Металларни парчинлаш ва кавшарлаш - Transport - Referatlar

Металларни парчинлаш ва кавшарлаш

Yuklangan vaqt:

20.09.2019

Ko'chirishlar soni:

0

Hajmi:

51 KB

Ko'chirib olish

Металларни парчинлаш ва кавшарлаш Режа: 1. Парчинлаш тўғрисида тушунча. 2. Парчинлаш асбоблари. 3. Дастани парчинлаш. 4. Кавшарлашнинг вазифаси ва усуллари 5. Юмшоқ кавшарлар билан кавшарлаш.

Икки ёки ундан ортиқ деталларни парчин михлар билан бириктириш парчинлаш деб аталади . Парчинлаш қўйидаги жараёнлардан иборат: -парчинлаб бириктириладиган деталларни тешиш ёки пармалаш; -т ешиклардан парчин мих каллагига мослаб pax ҳосил қилиш; -яширин каллаклар учун зенковкалаш усули билан конус сирт ясаш; -тешикка парчин михларни қўйиш; -парчин михнинг бириктирилган деталдан чикиб турган учини пачоклаб унга шакл бериш. Парчинлаш икки усулда-қиздириш ва совуқ усулда бажарилиши мумкин. Чилангарлик ишларида парчинлашнинг фақат совуқ усулидан фойдаланилади, қиздириш усули махсус цехларда қўлланилади. Парчин мих каллакли металл чивиқ бўлиб, унинг ярим юмалоқ баланд каллакли (чивиқ диаметри 1-36 мм. гача, узунлиги 2-180 мм. гача), ярим юмалоқ паст каллакли (0,4-80 мм. гача), ясси каллакли (0,2-36 мм, узун лиги 4-180 мм), яширин кал лакли (0,1-36 мм, узунлиги 2-180 мм), ярим яширин каллакли (0,2-36 мм, узунлиги 3-210 мм) турлари бор. Парчин михлар пўлат (Ст2, СтЗ), мис (МЗ, МТ), жез (Л63), алюмин қотишмаларидан (AM 5П, Д18, АД1), зангламайдиган (Х18Н9Т) ёки легирланган (09Г2) пўлатдан ясалади. Деталларнинг парчин михлар билан бириккан жойи парчинлаш чоки деб аталади. Парчин михли бирикманинг тури ва қўлланилишига кўра, улар учта - пишиқ, зич ва пишиқ-зич хилларга бўлинади. Пишиқ чокларни мустаҳкам бирикмаларда қўлланилади. Мустаҳкамликка эришиш учун буюмнинг бир неча жойидан қаторлаб пар чинлаш керак . Бу усул балка, колонна, кўприк ва бошқа металл конструкцияларни парчинлашда қўлланилади. Зич чоклар герметик конструкцияларда совуқ ҳолда парчинлаш усулида бажарилади. Конструкцияда герметикликни таъминлаш учун турли-туман

қистирма материалларидан (олиф ёки сурик шимдирилган картон, газлама) фойдаланилади . Пиш иқ чоклар етарли даражада герметик бўлади, сув, газ ва бошқа суюкликларни ўтказмайди. Буғ крзонлари, юқори босимли резервуарлар пишиқ зич чокларга эга. Бундай чоклар махсус парчинлаш машиналари ёрдамида қиздириш усули билан бажарилади. 12-расм. Парчин михлар Қўл билан парчинлашда квадрат мухрли болға, тутиб тургич, тортқи, сиққич, чеканлар ишлатилади. Тутиб тургич парчинлашда таянч вазифасини бажаради. Унинг шакл ва ўлчамлари парчинланадиган деталларнинг шакли, парчин михнинг диаметри ҳамда парчинлаш усулига қараб танланади. Оғирлиги болғача оғирлигидан 3-5 марта ортиқ бўлиши керак. Сиққич михларнинг учларида қалпоқ шаклини ҳосил қилиш учун ишлатилади. Унинг бир учи парчин мих қалпоғи шаклидаги чуқурчага эга. Тортқи бир учи тешик сумба шаклидаги чивиқдир. У парчинла надиган листларни тортишга хизмат қилади. Чекан ишчи сирти ясси бўлган чилангарлик болғасидир, у парчин чокнинг герметиклигини таъминлайди. Парчинлаш турлари ва усуллари қўл билан парчинлашнинг икки тури бор: бир томонлама ва икки томонлама. Агар парчинланадиган деталнинг орқа томонида эркин ҳаракат қилиш имкони бўлса икки томонлама, аксинча бўлса, бир томонлама парчинланади. Шунга кўра, парчинлашнинг очиқ, туғри, берк ва тескари усуллари бор. Кавшарлаш-кавшар деб аталадиган оралиқ металл ёки қотишма ёрдамида детал элементларини ажралмас бирикма хосил қилиб бириктириш операцияси . Слесарлик ишларида юмшоқ ва қаттиқ кавшарлар ишлатилади. Суюқланиш температураси 145° С гача бўлган, жуда осон суюкланадиган кавшарлар ва

суюқланиш температураси 450° С дан ошмайдиган, осон суюқланадиган кавшарлар юмшоқ кавшарларга киради. Оддий бўлиб, улар учун оддий қиздириш манбалари кифоя. Бундай кавшарлаш усули саноат ва турмушда баклар, резервуарлар, идишларда герметик бирикмалар ҳосил қилиш, электр ҳамда радио симларни пухта улаш учун кенг қўлланилади. қаттиқ ёки ўртача суюқланувчан кавшарларнинг суюқланиш температураси 450-1100° С. Улар мустаҳкам (50 кг/мм 2 гача) чок ҳосил қилади. Бундай чок юқори температураларга ҳам чидайди. Деталларнинг кавшарлаб бириктирилган жойи кавшарчок деб аталади. Кавшар чокларнинг стандартлаштирилган хиллари 136-расмда кўрсатилган. Детални мойсизлантириш учун у бензинга, ишқорли иссиқ (70-80° температурали) эритмаларга ёки бошқа эритувчиларга ботирилади, кейин иссиқ ва совуқ сувда ювилади. Кавшарланадиган сирт қанчалик яхши тайёрланса, кавшар чок шунчалик сифатли чиқади. Бириктириладиган элементларни бир-бирига мослашда кавшар учун бир оз зазор қолдирилади. Зазор ўлчами кавшар ва кавшарланадиган материалнинг хилига боғлиқ бўлиб, 0,02-0,5 мм ни ташкил этади. Қизиганда сиртни оксидланишдан сақлаш ва суюқ кавшар билан қўлланилишини яхшилаш учун чокка флюс қопланади. Сўнгра кавшар ва бириктириладиган металлар кавшар суюқлангунча қиздирилади. қиздириш учун ковия ва микроковиялар, кавшарлаш лампаларидан фойдаланилади. Рух-қўрғошинли кавшарлар (ПОС) знг кўп тарқалган. Улар сурмасиз, камсурмали (0,2-0,5% сурмали) ва сурмали (6 %гача сурмали) хилларга бўлинади. Сурмасиз кавшарларнинг ПОС90, ПОС61, ПОС40, ПОС10, ПОС61М, ПОСК50 -18 маркалари бор. Маркаларидаги харфлар: ПОС- рух-қўрғошинли кавшарни, М-мисни, К-калийни; сонлар: биринчи сон рухнинг процентлардаги миқдорини, кейинги сонлар мис ва калийнинг процентлардаги миқдорини билдиради (қолгани қўрғошин).

Юмшоқ кавшарлар билан кавшарлаш учун кислотали флюслар: рух хлорид ZnCl2, аммоний хлорид NH4C1 (навшадил) ёки уларнинг аралашмаси ишлатилади. Рух хлорид унинг бир улуш кукунини сурнинг 3-4 оғирлик улушларида ёки рухни, хлорид кислотада эритиб (200-300 г рухга 1 кг кислота) олинади. Мис ва мис қотишмаларини, пўлат ҳамда чўян буюмларни кавшарлаш учун ПМЦЗб, ПМЦ48, ПМЦ54 маркали мис-рухли кавшарлар (харфлар мис- рухли кавшар эканлигини, сонлар миснинг процентлардаги миқдорини билдиради), шунингдек Л63 маркали ла тунь ишлатилади. Кумушли кавшарлар - кумуш, мис, рух ва баъзи бошқа элементларнинг қотишмалари сифатлирок чок ҳосил қилишга имкон беради. Улар билан қора ва рангли металлар ҳамда қотишмаларни кавшарлаш мумкин. Зангламайдиган ва ўтга чидамли пўлат, юқори температуралар таъсирида бўладиган буюмлар никелли кавшарлар - никелнинг хром ва бошка элементлар билан қотишмалари воситасида кавшарланади. Қаттиқ қотишмаларни, зангламайдиган пўлатни, ўтга чидамли қотишмаларни мис-рухли, мис-никелли кавшарлар билан кавшарлашда 50% суюқлаштирилган бор ва 50% борат кислотадан иборат флюс ишлатилади. Булар рух хлорид эритмасида суюлтирилади.

Адабиётлар 1.Н.Макиенко, А.Умронхужаев «Чилангарлик», Тошкент, «Мехнат», 2003 й. 2.Ж.Рамазов ва бошқалар «Ўқув устахоналарида ўтказиладиган амалиёт машғулотлари», ўқув қўлланма, Тошкент, «Ўқитувчи», 1992 й. 3. Э.И.Крупицкий «Слесарлик иши», Тошкент,«Ўқитувчи»,1989 й. 4.Г.В.Крамаренко «Автомобилларга техникавий хизмат кўрсатиш», Тошкент, «Ўзбекистон», 1998 й.

O'xshashlar

Металларни эговлаш

Машинасозлик заводлари

Лойихани ишлаб чикиш схемаси ва чизмаларни расмийлаштириш

.Чилангарлик касби

Металларни коррозияли емирилиши. Коррозияли емирилиш хиллари. Коррозияли емирилишга таъсир қилувчи омиллар.