Автосервис корхоналарининг моддий-техник таъминоти - Transport - Referatlar

Автосервис корхоналарининг моддий-техник таъминоти

Yuklangan vaqt:

20.09.2019

Ko'chirishlar soni:

0

Hajmi:

614.5 KB

Ko'chirib olish

Автосервис корхоналарининг моддий-техник таъминоти Режа: 1. Моддий-техник ресурсларни умумий тавсифи 2. Автосервис корхоналарида ишлатиладиган буюм ва материаллар 3. Эҳтиёт қисмлар таъминоти тизими 4. Корхоналарнинг омбор хўжаликлари 5. Сервис корхоналарида ресурсларни меъёрлаш ва эҳтиёжларни аниқлаш 6. Моддий-техник таъминот тизимини ривожланиши

1 Моддий-техник ресурсларни умумий тавсифи Моддий-техник таъминот деганда, моддий бойликлар ишлаб чикариш ва уларни истеъмолчиларга етказиб бериш жараёни тушинилади. АСКнинг моддий техник таъминотига сервисга кирадиган автомобиллар учун керакли эксплуатацион материаллар, эҳтиёт қисмлар, агрегатлар, шиналар, аккумуляторлар ҳамда сервис корхонасини эҳтиёжи учун ва бир меъёрда ишлаши учун керакли бошқа материаллар билан таъминлаш вазифалари киради. Моддий-техник таъминот қайта ишлаб чикаришнинг асосий қисми бўлиб, у иқтисодий қонунларга бўйсунади. Нарҳ қонунининг таъсири маҳсулотни сотиш жараёнида намоён бўлиб, унинг вазифаси маҳсулотни ишлаб чиқаришдан то буюртмачигача белгиланган нарҳдан оширмасдан етказишни таъминлашдан иборат. Автомобил-тикланадиган мураккаб буюм бўлиб, уни ишлаш қобилятини ушлаб туриш учун мажбурий профилактик ва талаб асосида жорий таъмирлаш ишлари ўтказилади. Бу вақтда айрим детал, агрегат ва материаллар алмаштирилади. Агар АСК омборларида етарли даражада эҳтиёт қисм ва материаллар бўлса, техник таъсир ишлари сифатли ўтказилади. Мунтазам ишлашни таъминлаш учун АСК бир неча минг турдаги буюм ва материалларга эга бўлиши керак. Чет давлатларда автомобил ишлаб чиқарувчилар орасида, шундай қоида бор: «ким ишлаб чиқарса, ўша хизмат кўрсатади». Шу сабабли автомобилларни керакли эҳтиёт қисмлар билан таъминлашни асосан автомобил ишлаб чиқарувчи фирма (завод)лар ўз зиммасига оладилар. АСКда моддий-техник таъминотнинг асосий вазифалари қуйидагилардан иборат: -автомобилларга сифатли ва ўз вақтида хизмат кўрсатиш учун керак бўлган барча эҳтиёт қисм ва материаллар билан таъминлаш, - эҳтиёт қисм ва материалларни тежаш;

- эҳтиёт қисм ва материалларга ўз вақтида, керакли ном(номнклатура) ва ҳажми бўйича буюртма бериш, уларни қабул қилиш (сотиб олиш) ҳамда заҳирасини ҳосил қилиш ва сақлашни ташкил этиш. АСКда моддий-техник таъминотнинг самарадорлигини ошириш сарфҳаражатларни бозор иктисодиёти шароити асосига қуриш ва керакли меъёрлардан фойдаланиш билан узвий боғлиқдир. 2 Автосервис корхоналарида ишлатиладиган буюм ва материаллар Эҳтиёт қисмлар. ГОСТ 18322-78 га мувофиқ эҳтиёт қисм бу - бузилган деталлар ўрнига қўйиладиган заҳира детал ва узеллардир. Шунинг учун эҳтиёт қисмларни “совуқ” резерв заҳираси каби қаралади. АСКда қўлланиладиган буюм ва материаллар номенклатурасини 70% яқинини эҳтиёт қисмлар ташкил этади. Эҳтиёт қисмлар номенклатураси, бу–автомобилни ишлаб чиқарган корхонанинг техник ҳужжатлари асосида, маълум кетма-кетликда, деталларнинг каталог рақами ва номи бўйича тузилган рўйхат. Ҳар бир автомобил русуми учун эҳтиёт қисмлар каталоги мавжуд. Каталогларда агрегат, узел, тизимлар тузилиши ва унда жойлашган деталларнинг рақами, номи ва коди келтирилади. Булардан ташқари, Мустақил Давлатлар Ҳамкорлиги (МДҲ)да ишлаб чиқарилган автомобиллар учун номенклатура дафтари мавжуд. Унда эксплуатация жараёнида алмаштириладиган деталлар номенклатураси ва ҳар бир детал бўйича эҳтиёт қисмларнинг 100 та автомобил учун бир йилги меъёрий қиймати ва нарҳи берилади. Ушбу номенклатура дафтари орқали ҳар бир автосервис корхонаси ўз ишлаш шароитидан келиб чиққан ҳолда, керакли эҳтиёт қисмлар номенклатурасини, ҳажмини аниқлаб, буюртма беришлари мумкин. Автомобил шиналари ва аккумулятор батареялари. Бу турдаги буюмлар автомобил эҳтиёт қисмлар номенклатурасига кирмайди, шунинг учун автосервис корхоналарида уларнинг алоҳида ҳисоби олиб борилади ва режалаштирилади. Республикамизда эксплуатация қилинаётган

автомобиларда юзга яқин турдаги шиналар ва уларга тегишли камералар ҳамда ўндан ортиқ номдаги аккумулятор батареялари қўлланилмоқда. 3 Эҳтиёт қисмлар таъминоти тизими Ўзбекистонда 1991 йилгача марказлаштирилган моддий-техник таъминот тизими ишларди, у давлат омбор тармоқлари орқали агрегатлар, эҳтиёт қисмлар, технологик жиҳозлар ва эксплуатацион материалларни тақсимлаб, АСКга етказар эди. Ҳозирги вақтда бу тизим бозор иқтисодиёти шароитида чет давлатлар тажрибаларига асосланган ҳолда ишламоқда. Республикамиздаги АСКни эҳтиёт қисмлар билан таъминлаш тизимининг таркибий тузилиши 1-расмда келтирилган. Автомобил эҳтиёт қисмларини ишлаб чиқарувчи корхоналар гуруҳи қуйидагилардан иборат: автомобил ва эҳтиёт қисм ишлаб чиқарувчилар; мустақил пудратчи таъминловчилар; автомобил ишлаб чиқарган заводлар орқали агрегатларни таъмирлаш; тақлид қилувчи (имитатор)лар. Автомобил ва эҳтиёт қисм ишлаб чиқарувчилар томонидан тайёрланадиган асл эҳтиёт қисмлар (кузов, трансмииссия деталлари ва бошқалар) ишлаб чиқаришни бутлашдан ташқари, эксплуатациядаги автомобилларни таъминлаш учун ҳам юборилади. Мустақил пудратчи таъминловчилар га бутловчи сифатида ишлатиладиган детал ва узелларни ишлаб чиқарувчи ихтисослашган фирма (пудратчи завод)лар киради. Масалан Республикамиз худудида иш олиб бораётган етакчи қўшма корхоналар: “Ўз-Корам Ко” олдинги ва орқа бамперларни ҳамда приборлар панелини, “ЎзЭксайд” (аккумулятор батареяларини), “Автоойна” (автомобил ойналарини) ва бошқалар. Улар ўз буюмларини ишлаб чиқаришга етказиб берадилар ҳамда тизим омборлари ва ҳар хил турдаги дўконлар орқали сотадилар. Автомобил ишлаб чиққан заводлар орқали агрегатларни таъмирлаш. Йирик автомобил ишлаб чиқарувчи фирмалар ҳозирги вақтда ейилган деталларни ўз кучлари билан сифатли тикламоқдалар. Улар томонидан

двигател ва бошқа агрегатлар, буюмлар таъмирланади ва эҳтиёт қисм сифатида, эксплуатация жараёнида ишлатилади. Тақлид қилувчи (имитатор)лар  фақат сотиш учун эҳтиёт қисмларни ишлаб чиқарувчи кўп гуруҳли, етарли рақобатчи имитатор-корхоналардир. Бундай корхоналарда кўпинча кам номли деталлар номенклатураси ишлаб чиқарилади, уларнинг сифати ва стандартларга мослиги кафолатланмайди ҳамда нарҳи аслиятга нисбатан паст бўлади. 1-расм. Республикамиздаги автосервис корхоналари ни эҳтиёт қисмлар билан таъминлаш тизимининг таркибий тузил маси 4 Корхоналарнинг омбор хўжаликлари

АСК технологик жараёнини бошқаришда омбор хўжаликлари асосий бўғин бўлиб хизмат қилади. Омборлар -бу ишлаб чиқарувчидан олиб келинадиган резерв материал ресурсларни қабул қилиш, саралаш, жойлаштириш, сақлаш ҳамда улар заҳирасини бошқариш ва ишлатиш учун тайёрлаш, истеъмолчиларга топширишга хизмат қилувчи бино, иншоот, жиҳоз ва ҳар хил қурилмалар мажмуасидир. Автомобил ва эҳтиёт қисмларни ишлаб чиқарувчи завод (фирма)лардан то АСК етказиб бериш асосан уч босқичли омборлар мажмуасидан иборат: марказий, ҳудудий(регионал) ва дилерлик омборлари. Фирманинг автомобиллари географик ҳудудлар бўйича кенг тарқалган шароитларда, тўрт босқичли омборлар тизимидан фойдаланади: бунда марказий омбордан кейинги босқичда минтақавий(зона) омборлар бўлиб, улар ҳудудий омборлар гуруҳига хизмат кўрсатади. Марказий омбор - моддий-техник таъминот тизимининг асосий таркибий қисмидир. Бу омборда фирманинг ўзида ва чет давлатларда эксплуатация қилинаётган автомобиллар паркига керакли эҳтиёт қисмларнинг 80%га яқин номенклатураси (яъни 50-70 минг номдаги деталлар) сақланади. Сақланадиган эҳтиёт қисмлар номенклатураси, уларнинг ҳажми ва олиб келиш даврийликлари режа асосида олиб борилади. Режа эҳтиёт қисмларнинг олдинги йилги сарфига ва автомобиллар парки таркибига асосланиб тузилади. Бу омборга эҳтиёт қисмларнинг асл нусҳалари автомобил ишлаб чиқаручи ва пудратчи ҳамда фирма таркибидаги агрегат ва деталларни таъмирловчи заводлардан етказилади. Ҳар бир детал номи бўйича муқобил заҳира ҳажми йиллик талабнинг 30…35% даражасида сақлаб турилади. Марказий омборнинг бир нечта бўлимлари бўлиб, улар минтақа (регион)лар бўйича автомобил паркини ҳисобга олиш, буюртмаларни рўйхатлаш, сотилаётган, заҳирадаги ва келтирилаётган деталларни

назоратлаш, меҳнат сарфини ҳисобга олиш, бухгалтерия ҳисоби каби ишларни бажарадилар. Минтақавий (зона)омборлар - марказий омборнинг бўлимлари ҳисобланади. Уларнинг вазифалари ўз минтақаларидаги автомобил паркини эҳтиёт қисмлар билан таъминлашдир. Бу омборларнинг ҳажми улар томонидан хизмат кўрсатиладиган ҳудудлар сонига боғлиқ. Минтақавий омборларга эҳтиёт қисмлар, асосан, марказий омбордан келтирилади. Айрим вақтларда, эса мустақил равишда бу омборларга эҳтиёт қисмларнинг асл нусхалари автомобил ишлаб чиқаручи ва пудратчи ҳамда фирма таркибидаги агрегат ва деталларни таъмирловчи заводлардан тўғридан  тўғри олиб келинади. Уларда сақланаётган деталлар номенклатураси 20 минга яқин номдан иборат бўлиб, ўртача заҳира ҳажми 1,5…2 ойга етарли даражада ушланади. Максимал ва минимал заҳира ҳажми кўп йиллик тажрибаларга асосланиб, етарли даражасида ушланади, яъни ўртача максимал заҳира 2,5… 3 ойлик, минимали эса 1…1,5 ойлик талаб даражасидан ошмайди. Ҳудудий омборлар - минтақавий омборларнинг бўлимлари ҳисобланади. Бу омборлар автомобил парклари жамланган туманларда жойлаштирилади ва уларнинг вазифаси ушбу автомобил паркини керакли эҳтиёт қисмлар билан таъминлашдир. Агарда фирма автомобилларининг йиллик экспорти 2 мингдан ошса, ҳудудий омборлар бошқа давлатлар худудида ҳам ташкил этилади. Эҳтиёт қисмлар бозоридаги қаттиқ рақобат талаблари автомобил фирмаларини тезкор ишлашга ва янги бошқариш усулларини қўллашга жалб этади. Шу сабабли бу омборларнинг ҳажми улар томонидан хизмат кўрсатиладиган туманлар сонига боғлиқ. Уларда умумий эҳтиёт қисмлар номенклатурасининг 60%га яқини (10…15 минг номдаги деталлар) ва ҳар бир ном бўйича 2,5…3 ойлик заҳираси сақланади. Ҳудудий омборларга эҳтиёт қисмлар асосан минтақавий (ёки марказий) омборлардан келтирилади. Айрим вақтларда, мустақил равишда, бу омборларга эҳтиёт қисмларнинг асл нусхалари автомобил ишлаб чиқаручи ва пудратчи ҳамда фирма таркибидаги агрегат ва деталларни таъмирловчи заводлардан тўғридан  тўғри олиб

келинади. Ҳудудий омборлар юқори боқичдаги омборлар билан режа асосида биргаликда ишлайдилар. Ҳудудий омборлар фаолият кўрсатадиган ҳудудларда фирмалар йирик АСК марказини ташкил этадилар. 2- расм. Эҳтиёт қисм ва материалларни омбори Йирик дилерларнинг АСК марказининг омборлари ўз фаолияти учун ҳамда ҳудудларидаги кичик дилерлар учун керакли эҳтиёт қисмларга бўлган талабни қондиради. Уларда умумий эҳтиёт қисмлар номенклатурасидан 20%, асосан энг кўп талаб этиладиганлари (5...7минг деталлар) сақланади. Уларнинг ўртача заҳираси ҳар бир ном бўйича 1,5 ойга етади. Сақланадиган эҳтиёт қисмлар номенклатураси ва ҳажми дилерлик АСКнинг қуввати бўйича аниқланади (400...1000 номда). Бунда бирорта детал йўқ ҳолатида, уни фирманинг АСК марказидаги (йирик дилер) омборидан ёки регионал омбордан 1-2 кун, баъзида бир неча соат ичида етказиб берилиши эътиборга олинган. АСК ўз ҳудудида мижозлар автомобилига эҳтиёт қисм ва материаллар билан қўшимча таъминлаш мақсадида чакана савдо қилувчи дўкон ва омборлар ташкил этадилар. Бундай ихтиссослашган дўконларда сотиладиган

эҳтиёт қисм ва материаллар номенклатураси АСК вазифаси ва қувватига боғлиқ. АСК омборларида сақланадиган ва унинг худудида жойлашган дўконларда сотиладиган эҳтиёт қисм ва материаллар сифати ва стандартларга мослиги кафолатланади. АСК омборида сақланадиган эҳтиёт қисмлар ҳажми ва номенклатураси бўйича мижозлар тез-тез талаб этадиган деталлардан иборат бўлиши керак. 5 Сервис корхоналарида ресурсларни меъёрлаш ва эҳтиёжларни аниқлаш АСКнинг эҳтиёт қисмларга бўлган талабини аниқлашда, уларни сарфлаш меъёридан фойдаланилади. Сарфлаш меъёрлари, эҳтиёт қисмларни ишлаб чиқариш, режалаштириш ва уларга буюртма бериш ҳажмини ҳамда АСК бўйича эҳтиёт қисмларга кетадиган сарфларни аниқлашда ишлатилади. Номенклатура меъёри, ҳар бир детал бўйича ўртача эҳтиёт қисмлар сарфини белгилайди, яъни дона, 100 автомобил учун, бир йилга. Номенклатура бўйича эҳтиёт қисмлар меъёри асосан уч усул бўйича аниқланади: 1. Деталларнинг ҳақиқий сарфи; 2. деталларнинг ресурси; 3. эҳтимоллик усули. Деталларнинг ҳақиқий сарфи бўйича усулда, маълум давр ичида (кузатув вақтида) назорат остига олинган автомобиллар эксплуатацияси жараёнида, АСК ва таъмирлаш корхоналарида, ҳар бир детал бўйича ҳақиқий сарфланган эҳтиёт қисмлар сони асосида меъёр аниқланади (НАМИ усули): ( М э  М к )100 L й Н  , (1) L умум бу ерда: Н a –эҳтиёт қисм сарфи меъёри (кўрилаётган детал бўйича), дона  100 автомобил учун бир йилга; М Э – эксплуатация жараёнидаги деталларнинг ҳақиқий сарфи, дона; М К – таъмирлаш корхоналарида

автомобилларни таъмирлаш жараёнидаги деталларнинг ҳақиқий сарфи, дона; L Й – автомобилларнинг меъёрий, йиллик йўли, минг км; L умум - назорат остига олинган автомобиллар кузатув вақтида босиб ўтган масофалар йиғиндиси, минг км. Мисол: деталларнинг ҳақиқий сарфи усули билан эҳтиёт қисм сарфи меъёрини аниқланг. Керакли маълумотлар 1-жадвалда келтирилган. Эҳтиёт қисмлар сарф меъёри: Н   41 дона  100авт.бир йил Деталларнинг ресурси бўйича эҳтиёт қисмлар сарф меъёрлари деталларнинг ишончлилиги (ресурси), эксплуатация жадаллиги ва автомобилларнинг ҳисобдан чиқарилгунгача хизмат муддати бўйича маълумотлар тўпланиб, қуйидагича аниқланади: H  100  n(L a  L l )/(L 2  t a ), (2) бу ерда: Н –эҳтиёт қисм сарф меъёри (кўрилаётган детал бўйича), дона  100 автомобил учун бир йилга; n - автомобилдаги бир хил номли деталлар сони; L а - автомобилнинг амортизация масофаси, минг км; L 1 - деталнинг биринчи алмаштиргунча бўлган ресурси (ишлаган муддати), минг км; L 2 - деталнинг алмаштиришлар орасидаги ресурси, минг км; t а - автомобилнинг хизмат муддати, йиллар. 1-жадвал Эҳтиёт қисмлар сарфи меъёрини деталларнинг ҳақиқий сарф усули билан аниқлаш Кўрсаткичлар Белгиланиш и Бирли ги Қиймати Эксплуатация жараёнида деталларнинг ҳақиқий сарфи М Э дона 55 Таъмирлаш корхоналарида, автомобилларни таъмирлаш жараёнида деталларнинг ҳақиқий сарфи М К дона 0 Автомобилларнинг меъёрий L Й минг 15

йиллик йўли км Назорат остига олинган автомобиллар кузатув вақтида босиб ўтган масофалар йиғиндиси Lумум минг км 2000 Деталларнинг биринчи ва кейинги алмаштиришлари орасидаги ресурслари камайган сари, эҳтиёт қисмлар сарфи ошиб боради. Автомобилдаги бир хил номли деталларнинг сони ошган сари, меъёри ҳам ошиб боради. 11 формула эса L a >L 1 шарт бажарилган вақтдагина ўринли. Мисол: кўрилаётган деталнинг ресурси бўйича эҳтиёт қисм сарф меъёрини аниқланг. Керакли маълумотлар 2-жадвалда келтирилган. 2-жадвал Эҳтиёт қисмлар сарф меъёрини деталларнинг ресурси бўйича аниқлаш Кўрсаткичлар Белгиланиш и Бирли ги Қиймати Автомобилдаги бир хил номли деталлар сони n дона 2 Автомобилнинг амортизация масофаси L а минг км 700 Детални биринчи алмаштиргунча бўлган ресурс L 1 минг км 150 Деталнинг кейинги алмаштиришлар орасидаги ресурси L 2 минг км 120 Автомобилнинг хизмат муддати t а йил 20 Эҳтиёт қисмлар сарф меъёри: H  100  2(700  150)/(120  20)  46 дона  100авт.бир йил Агар L a  L 1 бўлса, эҳтимоллик усули қўлланилади. Эҳтимоллик усули АСК учун эҳтиёт қисмларга бўлган эҳтиёжни аниқлашда эҳтимоллик усули ҳам қўлланилади. Бу усул бўйича автомобиллар паркининг “ёши”

(йиллар ёки ўтилган масофа бўйича автомобил гуруҳи) ва шу “ёш” гуруҳига тўғри келувчи буюмнинг бузилишлар оқими параметри ҳамда эҳтиёт қисм эҳтиёжи аниқланиши керак бўлган давр ҳисобга олинади: k Q ўр  A i   i ( L )   L , (3) i  1 бу ерда: Аi – i-нчи “ёш” гуруҳидаги автомобиллар сони, дона;  i (L) – iнчи “ёш” гуруҳига мос келувчи буюмнинг бузилишлар (алмаштиришлар) оқими параметри, бузилиш  буюм 1000 км;  L – оралиқ масофа, минг км; k – “ёш” гуруҳлари сони. Паркдаги i-нчи “ёш” гуруҳи автомобиллари сонини топиш учун, энг аввало, уларнинг фойдаланишдан бошлаб, то башорат охиригача босиб ўтадиган масофа (L баш )си ва унинг ўрта квадратик оғиши (  áàø ) аниқланади: Lбаш  Lбаш.б   Lбаш, (4)  áàø   áàø 2 . á    áàø 2 , (5) бу ерда: L баш.б ,  áàø . á – мос равишда автомобилнинг фойдаланишдан бошлаб то башорат бошлангунгача босиб ўтган ўртача масофаси ва унинг ўрта квадратик оғиши, минг км;  L баш ,   áàø – мос равишда автомобилнинг башорат даврида босиб ўтиладиган масофаси ва унинг ўрта квадратик оғиши, минг км. 4 ифода бир бирига боғлиқ бўлмаган тасодифий катталиклар қийматларининг йиғиндисидан иборат ва у (L баш ) тасодифий катталик нормал қонуни билан тақсимланса. У ҳолда (L баш ) тасодифий катталик автомобил паркининг қайси «ёш» гуруҳига тушиш эҳтимоллиги қуйидагича аниқланади:  Bi  Láàø  *  Ai  Láàø  Pi ( Ai  L  Bi )  Ô    Ô   , (6)   áàø    áàø  бу ерда: A i ва B i – мос равишда автомобилларни i-нчи “ёш” гуруҳ масофа оралиғининг бошланиши ва охири, минг км; Ô *  Z  -Лаплас функцияси, P i ( A i  L  B i ) - автомобилларни i-нчи “ёш” гуруҳига тушиш эҳтимоллиги.

Агарда (L баш ) тасодифий катталик бошқа қонунлар бўйича тақсимланса, автомобилларни i-нчи “ёш” гуруҳига тушиш эҳтимоллигини – қонуннинг тақсимлаш зичлигини кўрилаётган оралиқ бўича интегралаб топилади. Автомобиллар ( A i ) i-нчи “ёш” гуруҳидаги сони қуйидагича аниқланади: A i  A P * P i ( A i  L  B i ) , (7) бу ерда : A P - автосервис корхонасида йил давомида хизмат кўрсатиладиган автомобиллар бўйича кўрилаётган автомобил турининг сони . Синов натижалари бўйича буюмнинг бузилишлар оқими параметри ҳар бир оралиқ учун қуйидагича аниқланади : n j  ( L )  , (8) N j  L бу ерда : n j - кўрилаётган буюм бўйича j- нчи оралиқда вужудга келган бузилиш ( алмаштириш ) лар сони ; N j - j-нчи оралиқда назорат остидаги автомобиллар сони;  L -оралиқ масофа (5, 10, 20, 25, 40, 50), минг км. Оралиқлар бўйича аниқланган буюмнинг бузилишлар оқими параметрини амалда қўллаш учун назарий эгри чизиқлардан фойдаланилади, яъни  (L)  C 1 L  C 2 L 2  C 3 L 3  ….  C n L n , (9) бу ерда: С 1 , С 2 , …, С n – полином коэффициентлари. Мисол: муаййан детал бўйича синов натижаларига кўра оралиқлардаги бузилиш оқими параметрини ва назарий эгри чизиқ тенгламасини аниқланг. Керакли маълумотлар, ҳисоб натижалари 3  жадвал ва 3  расмда келтирилган. 3-жадвал Бузилиш оқими параметрини ҳисоблаш Кўрсаткичлар Оралиқлар, минг км 0 1 0 1 0 2 0 2 0 3 0 3 0 4 0 4 0 5 0 5 0 6 0 6 0 7 0 7 0 8 0 8 0 9 0 9 0 1 00

Автомобиллар сони- N i 2 5 2 5 2 5 2 5 2 5 2 5 2 4 2 2 2 1 2 0 Бузилишлар сони-n i 1 2 4 3 4 3 5 5 4 4 Бузилишлар оқими параметри-  i Эгри чизиқ тенгламаси  (L)  4  10 -8 L 3 -8  10 -6 L 2  6  10 - 4 L i-нчи “ёш” гуруҳи учун назарий бузилишлар оқими параметри қуйидагича аниқланади. B i   ( L ) dL  i ( L )  Bi , (10)  L ÁÀØ “Ёш” гуруҳининг оралиғи (  L БАШ ), бир ойлик, чорак, ярим ёки бир йиллик босиб ўтиладиган масофалар асосида, яъни эҳтиёт қисмлар қайси давр учун аниқланаётганига қараб олинади. 3-расм. Буюмнинг бузилишлар оқими параметрининг масофа бўйича ўзгариши 0,004 0,0080 0,0160 00, 120 0,0160 0,0120 0,0208 0,0227 0,0190 0,0200

6 Моддий-техник таъминот тизимини ривожланиши АСКлари моддий-техник таъминоти тизими такомиллашуви ва ривожланишининг асосий йўналишлари қуйидагилардан иборат: - автомобилларни ишлаш қобилиятини сақлаш ва тиклаш тизимига талаб қўйиш; - хизмат кўрсатиш турлар сонини кўпайтириш; - хизмат нарҳларин камайтириш; - сервис учун кетадиган вақтни камайтириш; - юқори савияда хизмат кўрсатиш; - тез-тез талаб этиладиган эҳтиёт қисм ва материаллар заҳирасини бозор иқтисодиёти шароитидан келиб чиқан ҳолда сақлаш; - омборда йўқ деталларни қисқа вақт (5-7 кун) ичида етказиб бериш; - эҳтиёт қисм ва материаллар сотишда ахборот ва компьютер дастурларидан кенг фойдаланиш; - хизмат кўрсатиладиган автомобиллар парки ҳисобини олиб бориш; - эҳтиёт қисмлар сарфининг ҳажми ва номенклатурасини доимий таҳлил қилиб бориш; - керакли деталларга ўз вақтида буюртма бериш; - олиб келинаётган эҳтиёт қисм ва материаллар сифати стандартларга мослигини доимий текшириш; - эҳтиёт қисмлар нарҳини назоратлаб бориш; - эҳтиёт қисм заҳирасини бошқариш кўрсаткичларини доимий равишда таҳлил этиш; - мижозларнинг таклиф ва этирозларини инобатга олиш; - омбор хўжалигида бажариладиган технологик жараёнларни механизациялаш ва автоматлаштириш; - махсус ходимларни тайёрлаш; - ходимлар малакасини ўз вақтида ошириш; - мижоз ва хизмат кўрсатувчи корхона орасидаги ишончни кучайтириш; - фирмавий хизмат кўрсатишни ривожлантириш;

- автосервис корхонасининг рақобатбардошлигини ошириш. Фойдаланилган адабиётлар 1. Каримов И.А. Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари./И.А.Каримов.- Т.: Ўзбекистон, 2009.-56 б. 2. Каримов И.А. Асосий вазифамиз - ватанимиз тараққиёти ва халқимиз фаровонлигини янада юксалтиришдир/ И.А.Каримов.- Тошкент: «Ўзбекистон», 2010.- 80 б. 3. Ўзбекистон Республикаси Президентнинг 2006 йил 17 апрелдаги «Ўзбекистон Республикасида хизматлар ва сервис соҳасини 2006-2010 йилларда жадал ривожлантириш чоралари ҳақида» қарори.

4. Ўзбекистон Республикаси Президентининг 2009 йил 22 апрелдаги "2009 - 2014 йилларда Ўзбекистон миллий автомагистралини реконструкция қилиш ва ривожлантириш чора-тадбирлари тўғрисида" П+-1103-сонли қарори. 5. Ўзбекистон Республикаси Президентнинг 2007 йил 21 майдаги «Ўзбекистон Республикасида хизматлар ва сервис соҳасини 2010-йилгача бўлган даврда жадал ривожлантириш қўшимча чоралари ҳақида» қарори. 6. Ўзбекистон Республикаси Президентнинг 2007 йил 24 июлдаги ПП675-сонли ««ЎзДЭУавто» АЖ янги моделлар ишлаб чиқариш чоралари ҳақида» қарори.

O'xshashlar

Автосервис хизмати корхоналарининг ишлаб чикариш техник базаси

Автосервис корхоналарининг ишлаб-чикариш участкалари ва технологик жиҳозлари

Аткларда моддий техник таъминот хизмати вазифалари

Моддий-техник таъминот усуллари ва воситалари

Автосервис корхоналарида ишлаб чикариш моддий базаси ва жараёнлари