Кўмир ва маъданлар билан ортиш-тушириш ишларини ва омбор операцияларини комплекс механизациялаш ва автоматизациялаш - Transport - Referatlar

Кўмир ва маъданлар билан ортиш-тушириш ишларини ва омбор операцияларини комплекс механизациялаш ва автоматизациялаш

Yuklangan vaqt:

20.09.2019

Ko'chirishlar soni:

0

Hajmi:

335.5 KB

Ko'chirib olish

Кўмир ва маъданлар билан ортиш-тушириш ишларини ва омбор операцияларини комплекс механизациялаш ва автоматизациялаш Режа: 1. Кўмир ва маъданларни комплекс механизациялашган ва автоматизациялашган ортиш иншоотлари 2. Кўмир ва маъданларни комплекс механизациялашган ва автоматизациялашган тушириш иншоотлари

Шахталардан, конлардан ва очиқ усулда қазиб олинган қазилма кўмир ва маъданлар бевосита ёки бункерлардан ёҳуд махсус очиқ омборларда аввал йиғилиб сўнгра ярим очиқ вагонларга ортилади. Қазилма кўмирларнинг ва маъданларнинг физика - механик хусусиятлари уларни ортиш - тушириш, сақлаш ва транспортда ташиш усулларига муайян талабларини қўяди. Қазилма кўмирлар таркибидаги углероднинг, кислороднинг ва азотнинг миқдорига мувофиқ учта гуруҳга: қўнғир кўмир, тош кўмир ва антрацитларга бўлинадилар. Қазилма кўмирлар, айниқса қўнғир ва тош кўмир ҳаводаги кислородни ютиш (оксидланиш) хусусиятига эгадир. Янги қазиб олинган, ҳамда ортиш-тушириш ва омбор ишларида майдаланган кўмирларда эса оксидланиш юқори даражада кечади (ўтади). Қазилма кўмирларни оксидланиши натижасида исссиқлик ажралиб чиқади ва иссиқликни штабел (тўплаб қўйилган юк уюми) да аста секин йиғилиши ва ҳароратни кўтарилиши содир бўлади, бу эса ўз навбатида кўмирнинг оксидланиш жараёнининг жадаллаштиради ва иссиқлик ажралиб чиқишини янада кучайтиради ва охир оқибатда кўмир штабелини ўз - ўзидан қизишига ва ҳатто ўз - ўзидан ёниб кетишига сабаб бўлади. Қиш даврида қазилма кўмирларда музлаш ҳолатлари кузатилади. Айниқса гидравлик усулда қазиб олинган қазилма кўмирлар ва сувда бойитилган маъдан ва маъдан концентратлари қиш даврида музлашга анча мойил бўлади. Қазилма кўмирларни, маъдан ва маъдан концентратларини музлаш қалинлиги уларнинг намлигига , ташиш вақтига, ташқи ҳаво ҳароратига ва иссиқлик ўтказувчанлик коэффициентига боғлиқ бўлади. Музлашни олдини олиш учун юк жўнатувчилар кўмирнинг, маъдан ва маъдан концентратларининг намлигини хавфсизлик чегарасигача: тош кўмир намлигини-7 % гача; қўнғир кўмир намлиги - 30 % гача камайтиришлари керак. Агар қазилма кўмирларни, маъдан ва маъдан концентратларини намлигини камайтиришни имконияти бўлмаса, юк жўнатувчилар музлаш даражасини камайтириш ёки олдини олиш мақсадида профилактик чора- тадбирларни қўллашлари керак бўлади. Ортиш - тушириш ва омбор

операцияларида қазилма кўмирларни ва маъданларни муайян қисми майдаланиб кетади, бу эса уларни сифатини пасайиб кетишига сабаб бўлади. Ҳозиргача қазилма кўмирларни учта: бевосита, бункерлардан ва аралаш ортиш усуллари мавжуд. Қазилма кўмирларни ва маъданларни ортишни замонавий техналогияси эса кўмирларни шахталардан, маъданларни конлардан ва бойитиш фабрикалардан, узлуксиз қабул қилишни, уларни ярим очиқ вагонларга ортишни, ҳаракатдаги составларни юк кўтаришдан ва сиғимидан тўла фойдаланишни назарда тутиши керак. Кўмир шахталари ва маъдан конлари магистрал темир йўл станциялари билан темир йўл шохобчалари орқали боғланиб турадилар. Шахталарнинг унумдорлиги - кичикларники 200 т/сут , ўртачаларники-700 т/ сут ва йирикларники 5000 т/сут ва ундан юқори бўлиши мумкин. Шахталарнинг темир йўл шохобчаларида кўмир бутун бир маршрутларга, шунингдек алоҳида гуруҳладаги ярим очиқ вагонларга ортилиши мумкин. Алоҳида гуруҳ ярим очиқ вагонларга кўмир ортилганида уни ортиш фронтларидан темир йўл станцияларига олиб чиқилади ва поездларда йиғиб жўнатилади. Кичик ва ўрта унумдорликдаги шахталарда қазиб олинаётган кўмирлар бир неча сутка давомида омборларда йиғилади ва йиғилиш даври тугаганидан сўнг йиғилган кўмирларни ярим очиқ вагонларга ортиб маршрутлаб жўнатиладилар. Йирик шахталарда ҳар куни бир неча маршрутларда кўмир ортиб жўнатилади. Шахтадаги ортиш пунктларида қабул - қилиш, ортиш ва жўнатиш йўллари, кўмир ортиш иншоотлари, тарози ва маневр воситалари мавжуд бўлиши керак. Бевосита ортиш усулида (2.1-расм, б ) шахталардан ва конлардан қазиб олинган кўмир ёки маъданлар бойитиш фабрикасида бехожат жинслардан, органик бирикмалардан тозаланганидан сўнг тасмали конвейер 2 да ортиш пунктига етиб келади ва нов (воронка) 3 орқали юкловчи тасмали конвейер 1 га тушади. Юкловчи тасманинг бир қисми 4 эса вертикал текисликда ҳаракатланади. Конвейер стреласи 5 ни юқорига кўтариши ва пастга тушириши мумкин, бу эса кўмирни ярим очиқ вагонларга ортишда

майдаланиб кетмаслигини таъминлайди. Кўмир ортиб бўлиниши биланоқ вагон тарози 6 да тортилади. Ушбу усулда кўмир ортишда, кўмирни бир жойга тўплаб йиғувчи қурилма ва иншоотларга хожат қолмайди, кўмир ортиш анча соддалашади, ортиш ишларини ташкил этишда меҳнат сарфи анча камайади, фойдали қазилмалар сифати яхши сақланиб қолади. Л екин йўғувчи қурилма ва иншоотларсиз юк ортиш усули узлуксиз тартибда бўш вагонларни етказиб бериб туришни талаб этади, акс ҳолда шахта ёки конлар тўхтаб қолиши мумкин. Бу эса ўз навбатида шахта ва конларни тўхтаб қолмаслигини олдини олиш учун юк ортишни узоқроқ вақт кутиб турувчи анчагина миқдордаги вагонларни заҳирада ушлаб туришни талаб этади. Бевосита усулда юк ортишда маневр ишлари ҳажми кўпаяди, юк ортиш вақти чўзилиб кетади, бинобарин, шахтадаги ва конлардаги вагон айланиши секинлашади. 1 - расм. Шахтадан қазиб олинган кўмирни бевосита ортиш чизмаси:

а - шахталарни магистраль транспортга туташиши чизмаси; б - бевоиста юк ортиш. 1 - юкловчи конвейер; 2 - етказиб берувчи конвейер; 3 - қайта юклаш нови; 4 - юкловчи конвейернинг кўтарма-тушма қисми; 5- конвейер стреласи; 6 -вагон тарози. Шахтада ва конларда заҳирада ушлаб турилиши лозим бўлган вагонлар сони қуйидагича аниқланади: n з = k ш · k в · Q ш / ( m · P ст ) , ваг бу ерда k ш - шахта ишни номунтазамлик коэффициенти (1,1 - 1,25); k в - вагонларни олиб кириб бериш номунтазамлик коэффициен - ти (1,1-1,3); Q ш - шахтанинг суткалик унумдорлиги , т/сут ; m - бир суткадаги вагонларни олиб кириб бериш сони; P ст - ярим очиқ вагондаги юк массаси (ўртача статик юклама), т ; Ҳозирда жуда кўп шахталарда ва конларда асосан фойдали қазилмаларни аввал муайян миқдорда йиғиб сўнг катта унумдорликка эга бўлган қурилма, иншоот ва машиналар ёрдамида технологик жараёнларда белгилаб қўйилган муддатларда ярим очиқ вагонларга юк ортиш имконияти яратилган. Ярим очиқ вагонларга бункер (дўл) лардан кўмир ортиш чизмаси 2-расмда кўрсатилган.

2 - расм. Ярим очиқ вагонларга бункерлардан кўмир ортиш чизмаси: 1 - етказиб берувчи қурилма; 2 - бункер секциялари; 3 - тақсимловчи конвейер; 4 - бункер ости конвейери; 5 - титратма таъминлагичлар; 6 - ковшли элеватор; 7 - жинс тозаловчи машина; 8 - юкловчи конвейер; 9 - вагон тарози. Шахта 1 дан юқорига кўтариб берилган кўмирни тақсимловчи конвейер 3 бункер секциялари 2 га элтиб тўкади. Ҳар бир бункер секциясининг сиғими 200 тоннадан 1000 тоннагача бўлиши мумкин. Ярим очиқ вагонлар юк ортиш учун олиб кириб берилиб, таъминлагич 5 лар ишга тушганида бункер секциялардаги кўмир бункер ости конвейери 4 га ўтказилиб берилади. Бункер ости конвейери кўмирни юкловчи конвейерга етказиб беради ёки элеватор 6 орқали кўмирни унумдорлиги 600 т/соат бўлган жинсларни ажратувчи машина 7 да бехожат жинслар ва органик бирикмалар кўмирлардан ажратиб олинади ва тозаланган кўмир (маъдан) юкловчи конвейер орқали ярим очиқ вагонга ортилади. Юкловчи

конвейерни баландлигини чиғир (лебедка) ёрдамида ўзгартириб турилади, бу эса кўмирни ортиш пайтида майдаланиб кетмаслигини таъминлайди. Ярим очиқ вагонлар кўмир ортиш пайтида маневр лебедкаси ёки вагон итаргич ёрдамида ҳаракатлантириб турилади. Юк ортиш жараёнида вагонга ортилган юк миқдори вагон торози 9 да тортилади. Агар шахтани ёки конни унумдорлигини Q ш т/соат бўлса, шахтага вагонлар гуруҳини олиб кириб бериш ўртасидаги интервал T и ва вагонлар гуруҳига юк ортиш вақти T г бўлса, бункерларнинг минимал сиғими қуйидаги: V min = Q ш · T и - Q ш · T г , тон. миқдорни ташкил этиши керак. Ярим очиқ вагонлар гуруҳини сиғимини: G г = Q ш · T и , тон. га тенг деб қабул қилинса, бункерларнинг сиғимини минимал қиймати қуйидаги миқдорга тенг бўлади: V min = G г - Q ш · T г , тон. Вагонларни юк ортиш учун олиб кириб бериш ўртасидаги интервални ўсиши бункерлар сиғимини кўпайишига сабаб бўлади. Бункерлардан ярим очиқ вагонларга кўмир ортиш анча самарали усул ҳисоблансада, лекин бу усул бункерларни қуриш учун жуда кўп миқдорда металл сарфланадиган қимматбаҳо иншоотларни қурилишини талаб этади. Шунинг учун кейинги пайтларда аввал кўмирни очиқ майдонда йиғиб сўнгра ярим очиқ вагонларга катта унумдорликда ортувчи иншоотлар тизими ишлаб чиқилган ва амалиётда жорий этилмоқда. 1АОС-50000 шундай очиқ омборлардан (2.3- расм) бири бўлиб, қазилма кўмирларни сақлаш ва ярим очиқ вагонларга унумдорлиги 1000 т/соат бўлган ПЛ-12 пластинкали таъминлагич ва тасмали конвейер билан ортиш учун мўлжалланган. Омборни бир қисми, сиғими 3000 м 3 ли, конусдан иборат бўлиб кўмирни қисқа вақтда йиғиб, уни навбатдаги ярим очиқ вагонлар гуруҳига ортишга хизмат қилади. Омборнинг иккинчи - штабеллаш (уюмлаш) қисми (сиғими 47000 м 3 )

кўмирни узоқ вақт давомида сақлаш учун хизмат қилади. Кўмирлар майдаланиб кетишини ва кўмир майдаларини чангиб-тўзиб кетишини олдини олиш мақсадида омборнинг конус қисмини тўлдириш винтсимон нов орқали амалга оширилади. Омборнинг конус қисмидан кўмирни пластинкали таъминлагич 6 ва юкловчи тасмали конвейер орқали ярим очиқ вагонларга ортилади. Омборнинг қолган қисмини кўприкли кран 1 га монтаж қилинган конвейер 2 ва 4 лар кўмир билан бир текисда тўлдириб чиқади. Кўприкли краннинг бир томони шарли таянчга, иккинчи томони эса айланма рельс устида ҳаракатланувчи арвачали А - симон пояларга ўрнатилган. Кўприкли кран сиғими 5,3 м 3 ли грейфер 3 билан ҳам жиҳозланган. Шахтадан қазиб олинган кўмир тасмали конвейер ёрдамида ҳаракатланувчи конвейер - греферли кўприкли кранга ётказиб берилади. Агар ярим очиқ вагонларга кўмир ортилаётган бўлса шахтадан тас-

3 - расм. 1АОС-50000 туридаги очиқ кўмир омборнинг чизмаси: 1 - кўприкли кран; 2 - ҳаракатланувчи тасмали конвейер; 3 – ҳажми 5,3 м 3 ли грейфер; 4 - муқим тасмали конвейер; 5 - шарли таянч; 6 - пластинкали таъминлагич. 1АОС-50000 туридаги очиқ кўмир омборининг техник тавсифномаси: Сиғими, т ...............................................................................50000 Штабелнинг максималь баландлиги, м … ………………10 Юк ортишдаги техник унумдорлик, т/соат ……………..1000 Умумий қуввати, кВт ………………………………………120

Умумий массаси , т : маталл конуструкцияларнинг……. 62 асбоб-ускуналарнинг……………….……………………… 50 мали конвейерда келаётган кўмир оқими винтсимон нов орқали омборнинг конус қисмига келиб тушади ва ярим очиқ вагонларга ортилади. Бу пайтда кўприкли кран грейфери билан омборнинг иккинчи штабель қисмидан кўмирни ботириб олиб унинг конус қисмига ташлаб туради. Агар вагонларга кўмир ортилмаётган ва омборнинг конус қисми кўмир билан тўлган бўлса, шахтадан тасмали конвейерда келаётган кўмир оқими кўприкда жойлашган конвейерларга узатилади, улар эса кўмирни омборни иккинчи - штабель қисмига тўкади. 2. Кўмир ва маъданларни комплекс механизациялашган ва автоматизациялашган тушириш иншоотлари Кўмир катта миқдорда иссиқлик электр станцияларига, иссиқлик марказларига, кўмир ва маъданлар эса бойитиш фабрикаларига, металлургия заводларига етказилиб берилади. Бу ерларда кўмир ва маъданларни ярим очиқ вагонлардан тушириш учун вагон тўнтаргичлардан кенг фойдаланилади. Металлургия заводларида (2.4-расм) кўмир, маъдан ва бошқа сочилувчан тўкилувчан юкларни ярим очиқ вагонлардан тушириш учун кўчма вагон тўнтаргич 6 икки консолли чор пояли кран 4 билан биргаликда ишлатилганида омбор ишларини самарали ташкил этиш мумкин. Чор пояли краннинг пролёт қисмидаги очиқ майдон 3 турли тўкилувчан юкларни штабеллаб узоқ вақт сақлаш учун мўлжалланган. Краннинг бир консоли остида омбор бўйлаб чуқур хандоқ 5 ва кўчма вагон тўнтаргич учун махсус темир йўли қурилади. Краннинг иккинчи консоли остида эса домна эстакадаси 2 қурилади. Кранларнинг пролет қисмидаги очиқ майдонга эса турли юклар штабеллаб қўйилади. Вагон тўнтаргич ярим очиқ вагонларда етиб келган юкларни омбордаги шу юк штабели участкаси рўпарасига чуқур хандоққа ағдариб тўкади, кран эса хандоқдаги тўкилувчан юкларни сиғими 5,3 м 3 ли электр грейфер билан ботириб олиб очиқ майдонга штабеллаб қўяди. Икки консолли чор пояли кран очиқ омбор бўйича ҳаракатлансада,

лекин у бир жойда туриб, ҳандақдаги юкларни очиқ омборга штабеллаш учун ёки штабелдаги юкни электр вагон (трансферкер) ларга ортиб бериш учун хизмат қилади. Электр вагонлар домна эстакадаси устида ҳаракатланиб бориб, юкларни домна печларининг скипли кўтаргичи 1 га элтиб тўкади, скипли кўтаргич эса юкларни юқорига кўтариб домна печларига элтиб ташлайди. Темир йўл транспортининг таянч станцияларида ярим очиқ вагонлардан қазилма кўмирларни ва бошқа тўкилувчан юкларни тушириш ва омбор ишларини комплекс механизациялаш чизмасида баландлиги 2,4 м ли кўтарилган йўл қурилган очиқ омборга пролёти 32 м ли икки консолли чор пояли кран 1 хизмат кўрсатади. (4-расм).

4 - расм. Маъдан саройида ортиш - тушириш ишларини комплекс механизациялаш чизмаси: 1 - скипли кўтаргич; 2 - домна эстакадаси; 3 - очиқ майдондаги юк штабели; 4 - икки косолли чор пояли кран; 5 - хандақ; 6 - кўчма вагон тўнтаргич. Краннинг бир консоли остига очиқ майдон бўйлаб кўтарилган йўл, иккинчи консоли остига автойўлак ва пролёт қисмига эса очиқ майдон қурилади. Кран сиғими 5,3 м 3 ли электр маторли грейфер 2 ва олиб қўйиладиган ферма 4 билан жиҳозланиши мумкин. Олиб қўйиладиган фермада вагонни икки ён томонида ишчилар учун майдончалар ва ярим очиқ вагонларнинг остки тўйникларининг қопқоқларини ёпиш учун электр қопқоқ ёпқич 5 лар монтаж қилинган. Кран илгагига грейфер ўрнига титратма туширгич 3 ёки титратма юмшатгич 6 ўрнатиш мумкин. Қазилма кўмирлар ва бошқа тўкилувчан юкларни турига ҳамда миқдорига мувофиқ очиқ омбор, бир нечта юк штабеллаш участкаларига бўлиб махсуслаштириб қўйилади. Ярим очиқ вагонларда келган юкларни шу участкалар рўпарасида кўтарилган йўлда тушириш учун вагонлар станцияда гуруҳларга сараланади. Маневр локомотиви бу гуруҳланган вагонларни кўтарилган йўлга олиб чиқаради ва ҳар бир гуруҳ вагонларни ўз штабеллаш участкаси рўпарасига жойлаштириб қўяди. Юкларни ярим очиқ вагонлардан туширишда қуйидаги ишлар бажарилади: олиб қўйиладиган ферма майдончасида турган ишчилар ярим очиқ вагонни икки ён томонидан уни остки туйникларининг қопқоқларни очадилар; ярим очиқ вагонлар ичидаги юклар остки тўйникдан кўтарилган йўлнинг икки ён бағрига ўз - ўзидан оқиб тушади;

ярим очиқ вагон устига титратма туширгич ўрнатилади ва у ишга туширилганида вагон ичидаги юк қолдиқлари тебранма куч таъсирида батамом тўкилиб тушиб, вагон юк қолдиқларидан тозаланади: қиш пайтларида ярим очиқ вагонлардаги юклар музлаб қолиб келган бўлса уларни юмшатиш учун кран илгагига титратма юмшатгич ўрнатилади ва уни ёрдамида вагон ичидаги юклар юмшатилиб пастга туширилади: ярим очиқ вагонни остки тўйниклари қопқоқларининг электор қопқоқ ёпқичлари ёрдамида беркитилади, кран ўрнидан силжийди ва навбатдаги вагондан юк тушириш бошланади. 5 - расм. Таянч станцияларининг тўкилувчан юклар омборида ортиш - тушириш ишларини комплекс механизациялаш чизмаси 1 - икки консоли чор пояли кран; 2 - моторли грейфер; 3 - титратма туширгич; 4 - олиб қўйиладиган ферма; 5 - электр қопқоқ ёпқич; 6 - титратма юмшатгич; 7 - бульдозер.

Барча вагондаги юклар туширилиб бўлганидан сўнг маневр локомотиви кўтарилган йўл устидаги ҳамма вагонларни станцияга олиб чиқиб кетади. Крандан ферма олиб қўйилади, кран илгагига электр моторли грейфер ўрнатилади. Кран грейфер билан кўтарилган йўл ён бағридаги юкларни олиб очиқ майдонга штабеллаб қўяди. Истеъмолчиларга элтиб бериш учун ўзи ағдарувчи автомобилларга юкларни кран ёрдамида ортиб берилади. Ярим очиқ вагонлардан қазилма кўмирларни ва бошқа тўкилувчан юкларни тушириш ва омбор ишларини комплекс механизациялаш чизмасининг бошқа вариантида (2.6-расм) баландлиги 2,4 м ли кўтарилган йўлга пролёти 16 метрли икки консолли чор пояли кран хизмат кўрсатади. Кран ҳажмий массаси 1,8 т/м 3 гача бўлган тўкилувчан юкларни ботириб олиш учун сиғими 2 м 3 ли электр гидравлик грейфер ёки титратма туширгич билан жиҳозланиши мумкин. Ярим очиқ вагонларни икки ён томонидан остки тўйникларнинг қопқоқларни ишчилар очиши учун краннинг кўприк фермасига иккита майдонча ва икки дона электр қопқоқ ёпқич монтаж қилинган. Қазилма кўмир ва бошқа сочилувчан-тўкилувчан юклар билан келган ярим очиқ вагонларни маневр локомотивлари кўтарилган йўлга олиб чиқиб қўяди ва юкларни туширишда ҳар бир вагон билан қуйидаги ишлар бажарилади: ярим очиқ вагонни ҳар икки ён томонида, краннинг кўприк-фермаси майдончаларида турган ишчилар вагоннинг остки тўйникларнинг қопқоқларини икки томонидан бараварига бирин-кетин очадилар; ярим очиқ вагон ичидаги юклар остки тўйникдан кўтарилган йўлнинг икки ён бағрига ўз - ўзидан оқиб тушади; ярим очиқ вагон ичидаги юк қолдиқлари титратма туширгич ёрдамида тозаланади;

ярим очиқ вагоннинг остки тўйник қопқоқлари икки томонидан бараварига бирин-кетин электр қопқоқ ёпқичлар ёрдамида беркитилади, кран ўрнидан силжийди ва навбатдаги вагондан юк тушириш бошланади. 5 - расм. Таянч станциялариниг тўкилувчан юклар омборида ортиш-тушириш ишларини комплекс механизациялаш чизмаси 1 - айланувчи каллакча; 2 - икки консоли чор пояли кран; 3 - кўтарилган йўл; 4 - илгак; 5 - рама; 6 - кўприкли ферма; 7 - майдонча; 8 - титратгич. Барча вагондаги юклар туширилиб бўлганидан сўнг маневр локомотиви кўтарилган йўл устидан ҳамма вагонларни станцияга олиб чиқиб кетади. Кран илгагига электр гидравлик грейфер осилади, уни ёрдамида кўтарилган йўл ён бағридаги юклар ботириб олиниб ўзи ағдарувчи автомобилларга ортилади ёки очиқ майдонга штабеллаб қўйилади. Ярим очиқ вагондан қазилма кўмир ёки бошқа тўкилувчан юкларни тушириш ва омбор ишларини бундай комплекс механизациялаш чизмаси ўртача юк айланмасидаги станцияларда катта иқтисодий самарадорликни таъминлайди.

6 - расм. Ярим очиқ вагонлардан тўкилувчан юкларни грейфер билан жиҳозланган икки консоли чор пояли кранда комплекс механизациялашган ортиш-тушириш чизмаси: 1 - грейфер; 2 - бункер; 3 - юк штабели; 4 - автомобиль; 5 - автойўлак; 6 - икки консоли чор пояли кран. Юк обороти унча катта бўлмаган стнцияларда қазилма кўмирларни, тўкилувчан юкларни, оғир вазнли ва узун бўйли юкларни ҳамда ўрмон материалларини туширишни битта майдонда ташкил этиш мақсадга мувофиқдир (2.7-расм). Бундай майдон юк кўтариши 5 тонна ва пролёти 16 м бўлган икки консолли чор пояли кран билан жиҳозланади . Бу кран сиғими 2 м 3 ли ГЭГ -2,0 ва сиғими 1,6 м 3 ли ГУ -1,6 русумли икки жағли грейферлар ва бошқа алмашинадиган юк илиб олиш мосламалари ҳамда юк кўтариш арқонлари билан жиҳозланиши мумкин . Икки консолли чор пояли кранни пролёт қисмидаги очиқ майдонга юк штабеллаб қўйилади . Бунда очиқ майдонда юкни турига мувофиқ бир нечта бир - биридан эни 5 м кўндаланг йўлакчалар билан ажратилган узунлиги 30-35 м ли юк штабеллари бўлиши мумкин . Краннинг бир консолли остига турли ярим очиқ вагонларда ва платформаларда келган юкларни тушириш учун темир йўли қурилади .

Краннинг иккинчи консоли остига автойўлак ва ҳар бир юк штабели рўпарасига муайян сиғимга эга бўлган бункерлар ўрнатилади . Маневр локомотивлари ярим очиқ вагонларни ва платформаларни тушириш йўлига олиб кириб беради. Ярим очиқ вагондаги тўкилувчан юкларни грейфер билан жиҳозланган кран очиқ майдонга тушириб штабеллайди ёки бевосита бункерларга солиб тўлдиради. Вагонларни юк қолдиқларидан тозалашни ишчилар амалга оширадилар. Ўзи ағдарувчи автомобилларга тўкилувчан юкларни ортиш бункерлар орқали амалга оширилади. Бўшаб қолган бункерларни кран грейфер билан очиқ майдондаги юк штабелидан тўлдириб туради.

O'xshashlar

Ғалла юклари билан ортиш-тушириш ва омбор операцияларини комплекс механизациялаш ва автоматизациялаш

Ўрмон юклари билан ортиш-тушириш ишлари ва омбор операцияларини комплекс механизациялаш ва автоматизациялаш

Минерал қурилиш материаллари билан ортиш-тушириш ишларини ва омбор операцияларини комплекс механизациялаш

Қуйиладиган юклар билан қуйиш - тўкиш ва омбор операцияларини комплекс механизациялаш ва автоматизациялаш

Автомобил транспортида ортиш-тушириш ишларини ташкил этиш ва механизациялаш.