Двигателнинг кривошип-шатунли механизми - Transport - Referatlar

Двигателнинг кривошип-шатунли механизми

Yuklangan vaqt:

20.09.2019

Ko'chirishlar soni:

0

Hajmi:

90.5 KB

Ko'chirib olish

Двигателнинг кривошип-шатунли механизми Режа: 1.Кривошип-шатунли механизмнинг вазифаси ва тузилиши; 2.Цилиндрлар ва блок-картерлар; 3.Цилиндрлар блоки каллаги (головкаси); 4.Поршенлар, поршень ҳалқалари ва бармоқлари; 5.Шатун ва шатун подшипниклари; 6.Тирсакли вал, ўзак подшипниклар ва маховик; 7.Двигателларни автомобиль рамасига маҳкамлаш.

Таянч сўзлар: цилиндрлар блоки; цилиндрлар блокининг каллаги; блок картер; кривошип; поршень; гильза; цилиндр; поршень ҳалқаси; поршень бармоғи; шатун; тирсакли вал; ўзак бўйин; шатун бўйин; вкладиш; поршень юбкаси; маховик; компрессион ҳалқа; мойсидиргич ҳалқа. 1. Кривошип-шатунли механизмнинг вазифаси ва тузилиши Кривошип-шатунли механизм цилиндрда ёқилғининг ёнишидан ҳосил бўлган газ босимини қабул қилиб поршеннинг илгариланма қайтма ҳаракатини тирсакли валнинг айланма ҳаракатига айлантириб беради (3.1- расм). Кривошип-шатунли механизм кўп цилиндрли двигателларда асосан қуйидаги деталлардан ташкил топган: -цилиндрлар блоки; - цилиндрлар блоки каллаги (головкаси); -цилиндр гильзалари; -поршень ва поршень ҳалқалари; -поршень бармоқлари; -шатунлар; -тирсакли вал ва унинг подшипниклари; -маховик; -двигатель картери. Двигателларнинг кривошип-шатунли механизмларининг жойлашув тартиби бўйича бир ва икки қаторли бўлади. Баъзи бир двигателларда цилиндрлар тик ҳолатдан 20-450 бурчак остида (3.2-расм б). Масалан, москвич-412 ёки ётиқ жойлашган бўлиши мумкин. (3.2-расм в, д) Цилиндрларни бундай жойлаштириш натижасида двигателнинг баландлик ўлчами қисқаради. Цилиндрлар икки қатор жойлашган двигателларнинг цилиндрлари маълум бурчак остида ёки ётиқ ҳолатда бўлади.

2.Цилиндрлар ва блок-картерлар Барча двигателларда иш цикли жараёнлари цилиндр ичида рўй беради. Цилиндрлар яхлит қилиб блок-картер билан бирга қўйиб тайёрланиши ёки айрим-айрим тайёрланиб кейинчалик блокка ўрнатилиши мумкин. Цилиндрлар блоки двигатель картерининг юқори қисмини ташкил қилади. Цилиндрлар блокининг қисми картер деб номланади (3.3-расм). Двигатель картери 7 металдан ясалган улкан қўзғалмас детали бўлиб, унга двигателнинг барча асосий узеллари ва деталлари маҳкамлаб ўрнатилади. Картерга тирсакли ва газ тақсимлаш валларининг подшипниклари, ҳар хил механизмлар юритмаларига тегишли шестерня ўқлари ва валлар ҳамда бошқа деталлар ўрнатилади. Картер ости томонидан туб 9 билан ёпилади, туб мой учун резервуар вазифасини ўтайди. Картер блок билан яхлит қуйма қилиб ясалиши мумкин. Масалан, А-41, Д-240, А-41М, СМД-60, ЯМЗ-238 НБ, ГАЗ-53, ЗИЛ-130 двигателларда картер блок яхлит қуйма қилиб ишланган. Блок картерлар кул ранг чўяндан (СМД-60, ЯМЗ ва ЗИЛ-130) ва алюминий АЛ-4 қотишмасидан (ГАЗ-53, 24Д, ЗМ3) тайёрланади. Алюминий қотишмасидан тайёрланган блокларга ишлов бериш анча осон, чўян блокларга қараганда анча енгил, бироқ қимматга тушади. Цилиндрнинг ички юзаси (3.4-расм) поршенни йўналтириш учун хизмат қилади, бу юзани цилиндр кўзгуси деб аталади. Цилиндрларнинг конструкцияси асосан уларни совитиш усуллари билан баҳоланади. Цилиндрларни ҳаво билан совитишда совитиш сиртини кенгайтириш мақсадида цилиндрлар махсус қовурғали қилиб ясалади. Суюқлик билан совитишда цилиндрнинг ташқи сирти билан блокнинг ички деворлари орасида ҳалқа бўшлиқ сув ғилофи бўлади. Блок-картер конструкцияси клапанларнинг жойлашишига боғлиқ. Клапанлари ёнга жойлашган двигателларнинг блок-картерида клапанларни ўрнатиш учун ён ариқча бўлади. Блок-картернинг устки деворида ҳар бир

цилиндрнинг ён томонида клапан тешиклари ишланган. Бундай конструкциялар ГАЗ-52 ва П-23м двигателларида қўлланилади. Клапанлари осма жойлашган двигателларда клапанлар цилиндрлар каллагида жойлашган бўлади. Шунинг учун ҳам блок-картер конструкцияси содда бўлади. (А-41, Д-240, АИМ, ЯМЗ, Д-37М, Д-160, ГАЗ-53 ва бошқалар). Блок-картерларга ейилишга ниҳоятда чидамлилиги катта ва механик хусусиятлари сифати юқори бўлган лигерланган чўяндан ясалган, олиб қўйиладиган гильзалар ўрнатилади. Бу гильзалар блок-картернинг хизмат муддатини узайтиради (яроқсиз гильзаларни янгиси билан алмаштириш йўли билан). Агар гильзалар ташқи сиртига суюқлик тегиб совитилса ҳўл гильзалар (3.4-расм б, г), гильза ташқи сиртига тегмасдан суюқлик билан совитилса қуруқ гильзалар деб аталади. Ҳўл гильзалар ЗМЗ-375, ЗМЗ-66, ЯМЗ-236, А- 41, Д-240 двигателларда. Цилиндрнинг юқори қисми кўпроқ ейилади, чунки ҳар доим юқори босим, температура ва бажарган газлар таъсирида бўлади. Бу ейилишни камайтириш мақсадида ГАЗ-52 двигатель цилиндрлари юқори қисми ва 24Д, ГАЗ-53 ҳамда ЗИЛ-130 двигателлари цилиндрлар гильзаларига (3.4-расм г) коррозияга учрамайдиган чўяндан ишланган юпқа 2-4мм деворли калта кийгизма 10 пресслаб ўрнатилади. Ҳаво билан совитиладиган двигатель цилиндрлари (Д-37Е, Д-21 А-1) картерга шпилькалар билан ўрнатилади ва гильзаси бўлмайди. 3.Цилиндрлар блоки каллаги (головкаси) Цилиндрлар каллаги мураккаб шаклга эга бўлиб цилиндрлар (Д-37Е двигатели), цилиндрлар группаси (А-01М, Д-160, ГАЗ-53 ва ЗИЛ-130 двигателларида) ёки блок-картер (А-41 ва Д-240 двигателлари) ни уст томонидан ёпиб туради. Масалан, ЗИЛ-130 двигателларида иккита (ҳар бир қатор учун), ЯМЗ-240 двигателида тўртта (ҳар уч цилиндр учун), КамАЗ-740 двигателларида саккизта (ҳар бир цилиндрлар учун) каллак бўлади.

Цилиндрлар каллаги чўяндан ёки алюминий қотишмасидан АЛ-9 қуйиб тайёрланади. Алюминий қотишмасидан қуйилган цилиндрлар каллаги карбюраторли, инжекторли двигателларда ишлатилиб, чўяндан қуйилган цилиндрлар каллагидан енгил ва иссиқликни яхши олиб кетади. Бу хусусиятлар карбюраторли двигателлар сиқиш даражасини оширади, демак двигатель қуввати ва ёқилғи тежамкорлиги ошади. Циландрлар блоки каллаги конструктив хусусияти сиқиш бўлинмасининг шакли, клапанларнинг жойлашуви ва сони совитиш тармаоғининг тури, ҳамда аланга берувчи свечалар ёки форсункаларнинг ўрнатилишига боғлиқ. Цилиндрлари бир қатор жойлашган двигателларда битта каллак бўлса (Д-37М ва ГАЗ-53 двигателларидан ташқари) V-симон двигателларди бир неча каллак бўлиши мумкин. Масалан, ЗИЛ-130 двигателида иккита, ЯМЗ-24 двигателларида тўртта (ҳар уч цилиндр учун), КамАЗ-740 двигателида саккизта (ҳар бир цилиндрлар учун) каллак бўлади. Ёниш камерасининг шакли цилиндрда иш циклининг кечиши характерига ва айниқса ёниш процессига катта таъсир қилади. Карбюраторли двигателларда ёниш камерасининг шакли ва свечаларнинг жойлашиши унда детонация ҳосил бўлмаган ҳолда юқори сиқиш даражасига эришишига кўп жиҳатдан боғлиқ бўлади. Ёниш камераси қанчалик ихчам бўлса, детонация пайдо бўлиш эҳтимоли шунчалик кам, двигатель тежамкорлиги шунча юқори бўлади. Карбюраторли двигателларида силжитилган ёниш камераси П-23М ва ГАЗ-52 (3.5-расм, а) цилиндрлар каллагида, понасимон ёниш камераси ГАЗ- 53 ва ЗИЛ-130 (3.5-расм, б) цилиндрлар каллагида ишлатилади. Дизелларда ёниш камераларининг шакли ёқилғи аралашмаси қандай усулда тайёрланишига мос ҳолда бўлиши керак. Дизель двигателларида ёниш камералари ажратилган ва ажратилмаган қилиб ясалади. Ёниш камераси ажратилмаган дизель двигателлари Д-37Е, А-41, А-01М ва Д-160, ёниш камераси ажратилган дизель двигателлари Д-50 ва СМД-14.

4. Поршенлар, поршень ҳалқалари ва бармоқлари Двигателлар цилиндрлари ичида содир бўладиган иш цикли жараёнлари поршень ёрдамида бажарилади. Поршень цилиндр ичида ёнган газларнинг кенгайишидан ҳосил бўлган босимни ўзига қабул қилиб, уни поршень бармоғи ҳамда шатун орқали тирсакли валга узатади. Демак поршенлар юқори температура (24000 С), босим остида (дизель двигателларида ЯМЗ), ўзгарувчан инерция кучлари таъсирида юқори тезлик билан ҳаракатланади (15м/сек гача). Бундай шароитда ишловчи поршень материали механик хусусиятлари сифати юқори, ейилишга чидамли, иссиқлик ўтказувчан, мустаҳкам ва енгил бўлиши лозим. Автомобиль двигатели поршенлари асосан АЛ-25, АЛ-30, АК-10, М-2Н алюминий қотишмаларидан ясалади (3.6-расм). Поршень туб қисмдан 1, зичловчи қисм-поршень каллаги 3 ва йўналтирувчи қисмлардан (юбка) 4 дан иборат бўлади. Поршень каллагининг ён деворида поршень ҳалқалари учун мўлжалланган ариқчалар 12-16 ва паст қисмида эса поршень бармоғини киритиб маҳкамлаш учун мўлжалланган поршеннинг бобишкалари 8 мавжуд. Поршень туби текис ёки мураккаб шаклдор қилиб ясалади. Карбюраторли двигателларда поршень туби асосан ясси шаклда, дизелларда эса поршень туби ичига ботиқ, қавариқ ёки мураккаб шаклда тайёрланади. Двигатель совуқлигида поршень тақилиб ишламаслиги учун унинг юбкаси овал шаклида, юбкада Т ва П шаклидаги кесикларни бўлиши ҳисобига уни цилиндр ичида қизиганда қадалиб қолмасдан ҳаракатланишини таъминлайди. Поршень эллиптик юбкаси билан цилиндрлар орасидаги зазор 0,05-0,10 мм бўлиши, агар поршень юбкаси цилиндр шаклида бўлиб, кесими бўлмаса 0,18-0,30 мм оралиғида бўлиши керак. Цилиндрларга поршенларни ва бобишкалардаги мос поршень бармоқларини танлаш осон бўлиши учун поршенлар юбкалар диаметри ва бобишка тешиклари бўйича йўл қўйилган оралиқда ўлчам группаларига ажратилади.

Ўлчам группасига тегишли белги одатда поршень тагига ёзилади (М ёки А ҳарфлари билан). Цилиндрлар ёки поршень бармоқлари ҳам тегишли ўлчам группаларига ажратилади. Цилиндр гильзасида ўлчам белгиси юқори учига ёзилади. Поршенларни оғирлиги бўйича бир хилда танлаш осон бўлиши учун поршень тагига оғирлик группаси белгиси ёзиб қўйилади. Поршень ҳалқалари ўз вазифасига кўра компрессион ва мой сидирувчи ҳалқаларга бўлинади. Поршень ҳалқалари махсус чўяндан, кейинги вақтларда пўлатдан ҳам тайёрланмоқда (3.7-расм). Компрессион ҳалқалар цилиндр ва поршень оралиқларини жипслаштиради ҳамда цилиндрда ҳосил бўлган газларни картерга, мойни эса ёниш камерасига ўтмаслигини таъминлайди. Булардан ташқари поршень каллагидаги иссиқликни цилиндр девори орқали совутувчи муҳитга ўтказади. Мой сидирувчи ҳалқалар цилиндр девордаги ортиқча мойни сидиради ва сиқиш бўлинмасига ортиқча мой ўтишини чеклайди. Компрессион ҳалқаларнинг цилиндрик сиртлари билан поршень ариқчалари орасидаги бўшлиққа поршень устидаги бўшлиқдан бир оз миқдорда газ киради. Шунинг учун газ босими ва тезлиги аста-секин камаяди (3.8-расм). Бу газ ҳам ҳалқаларни цилиндр деворларига сиқади. Демак, компрессион ҳалқалар цилиндр деворига ўз эластиклик кучи ва газ босими кучи билан сиқилади. Поршень ҳалқасидаги махсус қирқим (3.8-расм б) қулф деб аталади. Қулф тўғри, қия, тўғри стопор винтли бўлади. Ҳалқа поршень ариқчаларига баландлиги бўйича бир оз зазор қолдириб, яъни ҳалқа қирралари ариқча деворига ишқаланиб, пружина каби эркин ҳаракатланишига ҳалақит бермайдиган қилиб ўрнатилади. Агар поршень ҳалқаси цилиндр деворига зич ёпишиб турмаса, цилиндр девори билан ҳалқа орасидаги жуда кичик зазордан ҳам газ ўтади, бу эса ҳалқанинг ўта қизишига сабаб бўлади. Натижада поршень билан цилиндр деворлари орасидаги мой оксидланади. Бунда ҳосил бўлган углеродли моддалар (лак ўтриндилари) поршень ариқчалари девори билан ҳалқалар орасидаги зазорни тўлдиради.

Ҳалқаларнинг қўзғалиши қийинлашиб эркин силжий олмайди ва эластиклигини йўқотади. Бу ҳодиса ҳалқанинг куйиши дейилади, бу двигатель қувватининг пасайишига ва кўпроқ мой сарфланишига сабаб бўлади. Цилиндрнинг герметиклигини таъминлайдиган зичлик ҳосил қилиш учун карбюраторли двигателлар поршенларига 2-3та, цилиндрлардаги газ босими юқори бўлган дизель двигателлари поршенларига 3-4та компрессион ҳалқалар қўйилади. Компрессион ҳалқа кўндаланг юзаси шакли бўйича ҳар хил шаклда бўлиши мумкин (3.9-расм). Поршень бармоғи поршень билан шатунни ўзаро шарнирли бириктириш учун хизмат қилади. Поршень бармоғи иш жараёнида миқдори ва йўналиши ўзгарувчан инерция, ҳамда механик кучлар таъсирида бўлади. Шунинг учун ҳам поршень бармоғи мустаҳкам бикир, енгил ва ейилишга чидамли бўлиши лозим. Поршень бармоғининг ичи ковак бўлиб, калта цилиндрик ўзак шаклида тайёрланади. Поршень бармоғи конструкцияси бўйича икки хил бўлади(3.10- расм): 1.шатун каллагига маҳкамланган, силжимайдиган (3.10-расм). 2.поршенннинг бўтиқли, туйнугида ва шатуннинг юқори каллагида силжиш хусусиятига эга бўлган «эркин» (3.10-расм б, в) поршень бармоқлари. «Эркин» поршень бармоқлари ишлаш жараёнида ўз ўқи атрофида силжиб, эркин айланиб туриши натижасида унинг ташқи цилиндрик юзаси қаттиқ мустаҳкамланган поршень бармоғига нисбатан бир меъёрда ва кам ейилади. Шунинг учун ҳам кўпгина замонавий автомобилларга «эркин» бармоқлари ўрнатилади (ГАЗ-53А, ЗИЛ-130, ЯМЗ-200). Поршень бармоқлари углеродли лигерланган пўлатдан 15Х, 45Х (ЗИЛ ва ГАЗ); 12ХН (ВАЗ) тайёрланади.

5.Шатун ва шатун подшипниклари Шатун поршенни тирсакли валнинг шатун бўйни билан бирлаштиради, ҳамда ёнилғининг ёнишида ҳосил бўлиб поршенга тушадиган босим кучини тирсакли валга узатади. Шатунга қўйиладиган асосий талаблар: Мустаҳкам, пухта, ейилишга чидамли ва инерция кучларини камайтириш учун вазни деярлик кичик бўлиши лозим. Шунинг учун шатунлар юқори сифатли углеродли ёки легирланган пўлатдан (40Г, 40Г2, 40Х, 40ХН, 40ХГТ) штамплаш усули билан тайёрланади ва механик, термик ишлов берилади. Шатун асосан қуйидаги қисмлардан иборат (3.11-расм): -юқориги каллак 5; -кўндаланг кесими қўштавр бўлган ўзак стержень; -тирсакли валнинг шатун бўйнига маҳкамланувчи, ажраладиган пастки каллак шатуннинг юқориги каллагига, поршень бармоғи билан содир этиладиган ишқаланиш ва ейилишни камайтириш мақсадида 3 қалайли бронзадан ясалган втулка қўйилади. Ишқаланувчи юзаларга мой ўтиши учун 4 тирқишча қўйилган. Шатуннинг ажраладиган пастки қисми шатун қалпоғи деб аталади. Шатуннинг пастки қопқоғи 11 шатунга иккита болт 7 ва гайкалар 8 ёрдамида ҳамда гайкалар бўшаб кетмаслиги учун шплинт ўтказилиб учларини эгиб қўяди. ПД-8 ва ПД-10У двигателлари ва унинг модификациясида тирсакли вал қисмларига бўлинмайди, яъни шатуннинг пастки каллаги ажралмайди. Шатун пастки каллагининг ажралиш текислиги одатда шатун ўқига перпендикуляр бўлади. Лекин ЯМЗ, А-41, А-01М ва СМД-60 двигателларида цилиндр орқали шатунни юқорига чиқариб олиш имконияти бўлиши учун пастки каллакнинг ажралиш текислиги шатун стержени ўқига нисбатан бурчак остида ясалади.

Шатун пастки каллагининг юқори қисми билан қопқоққа биргаликда ишлов берилади, шунинг учун ҳам каллагини бир шатундан иккинчи шатунга алмаштириб қўйиш мумкин эмас. Шатун пастки каллагининг иккала ярим палласига бир хил рақамлар ёки жуфтлик белгилари қўйилади. Двигателнинг мувозанатда ишлашини таъминлаш учун битта двигатель комплексидаги шатунлар оғирликлари фарқи жуда кичик бўлиши лозим. Масаслан, ГАЗ-52 двигатели шатунлари оғирликлари фарқи 8г дан Д-240 двигателида 10г дан ошмаслиги лозим. Шатунларнинг пастки каллагига сирпаниш подшипниклари қўйилади. ПД-8 ва ПД-10У ва уларнинг модификациялари двигателлари шатунининг пастки каллагида думалаш подшипниклари бўлади. Двигателларнинг шатун подшипниклари пўлат лентадан 1-3мм қалинликда вкладишлар тайёрланиб, ишқаланиш ва ейилишни камайтириш мақсадида, унинг юзага юпқа ишқаланишга чидамли қатлам 0,08-0,10 мм қалинликда қопланади. Вкладишлар бутун сиртига 0,003-0,009 мм қалинликдаги қалай қатлами қопланади. Бу эса вкладишлар ички сиртининг тирсакли вал бўйнига тез мосланишига ва вкладишлар ташқи сиртининг шатун пастки каллаги ички сиртига жипс тегиб туришига беради. 6.Тирсакли вал, ўзак подшипниклар ва маховик Тирсакли вал поршендан шатун орқали берилаётган кучни қабул қилиб, уни айланма ҳаракатга ўзгартириб трансмиссия механизмларига узатади (3.12-расм). Тирсакли вал штамплаш усули билан юқори углеродли пўлатдан (КамАЗ-740-10, ЗИЛ-508) ёки магний билан бойитилган лигерланган чўяндан (ГАЗ-53-11, ЗМЗ-402-10, ГАЗ-24-12 ва ВАЗ) тайёрланади. Ўзак ва шатун бўйинларига термик ишлов берилади, жилвирланади ва сайқал берилади. Тирсакли вал қуйидаги қисмлардан иборат: -ўзак бўйинлари 1;

-шатун бўйинлари 11; -ўзак ва шатун бўйинларини боғлайдиган бўғин 2; зўриқишни камайтириш мақсадида бўйинларнинг бўғинларига ўтиш жойи галтеллар 7 деб аталадиган юмалоқ бўртиқ кўринишда ясалади; -тумшуқ (олдинги учи); -думча (орқа учи). Цилиндрлари бир қатор жойлашган двигателларда шатун бўйинлари сони цилиндр сонига тенг, юқори босим остида ишлайдиган дизель ва V- симон двигателларда (ЯМЗ, ГАЗ-53 ва ЗИЛ-130) ҳар бир шатун бўйнига иккита ўзак бўйни тўғри келиб, шатун бўйнига иккита шатун маҳкамланади. Тирсакли валнинг бўйлама силжиши ўзак подшипниклардан бирортасининг махсус қурилмаси ёки бошқа мосламаси билан чекланади. Двигателларнинг тирсакли валида ўзак ва шатун подшипникларига мой келиши учун тешиклар пармаланади. Кўпчилик двигателларнинг тирсакли валлари шатун бўйинларида мойни марказдан қочирма усулда тозалайдиган қурилма (зарра тутгич) бўлади. Тирсакли вал айланганда мойдаги ифлос аралашма ва металл заррачалари марказдан қочувчи куч таъсирида қурилма ковак деворига отилади, тозаланган мой канал орқали шатун подшипникига берилади. Тўрт цилиндрли тўрт тактли двигателлар тирсакли валлари тирсаклари 1800 бурчак остида симметрик бириктирилади. Д-37Е, Д-240, Д-160 ва А-41 двигателларида кенгайиш такти кетма-кетлиги, яъни цилиндрларнинг ишлаш тартиби 1-3-4-2 (3.13-расм) 24Д ва ЗМЗ-451 двигателларида эса 1-2-4-3 (3.13- расм). ГАЗ-52 ва А-01М двигателларида вал тирсаклари бир-бирига 120 0 бурчак остида жойлашган ва вал ўртасига нисбатан симметрикдир. Двигателлар ишлаш тартиби 1-5-3-6-2-4 (3.14-расм). ГАЗ-53, ЗИЛ-130, ЯМЗ-238 ва ЯМЗ-238 НБ маркали саккиз цилиндрли тўрт тактли V-симон двигателларда цилиндрларнинг ишлаш тартиби 1-5-4-2- 6-3-7-8 (3.15-расм).

ЯМЗ-240 двигатели V-симон тўрт тактли ўн икки цилиндрли унинг ишлаш тартиби 1-12-5-8-3-10-6-7-2-11-4-9. Двигателларнинг ўзак подшипниклари: сирпанувчи ёки думалаш бўлади. Сирпаниш подшипниклари ўзаро алмашинадиган вкладишлар кўринишларда бўлади. Ўзак подшипниклар вкладишлари ҳам ҳудди шатун подшипниклари вкладишлари каби бўлади. Думалаш подшипниклари сирпаниш подшипникларига кўра ишқаланиш сарфи камроқ бўлади. Лекин думалаш подшипникларини ўрнатиш, двигатель конструкциясини мураккаблаштириб юборади. ЯМЗ-240 двигателларида ва унинг модификациясида тирсакли валининг ўзак подшипниклари сифатида думалаш роликли подшипниклар ишлатилади. Маховик 5 двигателнинг ишлаш жараёнида тирсакли валнинг бир текис айланишини таъминлайди. Двигателда цилиндрлар сони ортиши билан тирсакли валнинг нотекис айланиши камаяди, шунинг учун ҳам цилиндрлар сони қанча кўп бўлса, унинг маховиги шунча енгил бўлади. Маховикда йиғиладиган кинетик энергия миқдори унинг айланишлари частотаси ортиши билан кўпаяди. Бу энергия ҳисобига двигателни ўт олишини осонлаштиради ҳамда автомобилниннг ўрнидан қўзғалишини енгиллаштиради. Двигателни стартёр ёрдамида ўт олдириш учун тишли гардиш пресслаб ўрнатилади. Маховиклар гардиши сиртида ёки сиртида туриш нуқтани аниқлаш ҳамда ёнилғи бериш ёки ўт олдириш пайтини ўрнатиш учун белги қўйилади. 7.Двигателларни автомобиль рамасига маҳкамлаш Двигатель рамага пухта ва автомобиль тебранганда унинг кроншейларига ҳамда автомобиль нотекис йўлдан юрганда раманинг қийшайиши двигатель блок-картерига зўр келмайдиган қилиб маҳкамланади.

ЗИЛ-130, А-41, А-01М, СМД-14 двигателлари рамаларига уч таянч (биттаси олдинда иккитаси орқада), ГАЗ-52 ва ГАЗ-53 двигателлари эса тўртта, КамАЗ бешта таянч билан ўрнатилади.

ФОЙДАЛАНИЛГАН АДАБИЁТЛАР 1. Mamatov X. Avtomobillar (Avtomobillar konstruksiyasi asoslari) 1 va 2 qism. Darslik, Toshkent, О‘qituvchi, 1995 yil. 2. Mamatov X. Avtomobillar (Avtomobillar konstruksiyasidan oliy о‘quv yurtlari uchun programmalashtirilgan о‘quv qо‘llanmasi). Toshkent, О‘qituvchi, 1998 yil. 3. Mamatov X.M. Turdiyev Y.T. Shomaxmudov SH.SH., Qodirxonov M.O. Av - tomobillar (Konstruksiya va nazariy asoslari). Darslik, Toshkent, О‘qituvchi, 1982 yil. 4. Sergeyev V.V. Avtotraktorniy transport. V.SH. Moskva-1984. 5. Anoxin V.I. Ustroystvo avtomobiley. M.,1977. 6. Bagirov D.D. D.V.S. stroitelnix i dorojnix mashin. M.,1974 7. Gurevich A.M. Traktori i avtomobili. M.,1978. 8. S.M.Qodirov, M.O.Qodirxonov. Dvigatel va avtomobillar nazariyasi. Toshkent, О‘qituvchi, 1981 yil. 9. T.S.Xudoyberdiyev. Traktor va avtomobillar nazariyasi hamda hi sobi. Toshkent, О‘qituvchi, 1984 yil.

O'xshashlar

Двигателларнинг кривошип-шатунли механизми

Двигателнинг кривошип-шатун ва газ таксимлаш механизми.

ЎзДЭУавто ва СамКочавто двигателларининг кривошип шатунли механизмлари

Двигателнинг кривошип шатун ва газ тақсимлаш механизмларига ТХК ва таъмирлашда бажариладиган ишлар

Ички ёнув двигателларининг иш жараёни ва асосий кўрсаткичлари