Технологик жараённи технологик схемасини тахлил қилиш - To'qimachilik - Referatlar

Технологик жараённи технологик схемасини тахлил қилиш

Yuklangan vaqt:

20.09.2019

Ko'chirishlar soni:

0

Hajmi:

54 KB

Ko'chirib olish

Технологик жараённи технологик схемасини тахлил қилиш Reja: 1. Технологик жараенни мослик коэффициенти. 2. Мослик графигини тузиш мақсадлари. 3. Тартиб графигини тузиш мақсади ва услуби.

Технологик схема тузилгандан кейин потокдаги ташкилий операцияларни тузишнинг шартларига қанчалик риоя қилинганлигини текшириб кўриш зарур. Бунда потокдаги хамма ташкилий операцияларнинг бажарилиш вақтларининг умумий якуни, поток тактига қанчалик мосланганлигини эса поток операцияларининг мослик коэффициенти билан текширилади: Т б - битта буюмни тикиб битказишга сарфланадиган вақт. N а - технологик схема потогида амалда ишлаб турган ишчилар сони. Потокдаги ҳамма ташкилий операциялар вақтларининг умумий якуни тўғри мосланган бўлади, агар К м бирга нисбатан _ + 1 - 2 % фарқ қилса,ёки қуйидаги чегара ичида бўлса: а) қатьий ритм тартиби бўйича ташкил қилинган потоклар учун К м = 0,99- 1,01 б) эркин ритм тартибида иш ташкил қилинган потоклар учун К м =0,98-1,02. Бутун потокдаги ҳар бир ташкилий операцияларнинг бажарилиш вақтларининг поток тактига қанчалик тўғри мосланганлигини мослик коэффициенти кўрсатмайди.Шунинг учун бутун потокдаги ҳамма ташкилий операциялар вақтларининг умумий якуни поток тактидан қанчалик фарқ қилишини график усули билан текшириб кўрилади. Бу график мослик графиги бўлиб, ҳар қайси секция учун алохида тузилади. Мослик графиги координат ўқларида тузилади. Абцисса ўқи бўлаб потокдаги ташкилий операциялар жойлаштирилади. Операцияни тартиб рақами, сарф вақти ва ишчилар сони - абцисса ўқи тагида ёзиб қўйилади. Ордината ўқи бўйлаб эса шу ташкилий операцияларнинг вақти муайян масштабда белгиланади. Кейин операцияларнинг бажарилиш вақтига мос нуқталар топилади. Каррали операцияларда (биттадан ортиқ ишчи

бажарадиган операцияларда) уларнинг бажарилиш вақти ўрта хисобда( битта ишчига тўғри келадиган вақт хисобида) олинади. Потокнинг технологик схемасида кийимлар тикилишининг технологик тартибига қанчалик риоя қилинганини текшириб кўриш учун технологик тартиб графиги тузилади. Тартиб графигида айрим деталлар, узеллар ва умуман кийимнинг ўзи қандай тартибда тикилишини тасаввур қилиш, транспортер уяларига ярим махсулотни тахлаш тартиби учун фойдаланади. Шунингдек тартиб графигига қараб, ташкилий операцияларни тузишда йўл қўйилган камчиликларни топиш ҳам мумкин. Тартиб графигини тузишни потокнинг тайёрлаш бўлимидан бошлаб ҳар бир бўлим учун тузилади. Тартиб графиги тузилганда қоғознинг чап бурчагида тик чизиқ бўйлаб тикиладиган кийимнинг ҳамма деталларни номлари, тартиб рақамлари ва транспортер уясига тахлаш тартиби кўрсатилади.Тартиб графиги тузишда тикиладиган кийим турига қараб, унинг битта детали асосий деталь қилиб олинади. Масалан елка кийимларида-олд бўлаги, бел кийимларида-олд бўлаги. Чунки кийимнинг бошқа деталларининг деярли ҳаммаси олд бўлагига уланади. Шунинг учун олд бўлакка 1-номер берилиб,уни “деталлар тартиб рақами” хонасидаги “1” рўпарасига (энг пастки қаторга) ёзилади. Қолган деталлар уларнинг технологик схемасидаги тикилиш тартибига биноан юқори томонга қараб ёзиб чиқилади.

Адабиётлар: 1. М.Ш.Жабборова. Тикувчилик технологияси. Т.Ўзбекистон.1994 й. 387-391 б. 2. А.Я.Изместьева и др. Проектирование предприятий швейной промышленности. М. Легпищепром. 1983 г. стр. 79-84.

O'xshashlar

Технологик жараённи асосий техника-иқтисодий кўрсаткичлари

Титиш саваш булимида технологик жараённи назорат килиш

Ип йигирув технологияси куп омилли тажриба объекти. Технологик жараённи мукобиллаш

Йигириш цехидаги технологик жараён ва ипни сифатини назорат қилиш

Технологик жараенда иш ўрнини жойлаштириш