Двигатель газ таксимлаш механизми - Transport - Referatlar

Двигатель газ таксимлаш механизми

Yuklangan vaqt:

20.09.2019

Ko'chirishlar soni:

0

Hajmi:

74 KB

Ko'chirib olish

Двигатель газ тақсимлаш механизми Режа: 1.Газ тақсимлаш механизмининг вазифаси ва ишлаш принциплари; 2.Газ тақсимлаш механизмининг фазалари; 3. Клапанли газ тақсимлаш механизм деталлари.

Таянч сўзлар: газ тақсимлаш вали; киритувчи клапан; чиқариш клапани; клапан стержени; клапан пружинаси; коромысло; коромысло ўқи; тақсимлаш вали кулачоги; йўналтирувчи втулка; турткич; шестерня; фаза. 1.Газ тақсимлаш механизмининг вазифаси ва ишлаш принциплари Газ тақсимлаш механизми тактлар жараёнида клапанларни очиш ҳамда ёпиш билан циландрларга ўз вақтида ёнувчи аралашмани (карбюраторли, газли, инжекторли двигателларда) ёки ҳавони (дизелларда) киритиш ва ишлатилган газларни атмосферага чиқариб юбориш учун хизмат қилади. Автомобиль двигателларида асосан клапанли газ тақсимлаш механизми ўрнатилади. Тўрт тактли двигателлар клапанли газ тақсимлаш механизмларининг икки туридаги биринчиси клапанлари пастда (цилиндр блокининг ён томонида), икинчиси юқорида (цилиндр каллагида жойлашган осма) жойлашган газ тақсимлаш механизмлари ишлатилади. Икки тактли двигателларда газ тақсимлаш икки усулда: 1) кривошип-шатунли механизми билан (4.1-расм); 2) аралаш система билан амалга оширилади; бу ҳолда (4.2-расм) ҳаво поршень очиб ва ёпиб турадиган тўйникча орқали киради, иш бажарган газлар клапанлар ёрдамида чиқариб юборилади. Тўрт тактли двигателнинг бир иш цикли давомида тирсакли вал икки марта айланишда киритиш ва чиқариш клапанлари бир мартадан очилади. Демак, тирсакли вал икки марта айланганда газ тақсимлаш вали бир марта айланади, вал юритмаси 1:2 узатишлар нисбатига эга бўлади. Икки тактли двигателларда тақсимлаш вали тирсакли вал билан бир хил айланишлар сонида айланади, узатишлар сони 1:1 бўлади.

Замонавий автомобил двигателларида конструкцияси нисбатан мураккаб бўлишига қарамасдан клапанлари юқорида, цилиндрлар блокининг головкасида жойлашган газ тақсимлаш механизмларидан фойдаланилмоқда. Бундай механизмларда цилиндрнинг ёниш камераси ихчам, сиқиш даражаси ва цилиндрнинг ёнувчи аралашма билан тўлдирилиши юқори бўлади. Демак, натижада двигателнинг қуввати ва ёнилғининг тежамлилиги 10% га етади. Клапанлари юқорида жойлашган газ тақсимлаш механизми дизель ва кўпчилик карбюраторли двигателларда ишлатилади. Бу турдаги газ тақсимлаш механизми қуйидаги деталлардан (4.3-расм) ташкил топади: тақсимлаш вали, шестерня ёки тишли шкив билан туртгичлар, штангалар, коромислолар, коромисло ўқи, клапанлар, втулка ва бошқалар. Бу механизм қуйидагича ишлайди: тақсимлаш вали 18 айланганда унинг муштакчаси туртгич 17 га тиралиб, уни штанга 15 билан биргаликда юқорига кўтаради. Ҳаракат штанга орқали, коромисло 11 нинг кетинги учига бураб киритилган болт 13 га ўтади ва коромисло ўз ўқи атрофида бурилади. Бурилиш натижасида икки елкали коромислонинг бир учи клапан 6 ўзагининг туб қисмига тегади ва уни пастга итаради, клапан пружинаси 10 сиқилади, натижада клапан каллаги ўз ўриндиғи эгар 5 дан силжийди ва янги заряд (ёнилғи аралашмаси ёки ҳаво) келадиган ёки ишлатилган газлар чиқиб кетадиган тешик очилади. Клапан тўла очилган пайтида турткичнинг туби муштакчанинг энг юқори қисмида турган ҳолатига тўғри келади. Тақсимлаш вали сурилган сари турткич 17 муштчанинг дўнг қисмидан четга чиқади ва штанга билан биргаликда пастга силжийди. Клапан эса пружина 10 таъсирида тепага силжийди ва туби билан коромисло 11 нинг олдинги учига қаттиқ тиралади, натижада коромисло ўз ўқи атрофида бурилади. Демак, клапан пружина таъсирида аввалги вазиятини эгаллайди, яъни унинг каллаги ўз ўриндиғида жипс ўтиради. ВАЗ ва Москвич автомобиллари двигателларида газ тақсимлаш механизми вали цилиндрлар блоки устки қисмида жойлашган бўлади.

Клапанлари пастда (цилиндрлар блокида) жойлашган газ тақсимлаш механизми асосан бензинда ишлайдиган карбюраторли ва газсимон ёнилғида ишлайдиган карбюратор-аралаштиргичли двигателларда ГАЗ-52, ЗИЛ-164 ишлатилади ва бу механизм ҳам юқорида баён қилинган газ тақсимлаш механизмига ўхшаш ишлайди. Лекин пастда жойлашган газ тақсимлаш механизми конструкцияси соддароқ (4.4-расм), чунки турткич штангаси, коромисло ва коромисло ўрнатиладиган деталлари бўлмайди. Двигатель иш жараёнида газ тақсимлаш механизми деталларининг қизиши натижасида ўлчамлари ўзгариб, клапан уяга зич ўрнатилиши бузулмаслиги учун осма клапанларда клапан стержени билан коромисло тумшуғи орасида зазор бўлади. Совуқ двигателларда киритиш клапани зазори 0,15-0,40 мм, чиқариш клапанлари зазори 0,20-0,45 мм ни ташкил этади. Айрим ҳозирги замон автомобиль двигателларида газ тақсимлаш механизми «гидрокомпенсатор» тузулмаси қўллаш билан клапанлар, тирқишсиз (зазорсиз) қилиб ўрнатилмоқда. Бундай конструкцияни қўллаш газ тақсимлаш мехинзмининг шовқинсиз ишлашини таъминлайди. Шунингдек тирқишни ростлаш билан боғлиқ бўлган ортиқча ишлардан ҳоли этади. Янги русумли С2 Нексия автомобилининг двигателларида (ҳар цилиндрда тўрттадан клапан) гидрокомпенсатор турткич ичида жойлашган. Гидрокомпенсатор двигателининг мойлаш тизими билан боғланган (3.5- расм). Тирқиш компенсатори қуйидагича ишлайди: клапан ёпиқ ҳолатда турткич 5 плунжер пружинаси 6 таъсирида тақсимлаш валининг муштакчасига, гильза 3 эса клапан стерженининг 8 учига тиралиб туради. А ва Б бўшлиқларда мой босими ҳар хил бўлиб тескари клапан 4 ўз ўриндиғига пружинаси 9 билан сиқилган. Тақсимлаш валининг муштакчаси турткични 5 пастга суради, у плунжерга 2 таъсир этади.

Плунжерни гильза ичида пастга сурилиши Б бўшлиқда мой босимининг ортишига олиб келади. Юқори босим таъсирида мой гильза билан плунжер оралиғида радиал тирқишдан турткич бўшлиғига оз миқдорда сизиб ўтади. Ишлаш давомида муштчани клапанга таъсир этиш вақти жуда қисқа бўлгани учун, қисман мойни В бўшлиғига сизиб ўтиши, амалда турткич билан гильзани биргаликда бир яхлит бўлиб ишлашига, яъни клапанни ўз вақтида очилишига таъсир кўрсатмайди. Демак, клапан қизиб стерженнинг узайиши мойни Б бўшлиғидан В бўшлиғига сизиб ўтиши ҳисобига бўлади. Клапанни ёпилган фазасида Б бўшлиқдаги босим А бўшлиқдагига нисбатан пасаяди. Шунда босимни пасайишини тизимдан келаётган мой ҳисобига йўқотилади. Яъни А бўшлиғидан Б бўшлиғига босимнинг фарқи таъсирида тескари клапан очилиб мойнинг ками тўлдирилади. Натижада клапан юритмасида доимо тирқишсиз ҳолат таъминланади. 2.Газ тақсимлаш механизмининг фазалари Биз тўртта тактли двигателнинг ишлаш услубини қараб чиққанимизда ҳар бир такт тирсакли вал 1800 га бурилганда содир бўлиши, клапанлар поршень чекка нуқталарига етганда очилади ёки ёпилади деб шартли равишда қабул қилган эдик. Двигатель қувватини ошириш учун цилиндр ёнувчи аралашма ёки ҳаво билан кўпроқ тўлдирилиши ва ишлатилган газлардан яхшироқ тозаланиши зарур, лекин киритиш ва чиқариш жараёнлари жуда кичик вақт ичида ўтади. Бу вақт двигателнинг тезлигига боғлиқ бўлиб 0,05-0,0087 секундага тенг. Бундан ташқари, клапанлар дарҳол очилмайди, натижада цилиндр киритиш тактида ёнилғи аралашмаси ёки ҳаво билан етарли даражада тўлмайди, чиқариш тактида эса ишлатилган газлардан тўла тозалана олмайди. Бу жараёнларнинг ўтишини яхшилаш учун клапанлар поршень юқори чекка нуқтасига етмасдан олдинроқ очилиши ва пастки чекка нуқтадан кейинроқ ёпилиши керак. Одатда, клапанларнинг очилиши ва ёпилиши ҳолати тирсакли валнинг айланиш бурчаги бўйича қаралиб, поршеннинг чекка нуқталарига нисбатан

градусларда ифодаланади. Шундай қилиб, киритиш ва чиқариш клапанларининг поршень чекка нуқталарига нисбатан очиқ туриш даврини тирсакли валнинг айланиш бурчаклари орқали ифодаланиши газ тақсимлаш фазалари деб аталади. Мисол тариқасида ЯМЗ-238 Е двигателининг газ тақсимлаш фазасининг доиравий тасвирий чизиғини кўриб чиқамиз (4.6-расм). Диаграммадан кўринадики, киритиш клапани тирсакли валнинг айланиши бўйича поршень Ю.Ч.Н га 200 етмасдан очилади ва поршень П.Ч.Н дан 46 0 ўтгандан сўнг ёпилади. Демак, ёнилғи аралашмаси ёки ҳаво цилиндрга тирсакли валнинг 246 0 айланиши давомида киритилади. Чиқариш клапани тирсакли вал айланиш бўйича поршень П.Ч.Н га 46 0 етмасдан очилади ва поршень Ю.Ч.Н дан 20 0 ўтгандан сўнг ёпилади. Бундан кўринадики, чиқариш клапанининг очиқлик даври ҳам 246 0 га тенг. Тасвирий чизиғида кўрсатилганидек, тирсакли валнинг айланиш йўналиши бўйича 60 0 давомида иккала клапан очиқ туради. Бунга клапанларнинг очиқ туриш даври дейилади. Бу даврда киритилаётган ёнилғи аралашмаси ёки ҳаво ва чиқарилаётган ишлатилган газлар оқими катта штоб кучига эга бўлади. Шунинг учун ҳам улар аралашишга улгурмайди ва янги заряд ишлатилган газлар билан ташқарига чиқиб кета олмайди. 1-жадвалда баъзи автомобиль двигателларининг газ тақсимлаш фазалари келтирилган.

Двигатель Киритиш клапани Кирит иш даври Чиқариш клапани Чиқар иш даври Иккал а клапан нинг барава рига очиқ туриш иЮ.ч.н. гача очили ши П.ч.н. дан сўнг ёпилиш и Ю.ч.н. гача очили ши П.ч.н. дан сўнг ёпилиш и УАЗ- 451ДМ 24 64 268 58 30 268 54 ГАЗ-52А 9 51 240 47 13 240 22 ГАЗ-53А 24 64 268 50 22 252 46 ЗИЛ-130 31 83 204 67 47 295 78 ГАЗ-24Д 12 60 252 54 18 252 30 ЯМЗ-236 20 56 256 56 20 256 40 ВАЗ2106 12 40 232 42 10 232 22 3. Клапанли газ тақсимлаш механизм деталлари Клапан тарелка 9 ва стержень 8 дан иборат (4.7-расм). Тарелкадан стерженга ра вон ўтиладиган қилинган, бу эса клапаннинг пухталигини таъминлайди ва тарелкадан иссиқликнинг олиб кетилишини яхшилайди. Двигатель ишлаш пайтида киритиш клапанларига температураси 570 – 670 К, чиқариш клапанларининг температураси 1070-1170 К га етади. Ки ритиш клапанлари киритиш тактида ёнувчи аралашма ёки ҳаво билан совиши туфайли уларнинг температураси паст бўлади. Киритиш клапанлари хром- ни кель ва хром-кремний пўлатлардан, чиқариш клапанлари юқори хромли ва хром-никель-марганец пўлатларидан ишланади. ГАЗ-53 ва ЗИЛ-130 двигателларининг чиқариш клапанлари натрий би лан совитилади. Д-50, Д-240, СМД-60, ЯМЗ-240Б, СМД-14, Д-160, А-41, А-01М,

Д-37Е, Д-21А1, ГАЗ-53 ва ЗИЛ-130 двигателларининг цилиндри яхши тўлиши учун киритиш клапани тарелкасининг диаметри чиқариш клапанники га қараганида бир оз каттароқ қилиб ясалади. Кўпчилик двигателларда киритиш ва чиқариш клапанлари эгари иссиқ - бардош чўяндан ясалган ҳалқалар бўлиб, цилиндрлар каллагига пресслана ди. ГАЗ-52, А-41, А-01М ва ЯМЗ двигателларида оловбардош чўяндан ясал ган олинма ҳалқалар фақат чиқариш клапанлари учун қилинади. Йўналтирув чи втулкалар чўяндан (CМД-14, Д-16, ЗИЛ-130) ёки прессланган, пиширил ган ва мой шимдирилган металл-керамикадан (24Д, ГАЗ-53, СМД-60 ва ЯМЗ) ясалади. Металл-керамика втулкалари юқори антифракцион хоссаларга эга. Пружина 12 клапанни ёпиш ва уни эгарга зичлаб тушириш учун зарур бўлган кучни ҳосил қилади. Пружиналар пўлат симлардан ясалади, одатда улар ўрама, цилиндрик кўринишда бўлади. Улар ўрамлари қадами ўзгармас (Д-240) ёки ўзгарувчан (24Д, ЗИЛ-130) бўлади. ЗМЗ-451, ГАЗ-53, Д-37Е двигателларда ҳар бир клапанга биттадан пружина, Д-24, А-41, СМД-60, Д-160 ва ЯМЗ двигателларида эса ҳар бир клапанга иккитадан пружина ўрнатилган. ГАЗ-52 двигателларида пружина бир учи билан блок-картер танасига таянса, иккинчи учи билан су харь орқали клапан стержени охирига уланган тирак шайбага тая нади. Газ тақсимлаш механизми узатиш деталлари ҳаракатни тақсимлаш ва лидан клапанларга узатади. Осма клапанларда бундай деталларга туртгич 2, штанга 5, ростлаш винт 7 ли коромисло 8, стойка 18 ва пружиналар 16 би лан биргаликдаги коромисло ўқи 17 киради, ён клапанларда эса ростлаш болт 8 ли турткич 2 киради (4.8-расм). Турткичларнинг қуйидаги турлари ишлатилади: Думаловчи ролик ли, қўзиқоринсимон ва цилиндрик, А-41, А-01М ва ЯМЗ двигателларига махсус ўқда думаловчи роликли турткичлар ўрнатилади (4.9-расм). Турткич тешикларига мах сус бронза втулка 3 прессланади. Қўзиқоринсимон турткичнинг қуйи қисми таянч сирти ясси (Д-37Е, СМД-60,Д-160) ёки

сферик (ГАЗ-52) ҳолда бўлган тарелка кўринишида тайёрланади. Цилиндрик турткичда ҳам (ЗИЛ-130 ва ГАЗ-53) таянч сирти сферик бўлади. Штанга яхлит пўлат (СМД-60, ЗИЛ-130), яхлит алюминий қотишма (Д- 37Е, 24Д ва ГАЗ-53) ёки ички ковак пўлат (А-41, А-01М ва ЯМЗ) стержен - лардан иборат бўлади. Коромисло елкаларининг узунлиги турлича бўлган икки елкали пўлат ричаг. Қисқа елкасида резьбали тешик бўлади. Бу тешикка винт бураб кир - гизилади, бу винт ёрдамида коромисло узун елкасининг йўғон жойи билан клапан стержени орасидаги зазор ростланади. Бойканинг иш сирти силлиқланади ва термик ишлов берилади. Коромисло ўрнатиладиган пўлат ўқлар 17 цилиндрлар каллагининг юқори текислигига жойлашган стойкалар 18 га маҳкамланади (4.9-расм). Стойкалар цилиндрлар каллагига шпилькалар билан маҳ камланади. Коромислонинг валик бўйлаб силжишига йўл қўймаслик учун кериш пружина 16 қўйилади. Тақсимлаш вали ўзи жойлашган кулачоклар 29 ва 30 ёрдамида кла - панларни ҳаракатлантиради. Ҳар бир кулачок битта клапанни-киритиш ёки чиқариш клапанини ҳаракатлантиради. Тақсимлаш валлари пўлатдан ёки мо - дификация қилинган чўяндан тайёрланади. Тақсимлаш валининг таянч бў - йинлари, эксцентриклар ва кулачокларига термик ишлов берилади ва сил - лиқланади. Тақсимлаш валлари блок-картер деворлари ва тўсиқларига жой - лашган ёки цилиндрлар каллагининг кўндаланг тўсиқларига жойлашган сир - паниш подшипникларида айланади. Д-24, ГАЗ-52, ГАЗ-53 двигателларида тақсимлаш валида етакчи шестерня текстолитдан ясалган. Бошқа двига - телларда тақсимлаш шестернялари металдан тайёрланади. Декомпрессия механизми. Декомпрессия механизми юргизиш системаси механизмларидан бири ҳи - собланади. У дизель тирсакли вали айланиши енгиллаштириш учун хизмат қилади. Декомпрессия механизми газ тақсимлаш механизмининг ишлаши билан узвий боғланган.

Тирсакли вал айлантирилганда декомпрессияланган дизель секин-аста қизийди, ундаги мойнинг қовушқоқлиги кичиклашади, натижада айланишга бўлган қаршилик камаяди. Дизелнинг тирсакли вали етарлича айлинишлар частотасига етганда декомпрессия механизми тўхтатилиб, ёқилғи бериш бошланади. Д-37Е ва Д-160 дизелларда декопрессия механизми фақат кири - тиш клапанларига таъсир кўрсатади. СМД-14 дизели декомпрессия механизи ми бир вақтда барча клапанларни очади.

ФОЙДАЛАНИЛГАН АДАБИЁТЛАР 1. Mamatov X. Avtomobillar (Avtomobillar konstruksiyasi asoslari) 1 va 2 qism. Darslik, Toshkent, О‘qituvchi, 1995 yil. 2. Mamatov X. Avtomobillar (Avtomobillar konstruksiyasidan oliy о‘quv yurtlari uchun programmalashtirilgan о‘quv qо‘llanmasi). Toshkent, О‘qituvchi, 1998 yil. 3. Mamatov X.M. Turdiyev Y.T. Shomaxmudov SH.SH., Qodirxonov M.O. Av - tomobillar (Konstruksiya va nazariy asoslari). Darslik, Toshkent, О‘qituvchi, 1982 yil. 4. Sergeyev V.V. Avtotraktorniy transport. V.SH. Moskva-1984. 5. Anoxin V.I. Ustroystvo avtomobiley. M.,1977. 6. Bagirov D.D. D.V.S. stroitelnix i dorojnix mashin. M.,1974 7. Gurevich A.M. Traktori i avtomobili. M.,1978. 8. S.M.Qodirov, M.O.Qodirxonov. Dvigatel va avtomobillar nazariyasi. Toshkent, О‘qituvchi, 1981 yil. 9. T.S.Xudoyberdiyev. Traktor va avtomobillar nazariyasi hamda hi sobi. Toshkent, О‘qituvchi, 1984 yil.

O'xshashlar

Газ таксимлаш механизми

Двигателнинг кривошип-шатун ва газ таксимлаш механизми.

Узатмалар кутиси. Таксимлаш кутиси.

Ички ёнув двигателларининг иш жараени ва асосий курсаткичлари

АТХКС да автомобиллар диагностикасини ташкил этиш асослари