Ma'lumot axborot hujjatlari - Davlat tilida ish yuritish - Slaydlar

Ma'lumot axborot hujjatlari

Yuklangan vaqt:

22.07.2023

Ko'chirishlar soni:

0

Hajmi:

3927.25 KB

Ko'chirib olish

1. ARIZA 2. BAYONNOMA 3. BAYONNOMADAN KO’CHIRMA 4. BILDIRISHNOMA, 5. VASIYATNOMA 6. DALOLATNOMA REJA:

ARIZA Muayyan muassasaga yoki mansabdor shaxs nomiga biror iltimos, taklif yoki shikoyat mazmunida yoziladigan rasmiy hujjat. Ariza amaliyotda eng ko'p qo'llanadigan va keng tarqalgan ish qog'ozidir.

Arizalar ilmiy-tadqiqot muassasasi direktoriga, maktab direktoriga, oliy o'quv yurti rektoriga, korxona direktoriga, tuman rahbariyatiga - xullas, oddiy arizachining taklif, iltimos yoki shikoyatini ko'rib chiqib hal qila oladigan har qanday idora, har qanday boshliq nomiga yozilishi mumkin. Hajmi, uslubi va turidan qat'i nazar, ariza o'zining umumiy zaruriy qismlariga ega va u ana shu qismlarning izchilligi asosida tuziladi .

Arizaning zaruriy qismlari: 1. Ariza yo'llangan muassasaning yoki mansabdor shaxsning nomi. 2. Ariza yozuvchining turarjoyi, vazifasi, ismi, otaismi va familiyasi. 3. Hujjatning nomi (Ariza). 4. Asosiy matn (taklif, iltimos, shikoyat). 5. Arizaga ilova qilinadigan hujjatlar nomi (agar zarur deb topilsa). 6. Ariza yozuvchining imzosi, ismi va otaismi bosh harflari, familiyasi. 7. Ariza yozilgan vaqt (yil, kun va oy).

Sud idoralariga, xo'jalik yoki hakamlik sudiga, prokuratura va boshqa huquqni muhofaza qilish idoralariga yoziladigan va ular tomonidan ko'rib chiqiladigan arizalar ham mundarija jihatidan rang- barangdir. Bunda fuqarolar o'zlarining amaldagi qonunchilikda belgilab qo'yilgan huquq va majburiyatlarini himoya qilish yoki ularning ijro qilinishini talab etib, da'vo, iltimos yoki shikoyat mazmunidagi arizalarni yozadilar. Shuning uchun ham bunday arizalarning aksariyati da'vo arizalari deb yuritiladi.

Da'vo arizalarining zaruriy qismlari odatdagi arizalarnikidan birmuncha boshqacharoq bo'ladi: 1. Da'vo arizasi yo'llovchining nomi, hujjatning tuzilgan vaqti va tartib raqami ko'rsatilgan to'rtburchak muhr. 2. Sud idorasi yoki davlat hakamligining nomi (varaqning yarmidan boshlab o'ng tomoniga yoziladi). 3. Da'vogarning to'liq nomi va manzili (2-qismning ostiga yoziladi). 4. Javobgarning to'liq nomi va manzili (3-qismning ostiga yoziladi). 5. Da'vo summasi (bu qism 4-qismning so'nggi satrlari bilan bir chiziqda bo'lishi talab qilinadi). 6. Hujjat nomi (Da'vo arizasi). 7. Da'vo arizasining matni (mazmuni) - matnda nizoning mohiyati, da'vogarning nizoni ko'ngilli ravishda hal qilish yo'lidagi chora-tadbiri va uning natijalari, da'vogarning javobgar tomonga qo'ygan talablari, talablarning haqqoniyligiga dalillar aniq va yaqqol bayon qilinadi. 8. Ilovalar (da'vogarning talablarini asoslovchi barcha hujjatlar sanaladi).

BAYONNOMA Turli yig'ilish, kengash va boshqa tur anjumanlarning borishini, majlis qatnashchilarining chiqishlari va ular qabul qilgan qarorlarni aniq, siqiq holda qayd qiluvchi rasmiy hujjat. U voqelikning o'rni, vaqti va holati haqida ma'lumot berish bilan birgalikda, qarorlarning to'g'ri qabul qilinganligini tekshirish va ularning bajarilishini nazorat qilishga imkon beradi. Doimiy ish ko'ruvchi organlar (ilmiy kengash, hay'at va boshqalar), shuningdek, vaqtinchalik ish ko'ruvchi organlar (konferensiyalar, yig'ilishlar, anjumanlar, komissiyalar) faoliyatlarida, albatta, bayonnoma yozilishi kerak.

Yig'ilish stenografiya usulida (stenografik ) yoki diktofon yordamida yozib olinayotgan (fonografik)bo'l - sa, qisqa bayonnoma tuzilib, stenogramma rais va kotib tomonidan imzolanadi va asosiy bayonnomaga ilova qilinadi.

Bayonnomaning asosiy zaruriy qismlari: 1. Muassasa nomi. 2. Sarlavha (bamaslahat ish ko'ruvchi organ yoki yig'ilishning nomi). 3. Hujjatning nomi (Bayonnoma). 4. Yig'ilish sanasi. 5. Shartli raqami. 6. Yig'ilish joyi. 7. Tasdiqlash ustxati (agar bayonnoma tasdiqlanishi zarur bo'lsa). 8. Yig'ilish raisi va kotibining familiyasi. 9. Matn: a) qatnashuvchilar ro'yxati yoki soni; b) kun tartibi; d) eshitildi; e) so'zga chiqdilar; f) qaror qilindi. 10. Ilovalar (agar ular mavjud bo'lsa). 11. Imzolar.

BAYONNOMADAN KO'CHIRMA Zaruriyat tufayli majlis davomida qabul qilingan qarorlardan ko'chirmalar rasmiylashtiriladi. Buyruqdan ko'chirmada bo'lganidek, bayonnomadan ko'chirma ham imzo bilan tasdiqlanadi.

. Bayonnomadan ko'chirma quyidagi asosiy qismlardan iborat: 1. Tashkilot nomi. 2. Hujjat nomi (Bayonnomadan ko'chirma). 3. Sana (majlis o'tkazilgan sana). 4. Shartli raqam. 5. Bayonnoma tuzilgan joy. 6. Matn: a) KUN TARTIBI; b) ESHITILDI; d) QAROR QILINDI. 7. Imzolar. 8. Nusxa tasdiqlanganligi haqida belgi (muhr bilan)

Ba'zan bayonnomadan ko'chirmalarda yig'ilishda qatnashuvchilarning familiyasi yoki soni, shuningdek, ko'rilgan masala bo'yicha muhokamada ishtirok etganlar familiyasi ham ko'rsatib o'tiladi.

BILDIRISHNOMA, BILDIRISH, BILDIRGI Muayyan muassasa (tarkibiy qism) rahbariga xizmat faoliyati bilan aloqador muhim masalalar yuzasidan yoki yuqori idora, mansabdor shaxsga biron-bir voqea va hodisa haqida xabar berish zarurati tug'ilganda taqdim etiladigan mufassal yozma axborot.

BILDIRISHNOMA KIMGA YO’NALGANLIGIGA QARAB 2TURGA BO’LINADI Ichki bildirishnoma rahbar shaxs yoki bo'Iim mudiri nomiga yoziladi. U toza qog'oz varag'iga qo'lda, kompyuterda yoki elektron shaklda yozilishi mumkin. Bunday bildirishnomalar muallif tomonidan imzolanad Tashqi bildirishnoma, ya'ni rahbar tomonidan yuqori idoraga yoki mansabdor shaxsga yoziladigan bildirishnoma, odatda, xos ish qog'oziga ikki nusxada yoziladi. Hujjatning ikkinchi nusxasi muassasaning o'zida qoldiriladi. Bunday bildirishnoma rahbar tomonidan imzolanadi.

Bildirishnomaning zaruriy qismlari: 1. Bildirishnoma yo'llangan rahbarning lavozimi, ismi va otaismining bosh harflari hamda familiyasi jo'nalish kelishigida. 2. Bildirishnoma tayyorlagan shaxsning lavozimi, ismi va otaismining bosh harflari hamda familiyasi chiqish kelishigida. 3. Matn sarlavhasi. 4. Hujjat turining nomi (Bildirishnoma). 5. Bildirishnoma matni (mazmuni). 6. Qancha varaqligi ko'rsatilgan ilovalar ro'yxati (agar ilovalar bo'lsa). 7. Bildirishnoma tayyorlovchi xodim yoki rahbarning imzosi (agar bir necha shaxs tomonidan tayyorlangan bo'lsa, u barcha mualliflar tomonidan imzolanadi). 8. Bildirishnoma taqdim etilgan sana (muallif yoki muassasa rahbari tomonidan bildirishnoma imzolanayotgan paytda qo'yiladi).

VASIYATNOMA Vasiyatnoma bir shaxsning (vasiyat qiluvchining), u vafot qilgan taqdirda, o'ziga qarashli bo'lgan mol-mulkni tasarruf etish bo'yicha xohish-irodasi bayon qilingan hujjatdir. U muayyan andoza bo'yicha tuzilishi, belgilangan talablarga (vasiyat qiluvchining huquqiy muomala layoqati, farmoyishning qonuniyligi, vasiyat qiluvchi tomonidan o'zining so'nggi xohish-irodasini bayon qilish erkinligi) javob berishi kerak

Vasiyatnoma, odatda, yozilgan joyi va vaqti ko'rsatilgan holda yozma shaklda tuzilishi lozim. Quyidagi vasiyatnomalar yozma shaklda tuzilgan hisoblanadi: a) notarial tasdiqlangan vasiyatnomalar; b) notarial tasdiqlangan vasiyatnomalarga tenglashtirilgan vasiyatnomalar.

DALOLATNOMA Muassasa yoki ayrim shaxslar faoliyati bilan bogiiq biron-bir bo'lib o'tgan (sodir bo'lgan) voqea, hodisa, ish-harakatni yoki mavjud holatni tasdiqlash, unga guvohlik berish maqsadida bir necha kishi tomonidan tuzilgan hujjat. Dalolatnoma tuzishda xilma-xil maqsadlar ko'zlanadi, lekin uni tuzishdan asosiy maqsad sodir bo'lgan voqea-hodisalarni yoki mavjud holatni qonuniy-huquqiy jihatdan isbotlash yoki tasdiqlashdir. Bir qancha hollarda dalolatnoma tuzish maxsus huquqiy me'yorlar bilan qat'iy belgilangan. Masalan, korxonalarning hisob-kitob bo'limlari faoliyatida dalolatnomalar avvaldan belgilangan mazmun va davriylikka asosan tuziladi va huquqiy jihatdan muhim o'rin tutadi.

Dalolatnomalar voqea-hodisalarni haqqoniy aks ettirish maqsadida bir necha shaxslar (muassasa rahbarining buyrug'i bilan komissiyalar, doimiy komissiyalar) yoki maxsus vakolatli yakka shaxs (taftishchi, nazoratchi) tomonidan tuziladi. Keyingi holatda va, umuman, dalolatnoma yakka shaxs tomonidan tuzilganda, guvohlarning ishtirok etishi va imzosi bo'lmog'i shart. Ayrim hollarda dalolatnomalar voqea-hodisaning qatnashchilari yoki unga guvoh bo'lgan kishilarning tashabbusi bilan ham tuziladi.

Dalolatnomaning zaruriy qismlari: 1. Idora, muassasa va tarkibiy bo'linma nomi. 2. Tuzilgan sanasi va joyi. 3. Tartib raqami va tasdiq belgisi (zarur hollarda). 4. Matn sarlavhasi 5. Hujjat turi nomi (Dalolatnoma). 6. Hujjatni tuzish uchun asos (muassasa rahbarining buyrug'i, idoraning qarori yoki ko'rsatmasi kabilar). 7. Komissiya tarkibi (raisi va a'zolar). 8. Ishtirok etuvchilar (guvohlar). 9. Dalolatnoma matni. 10. Ilovalar (har bir ilovaning necha betligi ko'rsatiladi). 11. Tuzgan va ishtirok etganlarning imzolari. 12. Ijro haqidagi belgi.

O'xshashlar

Ma’lumot-axborot hujjatlari. Ma’lumot-axborot hujjatlarining rasmiylashtirilishi

Farmoyish hujjatlari

Fuqarolik protsessual hujjatlari va ularning til xususiyatlari

Davlat tilida ish yuritish. Hujjatlar

Далолатнома