқариши уч босқичга фарқланади: қ исман механизациялаштириш, комплекс механи- зациялаштириш ва автоматлаштириш . Қисман механиза- циялаштириш – бу механизациялаштиришнинг шундай бир шаклики, бунда машиналар ёрдамида фақат энг оғир операциялар ва жараёнлар амалга оширилади. Комплекс механизациялаштиришда ишлаб чиқариш ва транспорт жараёнлари унумдорлик даражаси ва асосий кўрсаткичларига кўра ўзаро боғланган машиналар ва механизмлар ёрдамида амалга оширилади. Автоматлаштириш – бу машина ишлаб чиқаришининг олий босқичи бўлиб, бунда барча ишлаб чиқариш ва жараёнлари машиналар ва асбоб-ускуналар ёрдамида амалга оширилади.Ишларни механизациялаш- тиришнинг иқтисодий самарадорлиги ва қурилиш ташкилот- ларининг механизация воситалари билан жиҳозланганлик даражаси қуйидаги кўрсаткичлар билан тавсифланади: қурилиш ва меҳнатнинг механизмлар ва энергия билан таъминланганлиги, ишлар ва меҳнатнинг механизациялашув даражаси.

 Қурилиш меъёри ва қоидалари(ШНҚ)  5 қисмдан иборатдир:  -Ташкиллаштириш, бошқариш, иқтисод;  -Лойиҳалаш меъёри;  -Ташкиллаштириш, ишлаб чиқариш ва ишни қабул қилиш;  -Смета меъёри;  -Материал ва меҳнат ресурслари сарфи меъёри.

O'xshashlar

Ер ишларини бажариш технологиялари ва ўзига хос хусисиятлари

Бетон қоришмасини ташиш, иншоотга узатиш ва жойлаштириш ишларини ташкил қилиш

Тупроқнинг сув, ҳаво, иссиқлик ва озиқ режимлари ҳамда уларни бошқариш 2

Тупроқдаги сув шакллари ва тупроқнинг сув-физик хоссалари

Гидротехника қурилишида бетон ишлари