Автосервис корхоналарида ишлаб чикаришни ташкил этиш - Transport - Referatlar

Автосервис корхоналарида ишлаб чикаришни ташкил этиш

Yuklangan vaqt:

20.09.2019

Ko'chirishlar soni:

0

Hajmi:

49.5 KB

Ko'chirib olish

Автосервис корхоналарида ишлаб чикаришни ташкил этиш Режа: 1. Автомарказлар ва автомобилларга техник хизмат кўрсатиш станцияларида (АТХК)ишлаб чиқариш жараёнлари: автомобилларни ювиш,қуритиш, қабул қилиш ва эгасига топшириш, диагностика, ТХ ва таъмирлашни ташкил этилиши. 2. Турли қувватли ва максадли автосервис корхоналар ишлаб чиқаришлари жараёнларининг ташкил этилиши чизмаси. 3. Ишлаб чиқаришни кооперациялаштириш ва ихтисослаштириш. 4. Автомобилларни қабул қилиш ва эгасига топшириш тартиби.

АТХКС ларида автосервис хизмат турларининг энг мухимлари автомобилларга ТХ кўрсатиш ва уларни таъмирлашдир. Хизматни бошқа турлари тижорий ва техник аҳамиятга эга бўлсада шу икки хизматга йўлдош сифатида бажарилади. Техник хизмат (ТХ) ва таъмирлаш ишлари ишлаб чиқариш биносининг махсус жиҳозланган ишчи постлари ва устахоналарида бажарилади. Автомобилларни ўзида бажариладиган ишлар пост ишлари деб аталади ва махсус постларда бажарилади. Автомобиллардан чиқариб олинган агрегатлар, асбоб-приборлар, қисмлар эса махсус устахоналарга келтирилиб таъмирланади ва созланади. АТХКстанцияларининг ишлаб-чиқаришини ташкил этиш технологияси (тартиби ёки кетма-кетлиги) ягона ўзаро богланиш мезони асосида автомобилни ювиш-йигиштириш-қабул қилиш учун кўриб чиқиш ва зарур бўлган ҳолларда автомобилни диагностика постидан ўтказиб бажариладиган ишлар ҳажмини олдиндан тахминий аниқлаш ва уларни бажариш шартларини мижоз билан келишишдан бошланади. Шуни айтиш зарурки, қайси ва қандай ишларни бажарилишни танлаш ва буюриш мижознинг хуқуқидир. Бунда, албатта сервис ходими унга малакали тушинтириш ёрдамини кўрсатиши мумкин. Мижоз билан сервис қабул қилувчи мутахассиси барча асосий масалалар (ишлар ҳажми, бажариш муддати ва хизмат нархи) бўйича келишилиб керакли хужжатлар тўлдирилгандан сўнг (техник ҳолат далолатномаси, буюртма-наряд) автомобил ТХ кўрсатиш ёки таъмирлаш зонасига (участкасига) жўнатилади. Агар ТХга қўшиб таъмирлаш ишлари бажариш талаб этилса , олдин таъмирлаш , сўнгра ТХ ишлари бажарилади. Барча буюртма-наряддаги ишлар бажарилиб бўлингандан сўнг автомобил техник назоратдан ўтказилиб эгасига топширилади. Изоҳ қилинган технологик жараённи қуйидаги чизма шаклида келтириш мумкин.

Шуни таъкидлаш керак-ки, ҳамма ҳолларда ҳам автомобилни ювиш -тозалаш, қабул қилиб кўздан кечириш ишлари бажарилади, хавфсизликни таъминловчи механизмлари ва тизимлари диагностикадан ўтказилади, зарурат бўлса чуқур диагностика қилиб сўнг ишчи постларга ёки кутиш жойларига жўнатилади. Одатда қабул қилиш ва техник-назорат қилиниб эгасига топширилиш постлари бирлаштирилиб бир жойда автомобил бир мутахассис томонидан қабул қилинади ва ҳамда эгасига топширилади. Йирик ва ўрта қувватли АТХКСларида ТХ ва таъмирлаш участкаларининг айрим ишчи постлари баъзи ишларни бажаришга ихтисослашган бўлишлари мумкин, масалан, мойлаш ва мойларни алмаштириш пости, тормозларни текшириш ва созлаш, олдинги гилдиракларни ўрнатиш бурчакларини назорат қилиш ва созлаш постлари ва ҳ.к. ТХ ва таъмирлашнинг барча умумий ишлари, чунончи, созлаш , қотириш, агрегатлар, қисмларни ўрнидан ажратиб олиш ва ўрнига қўйиш, ва х.к кабилар бажариладиган постлар универсал постлар деб аталади ва кўпчиликни ташкил этади. Кичик қувватли станцияларнинг (2-6 постли) постлари асосан универсал постлардан иборатдир. Йирик ва баъзан ўрта қувватли АТХКС ларида автомобиллардаги майда таъмирлаш ишларини (3 ишчи-соатгача) бажариш учун алоҳида,кириш ва чиқиш учун қулай бўлган жойда, махсус махсус постлар ажратилади. Бунда автомобилни ювиш-тозалаш ва қабул қилиш участкаларидан ўтиши талаб этилмайди. Автомобил шундоқ келадию, қабул қилувчи билан келишилган ҳолда бўш турган постга киритилади ёки бўш бўлмаган ҳолда кутиб туради. Шу жойни ўзида, айнан шу постда, барча ишлар бажарилади ва автомобил чиқиб кетади.

Баъзан, асосан чет эл амалиётида, шу постларни қаторида ўз-ўзига хизмат кўрсатиш постлари ҳам ажратилади, яъни мижоз ўзи ёки ёрдамчиси билан ўзлари мўлжалланган ишларни ўзлари бажариб олишади. АТХК корхоналари ишлаб-чиқариш технологиясининг мухим элементлари бу жараёнларни механизациялаштириш, автомотизациялаштириш ва компъютерлаштиришдир. Механизация тўгрисида аввалги машгулотимизда гап кетган бўлса автоматизация қўлланилганда технологик жараёнлар ишларини бажарувчи машина ёки машиналар жамламаси шу ишларни бажарибгина қолмай, балки шу технологик жараённи бошқариб ҳам боради.Технологик жараённи бошқариш инсонлар томонидан ишлаб чиқилган махсус дастурлар ёрдамида бажарилади. Автосервис соҳасида автомобилларни ювиш, диагностика қилиш, омбор хўжаликларида автоматизацияни қўллаш айниқса мақсадга мувофиқдир. Компъютерлаштириш эса барча ҳисоб-китоб, ахборот олиш ва уни сақлаш ва тарқатишда беназир воситадир. Ишлаб-чиқаришни ташкил этилишининг технологияси, яъни барча ишлар бажарилишининг кетма -кетлиги, тартиби ишлаб чиқилар экан, бу технология рационал, энг мақсадга мувофиқ бўлишига интилинади. Мақсадга мувофиқ (рационал) технологик жараён эса қуйидаги талабларга жавоб бериши лозим: -содда ва қулай бўлиши; -ҳаммабопли ва универсаллиги; -ишларни якунлашга имкон бериши; -хавфсизлиги;

-механизация ва автоматизация воситаларини кенг қўллашга имкон беришидир. Ҳаммабоп технология дейилганда унинг кўп маротаба, бошқа жойларда ҳам қўллаш имконияти мавжудлиги тушунилади, универсаллиги дейилганда турли-моделдаги, типдаги автомобилларга хизмат кўрсатишда ҳам шу технологияни қўллаш мумкинлиги тушунилади. Технологияни якунловчанлиги эса автомобил ҳар бир участкадан ўтган пайтда шу участкада мўлжалланган барча ишлар тўла бажарилиши зарурлигини билдиради. Албатта рационал, мақсадга мувофиқ технологияда меҳнат унуми ва сифати юқори бўлишлиги зарур ва шарт. Автосервис хизмати кўрсатувчи йирик компаниялар, фирмалар ўзларининг автомарказлари, АТХКСлари ва дилер станциялари учун ишлаб-чиқариш жараёнларининг ташкил этилишини турли вариантларини ишлаб-чиққанлар ва қўллаганлар. Биз юқорида келтирилган чизма эса шу вариантларнинг биридир.

АДАБИЁТЛАР 1. Афанасьев Л.Л. и др. Гаражи и станции технического обслуживания автомобилей.- М.: Транспорт, 1980 г. 2. Техническая эксплуатация автомобилей. Учебник для ВУЗов. Под ред. Е.С.Кузнецова.-М.: Транспорт, 2001 г. 3. Е.С.Кузнецов. Техническая эксплуатация автомобилей в США.-М.: Транспорт, 1992 г. 4. Г.Ф.Фастовцев. Автотехобслуживание. М: «Машиностроение» 1985г. 5. Г.Ф.Фастовцев. Организация технического обслуживания и ремонта легковўх автомобилей. – М.: Транспорт, 1989 г. 6. М.И.Гриф и др. Качество, эффективность и основў сертификации машин и услуг.-М.: Транспорт, 1999 г. 7. Г.М.Напольский. Технологическое проектирование автотранспортнўх предприятий и станций техобслуживания автомобилей.-М.: Транспорт, 1993. 8. А.И.Хлявич. Обслуживание автомобилей.- М.:Транспорт,1989 г. 9. Руководство по обслуживанию автомобилей « DAEWOO », KOREA , 2000.

O'xshashlar

Автосервис корхоналарида ишлаб чикаришни ташкил этиш ва бошкариш

Автосервис корхоналарида ташҳислашни ташкил этиш.

Автосервис корхоналарида мехнатни ташкил этиш, ишлаб чикариш ва ходимларни бошкариш

Автосервис корхоналарида техник сервис технологик жараёнини ташкил этиш

Автосервис корхоналарида ишлаб чикариш фаолияти