Ўзбекистон автосервиснинг муаммолари ва илғор чет эл тажрибалари. - Transport - Referatlar

Ўзбекистон автосервиснинг муаммолари ва илғор чет эл тажрибалари.

Yuklangan vaqt:

20.09.2019

Ko'chirishlar soni:

0

Hajmi:

68.5 KB

Ko'chirib olish

Ўзбекистон автосервиснинг муаммолари ва илғор чет эл тажрибалари. Режа; 1. Ўзбекистон автосервиснинг муаммолари . 2. Автосервис сохасида илғор чет эл тажрибаси .

Мамалакатимизда автомобил сервисини пайдо бўлиши ва уни ривожланиш тарихини юқорида қисқача баён қилиб ўтган эдик. Унинг ўзига хослиги шундан иборатки, соха маълум ижтимоий-сиёсий, иқтисодий сабабларга кўра дунё автомобил сервисида н деярли 50-60 йил кеч қолиб тан олинди ва ривожлана бошлади. Айниқса унинг энг зарур ва мукаммал усули, яъни фирма усулида хизмат кўрсатиш орқада қолиб кетди. Жаҳон автомобил сервисини кўп йиллик тажрибалари етарли ўрганилмади ва уларнинг бу сохада эришган ютуқларидан ўз вақтида фойдаланилмади. Ахир автосервис хам социалистик иқтисодиёт шакли ва мазмунида фаолият кўрсатар, унга дунёга танилган автомобил компа - нияларнинг илғор тажрибаларини қўллашга сиёсий қолиплар йўл бермас эди. Автосервис хизмати асосан фақат бир турдаги, яъни шахсий енгил автомобилларга мўлжалланганлиги, соха кўламини торайтирди ва уни ижтимоий-иқтисодий ахамиятини сусайтирди. Ўзбекистонда 1990 йилда аҳолига қарашли енгил автомобиллар сони деярли 1 млн.бўлишига қарамай, уларга фақатгина 300 та АТХКС лари, автоустахоналар ва техник хизмат кўрсатиш пунктлари хизмат кўрсатар, улардаги жами ишчи постлари сони 1500 тагина эди. Демак, 660 автомобилга 1 та ишчи пости тўғри келган. Ривожланган мамлакатлар тажрибасида бу нисбат 70-75  1 ни ташкил этади. Натижада, автосервис хизматига бўлган талаблар тўла қондирилмас, хизмат учун навбат кўп, турли жойлардан эҳтиёт қисмлар қидириш, бунинг устига мижозларга нисбатан қўпол муомила ва баъзида ҳисобдаги қалбакиликлар, сохада жиддий тарангликлар ва норозиликларга сабаб бўлар эди. Мустақиллик йиллари даврида (1992-2002йй.) мамлакатимиз автосервиси сохасида, ундаги ахволни яхшилаш мақсадида, бир қанча жиддий ишлар амалга оширилди. Биринчи навбатда иқтисодий ислохатлар ўтказилиб мулк эгалари ўзгартирилди, деярли 70% АТХКСлар, автоустахоналар хусусий ишбилармонларга сотилди, қолганлари эса хиссадорлик жамиятлари ва уюшмаларига айлантирилди.

Давлатнинг ўрта ва кичик бизнесни тез суръатлар билан ривожлантиришга қаратилган сиёсатига асосан (автосервис айнан шу тоифага киради) Республикамизнинг барча шахарлари ва хатто, қишлоқларида кичик қувватга эга бўлган (1-2 постли) кўпдан кўп техник хизмат пунктлари ва автоустахоналар очилди. Бундай кичик корхоналар сон- саноғи тўғрисида хозирча статистик маълумотларга эга эмасмиз. Айниқса Республикамиз автосервиси хизмати ахволига жиддий ижобий таъсир кўрсатаолган нарса, бу мамлакатимизда автомобиллар ишлаб чиқарила бошланиши, автомобил саноатини пайдо бўлишидир. Ўзбекистон - Жанубий-Корея Қўшма автокорхонаси “ЎзДЭУавтоКо” томонидан Андижон вилоятининг Асака шахрида замонавий енгил автомобиллар 1996 йил августидан ишлаб чиқарила бошлади. Бу автомобиллар билан савдо қилиш ва уларга фирма усулида хизмат кўрсатиш мақсадида мамлакатимизнинг барча вилоятлари ва Тошкент шахридаги йирик автомарказлардан 13 таси такомиллаштирилиб тўла қайта жихозланди, бир қанча замонавий автосалонлар, автодўконлар қурилиб, кадрлар малакасини оширишга эътибор берилди. Албатта, кейинги 6-7 йиллар ичида автосервис сохасида мамла - катимизда амалга оширилган ишлар ва чора-тадбирлар ўз самарасини берди. Автосервис корхоналари эшиклари олдида узоқдан-узоқ навбат кутишлар йўқолди, шахарларда мижозлар сервис корхоналарни ва хатто, усталарни хам танлаб олиш имкониятларига эга бўлдлар. Сохада мижозларни жалб этиш учун рақобат пайдо бўлди. Аммо амалга оширилган жиддий чоралар ва эришилган ижобий ютуқларга қарамай Республика автосервиси сохасида хам автомобиллар эгалари ва автотранспорт ходимларини қаноатлантирадиган мухим, туб ўзгаришларга эришилганича йўқ. Айниқса хизматнинг сифатига, хизмат учун алинаётган нархларни асоссиз равишда оширилиб юборилаётганлигига мижозларни эътирозлари камаймаяпти. Мижозлар учун қулайликлар яратиш, уларни керакли ахборотлар билан таъминлаш ва хизмат кўрсатиш маданияти жаҳон

андозалари даражасидан хали йироқда. Қишлоқ туманларида, шахарлараро йўллар бўйларида қониқарли автосервис хизмати кўрсатиладиган станциялар, техник ёрдами пунктлари кам учрайди. Автосервис хизматини кўрсатувчи барча корхоналарнинг эҳтиёт қисмлар омборлари деярли бўм-бўш. Зарур эҳтиёт қисмлар ва таъмирлаш материаллари (бўёқлар, мойлар, фильтрлар, тормоз ва совутиш суюқликлари ва ҳ.к.) турли дўконлардан, асосан бозорлардан сотиб олиниб ишлатилмоқда: Табиийки, бундай молларни келиб чиқиши номаълум бўлиб, уларнинг сифатига хеч ким кафолат бермайди. Мижозлар хуқуқларини химоя қилувчи давлат қонунларига асосланган корхоналарнинг меъёрий хужжалари (хизматга қабул қилиш ва эгасига топшириш қоидалари, сифатини кафолатлаш тартиби, мижозлар шикоятларини кўриб чиқиш ва чора кўриш тартиблари ва ҳ.к.) хатто йирик автомарказларда хам камдан-кам учрайди, уларни ишлаш ёки ишламасликлари тўғрисида маълумот олиш имкони йўқ. Демак, корхоналар томонидан хизматлар сифатини назорат қилиш ўз холига ташлаб қўйилган. Ҳозирги пайтдаги мамалакатимиз автосервиси сохасининг энг мухим муаммолари қуйидагилардан иборат: 1. Республика автосервис корхоналарининг сони, таркиби ва ишлаб чиқариш қуввати унинг мавжуд автомобил паркига мутаносиб эмас. Натижада қишлоқ туманлари, магистрал йўлларнинг бўйилари, йирик автомобиллар туриш ва сақлаш жойларида хизматга бўлган талаблар жуда кам даражада қондирилади; 2. Мавжуд автосервис корхоналари асосан енгил автомобилларга хизмат кўрсатишга мўлжалланган. Уларда юк автомобиллари, автобуслар ва махсус автомобилларга хизмат кўрсатиш имконияти чегараланган ёки умуман йўқ. 3. Автосервис корхоналарида ишдан чиққан деталлар, узеллар ва агрегатларни таъмирлаш, иш қобилиятини тиклаш ишлари етарли эмас, тикланган деталлар номенклатураси 3-4 % дан ошмайди.

4. Махсус ишларни бажаришга иқтисослашган, масалан, йўл транспорт ходисалари туфайли шикастланган кузовларни тикловчи мустақил сервис корхоналари деярли йўқ. 5. Кўпчилик автосервис корхоналарининг 90% ишлаб-чиқариш техника баъзаси ўта заиф ахволда, уларнинг асосий қисми тасодифий ва вақтинча биноларда жойлашган, технологик жиҳозлар ва махсус асбоб ускуналар билан таъминланганлик даражаси меъёрий кўрсаткичларнинг 30-40 % дан ошмайди, ишлаб-турган жиҳозларни кўпчилиги хам маънавий хам жисмонан эскириб қолган. Айниқса махсус диагностика-назорат асбоблари ва қурилмалари, ғилдиракларни мувозанатловчи жиҳозлар, тормоз ва мотор қувватларини ўлчовчи жиҳозлар, ювиш-қуритиш машиналари, махсус сканерлар етишмайди. Сохада механизация, автоматизация ва компьютеризация даражаси паст. Бу эса меҳнат унуми ва сифатини оширишга имкон бермайди. 6. Сохада ишлаб чиқариш техник базасини яратиш ва хизматлар сифатини кафолатлаш учун зарур бўлган стандартлар ва меъёрий техник хужжатлар ишлаб чиқилмаган. 7. Мамлакат миқёсида автомобил транспорти ва автомобил сервиси сохалари учун ишончли, узлуксиз ишловчи оддий-техника таъминоти тизими ёки бозори хали яратилганича ёки шакилланганича йўқ. 8. Сохада илмий-техника ютуқлари, илғор тажрибалар тўғрисидаги ахборотлар билан таъминлаш ёки алмашиш умуман йўлга қўйилмаган. 9.Соха учун хамма бўғиндаги кадрлар тайёрлаш ва уларни малакасини ошириш масаласи хали маромига етишмаган ва ҳ.к. Бу муаммолар вақтинчалик, улар вақт ўтиши билан хал бўлиши муқаррар. Энди автосервис сохасида илғор чет эл тажрибасига келсак , юқорида айтиб ўтганимиздек, автосервис Европа, АҚШ ва бошқа мамлакатларда автомобил саноати ва транспорти билан тенг тарихга эга, бирга туғилиб, бирга хамкорликда ривожланиб келаяпти. Шунинг учун у

мамлакатларда кўрсатаётган хизматларнинг сифати хам маданияти хам юқори ва кўлами кенгдир. Бунинг учун мамлакат худудларининг барча шахарлари, қишлоқлари ва бошқа аҳоли яшовчи пунктлари, шахарлараро йўл бўйлари дам олиш зоналари турли даражада ва хилдаги автосервис хизмати кўрсатувчи корхоналар тармоғи билан қопланган. Масалан, ХХ асрнинг 90-чи йиллар охирида 200 млн.дан ортиқ автомобил паркига эга бўлган АҚШда (шундан 80% енгил автомобиллар, 19,7% юк автомобиллари ва 0,3% автобуслар), автосервис хизмати кўрсатувчи корхоналар ва пунктлар сони 58500 та бўлган. Шундан 11000 таси АТХКСлар ва автоустахоналар, 85 минги савдо базалари ва дўконлари, ижарага олиш пунктлари бўлган. АҚШдаги АЗСларни кўпчилигида (йўллар бўйларидагида 100% умуман олганда 70%) айрим техник хизмат ва майда таъмирлаш ишлари бажарилади (1-3 постли). Юқорида кўрсатиб ўтилган автосервис корхоналари бўйича техник хизмат ва таъмирлаш ишларининг тақсимланиши тахминан қуйидагича: АЗС ва улар ёнидаги станцияларда……....39%. Мустақил АТХКСлар………………………....40% Дилер станциялари ………………………...…15% Автокорхоналар устахоналарида………….....6% Шунингдек, АТХКстанциялар, автоустахоналарнинг умумий сони: Францияда (70 млн. автомобил)...50 минг Германияда (50 млн. автомобил)...20 минг Англияда (25 млн. автомобил)...35 минг бўлган. Бу мамлакатларда АТХКСлар турли хилларини учратиш мумкин; масалан; 1.Умумий мақсадларга мўлжалланган станция-асосий бажарадиган ишлари ТХК ва таъмирлаш, энг мухими савдо; 2.Ўз-ўзига хизмат кўрсатиш станциялари; 3.Тез хизмат кўрсатиш станциялари (12 минут ичида) маълум хилдаги майда ТХК ва таъмирлаш ишларини бажариб беради;

4.Авария натижасида шикастланган автомобиллар кузовларини тикловчи станциялар. 5.Харакат хавфсизлиги станциялари (йўл полициясига қарашли). 6.Ихтисослашган автоустахоналар-махсус ишларни бажарувчи (шиналар, аккумуляторлар, кузовлар, агрегатлар, электр ва электрон жиҳозлари ва ҳ.к.) 7.Кўчма станциялар, тез техник ёрдам кўрсатувчи ва автомобиллар тўхтаб турадиган ва сақланадиган жойларда хизмат кўрсатадилар. Чет элдаги барча турдаги АТХКСлар ва автоустахоналар асосан кичик хажмдаги, баъзида оилавий корхоналардир, масалан, АҚШдаги АТХКСларни хажми қуйидагича: 3-9 автожойда (1-3постли)……...45-50%. 10-20 автожойда (4-6 постли)....20-25% 21-35 автожойли (7-10 постли)…15-20 % 35 дан кўп автожойли (10дан кўп постли) 10-15 %. Шуни айтиш керак-ки, мустақил АТХКСлар ва автоустахоналарнинг 85 % юк автомобилларига хам хизмат кўрсатиш имкониятига эгадирлар. АТХКСларда ишлайдиган ишчиларни сони ўртача. АҚШда - 4,2. Францияда - 4,5. Италияда - 5,2 кишиларни ташкил этади. Барча турдаги автосервис корхоналарини технологик жиҳозлар, асбоб- ускуналар, диагностика-назорат жиҳозлари ва ўлчов асбоблари билан таъминланганликлари талаб даражасида эканлиги тўғрисида маълумотлар бор. Иқтисодий ривожланган барча дунё мамлакатларида автосервис ва автмобил транспортини эҳтиёт қисмлар, ТХК ва Т учун зарур бўлган материаллар билан таъминлаш масаласи ижобий хал қилинган. Бунинг учун узлуксиз, ишончли ва барқарор таъминлаш тизими бетўхтов ишлаб туради. Илғор чет эл тажрибасида мижозлар билан ишлаш масаласига жуда катта эътибор берилади. Мижозлар барча зарур маълумотлар билан

таъминланади, улар учун турли қулайликлар яратилган, масалан, автомобилни хизматга олиб келиш ва хизматдан чиққандан сўнг эгасига элитиб бериш, ёки эгаси талабига кўра уйида, гаражида хизмат кўрсатиш, доимий мижозлар учун хизмат хақини бир қисмидан кечиш ва ҳ.к. Хуллас, бу сохада илғор чет эл тажрибасини жиддий ўрганиш, улардан ўз амалиётимизда-ижодий фойдаланиш масаласи олдимизда турипти.

АД А Б И Ё Т Л А Р 1. .Крамеринко Г.В, Барашков И.В. Автомобилларга техникавий хизмат кўрсатиш. Тошкент. 1998 й. 2. О.Х.Хамракулов, Ш.Магдиев. Автомобилларнинг техник экспулатацияси. Адолат 2005й., 256 бет 3. . Кленников Е.В.,Мартиров О.А.,Крилов Ф.М. Газобалоннье автомобили. Техническая эксплуатация. М: Транспорт 1986 г. 4. Краткий автомобильнўй справочник. М: Транспорт 1990 г. 5. . Милушкин А.А.,Черняйкин В.А. Автомобил ҳайдовчиси учун спра-вочник. Тошкент.  Ўқитувчи  1995 - 256 б. 6. . Положение о техническом обслуживании и ремонта подвижного состава автомобильного транспорта РУ - Ташкент: корпорация  Узавтотранс  - 1996 г. 7. . Рукаводство по ремонту и обслужеванию + инструкция по эксплу - атации автомобилей NEXIA , Т. “Туркестан” КФМЦ “ТКИСО” 2000, 358б. 8. . Рукаводство по ремонту и обслуж и ванию + инструкция по эксплуатации автомобилей TICO , Т. “Туркестан” КФМЦ “ТКИСО” 2000, 358б. 9. . Рукаводство по ремонту и обслужеванию + инструкция по эксплуа - тации автомобилей DAMAS , Т. “Туркестан” КФМЦ “ТКИСО” 2000, 358б. 10. . Техническая эксплуатация автомобилей. под редакцией проф. Е.С.Кузнецов М: Транспорт,1991 г.

O'xshashlar

Чет эл автосервислари.

Чет эл автосервислари (давоми).

Узбекистонда халкаро юкларни аралаш ташишларда чет эл портларидан фойдаланиш

Автомобиллар сервиси ва автомобилларга хизмат кўрсатишнинг умумий тан олинган услублари

Автомобиллар сервиси автомобилларга хизмат кўрсатишнинг умумий тан олинган усулидир