Техник ҳолатни башорат қилиш - Transport - Referatlar

Техник ҳолатни башорат қилиш

Yuklangan vaqt:

20.09.2019

Ko'chirishlar soni:

0

Hajmi:

1231 KB

Ko'chirib olish

Техник ҳолатни башорат қилиш Техник ҳолатни башорат қилиш – автотранспорт воситаси техник ҳолатини келгуси вақт оралиғи учун берилган эҳтимоллик билан аниқлашдир. Башоратда объектнинг ҳозир бошланадиган ҳолатлари ривожининг эҳтимолий йўллари аниқланади. Автомобил транспортининг замонавий ривожланиш босқичида ҳар бир автотранспорт воситасининг техник ҳолатини алоҳида башоратлаш лозим. Эксплуатация жараёнида ўтказиладиган башоратлаш ҳар бир автотранспорт воситасининг ўзига хос шартлари ва эксплуатация хусусиятларини ҳисобга олиш имконини беради. Бу масалаларнинг ечимлари автотранспорт воситасига профилактик хизмат кўрсатишни режалаштириш ва ўтказиш юрилган йўл бўйича эмас, реал техник ҳолат бўйича қўлланиши керак. Ечиш усуллари бўйича техник башорат техник генетика билан чамбарчас боғлиқ. Техник генетика - бу автотранспорт воситаси техник ҳолатини берилган эҳтимоллик билан ўтган вақт интервали учун аниқлашдир. Йўл-транспорт ҳодисаларини (ЙТҲ) текшириш, кафолат эксплуатацияси даврида юзага келадиган бузилишлар билан боғлиқ бўлган даъвогарлик ишлари олиб бориш ёки тадқиқ масалаларини ҳал қилишда техник генетикага зарурат туғилади. Бундай ҳолларда автотранспорт воситасининг ҳозирги вақтдаги техник ҳолати бундан бир мунча олдинги, бузилиш ёки ЙТҲ сабаблари вужудга келиши натижасидаги ҳолатидан фарқ қилади. Диагностикалаш масалалари ечиш усулларини башорат қилиш масалаларига механик қўллаш мумкин эмас. Диагностикалашда модел бўлиб объектнинг ҳозирги вақтдаги тавсифи хизмат қилса, башоратда модел объектнинг техник характеристикалари вақт бўйича ўзгаришини тавсифлайди (масофанинг ўзгариши билан).

Автотранспорт воситаси техник ҳолатининг ўзгариши жараёнида диагностикалаш натижаси битта нуқтани ифодалайди (9-расм). Техник диагностикалаш ва башорат бир-бири билан чамбарчас боғлиқ. Даврий (ёки узлуксиз) диагностикалашнинг натижалари автотранспорт воситаси техник ҳолатининг вақт давомида ўзгаришини тавсифлайди (масофанинг ўзгариши билан) ва башоратни тузатиш учун фойдаланилади. Башоратнинг вазифаси объект параметрларининг бўлажак қийматларини берилган ишончлилик билан аниқлаб, объектнинг диагностика ўтказилганидан кейин эришадиган техник ҳолатини тавсифлашдан иборат. Автотранспорт воситалари эксплуатация шароитларининг ҳар хиллиги, башорат объектига таъсир этувчи тасодифий омилларнинг борлиги туфайли, объект техник ҳолатини тавсифлайдиган параметрлар ўзгаришининг диагностикаси тасодифий характерга эга. Бир турли ва бир русумли диагностикалаш объектларининг хусусиятлари ҳар хил тезлик билан ўзгаради. Техник ҳолат параметрлари ўзгаришининг тасодифий характери параметрлар чегаравий қийматларига эришгунча юрилган йўллар ҳар хил бўлишига олиб келади. Диагностика вазифасини бажаришда иккита ёндошиш мавжуд. Биринчи ёндошиш ҳар хил масофаларга тааллуқли техник ҳолат параметрлари қийматларига статистик ишлов бериш ва таҳлилга асосланади. Бунда параметрлар қийматлари автотранспорт воситалари гуруҳининг маълум шароитларда назорат остида эксплуатация қилиб, тўпланади. Синовлар натижалари бўйича юрилган йўл ва техник ҳолат параметрининг қандайдир қийматига эришиш эҳтимоллиги ўртасидаги боғлиқлик турини аниқлаш мумкин. Бу усулни қўллаганда эҳтимоллик назарияси математик аппаратидан фойдаланишади. Иккинчи ёндошиш муайян башорат объектининг техник ҳолатини белгилайдиган параметрлар ўзгариши қонуниятларини аниқлашдан иборат. Бу ҳолда параметрлар бевосита ўлчанади ва объект ўзгаришининг тенденциялари

аниқланади. Бундай башоратнинг асосий мақсади- объектнинг қолдиқ ресурсини аниқлашдир. Қолдиқ ресурсни аниқлаш масаласининг қуйидаги формал тавсифини кўриб чиқамиз (10-расм.). Тузилмавий параметр (S) нинг масофага (L) нисбатан ўзгаришини қуйидагича тасаввур қилиш мумкин: S i = S nom + V ⋅ L α i бу ерда S i - эксплуатация бошланишидан ўтилган масофа ( L i ) даги техник ҳолат параметрининг қиймати; S nom -параметрнинг дастлабки қиймати; V -параметр ( S i )нинг ўзгариш тезлиги; L i -ўтилган масофа; бунда техник ҳолат параметри қийматига ( S i ) эришилади;

α - аргументнинг даража кўрсаткичи. Диагностикалаш объекти техник ҳолати параметрининг чегаравий қиймати: S ч = S nom + V ⋅ L α ч бу ерда: L ч - ўтилган масофа; бунда техник ҳолат параметрининг чегаравий қийматига ( S ч ) эришилади; S ч - параметр ( S i ) нинг чегаравий қиймати. S ч − S nom L ч = α

V Башорат объектининг қолдиқ ресурси: ⎛ S ч − S nom ⎞ ⎟ Llim = Lч − Li = Li ⋅⎜⎜⎝ α Si − Snom − 1 ⎠⎟ Объектнинг S i параметри бўйича бузилмасдан ишлашини таъминлаш учун унинг ҳолати ўзгаришини вақти-вақти билан кузатиб туриш зарур. Агар навбатдаги диагностикалашда объект қолдиқ ресурси (L lim ) нинг белгиланган диагностикалаш даврийлигидан камлиги аниқланса, тегишли конструктив элементни эҳтиётдан алмаштириш лозим

. Автотранспорт воситалари ҳаракат хавфсизлигига таъсир этувчи узел ва тизимларни техник диагностикалаш Тормоз бошқарувини диагностикалаш Автотранспорт воситаси (АТВ)нинг тормозланиши унинг самарадорлиги ва турғунлиги билан тавсифланади. Тормозланишнинг самарадорлиги тормоз тизимининг АТВ ҳаракатига сунъий қаршилик кўрсатиш қобилиятини тавсифлайди. АТВ турғунлиги эса унинг тормозланиш жараёнида меъёрий йўлак (коридор) чегараларида ( η ) қолиш қобилиятини тавсифлайди (11.-расм). 11-расм. АТВнинг тормозланишдаги турғунлик схемаси: 1-автомобилнинг дастлабки ҳолати; 2-автомобил меъёрий йўлакдан ташқарига чиқмади; 3-автомобил меъёрий йўлакдан δ миқдорида ташқарига чиқди. Тормоз бошқаруви техник ҳолатига қўйиладиган хавфсизлик талаблари ва назорат услублари Тошкент автомобил-йўллар институти «Автомобиллар техник эксплуатацияси» кафедраси ходимлари томонидан ишлаб чиқилган Ўзбекистон давлат стандартлари (O’zDSt 1057:2004 ва O’zDSt 1058:2004) билан белгиланади. Элементлари механик бузилган ёки шикастланган тормоз бошқарувини эксплуатация қилиш мумкин эмас. Тормоз механизмининг кирланиши, юритма элементларининг занглаши, жипслигининг бузилишига йўл қўйилмайди.

Самарадорлик ва турғунлик кўрсаткичларининг миқдорий қийматлари йўл ёки стенд синовлари орқали аниқланади. Тормозланиш самарадорлигининг йўл синовларида тормозланиш йўли, барқарор секинлашиш, тормоз тизимининг ишлаб кетиш вақти аниқланади. Тўхтагандаги тормоз тизими (қўл тормози) йўл шароитларида синалганда йўлнинг нишаблик параметридан фойдаланилади; бу нишабликда қўл тормози тизими АТВнинг қўзғалмас ҳолатини ёки горизонтал йўлда унинг секинлашишини таъминлайди. АТВнинг турғунлиги, бошланғич ҳаракат тезлиги 50 км/соат бўлганда тормозлаганда АТВ меъёрий ҳаракат йўлагида қолиш қобилияти билан баҳоланади. Мухосара (блокировка)га қарши тизимлар (МҚТ) билан жиҳозланган автотранспорт воситалари, 50 км/соат бошланғич ҳаракат тезлиги билан жиҳозланган ҳолатда тормозланганда сурилиб ёки тойиб кетиш ва сирпаниш изларини МҚТни узиш тезлигига (15 км/соатдан кўп эмас) етгунча йўл қопламасида қолдирмаслиги керак. Тормоз хусусиятларининг назорати кўпроқ стенд синовлари услуби билан олиб борилади, чунки йўл синовларининг иш ҳажмлари кўпроқ ва катта сатҳдаги майдонларни талаб этади. Ишчи, заҳира ва қўл тормоз тизимлари, тормозланиш самарадорлиги параметрлари бўйича стенд шароитида текширилганда, солиштирма тормоз кучининг умумий қиймати аниқланади. Пневматик юритмали ишчи тормоз тизими тормозланиш самарадорлиги параметрлари бўйича текширилганда тормоз тизимининг ишлаб кетиш вақти ёки тормоз юритмасининг ишлаб кетиш вақти аниқланади. Умумий солиштирма тормоз кучи ( γ т ) якка автомобил (шатаклагич) ва тиркама учун алоҳида аниқланади (автомобил ёки тиркама тормоз кучлари йиғиндисининг уларнинг тўла оғирликларига нисбати билан): ∑ Р i γ Т = M ⋅ g бу ерда ∑Р i -автомобил ва тиркама ғилдиракларидаги максимал тормоз кучларининг йиғиндиси, Н; М -

автомобил ёки тиркаманинг тўлиқ массаси, кг; g - эркин тушиш тезланиши, м/с 2 . Тормоз тизимининг ишлаб кетиш вақти стенд текширувида тормозланиш бошланишидан то тормоз кучи ўзининг максимал қийматига эришгунича аниқланади. Автопоездлар учун тормоз тизими ёки юритмасининг ишлаб кетиш вақти шатаклагич ва тиркама ва яримтиркамалар учун алоҳидаалоҳида ўлчанади. Ишчи тормоз тизимини стенд текширувидан ўтказаётганда автотранспорт воситасининг тормозланиш барқарорлиги ўқ ғилдиракларидаги тормоз кучларининг бир меъёрда эмаслиги билан баҳоланади ( ∆ P T ),%, ∆ Р Т = ⋅ 100% , бу ерда Р Тчап ва Р Тўнг – текширилаётган ўқнинг чап ва ўнг ғилдиракларидаги тормоз кучлари, Н Р Тmах ,– максимал қийматга эга бўлган бу ўқ ғилдирагининг тормоз кучи, Н. Тормоз хусусиятларини текшириш учун кўпинча куч туридаги барабанли стендлар ишлатилади. Стенд конструкциясининг шакли 12- расмда, енгил автомобиллар тормоз тизимларини текширувчи роликли стенд эса 13 -расмда келтирилган. P PР maxT T уун чапТ −

1 6 7 5 11 4 2 8 3 12-расм. Тормоз хусусиятларини текшириш учун барабанли стенд: 1 – рама; 2 – думалаш таянчи; 3 – электр мотор; 4,5-югуриш барабани; 6 – юлдузча; 7–занжир узатма; 8 – муфта; 9 – пишанг (ричаг); 10 – акс таъсир момент датчиги; 11 – масса датчиги. 13-расм. IW 2 WB русумли енгил автомобиллар тормоз тизимларини текширувчи куч роликли стенди Тормоз кучи автомобил ғилдирагининг барабан билан туташ нуқтасида вужудга келадиган реактив (акс таъсир) куч сифатида ўлчанади. Стенднинг электр мотори барабанларни, улар эса АТВнинг ғилдирагини айлантиради.Секин-аста тормоз механизми ишга туширилади ва у югуриш барабанлари айланишига қаршиликни вужудга келтиради. Тормоз кучига пропорционал равишда реактив (акс таъсир) момент юзага келади. Уни думалаш таянчларига балансир равишда ўрнатилган электр моторининг корпуси қабул қилади. Реактив момент датчик ёрдамида ўлчанади. Датчик кучни электр мотор корпусидан пишанг (ричаг) орқали олади. Стенд тўпламига яна тормоз бошқаруви учун куч ўлчагич 3

мосламалар, тормозланиш бошланиши датчиги (тормоз педалига ўрнатилади) ва тормоз тизими пневматик юритмаси назорат нуқталарига уланадиган босим датчиги киради. АТВ пневмоюритмали тормоз тизимининг ишлаб кетиш вақтини ўлчаш фавқулодда тўлиқ тормозланиш тартиботида ўлчанади. Стенднинг босим датчиги ўқ бошқаруви жўмрагидан энг узоқда жойлашган назорат нуқтаси билан уланади. Ишлаб кетиш вақтини ўлчаётганда тормозланишнинг бошланиши тепкили датчик билан белгилаб қўйилади. Тормоз хусусиятларини текшириш стендига, одатда, жиҳозланган массали автомобиллар ўрнатилади. Шунинг учун ўлчанаётган тормоз кучлари тўлиқ массали АТВ тормоз кучларидан кичик. АТВ тормоз механизмларининг техник ҳолати тўғрисидаги хулосани АТВнинг юкли ҳолатида пайдо бўладиган тормоз кучлари миқдорлари бўйича чиқариш керак. Шунинг учун АТВ ўқларини юклатиш мосламаларини қўллаш мақсадга мувофиқ. Бундай мослама АТВ текширилаётган ўқи ғилдиракларини стенд роликларига сиқиб турувчи қўшимча вертикал юкламани вужудга келтиради. Бу катта тормоз кучларидан фойдаланиш ва АТВ тормоз хусусиятларини ҳақиқий баҳолаш имконини оширади. ТАЙИнинг «АТЭ» кафедрасида ишлаб чиқилган бундай мосламанинг шакли 14-расмда келтирилган. Пневматик юритмали тормоз тизимлари бўлган АТВ тиркамаларининг тормоз хусусиятларини текшириш стендида автомобил-шатаклагич ўрнига тормозланиш имитаторидан фойдаланилади. Унга тиркаманинг тормоз магистраллари уланади. Имитатор тормоз кучларини ва тормоз тизимлари ишлаб кетиш вақтларини ўлчашда тормозланишнинг оптимал тартиботларини таъминлайди. ТАЙИнинг «АТЭ» кафедрасида ишлаб чиқилган шатаклагич тормозланишининг имитатори 15-расмда келтирилган.

Бузилиш ёки носозликларнинг ўрни ва сабабларини қидириш ва аниқлашда, масалан, қуйидаги параметрларни аниқлайдилар: тормоз қопламаси ва барабан (диск) ўртасидаги тирқиш; қоплама ва барабан (диск) ўртасидаги ишқаланиш коэффициенти (масалан, сиртларда мойлаш ёки эксплуатация материалларининг борлиги ёки йўқлиги бўйича); тормоз дискларининг ҳар хил қалинлиги, ён томон билан тепиш ва ғадир- будирлиги; тормоз барабанларининг оваллилиги, конуслилиги, дарз, тирналиш, ариқчаларнинг борлиги. Бошқарув органларининг ҳар хил ҳолатларида ва тормоз тизими юритмаси назорат нуқталарида ишчи агент босими ва унинг ўзгариш динамикаси. Пневматик юритмали тормоз тизими компрессорининг унумдорлиги. Бош тормоз цилиндрида тормоз суюқлигининг сатҳи. Тормоз механизмларининг ҳарорати. Тормоз камералари ва тормоз цилиндрлари штокларидаги кучлар, уларнинг юриш йўли. Тормоз тепкисидаги куч, унинг эркин йўли. Керувчи мушт валини айлантириш кучи, унинг геометрик шакли (ейилганлиги). Тормоз тепкиси пружинаси ва тортиш пружиналарининг қайтувчанлиги эластиклиги. Тормоз тизими юритмасининг назорат нуқталарида ишчи агент босимининг ўзгаришини бошқарув органларининг ҳар хил ҳолатларида кўриб чиқамиз. Масалан, Нексия автомобилининг тормоз кучлари регулятори қуйидагича текширилади: тормоз тепкисига босилганда олдинги ва орқа тормоз механизми, диагонал бўйича жойлашган ғилдирак цилиндрларидаги босимни ўлчанади. Бунинг учун ҳаво чиқариш клапанлари ўрнига уланган манометрлардан фойдаланилади. Қуйида тормоз кучлари регуляторларини текшириш учун тест жадвали келтирилган. Тормоз тепкиси ёрдамида жадвалда кўрсатилган олдинги ғилдирак цилиндрининг созланмайдиган босими ўрнатилади. Кейин орқа ғилдирак цилиндридаги босимнинг мослиги текширилади. 1.-жадвал Нексия автомобили Тормоз кучлари Олдинги ғилдирак Орқа ғилдирак

моторининг ишчи ҳажми, литр регуляторининг русуми цилин- дридаги босим, МПа цилиндридаги босим, МПа 1,5 3/30 0,5 0,5 6,0 3,9 ± 0,2 10,0 5,1 ± 0,3 Тормоз тизими пневматик юритмали бўлган АТВ бир нечта назорат нуқталарига эга. 16-расмда автомобил, автобус ва автопоездлар пневмоюритмасининг К235М русумли текширув асбоби кўрсатилган. 16-расм . К235М русумли тормоз тизими пневмоюритмаси техник ҳолатини текшириш асбоби

O'xshashlar

Кўприкли ўтишларни тадқиқ қилиш ва техник қидирув ишларининг таркиби ва вазифалари.

Моторни техник диагностикалаш

Техник тизимларни бошкариш.

Техник диагностикалашнинг самарадорлиги

Автомобиллар диагностикасининг вазифалари ва ривожланиш истиқболлари