Uyg’onish davri Fransiya kostyumi tarixi - To'qimachilik - Referatlar

Uyg’onish davri Fransiya kostyumi tarixi

Yuklangan vaqt:

20.03.2024

Ko'chirishlar soni:

0

Hajmi:

135.5 KB

Ko'chirib olish

Uyg’onish davri Fransiya kostyumi tarixi XVI asr davomida Fransiya G’arbiy Yevropadagi qudratli davlatlardan biriga aylandi. Fransiya mutlaqligining — absolyutizmining xalqaro munosabatlardagi asosiy maqsadi Yevropada o’z mavqeini kuchaytirish va so’ngra o’z yerlarini ko’paytirish edi. Lekin muvaffaqiyatsiz olib borilgan urushlar Fransiyaning axvolini og’irlashtirib, ularga qaram qilgan. Kuchli Ispaniya Fransiyaning madaniyati va kostyumini butunlay o’ziga qaratib ololmadi. XV asr oxiridan boshlab Fransiyaga asta-sekin Italiya Renessansining gumanistik dunyoqarashi va badiiy ideallari tarqalgan edi. Adabiyotda va san’atda o’zining realistik yo’nalishi paydo bo’lgan. U taniqli yozuvchi Rable va rassom Kluening ijodlarida o’z ifodasini topgan. Me’morchilikda antik ta’sir sezilar edi. Fransiya qiroli Fransiss I o’z saroyiga ishlashga Italiyadan mashxur rassomlarni (Leonardo da Vinchi, B. Chelinini va boshqalar) taklif qilgan. Erkaklar kostyumi. Fransiya kostyumi Ispaniya kostyumiga taqlid qilsa xam, ular kostyumida o’z dinini va fe’lini ifodalagan o’ziga xos xususiyatlar sezilgan. Fransiya kostyumlariga doimo qandaydir milliy didga oid yumshoqlik, yengillik kiritilardi. Ularning kostyumi yorqin, och va quvnoq bo’lib, erkin va elegant xarakat qilishga imkoniyat bergan. Modada og’ir matolar — baxmal, movut, shoyi, kimxob bo’lgandi. Shu qimmatbaxo matolar tilla va kumush kashta va mayda marvarid bilan bezatilardi. Etiket bo’yicha aslzodalarga mansub kostyumlarning soni 30 dan kam bo’lmasligi kerak edi va xar kuni kiyimni almashtirish zarur edi. Bu davrda "aristokratlar o’z boyligini yelkasida olib yuradi" degan maqolning paydo bo’lishi bejiz emas edi. Erkaklar oq, kashta qilingan ko’ylak, oldi ochiq kamzol, ishton-paypoq va kalta sharsimon ishton "briches"ni kiyishardi. Ustki kiyimi oldi ochiq, beli maxkam bog’langan kaftan bo’lgan. Asr o’rtasida modaga ko’pincha qaytarma yoqali plashchlar kirgandi (rasm).

rasm. Uyg’onish davri Fransiya erkaklar kostyumi Oyoq kiyimning to’mtoq tumshug’i — ayiqning oyog’i — kesimlar va kashtalar bilan bezatilardi. Kalta qirqilgan sochlar, soqol va mo’ylovlar modada edi. Fransuz beretlari Ispaniya beretlariga nisbatan keng, qattik soyabonli bo’lib, pat bilan bezatilardi. XVI asrning oxirida erkaklar kostyumiga yana bitta o’zgarish kiritilgandi. Kostyum oddiyroq va odmiroq, bo’lgandi. Unga qirol Genrix IV ning qarorlari sabab bo’lgandi. Ularga binoan, dvoryanlarning kiyimi to’q, odmi, ammo qimmatbaxo va nozik bo’lishi shart edi. Kolet kengrok bo’ldi, unga faqat frezani emas, balki shu paytda paydo bo’lgan qaytarma yoqa qilishgandi. Plashchlar uzaydi va ko’pincha bir yelkaga tashlab yuradigan bo’lishdi. Pantalonlarning uzunligi tizzagacha uzaydi va ular yumshoq burmali bo’ldi. prichoskalari xam o’zgardi. Modaga orqasiga silliq taralgan uzun sochlar kirdi. Qirolning sochi erta oqargani uchun chakkasidagi sochini upalash modaga kirdi. Bosh kiyimi oq tuyaqushning pati bilan bezalgan soyabonli shlyapa edi. Ayollar kostyumi. Ayollar kostyumi erkaklarnikiga nisbatan ispan modasi ta’siriga kamroq tushgandi. Ispan ko’ylaklarini fransuz ayollari faqat odob yuzasidan tantana munosabati bilan kiyishardi. Bu og’ir va noqulay kiyimlarni ular o’zlarini didlariga moe o’zgartirgan edilar: bo’ynini va ustki ko’ylakning oldini ochiq qilib, kiyimini boyroq bezatishardi. XVI asr birinchi yarmida ispan modali silueti konussimon shaklni eslatardi. Ichki va ustki ko’ylaklar karkasga tortilgandi, tor lifi dekoltesi "kare" edi. Ba’zan, dekol tesi uloq "shemizetka" bilan berkitilardi. yenglarining boshi tor bo’lib, uchi

juda kengaygandi va ko’pincha mo’yna manjetli edi. Ustki ko’ylagining yengi orasidan ichki ko’ylakning yenglari ko’rinardi. Asr o’rtalarida ayollar kostyumi erkaklarnikidek ispan modalariga o’xshardi. Shu davrda ayollar kostyumida birinchi marta korset ixtiro qilingandi. Ko’ylakning silueti avvalgiday bo’lgan, faqat yenglari o’zgargandi. Ustki ko’ylak yengining shakli kichkina bufli edi. Uning kesimlaridan ichki ko’ylakning yengi ko’rinardi. Ba’zan, ustki ko’ylakning yengi o’rta asrlarning valikli jigo yoki qanotcha larini eslatardi (40-rasm). Prichoskalar — marjon bilan bezatilgan, sochlar ikki yarim doira shaklida peshonada joylangan. Bosh kiyimlar pricheska shakliga mos tur bilan bezalgan chepetslar va beretlar edi. Tur bilan bezatilgan dastro’mollar va yarim niqoblar urf bo’lgan. Marvarid marjonlar va uzun dekorativ kamarlar antiqa bezak edi. XVI asr oxirida ayollar kostyumining shakllari keskin o’zgargandi. Asosan, yubkaning shakllari o’zgargandi. Oldin yubka keng taxlamli bo’lgan bo’lsa, endi esa uning shakli abajurga o’xshash shaklga aylangandi. Yubkaning tagidan qattik karkas va uning ustidan belga aylana "g’ildirak"simon valikni kiyishgandi. Lif yana toraydi. Belni ingichkaroq ko’rsatish uchun lifning old "uchburchak" li yubkaga uzaytirilgandi. yenglarning shakli avvalgiday qolgandi va to’qa bilan biriktirilgan yotiq kesimlar qilinardi. Dekolte ovalsimon va juda chuqur bo’lganligi

tufayli "shemizetka" bilan berkitilardi. Yoqa shakli xam juda o’zgardi. Frezaning o’rniga boshdan balandroq ko’tarilgan karkasli tik yoqa kirgandi. Yoqa bir yoki ikki qavatli bo’lishi mumkin edi. Prichoskalar ikki xil bo’lib — yo sochlarni jingalak qilib orqaga tashlab yurishardi yoki simli karkas yordamida tepaga ko’tarib qo’yishardi. Niqoblar did-farosatga qarab tanlanardi. Kostyumning qo’shimchalari: taxlama yelpig’ichlar, xamyonlar, oynachalar, piyoz shaklli zanjirga osilgan soatlar, tasma yordamida belga teri parchalari (burgani tutish uchun) osilgan edi.

Adabiyotlar: 1. Karimov I . A . Istiqlol va ma ’ naviyat . – T .: «О’ zbekiston », 1994. 2. Mirziyoyev Sh . M . Buyuk kelajagimizni mard va olijanob xalqimiz bilan birga quramiz . – T .: « O ’ zbekiston », 2017. 3. Ха kimov А . А . O’zbekiston san’ati. – Т ., 2001. 4. Abdullayev N.U . San’at tarixi. 1- tom . – T .: « O ’ qituvchi », 1986. 5. Вошинина А.И. Античное искусство. – M ., 1962. 6. Malikova S.S. Tasviriy san’at tarixi. – T., 2008. 7. Sadikova N . O’zbek milliy kiyimlari: XIX–XX asrlar. – T., 2006. 8. Oydinov N. O’zbekiston tasviriy san’ati tarixidan lavhalar. – T.: «O’qituvchi», 1997.

O'xshashlar

Uyg’onish davri Ispaniya kostyumi tarixi

Uyg’onish davri Italiya kostyum tarixi

Qadimgi dunyo kostyumi tarixi. Qadimgi Misr kostyumi tarixi

Qadimgi Rim kostyumi tarixi

Qadimgi Xitoy kostyumi tarixi