Эргономика асослари - Xayot faoliyati xavfsizligi - Referatlar

Эргономика асослари

Yuklangan vaqt:

20.09.2019

Ko'chirishlar soni:

0

Hajmi:

227 KB

Ko'chirib olish

Эргономика асослари Режа: 1. Эргономика асосий тушунчалари. 2. Машина ёки фаолият асбоби

Архитектор ва дизайнерларни тайёрлаш борасида эргономика асослари махсус курс хисобланади, чунки у замонавий интерьерни ва шахар мухитини асосий элементларини, жихозларини яратиш асосий тамойлларини очиб беради. Бу фан талабаларга лойихавий масалаларни ечишда нафақат назарий ва амалий билим ва қўникмалар беради, балки инсон талабларига мос келадиган мухитни яратиш тўғрисида фикрлашни ўргатади. Бу курс доирасида архитектуравий мухитни лойхалаш учун эргономик усуллар кўрилади ва инсонни турли фаолиятидаги мухитларида комфорт шароит яратиш учун хар хил фанлардаги билимлардан фойдаланади. Масалан, гигиена масалалари, психология, физиология, антропометрия, ёруғлик физикаси ва х.к. Ҳозирги даврда мухитни лойхалашда эргономик билимлар янгича ёндошувни талаб этади Эргономика фанини саноат сохасидаги ютуқлари, ундан анча узоқ бўлган, турар жойларни ташкил қилишда, офисдаги, банкдаги иш жойларини лойихалашда қўлланилмоқда. Инсон ва машина ўзаро таъсир тизимларини лойиҳалаш асосларини билиш баъзи архитектура обьектларини интеллектуал уй яратишда фойдаланилмоқда. Бунда муруккаб электронтехнологик жихоз конкрет ҳаёт тарзига дастурланади. Мисол учун, мебелларни, спорт анжомларини ва тиббиёт ускуналарини лойихалашда. Эргономика архитектор ва дизайнерга ўзидаги оддий функционал – фазовий анализ қила олиш кўникмаларини инсонни талаб ва имкониятларини тўлалигича инобатга олган ҳолда тизимли ёндошишга ёрдам беради. Лойиҳаловчилар эргономик усулларни амалий ишларда кўпинча ўзлари билмаган ҳолда қўллашади. Мисол учун, буюртмачи билан суҳбат чоғида “Анкеталаш” олиб борилади, корхонани фаолият структураси тузилади. Эргономика фани қоида ва услубларини чуқур билиш ва уларга ижодий ёндошиш архитектура муҳитини лойиҳалаш масалаларини тўлароқ хал қилишга ёрдам беради. Эргономика шуни кўрсатадики “типовой” лойиҳалаш

хар доим ҳам талабга жавоб бермайди. Эргономика усулллари лойиҳавий усулларни, лойиҳавий ечимларни индивидуаллашга ва инсон талабларини тўлароқ қондиришга олиб келади. Архитектуравий муҳитни эргодизайн жиҳатдан лойиҳалашда қулайлик, комфорт ва ҳавфсизлик масалалари асосий ҳисобланади. Эргономика фани лойиҳалаш меъёрий ҳужжатларни тузишда ҳам жалб қилинади. Ўқув қўлланма бир нечта бўлимларни қамраб олувчи икки бобдан иборат. Ҳар бўлимни сўнгида назорат учун ўнта савол келтирилган. Қўлланма талабаларни курс ишлари намуналари билан якунланади. Эргономика асосий тушунчалари. Эргономика грекча ergo (иш), nomos (қонун) – меҳнат ва маиший жараёнларда инсонни функционал имкониятларини комплекс урганувчи ва самарали мехнатни яратиш қонунларини урганувчи фан. Эргономика фани техник воситаларни мураккаблашиши ва инсонни мехнат фаолияти ўзгариши натижасида юзага келди. Бу фан психолигия, гигиена, анатомия ва бошқа техник билимлар қамровида шаклланди. Эргономика фанини предмети - бу инсон (ёки инсонлар гурухи )ва техник воситалар ўзаро таъсири қонуниятларини ўрганиш Эргономика мақсади - бу “инсон-машина-фаолият объекти-мухит” тизимида инсон фаолияти сифатини ва самарасини ошириш. Изланиш объекти - бу эргономикада “инсон-машина- мухит”тизими,яни инсонни мехнат жараёнида атроф моддий нарсалар билан ўзаро боғликлиги ўрганилади. Эргономик талаблар - бу тизимга қўйиладиган талаблар (1.1 расм) Инсонни психологик, физиологик, антропометрик, ва бошқа хусусиятлари хисобга олинган холда инсон - оператор фаолиятини оптималлаштириш. Машиналар конструкциясини шакллантиришда ва архитектура мухитини фазовий-композицион ечимида эргономик талаблар асос ролини уйнайди.

Инсон оператор - машинани бошқарувчи хар қандоқ инсон:аэропорт диспетчери, дастгохда ишловчи ишчи,плита ёки чанг ютгич билан ишловчи уй бекаси ва х.з. Эргономист учун булар хаммаси оператор. Эргономика ва уни усуллари охирги пайтда нафақат техник мосламаларни, балки архитектура объектларини,интерьерларни ва улардаги жихозларни лойихалашда қўлланилмоқда. Шунинг учун бундай вазиятларда “машина” иборасини ўрнига “махсулот”, “предмет” ва “оператор” ўрнига – “махсулот”, “предмет” ва “оператор” ўрнига“истеъмолчи”, томошабин ибораларини ишлатиш мақсадга мувофиқ. Тизим - ягона мақсад билан бирлашган ва ўзаро таъсирда бўлган компонентлар, факторлар. 1.1. расм. Машина ёки фаолият асбоби системаси

Машина ёки фаолият асбоби (махсулот, предмет) - бу эргономикада материя, энергия ва ахборотни бирон бир мақсадда ўзгартириш учун қўлланадиган хар қандоқ техник мослама. “Машина” тушунчаси оддий асбобни (пичоқ, болға) ёки мураккаб дастгохни, космик кемани билдириши мумкин. Эргономика дизайн билан органик равишда боғланган. Дизайннинг асосий мақсадларидан бири инсонни моддий ва маънавий талабларига жавоб берадиган гармонияли мухитни шакллантириш. Бу ерда предметларни нафақат ташқи куриниши, балки кўпрок уларни структуравий алоқаларига этибор берилади. Бу жихат тизимга функционал ва композицион бирлик беради. Айнан шу жихат эргономикани дизайнни илмий асоси деб аташга йўл беради. Сўнги йилларда хорижда эргономика ва дизайнга ёндошган фаолиятга эргодизайн тушунчаси кенг қўлланилмоқда. Эргодизайн “инсон омили” бўйича эргономик тадқиқотларни лойихавий – дизайнерлик ишлар билан шундай боғлаб бораяптики улар орасидаги чегарани кўпинча илғаб бўлмаяпти. Эргономика илмий фан сифатида инсон, жамият, техника, билим ва табиий фанлар ютуғининг синтезига асосланади. Бу фанларни натижаларини бир бирига боғлаб ўз тавсияларида инсоний ва техник аспектларни уйғунлигига эришади. Инсон фаолиятини оптималлаштириш масаласини эргономик ёндошув буйича хал этиш бир нечта факторлар билан боғлиқ. Асосийлари қуйида келтирилган. Ижтимоий- психологик факторлар машина конструкциясини ва иш жойларини ташкил килиш, гурухлар аро хамкорликни назарда тутади. Антропометрик факторлар жихозларни ўлчамларини ва уни элементларини инсон танасини ўлчамларига,оғирлигига мос келишини таъминлаб беради, психологик факторлар жихозларни, технологик

жараёнларни инсонни қабул қилиш, хотиралаш, фикр юритиш имкониятларини ҳисобга олишни назарда тутади. Физиологик факторлар жихозларни инсонни кўриш, эшитиш имкониятларига мос келишини назарда тутади. Бу факторлар жихозларни яна инсонни куч ишлатиш, тезлик ва энергетик имкониятларига мос келишини назарда тутади. Гигиеник факторлар бу иш жойларни: ёритилганлигига, хаво тозалигига, намлигига, хароратига, босимига, шовқинга, вибрацияларга талаблар қўяди.

O'xshashlar

Эргономика – научная и проектировочная дисциплина

Хавфсизлик техникаси асослари

Электр хавфсизлиги асослари

Фаолият хавфсизлигини бошкарилишининг услубий асослари

Фаолият хавфсизлигининг эргономик асослари